- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Байгалийн Нөөцийн Харти ба "Гэрээ хийх" - Жор 5 /Орон нутгийн нөлөө/
Уул уурхайн мэдээллийн нэгдсэн портал сайт Орд.мн салбарын эрдэмтэн судлаач, бизнес эрхлэгч, уншигчид та бүхэнд зориулан мэргэжлийн судалгааны эмхтгэлүүдийг эх сурвалжийн зөвшөөрөлтэйгээр цуврал болгон хүргэж байгаа билээ. Энэ удаагийн дугаарт, Байгалийн Нөөцийн харти-н Жор 5-г хүргэж байна.
ЖОР5
Засгийн газар нь орон нутагт үр өгөөжтэй байх боломжуудыг эрэлхийлэх ёстой ба олборлолтын төслүүдийн байгаль орчин, нийгэмд үзүүлэх нөлөөллийг багасгах, хохиролыг барагдуулахад хариуцлага үүрэх хэрэгтэй.
Олборлолтын төслүүд нь олборлолтын ойр орчимдоо байгаль орчин болон нийгмийн ихээхэн гарз хохирол үүсгэх магадлалтай хэдий ч, эдгээр төслүүд нь үйл ажиллагаагаа явуулж байх үедээ хамгийн багадаа ажлын байр болон бараа таваар, үйлчилгээний эрэлт хэрэгцээг бий болгож орон нутгийн иргэдэд тодорхой үр ашгийг авч ирэх бүрэн боломжтой.
Нөөцийн менежмент нь үр ашгийг нэмэгдүүлэхийн зэрэгцээ нөлөөлөлд өртөж байгаа олон нийтийн хохирол, өртөг зардлыг багасгахад оршино. Хохирлыг барагдуулах боломжгүй бол Засгийн газар нь тэдгээр нөлөөнд өртөж байгаа иргэдэд хангалттай нөхөн төлбөрийг олгох шаардлагатай. Үүний ерөнхий зарчим болох нөхөн төлбөрийн гол зорилго нь олборлолтын үйл ажиллагааны нөлөөллийн бүсэд оршин суугчдын амьдрах орчныг дээшлүүлэх юм.
Шийдвэр гаргах болон үнэлгээ хийхэд орон нутгийн иргэдийг оролцуулах : Орон нутгийн нийгэмлэг, орон нутгийн засаг захиргаа болон өргөн хэмжээнд хамрагдах ард иргэд нь төсөл хөгжүүлэлтийн өмнөх үе шатанд оролцож байх ёстой, Үндэсний байгалийн нөөцийн алсын хараатай холбогдолтой шийдвэрүүдэд олон нийтийг оролцуулах болон тэдэнд мэдээллэх үйл ажиллагаа нь хийгдсэн гэдэг нь бие даасан судлаачдаар бодитойгоор танилцуулагдсан байх шаардлагатай. Олон нийтийг төлөөлсөн гишүүдийг оролцуулснаар орон нутгийн иргэдэд гарах өөрчлөлтүүдийн төлөвлөгөө болон хэрхэн нөлөөлөгдөх зэргийг ойлгоход нь туслах бөгөөд эрсдлийг бууруулах арга зам, стратеги бодлогыг сайжруулахад нутгийн иргэдийн мэдлэг чадварыг ашиглах боломжтой болдог. Энэ эрсдэл зөрчлийг шийдвэрлэх менежментийг хэрэгжүүлэээгүйн улмаас зөрчил үүсэх магадлалтай.
Хэдийгээр тухайн орон нутаг болон улс орныг нэгдмэл нэг бүлэг гэж авч үзэж болох ч, тэдгээр нь ашиг сонирхолын хувьд бие даасан гэдгийг анхаарах ёстой. Тухайн шийдвэр улс оронд ашигтай ч орон нутгийн хувьд гарз, хохирол учруулж болох тохиолдолд Засгийн газар нь засаж залруулах нь зүйтэй.
Эзэмшлийн эрх үүрэг үүсгэх, нарийвчлан тодорхойлох : Засгийн газар нь орон нутгийн болон үндэсний түвшинд ард иргэдтэй хийх гэрээнд газрын баялгийг өмчлөх эрхийг тусгах, нөөцийн орлогыг хуваарилах эрхийг тухай маш тодорхой байдлаар заасан байх шаардлагатай. Газрын хэвлийн баялаг нь ихэвчлэн ард түмнийг төлөөлж төрийн эзэмшилд байдаг. Орон нутгийн иргэдийн эзэмшилд ч мөн байж болох бөгөөд эсвэл хамгийн багадаа тухайн нутгийн иргэд нь олборлолтын үйл ажиллагаагаар нөлөөлөнд өртөх газар, ус болон бусад байгалийн эд баялаг дээр түшиглэн амьдарч байдаг. Эдгээр иргэд нь төслийн талбай дээр байрлахгүй ч ойр орчмын гол ус болон эргийн дагуу амьдардаг тул байгаль орчны нөлөөнд өртөж байдаг гэдэг талаасаа хамааралтай болно. Засгийн газар нь нөлөөлөлд өртсөн хэсэгт хүний эрхийн стандартуудын хүрээнд түргэн шуурхай, найдвартай, ил тод байдлаар зүй зохистой арга хэмжээ авч засан залруулах шаардлагатай. Хангалттай нөхөн төлбөр, улсын ашиг орлогыг тэнцүү хэмжээгээр оролцогчдод хуваагаагүй зэрэг алдаа дутагдалаас шалтгаалж Засгийн газар нь ард түмний бухимдалыг төрүүлэх, олборлолтын төслүүдийн эмх замбараагүй байдал зэргийг үүсгэдэг. Өөрөөр хэлбэл нөлөөлөлд өртөж буй орон нутгийн эмзэг давхаргын хүмүүст нийгмийн халамжийн тусламж хэлбэрээр төсвийн зардлыг нэмэгдүүлэх болно гэсэн үг юм. Үндэсний цөөнх болох уугуул нутгийн иргэд болон түүхийн дурсгалт газар нутаг гэж тусгайлан хамгаалах үүрэг хүлээгээгүй л бол Засгийн газар байгалын нөөцтэй орон нутагт (хохирол багадуулах болон зайлшгүй хийх нөхөн төлбөрөөс бусад тохиолдолд) бусад орон нутагт олгодгоос илүү хэмжээгээр төрийн орлогын хуваарилалт хийхээс зайлсхийх хэрэгтэй.
Олборлолтын сөрөг үр дагаврыг үнэлэх болон багасгах : Засгийн газар нь тодорхой олборлолтын зөвшөөрлийг өгөхөөс өмнө боломжит бүх сөрөг үр дагаврыг тодорхойлох хэрэгтэй. Ингэснээр улс оронд олборлолт нь үр ашиг авч ирэх эсэхийг баталгаажуулж хянаж чадах болно. Зарим нөхцөлд засаглал эсвэл технологи нь сайжирч үр дүнтэй үйл ажиллагаагаа явуулах боломжтой болох хүртэл эсвэл үр нөлөө нь тодорхой үнэлэгдэх хүртэл үйл ажиллагааг нь зохих хэмжээгээр түр зогсдог.
Хэрвээ Засгийн газар нь тусгай зөвшөөрлийг олгосон бол заавал олборлолтоос үүсэн гарах сөрөг үр дагавруудыг бууруулах төлөвлөгөөтэй байх ёстой. Түүнчлэн Засгийн газар нь компаниудаас онцгой тохиолдолд хэрэгжүүлэх гэнэтийн төлөвлөгөөнүүдийг бэлтгэн танилцуулах болон батлуулахыг шаардах хэрэгтэй. Эдгээр гэнэтийн төлөвлөгөөнд багаж төхөөрөмжийн бэлэн байдал болон мэргэжилтнүүдийн газрын тос асгарах зэрэг гэнэтийн осол аваарын зохицуулалт зэрэг орно. Энэ нь төсөо хэрэгжих хугацааны турш хяналт тавих, оролцогч талууд төлөвлөгөөний дагуу үйл ажиллагаа явуулж байгаа болон төслийн үйл ажиллагаагаас ирээдүйд гарах гэнэтийн санаандгүй үр нөлөөг таниж мэдэхэд чухал үүрэгтэй. Төслийн нийт бодит өртгийг урьдчилан тооцоолох боломжгүй учраас байгаль орчны болон нийгэмд үзүүлэх нөлөөллийг удирдах болон хянан шалгалтыг системтэй суулгахыг төслийг хөгжүүлэгч талаас шаардах нь төслийн төлөвлөгөөнд тавигдах үнэлгээтэй адилхан чухал үзүүлэлт юм. Засгийн газар нь байгаль орчны стандартыг тогтоох болон мөрдүүлэх шаардлагатай. /Жишээ нь: Экваторын зарчим гэх мэт олон улсын стандартыг дагаж мөрдөх хэрэгтэй/, ингэснээр олборлолтын компаниуд нь байгаль орчинд үүсэх хохирлыг бууруулах бүрэн боломжтой болдог. Ихэнх компаниуд нь үйл ажиллагаанаас үүсэх байгаль орчны нөлөөг бууруулах маш бага сонирхолтой байдаг учраас Засгийн газар нь концессын гэрээг олгохдоо торгууль, шийтгэлийн заалтыг хавсаргасан байх шаардлагатай. Төсөл нь ашиггүй болоход төсөл хэрэгжиж дуусах хугацаанаас өмнө өөр гуравдагч этгээдэд худалдах эсвэл орхих зэрэг тохиолдлууд ч гардаг тул Засгийн газар юмуу эсвэл тухайн төсөл хэрэгуүүлэгч нөхөн сэргээлтэнд тусгайлан төсөв гаргах, эсхүл гаргуулах хэрэгтэй. Өрсөлдөөнт шалгаруулалтын үндсэн дээр бие даасан мэргэжлийн байгуулагаар байгал орчныг хамгаалах, нөхөн сэргээх ажиллагааг гүйцэтгүүлж болно.
Хувийн болон улсын аюулгүй байдлын хүчний байгууллагаас хэт их хүч хэрэглэж төслийн эргэн тойрны аюулгүйн байдлыг хангах арга хэмжээ авах нь хүний эрхийн асуудлуудыг хөндөж болно. Энэ арга хэмжээний явцад хүний эрх зөрчигдөх тохиолдолд авах аюулгүй байдлын болон хууль эрх зүйн механизмыг хэрэгжүүлэх хэрэгтэй. Гар аргаар олборлодог олборлолт нь эрүүл мэнд, аюулгүйн байдал болон орон нутгийн байгаль орчинд нөлөөлөх нөлөөллөөрөө нэр хүндтэй муутай байдаг. Гэсэн хэдий ч, албан бус салбарын амьдралын түвшин доогуур хүмүүсийн орлого олох эх үүсвэр нь болж байдаг. Засгийн газар нь ядуурлыг бууруулах үйл ажиллагааг явуулж, сайжруулахын зэрэгцээ гар аргаар олборлох сөрөг талуудыг бууруулж ашигт малтмалын салбарын үйл ажиллагааг албан ёсны болгож, зохицуулахыг эрэлхийлэх хэрэгтэй. Энэ зорилтод хүрэхийн тулд ядуурлыг бууруулах томоохон боломжуудыг бий болгохын төлөө Засгийн газар нь нийт эдийн засгийн төрөлжилтийг дэмжиж, олон нийтэд суурилсан шийдлийг гаргаж тэдэнтэй хамтран ажиллах хэрэгтэй.
Эцэст нь, Засгийн газар нь нөөцийн олборлолтын хувьд эмзэг, гадуурхагдсан бүлгүүдэд тооцогдох иргэдэд нөлөөлөх олборлолтын үйл ажиллагааны нийгэмд үзүүлэх үр нөлөөнүүдийг шийдвэр гаргах үйл явцад тусад нь тодорхойлон авч үзэх шаардлагатай, учир нь эдгээр нийгмийн бүлэг нь өргөн хүрээний шийдвэрлэх асуудлууд, хэлэлцүүлэгт оролцдоггүй.
Нөөцийн олборлолтоос үүсэх боломжийг орон нутгийн хөгжилд дэвшилд ашиглах : Олборлолтын төслүүд нь ойр орчмын бүс нутагт ихээхэн хэмжээний эдийн засаг болон нийгмийн боломжуудыг нээж өгдөг. Засаг захиргаа нь өртөг зардлыг тооцохын хажуугаар олборлолт эхлэх зөвшөөрөл олгох эсэх, компаниудын төлөвлөгөөг хэзээ батлах талаар авч үзэх хэрэгтэй. /Холбогдох хэсгийг нэмэлтээр удахгүй хүргэх, ЖОР 10-аас бизнесийг хөгжүүлэх болон нийт эдийн засгийн боломжит цар хүрээний хувьд олборлох салбарыг хүний нөөцөөр хангах тухай-аас харж болно./
Олборлолтын төслүүд нь орон нутгийн ажилчдад сургалт болон шууд ажлын байрны орон тоо гаргах зэрэг боломжуудыг бий болгодог. Зарим нөхцөлд хэдийгээр орон нутгийн ажиллах хүчний чадвар хангалтгүй байдаг ч нийтийн хоолны газар, зочид буудал болон бусад орон нутгийн бараа, үйлчилгээний салбарууд олборлолтын салбарын ажилчидад хэрэгтэй байдаг. Засгийн газар нь хэрхэн орон нутгийн оролцоог дэмжих болон олборлолтын компаниудыг эдгээр үйлчилгээг үйл ажиллагаандаа ашиглан дэмжиж ажиллах талаар авч үзэх хэрэгтэй.
Олборлолтын төслүүд нь томоохон хэмжээний дэд бүтцийг шаарддаг бөгөөд энэ нь тухайн бүс нутагтаа асар их ач холбогдолтой. Эдгээр үр ашгийг нэмэгдүүлэхийн тулд Засгийн газар нь компаниудтай хэлэлцэж, Дэд бүтцийг бусад иргэд, хэрэглэгчид ашиглах бололцоог гаргаж өгөх нь зүйтэй. Үүнийг төлөвлөлтийн өмнөх үе шатанд хувийн хэвшлийн оролцоотойгоор шийдвэрлэх ёстой. /Холбогдох хэсгийг нэмэлтээр ЖОР 9- өөс дэд бүтцийн хөгжүүлэлтийн хэсгээс үзэж болно/
Орон нутгийн засаг захиргааны нэгжүүдтэй харилцах, тэдний чадавхийг бэхжүүлэх: Орон нутгийн засаг захиргаа нь ихэвчлэн олборлох салбарын нөлөөллийг зохицуулахад чухал үүрэг гүйцэтгэдэг. Сул засаглалтай орон нутгийн засаг захиргаа нь үйлчилгээгээ ханган нийлүүлэх болон олборлолтын төслүүдээс гарах хохирлыг бууруулахад саад тотгор болдог. Төрөөс иргэдэд үзүүлэх үйлчилгээ сул нөхцөлд энэ нь эргээд нийгмийн хурцадмал байдалд хүргэж олборлолтын төсөлд аюул учруулж болно. Орон нутгийн засаг захиргааны чадавхийг дээшлүүлэх нь компаниудад орон нутгийн иргэдийн оролцоог дэмжих/ хандивлагчид болон иргэний нийгэм/, ард иргэдийн алс хэтийн хүсэл зорилгыг ойлгох, алс ирээдүйг бодолцон төслийг хөгжүүлэхэд хэрэгтэй юм. Орон нутгийн иргэдийн чадавхи нь сул тохиолдолд компаниудын ханган нийлүүлсэн үйлчилгээнд богино болон урт хугацааны баталгааг гаргуулах шаардлагатай.
Үргэлжлэл бий.....
Нийтлэлтэй холбоотой санал хүсэлтийг 80111510 болон batsaikhanpm2020@gmail.com хаягаар хүлээн авч байна.
Эх сурвалж : Орчуулгын баг, МУ-ын сайдын ажлын алба, Мегатөсөл хөгжлийн хүрээлэн 2016 он
Байгалийн Нөөцийн Харти ба "Гэрээ хийх" - Жор 5 /Орон нутгийн нөлөө/
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
