Ord.mn | Mongolian Mining
| English |  Mobile |  Rss

“Google” компани 2017 он гэхэд зөвхөн сэргээгдэх эрчим хүч ашигладаг болно

 
 “Google” компани 2017 он гэхэд зөвхөн сэргээгдэх эрчим хүч ашигладаг болно
НЬЮ-ЙОРК. /VOA/. Интернет хайлт, зар сурталчилгааны технологийг хөгжүүлэгч "Google” компани 2017 он гэхэд зөвхөн сэргээгдэх эрчим хүч ашигладаг болно гэж тус компанийн блогт бичсэн байна.
 
Тус компанийн Техникийн дэд бүтцийн асуудал эрхэлсэн орлогч захирал Урс Хойлцлэ-гийн бичсэнээр, дэлхийн өнцөг булан бүрт байрлах "Google”-ийн дата төвүүд болон оффисууд зөвхөн сэргээгдэх эрчим хүч ашиглах аж.
 
Жил тутам хийгддэг олон их наядаар хэмжигдэх тооны хайлтыг гүйцэтгэхэд "Google” асар их эрчим хүч зарцуулдаг байна.  Жишээлбэл, "Google”-ийн "Youtube”-ийн дүрс бичлэгийн санд минут тутамд 400 цагийн видео бичлэг тавигддаг ажээ. "Google”-ийн дата төвийн үйл ажиллагааг боловсронгуй болгохын тулд манай инженерүүд олон жилийн нөр их хөдөлмөр зарцуулсны үр дүнд салбартаа дундаж үзүүлэлтээс 50 хувиар илүү хэмжээний эрчим хүч хэмнэх боломжтой боллоо ” гэж У.Хойлцлэ бичжээ.
 
"Гэсэн хэдий ч бидэнд илүү их эрчим хүч шаардлагатай хэвээр байна.  2010 онд бид Айова муж улс дахь 114 мегаваттын салхин цахилгаан станцын үйлдвэрлэдэг цахилгаан эрчим хүчийг бүгдийг нь худалдан авч байсан бөгөөд түүнээс хойш тус станцаас эрчим хүч худалдан авсаар байна” гэж тэрбээр дурдлаа. 
 
"Google" компани 2.6 гигаватт /2600 мегаватт/ хүртэлх хэмжээний сэргээгдэх салхи болон нарны эрчим хүч худалдан авах зорилт тавьсан дэлхийн хамгийн том хэрэглэгч, худалдан авагч корпораци болжээ.
 
Сэргээгдэх эрчим хүчний үнэ буурч байгаа, тодруулбал, салхи болон нарны эрчим хүчний үнэ 60 ба 80 хувиар тус тус хямдарсан энэ үед "Google" компани дэлхийн хэмжээнд хэрэгжиж буй сэргээгдэх эрчим хүчний 20 төсөлд оролцож байна.
 
Х.Сарнай
 
Эх сурвалж: "Монцамэ”агентлаг 

“Google” компани 2017 он гэхэд зөвхөн сэргээгдэх эрчим хүч ашигладаг болно
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл: