Ord.mn | Mongolian Mining
| English |  Mobile |  Rss

Сүхбаатар аймагт харин ч цөөхөн лиценз олгосон гэнэ үү

 

Сүхбаатар аймагт харин ч цөөхөн лиценз олгосон гэнэ үү

 

Эх орны зүүн өмнөд хилийн харуул, Их жанжнаар овоглосон  Сүхбаатар аймаг хариуцлагагүй уул уурхайн золиос болох зам руу бараг л   шуударчээ. Эх нутгаа гэсэн иргэдийнх нь тэмцэл тэнд харин бага ч гэсэн чөдөр болж, мал, малчин хоёрын хувь заяа дээсэн дөрөөн дээр байна.Нэг талд уул уурхайг хөгжил гэж боддог, овоолсон шороог мөнгө гэж хардаг хүмүүс зохион байгуулалттай ажиллаж, нөгөө талд нь  "Мал,хэл,хил гуравтайгаа байхад Монгол баян” гэж боддог хөдөөгийнхөн учраа ч олохгүй байна.  Эрх мэдэл, мэдлэг мэдээлэл, өнгө мөнгөөр хэмжигдсэн тэнцвэргүй ийм  тулаан  тэдний хооронд үүсчээ.
Энэ тэмцэлд хэн ялах бол гэдэгт хариулт нь бараг тодорхой юм. Хэн үүнийг хэлээд байна вэ гэвэл, сүүлийн хоёр жил дараалан "Сүхбаатар аймаг дахь уул уурхайн өнөөгийн байдал” сэдэвт хэлэлцүүлэг, зөвлөгөөн өрнөх болсноос  мэдрэгдэх болсон. Тус аймгийн хязгаар нутгийн сумдад  байдал ямар  байгааг "Зууны мэдээ” сонин газар дээрээс нь эрэн сурвалжилж олон нийтэд мэдээлж ирсний хувьд баримт мэдээлэлд түшиглэн "Жанжны нутаг сүйрлийн ирмэгт”, "Сүхбаатарын Эрдэнэцагаан сум сүйрлийн ирмэгт” зэрэг эрэн сурвалжилсан нийтлэл, сурвалжлагаар асуудлыг  хөндөж ирсэн билээ. Өнгөрсөн жилийн өдийд аймгийн ЗДТГ, 13 сумын удирдлага, АМГТГ, Уул уурхайн яам, ЗТХЯ болон холбогдох газрууд хамтран уул уурхайн  хэлэлцүүлэг  хийсэн. Энэ жилийн  уулзалт зөвлөгөөн  өнгөрсөн долоо хоногт болоход манай сэтгүүлч орон нутагт томилолтоор ажиллаад ирсэн юм.
Сүхбаатар аймагт болсон уул уурхайн зөвлөгөөнөөр олон асуудал яригдсан. Аймгийн удирдлагууд   нь уул уурхайн компаниудыг  байгаль орчинд ээлтэй үйл ажиллагаа явуулаагүй тохиолдолд, тодруулбал  тээвэрлэлтийн замаа сайжруулахгүй бол  ирэх зургадугаар сарын 1-н гэхэд үйл ажиллагааг нь зогсооно  гэж мэдэгдэв. Хариуцлагагүй уул уурхайд хамгийн их дарлуулж буй  Эрдэнэцагаан сумын иргэдийн төлөөлөл  санал гомдлоо хэлээд зогсохгүй  уурхайнуудыг хааж өгөхийг шаардлаа. Үүний хариуд  хотоос  ирсэн салбарын мэргэжилтэн, төлөөлөгч түшмэлүүд  "Сүхбаатар а