Уул уурхайн аврах алба нь Монгол улсын нутаг дэвсгэрт уул уурхайн бүтээгдэхүүн болон газрын тос байгалийн хий олборлох, боловсруулах үйлдвэрүүд, ажлын байр нь хортой, хий, тоосны тэсрэх аюултай аж ахуйн нэгж байгууллагуудад гарч болох аливаа аваар ослоос урьдчилан сэргийлэхэд мэргэжлийн туслалцаа үзүүлэх, сургалт зохион байгуулах, аюулгүй ажиллагааны байдалд мэргэжлийн хяналт тавьж холбогдох хууль тогтоомжийн биелэлтийг хангуулах, осол аваарийн үр дагаварыг шуурхай арилгах мэргэжлийн байгууллага юм.

Уул уурхайн аврах албаны түүхээс:

1951 оны 7 дугаар сарын 16-ны Аж үйлдвэрийн яамны 444 тоот тушаалаар Аврах команд нэртэйгээр байгуулагдаж, 1961 онд БНМАУ-ын Сайд нарын зөвлөлийн 633 дугаар тогтоолоор Уулын цэрэгжүүлсэн аврах анги болон өргөжиж, 1995 оноос Газрын хэвлийн тухай хуулиар Уул уурхайн аврах алба нэртэйгээр үйл ажиллагаа явуулж байна.

Уул уурхайн аврах албаны бүтэц 1 салаа, 4-6 тасаг, эмнэлэг, хими лаборатори, баг аппаратур, канат шалгах станц, хөдөлгөөнт тасаг, сургалт мэдээллийн төвтэйгөөр нийт 50 гаруй ажилтан албан хаагчидтай үйл ажиллагаа явуулж байна.

Зохион байгуулалт:
- Тангараг өргөсөн төрийн алба
- 4 тасгийн зохион байгуулалтаар тасралтгүй ажиллагаатай
- Байнгын мэргэжлийн танхимын болон практикийн сургалт, биеийн хүчний бэлтгэлтэй

Одоогийн байдлаар Монгол улсад 10 гаруй ашигт малтмал олборлогч нийтдээ 230 гаруй уурхай ажиллаж байгаагаас гадна 19 аймгийн 80 гаруй сумын 100 гаруй цэгт хувиараа ашигт малтмал олборлогчид үйл ажиллагаа явуулж байгаа бөгөөд эдгээрт хүрч үйлчлэхийн тулд ажиллаж байна.

Үзүүлэх үйлчилгээ, үйл ажиллагаа:
-    Аваар ослоос урьдчилан сэргийлэх үзлэг шалгалт хийх
-    Аваар осол гарсан тохиолдолд түүний үр дагаварыг шуурхай арилгах
-    Хий, тоосжилтын сорьц шинжилгээ хийх
-    Ажлын байрны нөхцөл, урьдчилан сэргийлэх үзлэг шалгалт хийх
-    Ган татлага, дүүжинт төхөөрөмжийн шалгалт
-    Хяналтын зарим багаж, тоног төхөөрөмжийн шалгалт хийх, баталгаажуулах
-    Хүчилтөрөгч болон агаарын баллон цэнэглэх
-    Сургалт мэдээлэл сурталчилгаа

Техник, тоног төхөөрөмж:
Аврах үйл ажиллагаанд ашиглагдах АНУ, БНХАУ, ОХУ-уудын дэлхийн стандартаар баталгаажсан амь хамгаалах баг, хиймэл амьсгалын аппарат, хэмжих, хянах, шалгах, урьдчилан сэргийлэх болон хамгаалах багаж тоног төхөөрөмжүүд, гүний утасгүй холбоо, алсын болон богино долгионы станц зэрэг орчин үеийн техник хэрэгслээр хангагдан ажиллаж байна.

Одоогийн байдлаар Монгол улсад 10 гаруй ашигт малтмал олборлогч нийтдээ 230 гаруй уурхай ажиллаж байгаагаас гадна 19 аймгийн 80 гаруй сумын 100 гаруй цэгт хувиараа ашигт малтмал олборлогчид үйл ажиллагаа явуулж байгаа бөгөөд эдгээрт хүрч үйлчлэхийн тулд ажиллаж байна.

Үзүүлэх үйлчилгээ, үйл ажиллагаа:
-    Аваар ослоос урьдчилан сэргийлэх үзлэг шалгалт хийх
-    Аваар осол гарсан тохиолдолд түүний үр дагаварыг шуурхай арилгах
-    Хий, тоосжилтын сорьц шинжилгээ хийх
-    Ажлын байрны нөхцөл, урьдчилан сэргийлэх үзлэг шалгалт хийх
-    Ган татлага, дүүжинт төхөөрөмжийн шалгалт
-    Хяналтын зарим багаж, тоног төхөөрөмжийн шалгалт хийх, баталгаажуулах
-    Хүчилтөрөгч болон агаарын баллон цэнэглэх
-    Сургалт мэдээлэл сурталчилгаа

Техник, тоног төхөөрөмж:
Аврах үйл ажиллагаанд ашиглагдах АНУ, БНХАУ, ОХУ-уудын дэлхийн стандартаар баталгаажсан амь хамгаалах баг, хиймэл амьсгалын аппарат, хэмжих, хянах, шалгах, урьдчилан сэргийлэх болон хамгаалах багаж тоног төхөөрөмжүүд, гүний утасгүй холбоо, алсын болон богино долгионы станц зэрэг орчин үеийн техник хэрэгслээр хангагдан ажиллаж байна.

Гадаад харилцаа:
Уламжлалт харилцаатай ОХУ-аас гадна БНХАУ, Япон зэрэг орнуудтай байнгын харилцаатай ажиллаж, 2011 онд Олон улсын аврах албадын албан ёсны гишүүн болсон.
Paris 2007 International Award-аас "International gold star for quality” буюу "Олон улсын Энэрэнгүй үйлст байгууллага” шагналт байгууллага.

2006 оноос Швейцарын хөгжлийн агентлаг Тогтвортой бичил уурхай төсөлтэй хамтран ажиллаж байна.