Ord.mn | Mongolian Mining
| English |  Mobile |  Rss

Хамарын хийд рүү сунасан “хар гар”-ны нэг эзэн нь УИХ-ын гишүүн Б.Чойжилсүрэн

 

Хамарын хийд рүү сунасан “хар гар”-ны нэг эзэн нь УИХ-ын гишүүн Б.Чойжилсүрэн

 

Дулдуйтын Данзанравжаагийн "Үлэмжийн чанар”-аа дуулж, "Саран хөхөөний намтар”-аа дэглэж асан, монголчуудын түүх, соёл, шашны хосгүй өв, тайлж дуусаагүй нууцыг тээдэг Хамарын хийд, энергийн төвийн хажууханд уурхайн кэмп байгуулж, орон нутгийн тусгай хамгаалалттай газраас ашигт малтмал олборлоно хэмээн бужигнуулсан компани, тэдний эзэмшиж буй тусгай зөвшөөрлийн эргэн тойрон дахь ээдрээ, эргэлзээтэй үйл явдлын талаар манай сонин цуврал сурвалжилга бэлтгэн хүргэсэн. Тусгай хамгаалалттай газарт, Хамарын хийдтэй хаяа хатган ажилчдын байраа төвхнүүлэхээр завдсан бөх зүрхтэй компанийн талаар нутгийн иргэд ямар ч мэдээлэлгүй, тэр ч бүү хэл, орон нутгийн удирдлага нь ч нэг мөр ойлголтгүй, өөр хоорондоо тусгай зөвшөөрөл дамжуулсан олон компани дунд төөрч, будилж суугаа тухай, мэдээлэл цуглуулж, тусгай зөвшөөрлийн "туулсан” урт замаар мөшгөх тусам эргэлзээтэй, сэжиг, хар төрүүлэм дүр зураг тодорч буй талаар бид тухай бүрт нь мэдээлж байгаа билээ.

ЭРГЭЛЗЭЭ, ХАРДЛАГА ХИЙГЭЭД НЯГТЛУУШТАЙ ЗҮЙЛС

  • Хамарын хийд орчмын Хар тал нэршилтэй талбайд 2007 оны наймдугаар сарын 3-нд хайгуулын тусгай зөвшөөрөл авсан компани хайгуул хийж, нөөц тогтоолгоогүй хэрнээ гуравхан сарын дараа ашиглалтын тусгай зөвшөөрөлтэй болсон байдаг. Энэ бол хууль зөрчсөн үйлдэл. Уг компани хоёр жилийн дараа буюу 2009 оны наймдугаар сард тусгай зөвшөөрлийн төлбөрөө төлөөгүй гэх үндэслэлээр лицензээ цуцлуулсан. Тэд тухайн үед Хашаатын говь, Хаалга уул, Хар тал нэршилтэй гурван тусгай зөвшөөрлийг төлбөр төлөөгүйн улмаас цуцлуулсан бөгөөд 2012 оны хавар Хашаатын говь, Хаалга уулын тусгай зөвшөөрлийг хүчингүй болгосон Ашигт малтмалын газрын Геологи, уул уурхайн кадастрын хэлтсийн даргын шийдвэрийг хүчингүй болгуулахаар шүүхэд хандаж байв. Тэгэхэд нийслэлийн Захиргааны хэргийн анхан болон давж заалдах шатны шүүх, Улсын дээд шүүх нэхэмжлэлийг нь хангах боломжгүй хэмээн шийдвэрлэсэн. Өөрөөр хэлбэл, тусгай зөвшөөрлүүдийг хүчингүй болгосон Ашигт малтмалын газрын шийдвэр хууль ёсных, үүнийг хүчингүй болгох боломжгүй гэж бүх шатны шүүх үзсэн хэрэг. Харин одоо асуудал үүсгээд буй Хамарын хийд орчмын Хар тал нэршилтэй тусгай зөвшөөрлийг сэргээх талаар компанийнхан тухайн үед гомдол гаргаагүй бөгөөд ийм газартай байснаа бараг мартаж, бичиг баримт, гэрчилгээгээ хүртэл үгүй хийчихсэн явснаа, арваад жилийн дараа гэнэт "санаж”, шүүхэд хандсан нь эхний эргэлзээг төрүүлж буй юм.
  • Өмнө нь "Тусгай зөвшөөрлүүдийг цуцалсан Ашигт малтмалын газрын шийдвэр маргаангүй зөв байна” гэж гурван шатны шүүх, тэр тусмаа Улсын дээд шүүх алх цохьчихоод байхад яг адилхан шалтгаанаар цуцлагдсан Хар талын тусгай зөвшөөрөл дээр нийслэлийн Захиргааны хэргийн анхан шатны шүүх 180 хэм эргэсэн шийдвэр гаргасан нь удаах эргэлзээг төрүүлдэг. Өөрөөр хэлбэл, "Ашигт малтмалын газар 2009 онд буруу шийдвэр гаргажээ” гэж үзэн, Хамарын хийд орчмын Хар тал нэршилтэй тусгай зөвшөөрлийг 2017 онд сэргээсэн юм.
  • Шүүх асуудлыг шийдэхдээ тусгай зөвшөөрөл цуцлагдсанаас хойш таван жилийн дараа буюу 2014 онд тухайн газрыг орон нутаг тусгай хамгаалалтад авчихаад байгааг үл тоон компанийн талд зогссон нь хардахгүй байхын аргагүй тохиол билээ.
  • Тусгай зөвшөөрөл эзэмшигчийн хувьд улсын өмнө хүлээж буй хамгийн анхан шатны үүргээ биелүүлээгүйн улмаас арван жилийн өмнө лицензээ цуцлуулсан компани гэнэт "сэрж”, тусгай зөвшөөрлөө сэргээгээд зогсохгүй "толгой салгаж” хоёр компани хуваан эзэмших болсон нь мөн л анзаарахгүй орхиж боломгүй зүйл. Тусгай зөвшөөрлийг өнгөрсөн онд "Оуяашиёоу” компаниас "Даблью эс жи эл” компанид шилжүүлсэн гэдэг ч цаад эзэн нь нэг гэж орон нутгийн мэргэжлийн байгууллагийнхан хэлснийг бид цуврал сурвалжилгадаа дурдсан. "Даблью эс жи эл” компани тусгай зөвшөөрлийг эзэмшилдээ авангуутаа талбайнхаа талыг "Олон ихт баян” компанид шилжүүлсэн. Өдгөө Хамарын хийд орчимд хоёр компани тусгай зөвшөөрөл эзэмшиж буй бөгөөд түүх, соёлын дурсгалтай, аялал жуулчлалын томоохон төв болох ирээдүйтэй уг газрыг улсын хамгаалалтад авбал улс хоёр компанийн хохирол барагдуулж, нөхөн төлбөр өгөх, эсвэл газар дүйцүүлэн олгох болно. Асуудлын зангилаа энд байж тун болзошгүй юм.
  • Хар талын тусгай зөвшөөрлийг эзэмшиж буй хоёр компанийн байгуулагдсан огноог харахад энэ ажиллагаанд зориулсан юм биш байгаа гэсэн хардлага төрөхөөр. "Даблью эс жи эл”-ийг 2017 оны есдүгээр сард, "Олон ихт баян”-г 2018 оны гуравдугаар сард байгуулжээ. Хоёулаа тусгай зөвшөөрөл сэргээсэн шүүхийн шийдвэр гарснаас хойш байгуулагдаж, удалгүй уг лицензийг шилжүүлж авцгаасан байгаа юм.
  • Хамарын хийд орчимд уурхай ажиллах нь гэсэн мэдээлэл гарахтай зэрэгцээд Дорноговь аймгийн Засаг дарга Т.Энхтүвшиний "Энд яасан ч уурхай ажиллуулахгүй. Тусгай зөвшөөрлийг цуцална, Хамарын хийдийг улсын хамгаалалтад авна” гэсэн зоримог мэдэгдлүүд хэвлэлээр гарсан. Тэрбээр хэлснээ ажил болгохоор цаг алдалгүй хөдөлж, "Даблью эс жи эл” компанийн эзэмшиж буй тусгай зөвшөөрлийг цуцлуулах, Хамарын хийдийг улсын тусгай хамгаалалтад авах хүсэлтээ Ерөнхий сайд, ЗГХЭГ, УУХҮЯ, БОАЖЯ, АМГТГ гээд хүргүүлж болох бүх газарт хүргүүлж, хандаж болох бүх хүнд хандаад байгаа нь талархууштай.

Гэвч түүний энэ зоримог мэдэгдэл, шуурхай алхмуудын эрчинд дарагдаад анзаарагдахгүй байгаа өөр нэг санааг энд дурдахгүй өнгөрч болохгүй нь. Аймгийн Засаг даргатай утсаар холбогдоход "Тост, Тосон бумбад байсан компанийн тусгай зөвшөөрлийг өөр газарт шилжүүлж, газар дүйцүүлэн олгосон юм билээ. Ийм хууль журам байдаг бол олон жил хайгуул хийсэн энэ компанид үүн шиг арга хэмжээ авах боломж байна уу гэсэн саналаа хэлж, бичиг, тоот илгээсээр байгаа. Компани нөхөн төлбөр нэхэж, аймагтай шүүхдэж магадгүй гэж бодоод, Хамарын хийдийг тусгай хамгаалалтад авч, тусгай зөвшөөрлийг нь өөр аймгийн нутаг дэвсгэр лүү шилжүүлээд өгчихөөч гээд байгаа юм” гэсэн. Өөхөнд боосон чулуу шиг энэ үгээ ганц надад ч биш, энд тэндгүй л ярьж яваагаас түүнд Хамарын хийдийг хамгаалах нь чухал байна уу, компанийн тусгай зөвшөөрлийг өөр газарт шилжүүлэх нь чухал байна уу гэсэн эргэлзээ төрж буй юм.

Дээрх үйл явдлуудаас төлбөрөө ч төлөхгүй явсаар цуцлуулж, арваад жил хайхралгүй хаячихсан тусгай зөвшөөрлөө компанийнхан яагаад гэнэт санав, өмнө нь хэн ч тоогоогүй, албан ёсоор хайгуул судалгаа ч хийлгүй орхисон газартаа гэнэт анхаарч, ийм олон үйл явдал энд давхацсаны цаана юу нуугдаж байна вэ, тэд үнэхээр эндээс ашигт малтмал олборлох зорилготой юу, эсвэл иргэдийн эсэргүүцэлтэй тулгарч, олон нийтийн анхааралд орох гэсэн жүжиг тавив уу гэсэн асуултууд ургаж байна.

Үйл явдлын мөрөөр сурвалжилсан сэтгүүлчийн хувьд ийм эргэлзээ, хардлагууд төрж байна. Газар мундсан биш, түүх, соёлын дурсгалтай, аялал жуулчлалын томоохон төв болох ирээдүйтэй Хамарын хийдэд эрхбиш харсаар байж нүүрс олборлуулахгүй. Үүнийг олон нийт ч, төр засаг ч зөвшөөрөхгүй. Тэгэхээр улсын хамгаалалтад авах, тусгай зөвшөөрлийг цуцлах асуудал цаашид үргэлжилнэ. Хамарын хийдийн талаар улам чанга дуугарах, улсын хамгаалалтад авах, тусгай зөвшөөрлийг цуцлах нь зүй ёсных. Гэхдээ гарцаагүй хийгдэх энэ ажлаар далимдуулан ашиг хонжоо олохоор зохион байгуулалттайгаар асуудал үүсгэж буй луйврын бүлэглэл байгаа юм биш биз гэсэн хардлага улам лавширч буйг сануулж, сэрэмжлүүлэх нь сэтгүүлчийн үүрэг билээ.

Б.ЧОЙЖИЛСҮРЭН ТОСТ, ТОСОН БУМБЫН НУРУУНД АШИГЛАСАН ТЕХНОЛОГИО ХАМАРЫН ХИЙДЭД ДАВТАЖ БАЙНА

Хамарын хийд орчмын Хар тал тусгай зөвшөөрлийн талбайг хоёр компани хуваан эзэмшиж буй талаар дээр өгүүлсэн. Үүний нэг нь "Даблью эс жи эл” хэмээх БНХАУ-ын хөрөнгө оруулалттай компани, нөгөөх нь Б.Балдорж захиралтай "Олон ихт баян”.

Нэрээ нууцлахыг хүссэн эх сурвалж "Б.Балдорж бол УИХ-ын гишүүн Б.Чойжилсүрэнгийн төрсөн дүү. Ард нь мэдээж Б.Чойжилсүрэн байгаа. Тэд Тост, Тосон бумбад хэрэгжүүлсэн технологио Хамарын хийдэд давтаж байна. Тост, Тосон бумбын нурууг хамгаалалтад авах нь нэгэнт тодорхой болчихоод байхад тэнд очиж баахан бужигнаан үүсгэснийг нь санаж байна уу. Яг үнэндээ Тост, Тосон бумбын нуруунд Б.Чойжилсүрэнгийн ухах гэж дайраад байсан газарт тэгж хүний шунал хөдөлгөхөөр их нөөц байхгүй гэдгийг геологичид мэднэ. Харин ингэж дуулиан шуугиан дэгдээсний цаана өөр газар авах зорилго байсан. Хамарын хийдэд ч тэр аргаа давтаж байна. Үнэхээр уурхай ажиллуулж, үйл ажиллагаа явуулах гэж буй компани бол тэнд кэмпээ байгуулж, хүмүүсийн эсэргүүцэлтэй тулахаасаа өмнө бичиг баримтаа бүрдүүлэх гэж хөөцөлдөнө шүү дээ. Дүн өвлийн хүйтэнд, нэгдүгээр сард уурхай ажиллуулах гээд, ямар ч бичиг баримтгүй хятадууд сууж байгаа нь үнэхээр үнэмшилгүй явдал” гэсэн. Өрнөж буй үйл явдлуудын холбоос, сүлжээсийг харах тусам дээрх яриа итгэл төрүүлж буй юм.

Тост, Тосон бумбын нуруу, Хамарын хийдэд адилхан технологи хэрэглэж буйг илтгэх ганц жишээ дурдъя.


Өмнөговь аймгийн Гурвантэс сумын нутагт орших Тост, Тосон бумбын нурууг 2016 онд улсын тусгай хамгаалалтад авсан. Гэтэл Б.Чойжилсүрэнгийн "Сауд гоби коэл транс” компани тэнд 2015 онд ашиглалтын тусгай зөвшөөрөл аваад, тус газрын тусгай хамгаалалтын хил заагийг тогтоох Засгийн газрын шийдвэр гарахтай зэрэгцэн уурхай ажиллуулахаар дайрч, олон нийтийн анхаарлын төвд орсон. Дэлхийд нэн ховордоод буй ургамал ногоо, ан амьтан, тэр дундаа цоохор ирвэсийн өлгий нутаг ухсан нүх болж үлдэнэ гэдэг хэн бүхэнд хайран санагдаж, тэдний үйл ажиллагааг эсэргүүцэх нь тодорхой байхад, нутгийнхан өчнөөн жил хөөцөлдөж байж улсын тусгай хамгаалалтад оруулсан газарт шүү. Нутгийн иргэд тус компанийг шүүхэд өгч, УИХ, Засгийн газрын гишүүд хүртэл газар дээр нь очин, компанийн үйл ажиллагааг зогсоон сүржигнэсэн билээ.

Тэгэхэд Б.Чойжилсүрэнгийн компани байгаль орчны менежментийн төлөвлөгөө, ус ашиглах дүгнэлт, хайгуулын анги байрлуулах газрын зөвшөөрөл зэрэг наад захын бичиг баримтгүйгээр Тост, Тосон бумбын нуруу руу дайрч, Засгийн газар шийдвэр гаргахтай зэрэгцэн хөрс хуулсан баяраа тэмдэглэж, олон нийтийг шуугиулсан нь хэвлэлийн хуудсанд үлдсэн байна. Эцэст нь тэр бүхэн өөр газар авах гэсэн жүжиг байсан гэж албаны хүн хэлэв.

Хамарын хийд орчимд мөн л ашигт малтмал ашиглах ТЭЗҮ, уулын ажлын төлөвлөгөө, байгаль орчинд нөлөөлөх байдлын нарийвчилсан үнэлгээ, байгаль орчны менежментийн төлөвлөгөө, уурхайн талбайн хилийг тогтоож, байнгын шав тэмдэг тавьсан акт, газар, ус ашиглах гэрээ гэх мэт холбогдох бүх бичиг баримтгүй компани уурхай ажиллуулна гэсэн. Мэдээж энэ нь олон нийтийн дургүйг ихэд хүргэж, эсэргүүцэлтэй тулсан. Тэдний зорилго ч энэ л байсан мэт.

Ашигт малтмалын тухай хуулийн 9.1.13-т "Ашигт малтмалын тусгай зөвшөөрлөөр олгосон талбайг үндэсний аюулгүй байдлыг хангах, улсын эдийн засаг, нийгмийн хөгжилд нөлөөлөх томоохон хэмжээний төслийг хэрэгжүүлэх, тусгай хэрэгцээнд авах зорилгоор төрийн мэдэлд шилжүүлэн авч нөхөх олговрын асуудлыг шийдвэрлэхдээ тусгай зөвшөөрөл эзэмшигчтэй хэлэлцэн тохирсны үндсэн дээр улсын төсвийн хөрөнгөөр гүйцэтгэсэн геологийн судалгааны ажлын явцад тогтоогдсон эрдсийн хуримтлал бүхий талбай болон энэ хуулийн 26.9-д заасан талбайгаас тусгай зөвшөөрөл олгож болно” гэж заасан. Энэ заалтыг ашиглан ашигт малтмалын нөөц багатай ч олон нийтийн анхаарал татах газруудаар өгөөш тавьж, хүссэн ордоо өөрийн болгодог хууль ёсны луйвар цэцэглэж буй юм биш үү. Өөр аргагүй мэт нөхцөл байдал үүсгэж, гарах гарцгүй хохирогчийн дүрд тоглож, нөөц ахиутай тусгай зөвшөөрлийг гартаа оруулах луйвар Тост, Тосон бумбаас эхэлж, Хамарын хийдээр үргэлжлэн, ийм ажилд амтшиж, мэргэшсэн хүмүүс бий болчихоогүй биз!

 

Unuudur.mn

 

 


Хамарын хийд рүү сунасан “хар гар”-ны нэг эзэн нь УИХ-ын гишүүн Б.Чойжилсүрэн
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Батлах код: *
Шинэ мэдээ
Өчигдөр, 17:26
ИРЭХ САРЫН 15-ААС ТҮҮХИЙ НҮҮРСИЙГ ХОРИГЛОНО

  Засгийн газрын тогтоолоор нийслэлийн төвийн зургаан дүүрэгт түүхий ...

Өчигдөр, 16:00
БНХАУ-ААС МАНАЙ УЛСАД МАЗААЛАЙГ ХАМГААЛАХАД ЗОРИУЛЖ 660,143 ЮАНИЙН ӨРТӨГ БҮХИЙ ТОНОГ ТӨХӨӨРӨМЖ ӨГЛӨӨ

Монгол Улс болон Бүгд Найрамдах Хятад Ард Улсын Засгийн газар хоорондын ...

Өчигдөр, 14:31
ТУРЖ ЭЦСЭН ЦАГААН БААВГАЙ НУТГААСАА 700 КМ-ИЙН АЛСАД ИРЖЭЭ

Оросын алс дорнодын Камчаткын хойгийн иргэд анх удаа умард туйлын цагаан ...

Өчигдөр, 14:23
Таван тоннын даацтай гүүрээр 40 тоннын автомашинууд сүлжилдэж байна

  Увс /МОНЦАМЭ/. Улаангом сумын 1 дүгээр баг буюу ...

Өчигдөр, 12:27
Шатахуун түгээх станцуудын үйл ажиллагааг зогсоолоо

Прокурорын байгууллагаас 2019 онд дэвшүүлсэн “Хүрээлэн байгаа орчны ...

Өчигдөр, 10:46
Цаг агаарын урьдчилсан мэдээ

  БАРУУН АЙМГУУДЫН НУТГААР: Үүлшинэ. Хур тунадас орохгүй. Салхи ...

Өчигдөр, 09:23
Нүүрс тээвэрлэлттэй холбоотой асуудлыг шийдвэрлэх хугацаатай албан даалгавар гаргав

  Засгийн газрын ээлжит хуралдаан 2019 оны 4 дүгээр сарын 17-ны өдөр ...

2019 оны 04 сарын 17, 17 цаг 47 минут
Цус ойртолтоос аврах төмөр зам

  Монголын төр байгалийн баялгаа тэр дундаа нүүрсээ хэрхэн зарах ...

2019 оны 04 сарын 17, 16 цаг 58 минут
Шинжээчид: Эдийн засагт гарах эерэг хийгээд сөрөг нөлөөллүүд

Өнгөрсөн жил чамлахааргүй өсөлттэй байсан Монголын эдийн засгийн нөхцөл ...

2019 оны 04 сарын 17, 15 цаг 57 минут
Сингапурын эцэг Ли Куан Югийн хүчирхэг эшлэлүүд

Сингапурын эцэг гэгддэг Ли Куан Ю нь 1959-1990 оны хооронд тус ...

2019 оны 04 сарын 17, 15 цаг 04 минут
Уул уурхайгаас болж эвдэрсэн газруудыг дахин тоолно

  Завханд нийт таван сумын нутагт 20.2 га газар, уул уурхайн ...

2019 оны 04 сарын 17, 13 цаг 04 минут
АНУ-д газрын тосны экспортын хэмжээ хоёр дахин нэмэгджээ

  АНУ өнгөрсөн онд газрын тосны экспортын хэмжээгээ хоёр дахин ...

2019 оны 04 сарын 17, 12 цаг 17 минут
ТЭЭВРИЙН ХЭРЭГСЛЭЭС ҮҮДЭЛТЭЙ ГАЛ ТҮЙМРИЙН АЮУЛААС УРЬДЧИЛАН СЭРГИЙЛЬЕ

  Ойрын өдрүүдэд ихэнх нутгаар хуурайшилт ихэсч, гал түймэр гарах ...

2019 оны 04 сарын 17, 11 цаг 24 минут
Шинэ экскаватор амжилттай угсарсан ажилтнуудыг урамшууллаа

  “Эрдэнэт” үйлдвэрийн уурхайчид Монголд анх удаа ЭКГ-12К ...

2019 оны 04 сарын 17, 10 цаг 54 минут
Үхрээ хогоор хооллодог Монголын эмгэнэл

Өдөржин хог эргүүлдсэн үхрийнхээ сүүг ууж, махыг нь идсээр байна Үхэр ...

2019 оны 04 сарын 17, 10 цаг 37 минут
2019 оны 04 сарын 17, 10 цаг 22 минут
2019 оны 04 сарын 17, 10 цаг 02 минут
Японд зэсийн баяжмал гаргаж, БНСУ-ын компани Монголын жоншийг сонирхож байна

  Монголын эдийн засгийн зүтгүүр хүч болсон зарим металлын  ...

2019 оны 04 сарын 17, 09 цаг 27 минут
Цаг агаарын урьдчилсан мэдээ

  БАРУУН АЙМГУУДЫН НУТГААР: Солигдмол үүлтэй. Хур тунадас ...

2019 оны 04 сарын 17, 09 цаг 23 минут
Сангийн сайд асан Б.Болорыг “Монголын зэс корпорац”-тай холбоотой хэрэгт яллагдагчаар татжээ

Худалдаа хөгжлийн банкны ТУЗ-ийн дарга Д.Эрдэнэбилэг, гүйцэтгэх захирал ...

2019 оны 04 сарын 16, 17 цаг 43 минут
УУЛ УУРХАЙГААС БОЛЖ ЭВДЭРСЭН ГАЗРУУДЫГ ДАХИН ТООЛНО

  Завханд нийт таван сумын нутагт 20.2 га газар, уул уурхайн ашиглалт ...

2019 оны 04 сарын 16, 17 цаг 42 минут
"Ройтерс": Австралид тавьсан хориг Монголд сайнаар нөлөөлж эхэллээ

  БНХАУ-ын эрх баригчид энэ оны эхээр Далиан ...

2019 оны 04 сарын 16, 16 цаг 17 минут
Шинжээчид: Эдийн засагт гарах эерэг хийгээд сөрөг нөлөөллүүд

Өнгөрсөн жил чамлахааргүй өсөлттэй байсан Монголын эдийн засгийн нөхцөл ...

2019 оны 04 сарын 16, 15 цаг 48 минут
Коксжих нүүрсний зах зээлийн сэргэлт үргэлжилнэ

Тонн нүүрсээ 70 бус 90 ам.доллараар борлуулах боломж ЭТТ-д байна Монгол ...

2019 оны 04 сарын 16, 15 цаг 39 минут
Нотр-Дамын сүмийг сэргээн босгоход 10 гаруй жилийн хугацаа шаардлагатай

Парисын Эх дагинын сүмийг сэргээн босгоход 10-12 жилийн хугацаа ...

2019 оны 04 сарын 16, 11 цаг 51 минут
ГУРВАН АЙМАГТ ОЙ ХЭЭРИЙН ТҮЙМЭР АССАН БАЙНА

  Хуурайшилт ихтэй байгаа энэ өдрүүдэд ой хээрийн түймэр гарах эрсдэл ...

2019 оны 04 сарын 16, 11 цаг 33 минут
Монголд ѳѳрийгѳѳ “ОД” гэж боддог тэнэгүүд олширчээ

Бие тоох бол өвчин …Монголд ѳѳрийгѳѳ “ОД” гэж боддог ...

2019 оны 04 сарын 16, 11 цаг 01 минут
Лицензээ төрдөө буцаасан улсуудад юу тохиолдож байв?

 Популизм+үнийн өсөлт=? Төрд лицензүүдийг буцаан авах талаарх яриа ...

2019 оны 04 сарын 16, 08 цаг 50 минут
Коксжих нүүрсний зах зээлийн сэргэлт үргэлжилнэ

 Монгол Улс 2019 онд түүхэндээ анх удаа 42 сая тонн нүүрс экспортолж, ...

2019 оны 04 сарын 16, 08 цаг 43 минут
"Rio Tinto" зэсийн "Resolution Copper" төсөлд нэмэлт 302 сая ам.долларын хөрөнгө оруулна

 "Rio Tinto” групп АНУ-ын Аризона муж дахь "Resolution Copper” төсөлд ...

2019 оны 04 сарын 16, 08 цаг 17 минут
Туйлын туяа нарнаас ирэх соронзон шуурганаас дэлхийг хамгаалдаг

  Хойд мөсөн туйлтай ойр оршдог Швед, Норвеги улсуудын хойд хэсгээр ...

2019 оны 04 сарын 15, 17 цаг 28 минут
Багануурын лицензийг хууль зөрчиж олгосон гол буруутан Лу.Болд уснаас хуурай үлдэх үү?

“Алтайн гянт” компани төрийн өмчит "Багануур" компанийн ...

2019 оны 04 сарын 15, 16 цаг 22 минут
Дараах гурван гишүүнээр "туг тахиж", ЖДҮ-ийн хэргийг хаахаар болжээ

Жижиг дунд үйлдвэрлэлийг хөгжүүлэх сангаас гурван хувийн хүүтэй зээл авч, ...

2019 оны 04 сарын 15, 13 цаг 46 минут
ХЯТАДЫН МӨНГӨ ХҮЧТЭЙ Ч, ИРГЭДИЙН НУТГАА ГЭСЭН СЭТГЭЛ, ТЭМЦЭЛ ИЛҮҮ ХҮЧТЭЙ ШҮҮ, ДАРГА НАР АА!!!!

Хэнтий аймгийн Газрын харилцаа барилга хот байгуулалтын газрын дарга ...

2019 оны 04 сарын 15, 12 цаг 33 минут
ГҮНИЙ УСАА БАГА АШИГЛАЖ, ГАДАРГЫН УСАА ИХ ХЭРЭГЛЭЖ СУРЪЯ

  Ус байгалийн стратегийн үнэт баялаг гэж усны салбарынхан үздэг. ...

2019 оны 04 сарын 15, 11 цаг 31 минут
Нүхэн жорлон хөрсний бохирдлын гол шалтгаан хэвээр байна

Нийслэлийн хөрсний бохирдолын гол шалтгаан нүхэн жорлон хэвээр байна. ...

2019 оны 04 сарын 15, 11 цаг 28 минут
Tөмөр замд илгээх 1,800 цэргийн амь насанд Батлан хамгаалах яам баталгаа өгч чадах уу?

Барина, бүтээнэ хэмээн олон жил хэлэлцэн, их хэмжээний хөрөнгө завшсан ...

2019 оны 04 сарын 15, 11 цаг 01 минут
В.Путины эзэнт гүрэн жүдогийн мэх хэрэглээд байна уу?

“Тime“ сэтгүүлд орчин үеийн Орос орныг  бараг бүх тивийн ...

2019 оны 04 сарын 15, 10 цаг 05 минут
Дубайн гэрээний эргэн тойронд

  Үндэсний өдөр тутмын сонинууд 2015 оны тавдугаар сарын 20-ны ...

2019 оны 04 сарын 15, 09 цаг 54 минут
БУСДЫН ХАЙХРАМЖГҮЙ БАЙДЛААС БОЛЖ ХЭЧНЭЭН АЙЛ ЭД ХӨРӨНГӨӨРӨӨ СҮЙДЭХ ЁСТОЙ ВЭ

  Энэ жил ихэнх нутгаар цас багатай, хаврын хуурайшилт ихтэй үед ой ...

2019 оны 04 сарын 15, 09 цаг 42 минут
Владимир Путины хөрөнгө орлогын мэдүүлэг ил болжээ

ОХУ-ын Ерөнхийлөгч Владимир Путины хөрөнгө орлогын мэдүүлгийг Кремлийн ...

2019 оны 04 сарын 13, 15 цаг 34 минут
Могойн голын нүүрсний экспорт түр зогслоо

      "Могойн гол” ХК  нүүрсний уурхайн үйл ...

2019 оны 04 сарын 13, 14 цаг 55 минут
Ажлын хэсгийн “ажиллаагүй” дүгнэлт

Оюутолгойн ордыг ашиглах хөрөнгө оруулалтын гэрээний хэрэгжилтийг шалгаж, ...

2019 оны 04 сарын 12, 17 цаг 23 минут
Үндэсний аудитын газар “Оюутолгой”-н гэрээг дангаараа шалгаж чадахгүй

 ОУ-ЫН МЭРГЭЖЛИЙН БАЙГУУЛЛАГЫГ ХӨЛСЛӨХӨД $1 САЯ ШААРДЛАГАТАЙ ...

2019 оны 04 сарын 12, 16 цаг 39 минут
Хавх аян үр дүнтэй болжээ

  Завхан/МОНЦАМЭ/. Завхан аймгийн хэмжээнд Ан агнуурын ...

2019 оны 04 сарын 12, 16 цаг 00 минут
Оросын транзит тээвэрт олгосон давуу эрх дотоодын компаниудад цохилт болж байна

Монголын нутгаар дамжуулан Хятад руу чиглэсэн Оросын төмөр замын транзит ...

2019 оны 04 сарын 12, 14 цаг 29 минут
Оросын транзит тээвэрт олгосон давуу эрх дотоодын компаниудад цохилт болж байна

  Монголын нутгаар дамжуулан Хятад руу чиглэсэн Оросын төмөр замын ...

2019 оны 04 сарын 12, 13 цаг 04 минут
ШИНЭ ЗАМ 7 ДУГААР САРД АШИГЛАЛТАД ОРНО

Өмнөговь аймагт өнгөрсөн 2018 онд автозам, дугуйн зам, гэрэлтүүлэг, байшин ...

2019 оны 04 сарын 12, 11 цаг 56 минут
Зайсангийн амыг тусгай хамгаалалтаас гаргах нь Богд уулыг залгих санаархлын эхлэл үү

  Баячуудын замбараагүй төлөвлөлт бүхий хотхон болчихоод байгаа ...

2019 оны 04 сарын 12, 10 цаг 59 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани