Ord.mn | Mongolian Mining
| English |  Mobile |  Rss

“Оюу толгой” экспортоо зогсоожээ

 

“Оюу толгой” экспортоо зогсоожээРио Тинто групп Оюутолгойн уурхайгаас ачилт хийхээ зогсоожээ. Ачилт хийхээ зогсооны шалтгааныг "Financial times” хилийн боомт дээр БНХАУ-ын нүүрс тээврийн компаниуд тэмцэл хийж байгаа болон "Рио Тинто” Монголын Засгийн газрын хооронд үүссэн татварын маргаантай холбоотой хэмээн тайлбарласан байна.  

БНХАУ-ын хилийн нэвтрүүлэлтээ хумигдуулсны дараа Тавантолгой болон бусад уурхайнаас БНХАУ-ын "Ганц мод”-ны боомт руу нүүрс ачсан машины 200 км урт цуваа үүсч, хүндрэлтэй байдал бий болсон билээ. Үүнтэй холбоотойгоор салбарын сайд Д.Сумъяабазар газар дээр нь ажиллаад Монгол Улсын Засгийн газраас 2017 оны арваннэгдүгээр сарын 29-ний өдрийн 320 дугаар тогтоолыг батлан гаргасан. Энэхүү тогтоолоор уртын урт тээвэрлэлтийг зогсоосон юм. Улмаар Монголын нүүрс тээвэрлэгчид Цагаан хад боомтны ойролцоо байрлах томоохон нүүрс тээвэрлэлтийн компаниудын хашаанд нүүрсээ буулгачихаад буцдаг, энэхүү буулгасан нүүрсийг цөөн хэдэн нүүрс тээвэрлэлтийн компаниуд дахин ачиж Хятадын хилээр гаргах зохицуулалтыг хийсэн юм.

"Винсвэй” тэргүүтэй Хятадын ченж компаниуд энэ шийдвэрийг эсэргүүцэн Ганцмодны боомт дээр бослого гаргаж, хил хаасан тохиолдол гарсан. Ингэснээр нүүрс ачсан машинууд хийл нэвтрэх боломжгүй болж, нүүрсний экспорт бүрэн зогссон юм. Нүүрс ачсан машинуудтай хамт зэсийн баяжмал ачсан машинууд ч хилээр гарах боломжгүй болсон нь Оюутолгой компани ачилт хийхээ зогсоосны нэг шалтгаан гэнэ.

Харин эх сурвалжийн дурдсан хоёр дахь шалтгаан нь татварын байгууллагаас саяхан Оюутолгой ХХК-д хүргүүлсэн 150 сая ам.долларын акттай холбоотой гэнэ.

Татварын албанаас "Оюутолгой” ХХК-ийн 2013-2017 оны санхүүгийн тайланд аудит хийж, 150 сая ам.долларын торгууль тавьсан билээ. "Рио Тинто” группын зүгээс өнгөрсөн хугацаанд Монгрл Улсын хуульд засан бүх татварыг ёс журмын дагуу төлж байсан гэсэн мэдэгдлийг хийсэн бол Монгол Улсын Засгийн газар татварын торгууль хууль журмын хүрээнд тавигдсан, торгуулийг гаргуулж авна гэсэн байр суурьтай байсан. Асуудал одоо болтол шийдэгдээгүй байгаа юм.

 Дээрх хоёр шалтгааны нэг нь буюу Монгол-Хятадын хооронд үүссэн жолооч нарын нийгмийн даатгалт