Ord.mn | Mongolian Mining
| English |  Mobile |  Rss

ДУБАЙД ДАРХАЛСАН БАЯЖМАЛ БОРЛУУЛАХ ГЭРЭЭ

ДУБАЙД ДАРХАЛСАН БАЯЖМАЛ БОРЛУУЛАХ ГЭРЭЭ

 

Оюутолгойн Хөрөнгө оруулалтын гэрээ /2009/, Оюутолгойн далд уурхайн бүтээн байгуулалт, санхүүжилтийн төлөвлөгөө буюу Дубайн гэрээ /2015/, тэдгээрийн хэрэгжилтийн талаар УИХ өнгөрсөн долоо хоногт хэлэлцлээ.

Мэдээж хэрэг, хариулт нь нэгэнт тодорхой болсон “…Оюутолгой төсөл Монголд ашиггүй болсон” гэдэг байр суурийг гишүүд бараг тэр чигээрээ илэрхийлэв.

Үүнтэй зэрэгцээд хаанаас ч юм, “…Оюутолгойн хөрөнгө оруулагчдыг хөөвөл Монгол Улс дэлхийн шившиг болно”, “…Оюутолгойг “Рио Тинто”-гоос салгаад хятадуудад өгөх гэж байна” гэсэн мэдээллүүд цацагдаж байна. Гэвч Монгол Улсын эрх ашиг, Монголын ард түмний баялгийн үр өгөөжийг хүртэх хуулиар олгогдсон эрх хөндөгдсөнийг ийм “тархи угаалт” давахгүй нь ойлгомжтой.

УИХ-ын ажлын хэсэг, Аудитын байгууллага, АТГ-аас Оюутолгойн Хөрөнгө оруулалтын гэрээ, Дубайн гэрээ, тэдгээрийн хэрэгжилтийг шалгаад олон хуудас дүгнэлт гаргажээ.

Эдгээр томоохон ажлын хэсгийн дүгнэлтүүдэд дурдсан, заримыг нь олон нийтэд товчлон хүргэсэн төслийн хэрэгжилтийн явц дахь орлого, санхүүгийн талаарх маш ноцтой байж мэдэх хэд хэдэн факт байна.  Эдгээрээс хамгийн ихээр анхаарал татаж байгаа нь “Оюутолгой” ХХК Зэсийн баяжмал борлуулах гэрээг Монголын талаас нууцалсан тухай УИХ-ын ажлын хэсгээс мэдээлсэн.

Ажлын хэсгийнхэнд зэсийн баяжмал борлуулах гэрээг гаргаж өгөхөөс эрс татгалзсан явдал юм. Тэд үүнийгээ “… Борлуулалтын гэрээ нь улс төрийн үйл ажиллагаанд огт хамааралгүй юм. Энэ нь арилжааны гэрээ ба бизнесийн нууцлалтай. Зах зээлд нөлөөлөхүйц байдаг” хэмээн тайлбарласан байна.

Мөн “…“Оюутолгой” ХХК нь Монголын, хувийн компани бөгөөд төрийн өмчийн этгээд биш юм. “Оюутолгой” ХХК нь УИХ-ын ажлын хэсгийн дэд ажлын хэсгүүдтэй бүх талаар хамтран ажилласан. Шаардсан ихэнх мэдээллийг хүлээлгэж өгсөн. ҮАГ, АТГ-тай ч мөн ингэж хамтран ажилласан. Хуулиар хүлээсэн үүргээсээ ч илүүг мэдээлсэн байж болох юм. УИХ-ын ажлын хэсэгт борлуулалтын гэрээ ямар хамааралтайг ойлгоход хүндрэлтэй бөгөөд хангалттай шалтгаан гаргаж өгөөгүй болно. Мэдээллийн нууцлалыг хэрхэн хангагдахыг мэдэхгүйгээр зах зээлийн ач холбогдолтой, шударга өрсөлдөөний тухай хуультай холбоотой эрсдэл үүсэх боломжтой мэдээллийг өгөхдөө болгоомжтой хандах бүрэн эрхтэй” гэсэн байна.

Үүнээс гадна “…Тогтсон журмаар ТУЗ борлуулалтын гэрээг хянадаг. Монгол Улсын холбогдох хууль тогтоомжийн дагуу татвар, гаалийн байгууллагуудад мэдээлдэг болно. Тэр дундаа Гашуунсухайт боомтын Гаалийн газар ба татварын байцаагч нар татварын шалгалтын үеэр бүх борлуулалтын гэрээнүүдтэй танилцсан” гэжээ. Оюутолгой ХХК-ийн тайлбараас харвал тус компанийн ТУЗ-д байдаг манай улсын иргэн Нацагийн Багабанди, Галсангийн Батсүх, Цэвэгмидийн Түмэнцогт нар борлуулалтын гэрээтэй байнга танилцдаг ажээ.

Гэсэн хэдий ч “Оюутолгой” ХХК нь байгуулагдсанаасаа хойш хэчнээн хэмжээний, ямар төрлийн бүтээгдэхүүнийг экспортолсон бэ. Экспортолсон бүтээгдэхүүнд нь Монгол Улсын хуулиар татвар ногдуулж чадсан уу. Экспорт, борлуулалтын үйл ажиллагаанд Монголын тал ямар хяналтыг хэрхэн тавьдаг вэ. “Оюутолгой” ХХК нь экспорт, борлуулалтын үйл ажиллагаа явуулахдаа Монгол Улсын хууль тогтоомжуудыг зөрчсөн үү. Тэгсэн бол хэдий хэрийн хохирол учруулсан бэ гэсэн олон асуулт урган гарч ирж байгаа юм

Тэгвэл УИХ-ын ажлын хэсгээс “Оюутолгой” ХХК-ийнхан зэсийн баяжмал борлуулах гэрээг нууцалж байгаа нь экспортын бүтээгдэхүүний үнэ бодитой эсэхэд эргэлзэх үндэслэл болно гэж үзжээ. Өөрөөр хэлбэл, төрөөс тавьдаг хяналт сулаас болж борлуулалтын орлогыг үнэн зөв тодорхойлж чадалгүй өнөөг хүрсэн байна. Цаашид баяжмал борлуулах нэгжийг Улаанбаатарт байрлуулах, борлуулалтын зардлыг бууруулах арга хэмжээг төрөөс авах шаардлага бий болсон байна.

Нөгөөтэйгүүр “Оюутолгой” ХХК нь манай улсын Геологийн төв лаборатори, Гаалийн лабораторийн шинжилгээний дүнг ашигладаггүй аж.

“Оюутолгой” ХХК 2013 онд 81.940.01 тн, 2014 онд 811.512.02 тн, 2015 онд 876.993.15 тн, 2016 онд 904.637.31 тн, 2017 онд 795.410.50 тн зэсийн баяжмал борлуулсан гэх мэдээллийг манай төр засаг, хууль хяналтын байгууллагынханд ирүүлжээ. Оюутолгойн зэсийн баяжмалыг худалдаж авдаг гадаадын 14 компани байдаг байна.

Тэгвэл монголчууд бидний “үзвэл үнс, харвал хальс” болчих гээд байгаа Зэсийн баяжмал борлуулах гэрээг нууцлах шалтгаан “Оюутолгой” ХХК-ийнханд байгаа юм байна.

Байх байхдаа яг энэ цагт бол бүр ч ил гаргаж болохгүй гэж үзсэн бололтой юм.

Учир нь Зэсийн баяжмал борлуулах гэрээ нь өнөөдөр Монгол Улсын төр, хууль хяналтын байгууллагад буруутгагдаж, ард иргэд нийтээрээ эсэргүүцэж байгаа Дубайн гэрээтэй холбоотой болж таарлаа.

2015 оны тавдугаар сарын 18-нд Дубайд байгуулсан Засгийн газар, “Эрдэнэс Оюутолгой” ХХК, “Туркойз Хилл Ресурсес Лимитед”, “Оюутолгой Нидерланд БиВи”, “Рио Тинто Интернэшнл Холдингс Лимитед”, “Оюутолгой” ХХК-ийн хооронд Оюутолгойн далд уурхайн бүтээн байгуулалт, санхүүжилтийн төлөвлөгөөг байгуулсан. Одоо энэ гэрээний улмаас тэр үед Ерөнхий сайд байсан Ч.Сайханбилэг, гэрээнд гарын үсэг зурсан “Эрдэнэс Монгол” компанийн гүйцэтгэх захирал асан Б.Бямбасайханы хамтаар АТГ-т шалгуулж байна.

УИХ-ын ажлын хэсгийн дүгнэлтэд ч “Энэхүү шийдвэрийг Ерөнхий сайд Ч.Сайханбилэг нь Засгийн газрын тухай хуулиар тогтоосон журмыг зөрчин Засгийн газрын бүтцийн байгууллагуудаар хэлэлцүүлэлгүй шууд төрийн өмчийн компанийн хоёр захиралд гарын үсэг зурах эрхийг олгосон байдаг. Эрх олгосны дагуу хоёр захирал Далд уурхайн бүтээн байгуулалт, санхүүжилтийн төлөвлөгөө /Дубайн гэрээ/-нд гарын үсэг зурсан” гэсэн байна.

Харин “Оюутолгой” ХХК-иас УИХ-д ирүүлсэн тайлбарт “Засгийн газрын хуралдаанаар хэлэлцүүлж бат­луулах шаардлагагүй байсан гэж үзэж байна. Аль ч тохиолдолд Засгийн газрын хуралдааны 27 дугаар тэмдэглэлд дурдсанаар эдгээр асуудлыг Засгийн газрын хуралдаанаар хэлэлцэж баталсан гэж ойлгож байгаа болно. Санхүүжилт нь бие даасан, хувийн компани бо­лох “Оюутолгой” ХХК-иар хийгд­­сэн гэдгийг цохон тэмдэглэж байна. Төрийн өмчит компани нь “Оюутолгой” ХХК-ийн хувь ний­лүү­лэгч юм. Засгийн газар нь хамтран зээлдэгч биш тул төслийн сан­хүү­жилтийн хувьд ямар нэг үүрэг, хариуцлага хүлээхгүй болно” хэмээжээ.

Гэтэл энэхүү Дубайн гэрээ буюу Далд уурхайн бүтээн байгуулалт, санхүүжилтийн төлөвлөгөө нь Монгол Улсын эрх ашгийг дэндүү огоорсоныг хууль хяналтын байгуллагууд ч анзаарсан байгаа юм.

Тухайлбал,

-Ашигт малтмалын тухай хуульд заасан “…Хөрөнгө оруулалтын хэмжээ 100 сая ам.доллараас дээш бол УИХ хэлэлцэнэ” гэсэн байтал Ерөнхий сайд Ч.Сайханбилэг УИХ-аар хэлэлцүүлэлгүй шууд батлуулсан.

-Дубайн гэрээний татвартай холбоотой заалтууд нь Хөрөнгө оруулалтын гэрээ, Хувь нийлүүлэгчдийн гэрээний татварын зөрчилтэй заалтууд, хэрэгжүүлэлтийн явцад гарсан алдаатай үйл ажиллагааг дэмжин тохиролцсон. Өөрөөр хэлбэл, “Оюутолгой” ХХК-ийн анхны хөрөнгө оруулалтын зардлын 1.412.0 сая ам.долларын буюу 30.1 хувийн хэтрэлт болон бусад зөрчлүүдийг Засгийн газар хүлээн зөвшөөрч ирээдүйд төлөх энэ хэмжээний  татварт нөлөө үзүүлсэн.

-“Уул уурхайн экспортын бүтээгдэхүүний борлуулалтын үнэлгээг тооцох аргачлал”-д тусгаагүй зүйл заалтуудыг нэмсэн. Мөн татвар ногдуулах харилцааг зохицуулсан Ашигт малтмалын нөөц ашигласны төлбөртэй холбоотой гурван үндсэн ойлголтыг өөрчилжээ.

Үүнд Ашигт малтмалын бүтээгдэхүүн, Олон улсын жишиг үнэ, Лабораторийн дүгнэлт багтаж буй аж.

Ашигт малтмалын бүтээг­дэхүүнийг Ашигт малтмалын хууль, Хөрөнгө оруулалтын гэрээнд тодорхойлсноор “Оюутолгой” ХХК-ийн дагалдах бүх металлуудыг Бүтээгдэхүүн гэж тооцохоор байжээ. Гэтэл Дубайн гэрээгээр маш явцуу байдлаар, хуурай тн-оор хэмжигдсэн баяжмал, түүнд агуулагдах зөвхөн зэс, алт, мөнгийг оруулан тодорхойлжээ.

Гэтэл Гаалийн лабораторийн дүгнэлтээр “Оюутолгой” ХХК-ийн экспортолж байгаа баяжмалд зэс 25.54 хувь, алт 19.43 гр/тн, мөнгө 52.95 гар/тн, хөнгөнцагаан 1.06 хувь, төмөр 29.08 хувь, хар тугалга 1195мг/кг, молибден 1319.7 мг/кг, цагаан тугалга 1.04 сг/кг, гянтболд 1.72 мг/кг, цайр 2195.67 мг/кг байна” гэжээ.

Эдгээр нэр томъёоны зөрүүтэй тодорхойлолт татварын хийдэл гарахын эхлэл нь болсон байгаа юм.

Засгийн газрын тогтоолоор баталсан Олон улсын жишиг үнийн хувьд экспортын бүтээгдэхүүний борлуулалтын үнэлгээний үндэслэл болдог. Үүнийг Дубайн гэрээгээр өөрчилчихжээ.

Засгийн газрын 2007 оны  Биржийн нэр зарлах тухай 88 дугаар тогтоолд Экспортын бүтээгдэхүүний борлуулалтын үнэлгээний үндэслэл болгох олон улсын жишиг үнэ тогтоодог биржийн нэр: Зэс /Лондонгийн металлын бирж/, Алт /Тухайн өдрийн Монголбанкнаас зарласан үнэд үндэслэнэ/, Мөнгө / Тухайн өдрийн Монголбанкнаас зарласан үнэд үндэслэнэ/ гэснийг Дубайн гэрээгээр “Борлуулах үнэлгээг тогтоохдоо олон улсын зах зээлийн үнийг баримтална. Үүнд /а/ Зэс-Тухайн тээвэрлэлт хийгдсэн сарын “Металс Дэйли”-гээс зарласан Лондонгийн металлын биржийн А зэрэглэлийн зэсийн  үнийн саналын сарын дунджийг, /б/ Алт- Тухайн тээвэрлэлт хийгдсэн өдрийн “Металс Дэйли”-д нийтлэгдсэн, Лондонгийн Алтны захын холбоо /LBMA/ -ноос зарласан знийг, /в/ Мөнгө- Тухайн тээвэрлэлт хийгдсэн өдрийн “Металс Дэйли”-д нийтлэгдсэн, Лондонгийн Алтны захын холбооноос зарласан спот үнийг тус тус баримтална” гэж өөрчилсөн байна.

Лабораторийн дүгнэлтийг Гаалийн төв лаборатори хийж байхыг “Уул уурхайн экспортын бүтээгдэхүүний борлуулалтын үнэлгээг тооцох аргачлал”-д тусгасан.

“Уул уурхайн экспортын бүтээгдэхүүний борлуулалтын үнэлгээг тооцох аргачлал”-д “…Тухайн экспортын бүтээгдэхүүний агуулгын хувийг тогтоохдоо Гаалийн төв лабораторийн дүгнэлтийг үндэслэнэ. Гаалийн байгууллага нь олон улсын хэмжээнд хүлээн зөвшөөрөгдөх дүгнэлт гаргах эрх бүхий бусад итгэмжлэгдсэн лабораториар тухайн бүтээгдэхүүний чанар, агуулга, найрлагын талаарх дүгнэлтийг гаргуулж болно” гэжээ. Гэтэл Дубайн гэрээнд “…Худалдан авагчид худалдсан баяжмалын багц бүрээс гурван дээж авч, нэгийг нь борлуулалтын гэрээний зориулалтаар “Оюутолгой” ХХК-ийн гэрээт лабораторид шинжлүүлж, хоёр дахийг нь Геологийн төв лабораторид өгнө”, “…гэрээт лабораторийн хийсэн шинжилгээний дүнг гаргасан даруйд нь Геологийн төв лабораторид шууд шилжүүлнэ”, “…“Оюутолгой” ХХК-ийн гэрээт лабораторийн дүгнэлтэд үндэслэн борлуулах багц бүтээгдэхүүний металлын агуулгыг тодорхойлно. Уг лабораторийн дүгнэлтийг Геологийн төв лаборатори эргэлзээтэй гэж үзвэл Геологийн төв лаборатори нь гурав дахь дээжийг Геологийн төв лаборатори болон “Оюутолгой” ХХК-ийн хамтран томилох олон улсын нэр хүнд бүхий хөндлөнгийн лабораторид өгч шинжлүүлэхийг “Оюутолгой” ХХК-иас шаардаж болох бөгөөд энэ тохиолдолд уг хөндлөнгийн лабораторийн дүгнэлтийг дагаж мөр­дөнө” хэмээн өөрчилсөн байгаа юм.

Энэ мэтээр Дубайн гэрээгээр Оюутолгойн зэсийн баяжмал борлуулах гэрээг илтэд дэмжиж, үүнийг үзүүлж болохооргүй “косметик хагалгаа” хийж орхижээ. Өөрөө хэлбэл, Ерөнхий сайд асан Ч.Сайханбилэг “Рио Тинто”-д сюрприз барьж Оюутолгойн зэсийн баяжмал борлуулах  гэрээг Дубайн гэрээгээр дархалж өгсөн байна.
 

Эх сурвалж: “Зууны мэдээ” сонин
Б.Дамдин-Очир

ДУБАЙД ДАРХАЛСАН БАЯЖМАЛ БОРЛУУЛАХ ГЭРЭЭ
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Шинэ мэдээ
Хямралыг даваад, хуримтлуулж чадвал сайн л хэрэг

Монгол Улсын эдийн засгийг энэ онд 0.5 хувиар агшина хэмээн таамагласнаа ...

2020 оны 06 сарын 20, 13 цаг 21 минут
Дундговь аймагт үйл ажиллагаа явуулж буй ураны компанийн үйл ажиллагааг зогсоолоо

 Дундговь аймгийн Өлзийт, Баянжаргалан, Гурвансайхан, Өндөршил сумын ...

2020 оны 06 сарын 17, 13 цаг 28 минут
Алтаа ухуулаад авдрандаа хаягдсан “Шүрэн гал”

Шүрэн гал. Шарын гол гэдэг нэрний гарвал энэ үгтэй холбоотой тухай ...

2020 оны 06 сарын 16, 11 цаг 07 минут
“Эрдэнэт”-ийн 49 хувь”-ийн бүлэглэлийн гишүүн Р.Амаржаргал төр тэргүүлэх ёсгүй

Ардчилсан нам өнөөдөр цаг үеийн асуудлаар мэдээлэл хийж, ...

2020 оны 06 сарын 16, 10 цаг 07 минут
Өвөр Монголоос бал чулууны арвин нөөц илэрчээ

БНХАУ-ын Өвөр Монголын өөртөө засах орны Баяннуур хотод бал чулууны арвин ...

2020 оны 06 сарын 15, 15 цаг 22 минут
“Бид дахин уучлал эрэхгүй”

Англи-Австралийн уул уурхайн “Рио Тинто” компани тэсэлгээ хийх ...

2020 оны 06 сарын 15, 11 цаг 44 минут
Эдийн засгийн хямрал дөнгөж эхэлж байгааг анхааруулжээ

Дэлхийн улс орнууд үндсэндээ зургаан сарын турш коронавирустай ...

2020 оны 06 сарын 15, 09 цаг 48 минут
Дорнод аймгийн ард иргэд нэр дэвшигч Ц.Сэргэлэнг идэвхийлэн дэмжиж байна

УИХ-ын 2020 оны сонгуульд Дорнод аймагт МАН-аас генерал Ц.Сэргэлэн, УИХ-ын ...

2020 оны 06 сарын 13, 15 цаг 46 минут
Ядуу ч “ялах” Монгол

“Баялгийн сантай болно”, “Валютын нөөцийг ...

2020 оны 06 сарын 12, 20 цаг 54 минут
2020 оны 06 сарын 12, 16 цаг 39 минут
ТЕГ-ын дарга, генерал Д.ГЭРЭЛИЙН ХҮҮГИЙН УУРХАЙД шүүх үзлэг хийж байна

ТЕГ-ын дарга, Генерал Д.Гэрэлийн хүү Г.Аранзалын нэр дээр бүртгэлтэй ...

2020 оны 06 сарын 10, 12 цаг 00 минут
“Рио Тинто” дурсгалт газрыг сүйтгэсэн шалтгаанаа тайлбарлажээ

 Уул уурхайн чиглэлээр үйл ажиллагаа  явуулдаг "Рио Тинто” ...

2020 оны 06 сарын 09, 16 цаг 31 минут
“ТОП”-ууд “Эрдэнэт үйлдвэр”-т зочиллоо

 Монгол Улсын Засгийн газар, Монголын Үндэсний худалдаа аж үйлдвэрийн ...

2020 оны 06 сарын 09, 15 цаг 13 минут
2020 оны 06 сарын 09, 14 цаг 32 минут
Хийн хоолой бол хий мөрөөдөл биш

 Оросоос Хятад руу хий дамжуулах хоолойг Монголын нутгаар дайруулах ...

2020 оны 06 сарын 08, 20 цаг 36 минут
2020 оны 06 сарын 08, 15 цаг 41 минут
Нидерланд улс коронавирусийн халдвараас сэргийлж, 10,000 булга заазлах шийдвэр гаргажээ

Нидерландын засгийн газар коронавирусийн халдвар тархахаас сэргийлэх ...

2020 оны 06 сарын 08, 13 цаг 14 минут
Бүлэглэл чинь сүрэглэл болчихлоо, толгойлогч оо...

Сүргийн толгойлогч сахал Эрдэнэбилэгээс асуух асуулт байна аа. Төр улсыг ...

2020 оны 06 сарын 07, 20 цаг 33 минут
Хийсэн бүтээсэн нь ямагт капитал!

Ертөнц тэр чигээрээ худалдаа хийж байна. Худалдаагаар амьдарч амьсгалж ...

2020 оны 06 сарын 07, 19 цаг 57 минут
Ураны тусгай зөвшөөрлийг хэн, хэний үед олгосон бэ?

Дэлхий нийтээр цөмийн зэвсэг, эрчим хүчний найдвартай эх үүсвэрийг ...

2020 оны 06 сарын 07, 11 цаг 53 минут
2020 оны 06 сарын 04, 11 цаг 19 минут
Эрдэмтэд дэлхийн зургаа дахь ‘их мөхөл’ ойртож байгааг анхаарууллаа

Стэнфорд, Принстон, Беркелийн их сургуулийн эрдэмтэд 2015 онд ...

2020 оны 06 сарын 03, 21 цаг 33 минут
Төмрийн хүдрийн үнэ 102 ам.доллар болж өсжээ

Энэ долоо хоногийн Даваа гарагт (2020.06.02) Даляны түүхий эдийн бирж дээр ...

2020 оны 06 сарын 03, 16 цаг 41 минут
Америкийн занарын нефть олборлогч 17 компани дампуурлаа зарлажээ

 ВАШИНГТОН. /Financial Times/. Коронавирусний цар тахлын улмаас ...

2020 оны 06 сарын 02, 18 цаг 21 минут
2020 оны 05 сарын 31, 18 цаг 52 минут
Шилийн гол аймаг дахин уул уурхай нээхгүй

 Өвөр Монголын Өөртөө Засах Орны Шилийн гол аймгийн Засаг захиргааны ...

2020 оны 05 сарын 28, 23 цаг 48 минут
​‘Онон’ Монголдоо эсэн мэнд буцаж ирсэн цорын ганц эгэл хөхөө болжээ

Монгол Улсын Зэрлэг ан амьтан судлах, хамгаалах төв ТББ болон Их Британийн ...

2020 оны 05 сарын 28, 11 цаг 05 минут
2020 оны 05 сарын 27, 21 цаг 43 минут
2020 оны 05 сарын 27, 17 цаг 26 минут
2020 оны 05 сарын 27, 11 цаг 15 минут
Алтны ханш 1700.60 ам.долларт буюу сүүлийн найман жилд хамгийн өндөр үнэ хүрлээ

 Алтны ханш өнөөдөр  1728.29 ам.доллар байгааг  Bloomberg ...

2020 оны 05 сарын 27, 10 цаг 58 минут
Шатахууны үнэ БУУРЛАА

 Ашигт малтмал, газрын тосны газраас шатахууны үнийн асуудлаар ...

2020 оны 05 сарын 26, 10 цаг 58 минут
“Борц” болсон эдийн засаг

Үндэсний их баяр наадмыг зохион байгуулах хороо хуралдаж, бөхийн ...

2020 оны 05 сарын 26, 10 цаг 42 минут
Том гүрнүүд сансрын уудамд олборлолт хийхээр өрсөлдөж эхэллээ

Өнгөрсөн таван жилийн хугацаанд дэлхийн томоохон гүрнүүд сансрын уудамд ...

2020 оны 05 сарын 25, 21 цаг 04 минут
Ираны түлш тээвэрлэсэн эхний хөлөг онгоц Венесуэлд хүрчээ

 АНУ-ын зүгээс хатуу сануулга өгөөд байсан хэдий ч Ираны түлш ...

2020 оны 05 сарын 25, 20 цаг 17 минут
В.Путин Оросын нефтийн салбарыг дэмжих удирдамж өглөө

 ОХУ-ын Ерөнхийлөгч В.Путин Засгийн газартаа хандаж, ирэх сарын 15-ны ...

2020 оны 05 сарын 25, 20 цаг 07 минут
Хятад улс цөлийг 60 жилийн дотор баян бүрд болгов

 Юйлин хотын иргэд элсэн шуурганаас хамгаалж мод суулгаж эхэлсэн ...

2020 оны 05 сарын 25, 16 цаг 12 минут
Дэлхийн ан амьтдын тухай сонирхолтой баримтуудаас

Дэлхийн ан амьтдын тухай сонирхолтой баримтуудаас та бүхэнд хүргэж байна. ...

2020 оны 05 сарын 25, 16 цаг 08 минут
Салхитын ордын авлигалын хэрэгт холбогдсон 6 шүүгчээс хоёр нь 3-5 жилийн ял авчээ

 Салхитын  ордын маргааныг шүүхээр шийдэхдээ 10-170 сая ...

2020 оны 05 сарын 25, 13 цаг 28 минут
У.Хүрэлсүх: Хил нээхгүй, хэзээ нээхийг хэлж чадахгүй

Улсын Онцгой комиссын Өргөтгөсөн хуралдаан Төрийн ордонд үргэлжилж байна. ...

2020 оны 05 сарын 25, 13 цаг 21 минут
АН-ЫН ДЭД ДАРГА АСАН Б.ДЭЛГЭРМАА ЯАГААД ЯАГААД ИЗНН-ААС НЭР ДЭВШИХ БОЛОВ

  АН-ын дэд дарга Б.Дэлгэрмаа УИХ-ын сонгуульд бие даан нэр дэвшихээр ...

2020 оны 05 сарын 23, 21 цаг 44 минут
2020 оны 05 сарын 23, 20 цаг 03 минут
“Эрдэнэт үйлдвэр” ТӨҮГ Монгол Улсын ТОП-100 аж ахуйн нэгжийг 18 дахь удаагаа тэргүүллээ

 Монгол Улсын Засгийн газар, Монголын Үндэсний худалдаа аж үйлдвэрийн ...

2020 оны 05 сарын 23, 19 цаг 44 минут
Мартаж болохгүй үнэн!!!

Бид 100 гаруйхан жилийн өмнө ингэж дарлуулж явсан гэдгээ өглөө бүр санах ...

2020 оны 05 сарын 23, 16 цаг 21 минут
Завилаа суудалтай бурхан уулын заяа хаашаа явна вэ...

Хөгшчүүд сайхан домог, ам дамжсан ардын сургаал их хүүрнэнэ. Тээр жил ...

2020 оны 05 сарын 23, 14 цаг 34 минут
2020 оны 05 сарын 22, 19 цаг 17 минут
Хятадын цахилгаан станцууд Австралийн нүүрсийг авахаас татгалзаж эхэлснийг мэдээлжээ

Хятадын засгийн газар өөрийн төрийн өмчит цахилгаан станцуудад Австралийн ...

2020 оны 05 сарын 22, 16 цаг 56 минут
Орос гацааг хоёр хөршийн гацаа гэсээр байх уу?

Өнгөрөгч зууныг бид “Зөвлөлтийн тусламж, Хятадын аюул” гэх ...

2020 оны 05 сарын 22, 10 цаг 13 минут
Тавантолгойн нүүрстэй холбоотой хэргийг өргөн хүрээтэй шалгаж эхэлжээ

   Б.ДАМДИН-ОЧИР   "Эрдэнэс Тавантолгой” ХК-ийн захирал ...

2020 оны 05 сарын 21, 13 цаг 40 минут
Шүүгчдийн авсан хахуулын мөнгө ЗЭЭЛ болоод замхарах нь ээ!!!

Салхитын ордын хэргийг шийдэхдээ шүүгчдийн авсан хахуулын хэрэг Хан-Уул ...

2020 оны 05 сарын 21, 11 цаг 57 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани