Ord.mn | Mongolian Mining
| English |  Mobile |  Rss

Ардчилалд хайр хүрэв

Хэдэн сул үг

Хорвоо дээр хачин сонин газар орон олон бий. Хүсэл төрөөд мөнгө нь байвал яваад очих юухан байхав. Харин хүсэл, мөнгө хоёр нь хүзүүгээр татсан хүн ч хүрээд очих боломжгүй орон гэж байх. БНАСАУ бол санасан зоргоор үзэх боломжгүй улсын нэг. Дэлхийн хамгийн хаалттай энэ орон манайтай найрсаг харилцаатай гэх боловч бид тэдний тухай даанч сураг дуулдаггүй билээ. Сэтгэл булаам аугаа их санаа зорилгын төлөө нэгэн насныхаа амьдралыг хөл үймээнгүй буйдхан газар бясалган сууж өнгөрөөхөөр шулуудсан даяанч мэт санагддаг юм, энэ орон. Саяхан Г.Занданшатар сайдын хийсэн айлчлалын бүрэлдэхүүнд орж энэ орныг нүдээр үзэх аз тохиолоо.  

Бэлтгэл ажил

БНАСАУ-ыг зорих улсыг явахаас нь хэд хоногийн өмнө Гадаад явдлын яаман дээр цуглуулж санамж, анхааруулга өгөв. Сонин юм эндээс л эхэллээ. Хойд Солонгост очоод биеэ хэрхэн авч явах тухай товч зааварчилга маягийн яриа болов. Бизнес групп гэгчид багтсан хүмүүс үнэндээ жуулчин маягаар явах аж. Хувийн өмч байтугай өөрийн бодолтой явах хүртэл хориотой тэр газар “бизнес” гэдэг үнэндээ үгүй юм гэнэ. Улсын хэдэн үйлдвэрийн газартай уулзаж болох ч бизнес болтлоо өргөжинө гэвэл нэг нас лав хүрэлцэхгүй сурагтай. 

Хатуу тогтоосон хөтөлбөрийн дагуу явагдах хоёр хоногийн аялал маань дэлгүүр хэсэх, зураг хөрөг авах, ууж идэх гээд наад захын жуулчлалын хэм хэмжээг ч хязгаарлах юм гэдгийг ойлгож авлаа. Ирж очих онгоцны зардал 750 ам.доллар болж байна. МИАТ-ын шууд нислэгээр явах сайдын айлчлалын замын зардлаас хагасыг нь ч болов бизнесийнхнээр даалгах гэсэн мэргэн арга. Зөв санагдсан. Татвар төлөгчдийн мөнгийг хямгадаж байвал болох нь тэр. 

Бидний аялал БНАСАУ-ыг үүсгэн байгуулагч, Хойд Солонгосын ард түмний эцэг, Наран гэрэлт жолоодогч Ким Ир Сений бунханд зочлохоос эхлэх тул гонжоомтой явах учиртай болов. Таван одтой гэх “Корё” зочид буудлын хамгийн хямд өрөө 102 евро, нэг хоол дунджаар 10 евро, гадаадын жуулчинд зориулсан ганц дэлгүүртэй, тэнд нь евро, ам.доллар, юаниар ч наймаа хийнэ. Харин тэндхийн юмны үнэ овоо өндөр сурагтай.  

Дашрамд сонирхуулахад Солонгосын хойгийн өмнөд хэсэгт байх Чэжү арал руу манай “Жуулчин” компани 3 өдөр, 4 шөнийн аялалыг ердөө 699 ам.доллароор санал болгож байлаа. Энэ мөнгөнд ирэх очих онгоцны зардал, таван одтой буудал, өдрийн гурван хоол, үзвэр үйлчилгээ бүгд багтжээ. Гэхдээ мөнгөтэйн зоргоор үзэх боломжгүй Хойд Солонгос нь илүү сонин биз ээ.

Авшиг хүртэв


Хоёр цаг гаран нисээд Пёнян (бид оросуудыг дуурайж Пхенянь гэдэг ч латин бичлэг нь ингэж уншигдсан) хотын нисэх буудалд газардлаа. Гурван давхар хэрийн авсаархан байшин дээрээс нүүр дүүрэн инээсэн Ким Ир Сэний хөрөг угтлаа. Бизнесийн төлөөлөгчдийн нэрсийг дуудан, найм есөөр нь бүлэг болгож Оросын сүүлийн үеийн “Газель” хэмээх микро автобус маягийн пургонд суулгаад хөдлөв. Эл хуль, ширхэг ч хоггүй цэмцгэр гудамжаар хурдалсаар хашааг нь хүртэл боржингоор урласан байгууламжид ирсэн нь Аугаа их удаирдагчийнх нь бунхан аж. 

Биднийг хил гаалиар огт оруулаагүй аваад ирсэн хэрнээ энд харин металл хайгч дундуур нэвтрүүлж, нэгжиж шалгав. Гар утсыг онгоцноос буунгуут хураагаад авчихсан. Зарим нь өгөөгүй аваад үлдсэн ч ашиглах боломж үнэндээ байхгүй. Сэрүү татсан боржин ордон хэд хэдэн хэсэгтэй юм. Тэдний нэг “Нулимсан танхим”-д тайлбарлагч бүсгүй енгэнүүлэн уянгалуулж хайрт эцгээ алдаж өнчирсөн уй гашуугаа бидэнд мэдрүүлэхийг ихэд хичээсэн ч орчуулагчаар дамжаад зорилго нь биелээгүй.

Ариутгагчаар дамжин гашуудлын ая эгшиглэсэн, гэрэл муутай бүүдгэр танхимд ороход Ким Ир Сений занданшуулсан шарилыг шилэн хоргонд хийн голд нь байрлуулсан байлаа. Шарилд гурвантаа мөргөх учиртай. Өлмий болоод хөлийн баруун, зүүн тушаа нэг нэг бөхийх ба толгой дээр нь мөргөхгүй гэдгийг манай Гадаад явдлын яам зааж өгсөн билээ. Ёсоор үйлдэв. Нэг нөхөр маань бохь зажилж яваад хураалгасан, нөгөө нь нуруугаа үүрч алхаад гар руугаа цохиулаад авсан.

Дараагийн танхимд Ким Ир Сений хөлөглөдөг байсан Бензийг байруулжээ. Ер нь энэ оронд хуучин, шинэ загварын Бенз тун олон. Бас нэг танхимд их удирдагчийн гадаад аялалдаа заларч асан вагон байна. Энэ хүн огт онгоцоор нисдэггүй байсан гэдэг. Танхимын нэг ханан дээр ард түмний эцэг нь тусгай галт тэргээрээ хаа хаагуур явсан маршрутыг дэлхийн газрын зураг дээр гэрэлт замаар үзүүлжээ. Улаанбаатар гэрэлтэж байна. Хожим, энэ орноос хамгийн олон газар очсон ганц хүн нь Ким Ир Сен байх гэж бодогдсон. Бахархах нь зөв байх. 

Бас нэг танхимд Ким Ир Сенд гадаад улс орнуудаас өгсөн элдэв зүйл одон медаль байлаа. И.Брежневийн одон энгэртээ багтахгүй цээжээ өргөсүүлэх хэрэг гарсан гэх онигоо байлаа. Харин энэ эрхмийн одон танхим дүүрчээ. Нүд эрээлжлүүлсэн олон медаль дундаас Сүхбаатарын хоёр одон нүдэнд шууд тусав. Манайхан ер нь жаал тоомжиргүй яваа харагдсан. Сургаар мэдэх хүнд мөргөөд ч яахав дээ. Харин биднийг дагуулж яваа хүмүүс гүн хүндэтгэлтэйгээр 45 градус мэхийнэ. Бурхандаа мөргөх учиртай. Манай багт багтсан Камертоны Эба гарч ирээд “Энэ эдний Гандан юм байна, тээ” гэсэн нь тун оновчтой зүйрлэл боллоо.
    
Тархи амармаар хот

Албаны улсыг тусгай харш руу авч яваад бид “Корё”-д буулаа. Манай машинд найман хүн хуваарилагджээ, мань мэтээс бусад нь олны танил эрхмүүд. Ер нь аялалын багт бүхэлдээ нэртэй төртэй улс явсан. Асашёорюү Д.Дагвадорж урд өдөр нь бүрэлдэхүүнд орж, албаны нэг төлөөлөгч маань харшид залрах эрхэм хувь заяагаа алдсан ч огт харамсаагүй юм. Тэнд нь үзэх харах юмгүй, ажин түжин газар гэнэ. Харш ч гэлтгүй ер нь энэ орон тэр аяараа нам гүм. Хаа нэг машин явна. Гурван сая хүнтэй гэхэд нийслэл хотынх нь гудамжаар хүн цөөн. Гурван сая гэдгийг манай багийг дааж авсан солонгос хэлсэн юм. Энэ тоо худал ч байж мэднэ. Энэ улсын албан ёсны мэдээлэл ч эргэлзээтэй гэж энэ орноор мэргэшсэн Оросын судлаач А.Ланьков Северная Корея: вчера и сегодня номдоо тэмдэглэжээ. 

Байдаг л нэг буудал. Дотроо хэд хэдэн ресторан, нэжгээд задгай пиавны газар, ногоон цайны мухлагтай. Дундуураа холбоотой гучин таван давхар хоёр байшин, дээрээ эргэдэг ресторонтай. Өрөөндөө орох, хоол идэх гэж бужигнасаар өдрийн хагасыг барлаа. Мөнөөх 10 еврогийн хоолыг хямдруулж 10 ам.доллар болгосон гэнэ. Маньд бол завшаантай хэрэг. Хоол нь давгүй ээ. Европ маягийн гэмээр хоолыг ар араас нь зөөнө. Хоол нь үнэтэй юм гэж санаад, бас өлсөж мэднэ гээд хоёрын зэрэг бэлэн хоол, хоёр годгор хиам, бяслаг, талх авч гарсандаа жаал ичив. Гэхдээ би гэлтгүй бусад нь ч шарсан мах, хуушуур хүртэл авч ирсэнийг сүүлд мэдсэн юм. 

Манайхан гар утас дуугарахгүй нэг бодлын амар, нөгөө бодлын сонин юм гэцгээнэ. Корё буудалтай ойр байх төмөр замын вокзалын цагнаас өглөөний 6, өдрийн 12, оройн 18 цагуудаас төрийн дуулал нь эгшиглэнэ. Сонсгол муутай надад бол нэг хэмийн уйтай ая шиг санагдсан. Пёнян хот цэвэр цэмцгэр гэж жигтэйхэн. Харин нэг хоносон хойноо энэ газар хог тарих юм байхгүй хоосон юм гэдгийг ойлгосон билээ. Хоосон газар юугаар хог тарих вэ дээ. Өндөр өндөр барилгуудтай, зам дагуу мод бут зөндөө. Байшин болгон дээр Ким Ир Сен, Ким Чен Ир хоёрын хийсэн бүтээснээрээ бахдсан эсвэл ард түмэндээ гэрэл гэгээ болохоор инээд алдсан хөрөг бий. Бидэнд зориулсан хөтөлбөрийн дагуу баахан хөшөө баримал үзэж явахдаа эцэг, хүү хоёрын сайхан инээмсэглэлийн учрыг тайлсан минь энэ.

Цайллага болоод бусад

Очсон орой маань Монголын төлөөлөгчдөд зориулсан хүлээн авалт хийв. БНАСАУ-ын төлөөлөгч бяцхан найрыг нээж үг хэлээд “Манай танай хоёр аугаа ерөнхийлөгч нарынхаа төлөө эхний хундгыг тогтооё” гэж байна. Монголчууд жогтой жуумалзаж Эбээгийн төлөө энд л хундага тулгах учиртай байж гэлцэнэ. Ширээ бүрт хэд хэдэн солонгос хүн суулгажээ. Бидэнтэй ярилцах басхүү шахах үүрэгтэй бололтой. Солонгосчууд бидэнтэй англи эсвэл оросоор хэл нэвтрэлцэнэ. Харин манай багийг хариуцаж авсан нөхдийн нэг нь 1996 онд МУИС төгсчээ. Монголоор ус цас. Өөртөө Цолмон гэдэг нэр хүртэл өгч.

Пёнян хотын бэлгэ тэмдэг болохоор хөшөө дурсгал олон боловч гадны хүмүүст замын цагдаа охид л сонин. Замын уулзвар нь гэрэл дохиотой хэрнээ яг робот шиг хөдөлдөг охин уулзаварт татсан гортиг дотроос дохино. Ийм ажилтай болох гэж олон шалгуур давдаг, нэр хүндтэй алба гэнэлээ. Гэхдээ ийм охид тусгай маршрут дагуу л зогсдог байх. Ганган дэгжин охид бүсгүйчүүд нүдний гэм. Би хувьдаа ганцын зэргийг харсан. Зочид буудлын саунаас ээж, эмээтэй гарч явсан тэр охин япон цув, дэгжин туфль, гоё цүнхтэй харагдсан. Намын томоохон даргын охин байсан гэж мөрийцсөн ч болно.

Охид энд 5-10 жил цэргийн алба хаадаг гэнэ. Загвар муутай ногоон хувцас, нимгэн ултай хөх кээт, нэг жигд үсний тайралтаар охид нь “гоёдог”. Ид л дурлуулж хайрлуулж явмаар насан дээрээ жагсаалд хөл тавьж, энгэртээ “эцгийнхээ” толгойтой тэмдэг хатгаж, Чүжхэ гэх Ким Ир Сений боловсруулсан хөгжлийн онолыг судалдаг аж. Охид ч гэлтгүй эндхийн хүн бүхэн цаанаа л нэг унжуу дорой. Нүдэндээ галгүй, нүүрэндээ цоггүй. Жингийн илүүдэлтэй нэг ч хүн хараагүй. Эрчүүд нь Сталины имийж болсон хагас цэргийн гонжоомоор ижилсэж энгэртээ Ким Ир Сений тэмдэг заавал зүүнэ. Биднийг авч явсан Гадаад яамных нь улс энгийн гонжоомтой тун төстэй харагдах, материал муутай хөх хувцастай. Тэд өөрсдийгөө биднээс дутахгүй гонжоомтой хүн гэж бодож байгаа нь илт ч үнэндээ гонжоом биш байсан билээ.

Гадны хүнд мөнгө сольж өгөхгүй. Гэхдээ 100 вон нэг ам.доллар, 140 вон нэг евро, нэг юань 10 вонтой тэнцдэг. Энэ жишгээр зөвхөн буудал, гадныханд зориулсан хоёрын зэрэг газарт гүйлгэээ хийнэ. Ард түмнийх нь дэлгүүрт авах юм байхгүй. Нэг төрлийн хятад бараа жирийтэл өржээ. Дэлгүүрт нь зураг аваад золтой л цэрэг цагдаадаа тулалгүй салсан. Өөр дэлгүүрээс өөрсдийнх нь үйлдвэрлэсэн тоглоомон танк гэх зүйлийг авъя гэтэл даргаас зөвшөөрөл авах хэрэгтэй гээд байгаа бололтой юм яриад өгөөгүй. Манай хөтчийн хэлснээр энэ орон цагаан будааны хэрэгцээгээ чадан ядан хангадаг, гурилаа гандаас авдаг гэнэлээ. Харин тэрээр ингэж яриад араас нь “Бид бүх буу зэвсгээ өөрсдөө хийдэг. Атомын зэвсэгтэй болчихлоо, одоо айх юмгүй. Манай орон яг хөгжлийнхөө гараан дээр ирсэн” гэсэн юм. 

Эрх чөлөө минь сайн байна уу

Бидний богинохон аялал өндөрлөж онгоцондоо сууцгаалаа. Үзсэн юм үнэндээ бага. Манайхан ваар, торгон хатгамал, хүн орхоодойтой архинаас гадна Кудамин гэх тариа баахныг авчээ. Хүмүүс дор бүрнээ “өнгөрсөн үедээ зочиллоо” гэж ярина. Онгоцонд өгсөн шинэ сонинг дэлгэхэд “Цалин нэмэхгүй бол ажил хаяна” гэсэн гарчиг дурайна. Өөр нэг сонин дээр хоёр хоногийн өмнө ерөөл тавин хундага тулгасан Ц.Элбэгдоржийг маань бут авчээ. Тэр нөхрийн төлөө уухаас гадна загнах эрх бидэнд бий. 

Хот минь хогтой, утаатай, улс маань ядуу, үнээн үнэн. Гэвчиг бид улс гүрэнд маань юу болж байгааг мэддэг. Ийм тийм эрхтэй гэдгээ хууль бариад заргалддаг. Хорьхон жилийн өмнө ямархуу явснаа ор тас мартаж ташуурсан, дэндүү омголон улс билээ, бид.

Д.Батбаяр

Ардчилалд хайр хүрэв
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Батлах код: *
Шинэ мэдээ
МАЛАЙЗЫН ЕРӨНХИЙ САЙДЫН ҮЙЛДЭЛ МОНГОЛ УЛСАД “НОЦТОЙ САНУУЛГА” ӨГЛӨӨ!

Хэд хоногийн өмнө дипломатч Л.Хангай гэдэг хүний “Эдийн засгийн ...

Өчигдөр, 16:42
“Эрдэнэс Монгол”-ын давуу эрхийн хувьцаа “амилах” сураг

  Монгол хүн бүр хоёр том компанийн хувьцаа эзэмшигч болох нь ээ. ...

Өчигдөр, 16:12
Говийн ховордсон ургамлуудыг сэргээхэд “Эрдэнэс Тавантолгой” хамтарна

  "Эрдэнэс Тавантолгой” компаниас зохион байгуулсан инновацийн ...

Өчигдөр, 15:58
С.Чинзориг: Ирэх онд инфляцийн түвшинтэй уялдуулж цалин нэмэгдүүлэх арга хэмжээ авах нь тодорхой

Хөдөлмөр, нийгмийн хамгааллын сайд С.Чинзоригтой цаг үеийн асуудлаар ...

Өчигдөр, 15:25
Гялгар уутны хоригт бэлэн үү

Ирэх гуравдугаар сарын 1-нээс 0.035 мм болон түүнээс нимгэн, нэг удаагийн ...

Өчигдөр, 14:42
Алт, зэсийн асар их баялагтай алсын арал

 Номхон далай дахь Бугенвиллийн арал дээрх 58 тэрбум ам.долларын ...

Өчигдөр, 14:22
Явах цаг ойртлоо, У.Хүрэлсүх сайд аа!

Ерөнхий сайд У.Хүрэлсүх улс төрийн их хямралыг “үүсгэн ...

Өчигдөр, 13:31
Ерөнхий сайд Нийслэлийн Засаг даргаар С.Мөнхчулууныг батламжлахаас татгалзжээ

Цагаан сараас өмнө буюу нэгдүгээр сарын 16-ны өдөр НИТХ-ын ээлжит бус ...

Өчигдөр, 13:02
ЖДҮ яривал Зөрчлийн хуулиар торгуулна

Өмнөх удаа бичсэн дээ. Уг нь ЖДҮХС-гийн зээлээс 65 тэрбум төгрөгийг ...

Өчигдөр, 12:46
“МОНГОЛЫН ГЕОЛОГИ, ХАЙГУУЛ-2019” ЧУУЛГА УУЛЗАЛТ БОЛНО

  “Монголын геологи, хайгуул-2019” чуулга уулзалт ирэх ...

2019 оны 02 сарын 15, 17 цаг 53 минут
В.Путин: Жүдогийн бэлтгэл хийх нь сэтгэл санааг өргөж, юмсыг бодитоор харахад тусалдаг

Жүдогийн бэлтгэл хийх нь сэтгэл санааг өргөж, юмыг бодитоор харахад ...

2019 оны 02 сарын 15, 12 цаг 55 минут
25-40 метрын өргөнтэй Дэлгэрмөрөн гол

Улаан Тайга уулаас эх аван 440 гаруй км зайг туулан урссаар Сэлэнгэ мөрөнд ...

2019 оны 02 сарын 15, 11 цаг 49 минут
М.Энхболдын охин Э.Хуланг ажлаас нь халаагүй, намын үүрэгт ажлаас нь чөлөөлөхгүй гэв

Өчигдөр нэр бүхий хэвлэлүүдээр “УИХ-ын дарга асан М.Энхболдын ...

2019 оны 02 сарын 15, 11 цаг 36 минут
“ХОВД” ГОЛД ОСОЛДСОН ХҮҮГ ХАЙЖ БАЙНА

  Ховд аймгийн Мянгад сумын Баянхошуу баг, тус сумын 4 дүгээр ...

2019 оны 02 сарын 15, 11 цаг 34 минут
Богино зайны улс төрд цэг хатгая

Улс төр бужигнаж байна. Энэ удаа бүр өргөн хэмжээнд ард түмэнтэйгээ, ...

2019 оны 02 сарын 15, 10 цаг 45 минут
ОПЕК нефтийн эрэлтийн урьдчилсан таамгаа бууруулав

 Нефть экспортлогч орнуудын байгууллага буюу ОПЕК хоёрдугаар сарын ...

2019 оны 02 сарын 15, 09 цаг 31 минут
Говийн ховордсон ургамлуудыг сэргээхэд “ЭРДЭНЭС ТАВАНТОЛГОЙ” хамтарна

  “Эрдэнэс Тавантолгой” компаниас зохион байгуулсан ...

2019 оны 02 сарын 15, 09 цаг 14 минут
Цаг агаарын урьдчилсан мэдээ

  БАРУУН АЙМГУУДЫН НУТГААР: Солигдмол үүлтэй. Цас орохгүй. Салхи ...

2019 оны 02 сарын 15, 09 цаг 03 минут
“Ихэр наран” ХХК-д шатахуун нэвчсэн хөрсийг цэвэрлэх үүрэг өглөө

Энэ сарын 13-ний өдөр Хэнтий аймгийн Хэрлэн сумын VI багийн нутаг,аймгийн ...

2019 оны 02 сарын 14, 17 цаг 57 минут
2019 оны 02 сарын 14, 17 цаг 41 минут
Асгатын ордод Oростой хамтрахаас өөр сонголтгүй

 Асгатын ордыг төрийн өмчит "Эрдэнэс Монгол” компа­нийн мэдэлд ...

2019 оны 02 сарын 14, 16 цаг 23 минут
Хөдөлмөрийн хөлсний доод хэмжээг 420 мянга болгоно

Монгол хүний хөдөлмөрийн үнэлэмжийг дээшлүүлэх зорилгоор энэ оны нэгдүгээр ...

2019 оны 02 сарын 14, 16 цаг 10 минут
Вант улсын дарангуйлал ба “Эко алтан Заамар”-ыг буруутгахын учир

 -Шүүх засаглалын шийдвэрт Заамарынхан эцсийн найдвараа даатгаж байна- ...

2019 оны 02 сарын 14, 16 цаг 03 минут
Утаа ба эрчим хүч

 "Үнэгүй бяслаг зөвхөн хавханд бий” гэж ОХУ-ын Төмөр замын ...

2019 оны 02 сарын 14, 15 цаг 56 минут
ШАТАХУУН АСГАРСАН ХӨРСИЙГ ХУУЛЖ, ЦЭВЭРЛЭГЭЭ ХИЙВ

  Энэ сарын 13-ний өдөр Хэнтий аймгийн Хэрлэн сумын нутагт ...

2019 оны 02 сарын 14, 15 цаг 29 минут
Овоот-Эрдэнэтийн төмөр зам гацаж, авто замаар солигдсоны шалтгаан юу вэ

Төмөр замаар нүүрс тээвэрлэх заяа манай улсад алга. Учир нь ...

2019 оны 02 сарын 14, 15 цаг 28 минут
Овоот-Эрдэнэтийн төмөр зам гацаж, авто замаар солигдсоны шалтгаан юу вэ

 Төмөр замаар нүүрс тээвэрлэх заяа манай улсад алга. Учир нь ...

2019 оны 02 сарын 14, 14 цаг 06 минут
Эрүүл мэндийн салбарын удирдах ажилтнууд “Инээмсэглэл-Эерэг хандлага” уриан дор зөвлөлдөж байна

"Инээмсэглэл-Эерэг хандлага” 2019 эрүүл мэндийн салбарын удирдах ажилтны ...

2019 оны 02 сарын 14, 13 цаг 37 минут
БНХАУ Өвөрмонголд жилд найман сая тонн нүүрс олборлох уурхай нээнэ

 БНХАУ Өвөрмонголын өөртөө засах оронд нүүрсний уурхайн шинэ төсөл ...

2019 оны 02 сарын 14, 13 цаг 14 минут
Хятад алтны нөөцөө нэмэх тусам Монгол бууруулж байна

Алтны роялтыг 2.5 хувь болгож өөрчилсөн хуулийн хүчинтэй хугацаа энэ оны ...

2019 оны 02 сарын 14, 13 цаг 05 минут
Б.Ганхуяг: Хувьцааны үнийг өндөр тогтоох боломж бий гэж харж байна

 "Эрдэнэс-Тавантолгой” компанийн 1,072 хувьцааг "амь оруулах” ...

2019 оны 02 сарын 14, 12 цаг 34 минут
Налайхын зам ашиглалтад ортол нэлээд тэвчээр хэрэгтэй болно доо...

Жаран жилийн тэртээ тавигдсанаасаа хойш олигтой арчилгаа авч үзээгүй ...

2019 оны 02 сарын 14, 12 цаг 14 минут
Ч.Хүрэлбаатар: Алтны татварыг тэглээгүй

Сангийн сайд Ч.ХҮРЭЛБААТАРААС цаг үеийн асуудлаар дараах асуултад хариулт ...

2019 оны 02 сарын 14, 10 цаг 40 минут
1072 хувьцааны ногдол ашгийн талаар ХЭН ЮУ ХЭЛЭВ

  Олон нийтийн дунд хүлээлт үүсгээд байгаа “Эрдэнэс ...

2019 оны 02 сарын 14, 09 цаг 46 минут
2019 оны 02 сарын 13, 19 цаг 42 минут
ОПЕК нефтийн эрэлтийн урьдчилсан таамгаа бууруулав

 МОСКВА. /TASS/. Нефть экспортлогч орнуудын байгууллага буюу ...

2019 оны 02 сарын 13, 19 цаг 25 минут
Урд хөрш рүү таван боомтоор чулуун нүүрс экспортолж байна

 Манай улс урд хөрш рүү таван боомтоор нүүрс экспортолж байна. Эдгээр ...

2019 оны 02 сарын 13, 18 цаг 37 минут
Малчид усны хомсдолд орж болзошгүй байна

2019 оны 2 дугаар сарын 1-ний байдлаар цаг уурын өртөө, харуулын талбайн ...

2019 оны 02 сарын 13, 18 цаг 27 минут
Д.Ариунаа: Таван мянгатын дэвсгэртийг хуурамчаар үйлдэгдэхээс бүрэн сэргийлсэн

Таван мянгатын дэвсгэрт шинээр хэвлэсэн асуудалтай ...

2019 оны 02 сарын 13, 17 цаг 24 минут
Ц.Элбэгдорж: Надаас юу ч олж чадахгүй, надад ард түмнээс нуух юм байхгүй

Ерөнхийлөгч асан Ц.Элбэгдорж өнөөдөр сэтгүүлчидтэй уулзалт хийж, сонирхсон ...

2019 оны 02 сарын 13, 15 цаг 09 минут
ШАТАХУУН АЧИЖ ЯВСАН МАШИН ОСОЛДЖЭЭ

  Хэнтий аймгийн Хэрлэн сумын Цогт-Өндөр багийн Чингисийн хаалга ...

2019 оны 02 сарын 13, 12 цаг 05 минут
ОХУ-ын Архангельск муж онц байдал зарлаад байна

  Хойд туйлд ойрхон орших Оросын баруун хойд ...

2019 оны 02 сарын 13, 11 цаг 16 минут
Хөрөнгө оруулагчид Монголоос үргэж байгаа гурван шалтгааныг нэрлэв

Намар, өвөлжин үргэлжилсэн улс төрийн зодоонд Монгол Улс, монголчууд бид ...

2019 оны 02 сарын 13, 11 цаг 13 минут
“Эрдэнэс Тавантолгой” компани мэдлэгийг нутагшуулахын төлөө эрдэмтэдтэй хамтран ажиллахаар боллоо

  Тодорхой цаг үед манай улсын төсвийн орлогын 60 хувийг бүрдүүлж ...

2019 оны 02 сарын 13, 09 цаг 25 минут
Цаг агаарын урьдчилсан мэдээ

  БАРУУН АЙМГУУДЫН НУТГААР: Үүлэрхэг. Шөнөдөө ихэнх нутгаар, ...

2019 оны 02 сарын 13, 09 цаг 15 минут
Цагаан баавгайнууд өлсөхийн эрхээр “суурин амьдралд” татагдаж байна

ОХУ-ын нутаг дэвсгэр болох Новая земля (Шинэ газар) хэмээх бүлэг арал ...

2019 оны 02 сарын 12, 17 цаг 54 минут
Мөсөн голууд хурдацтай хайлж эхэлжээ

 ЖЕНЕВ. /TASS/. Олон улсын эрдэмтдийн баг 215 мянга орчим мөсөн ...

2019 оны 02 сарын 12, 17 цаг 37 минут
АНУ-д ажиллах эрхтэй H2 визийг хэрхэн авах вэ?

Түр хугацаагаар хөдөлмөр эрхлэх H-2 хөтөлбөрийн талаар ...

2019 оны 02 сарын 12, 16 цаг 57 минут
Газрын тос боловсруулах үйлдвэрийн төсөлд “Engineers India limited” зөвлөх үйлчилгээ үзүүлэх нь

  Уул уурхай, хүнд үйлдвэрийн сайд Д.Сумъяабазар Бүгд Найрамдах ...

2019 оны 02 сарын 12, 16 цаг 18 минут
ШИНЭ ҮНДСЭН ХУУЛИЙГ УЛС ОРОН ДАЯАР ХҮЧИН ТӨГӨЛДӨР МӨРДӨЖ ЭХЭЛСЭН ӨДӨР ТОХИОЖ БАЙНА

  Эдүгээгээс 27 жилийн тэртээ буюу 1992 оны нэгдүгээр сарын ...

2019 оны 02 сарын 12, 15 цаг 32 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани