Ord.mn | Mongolian Mining
| English |  Mobile |  Rss

Шувуудын энэлэн хийгээд Дөрвөлжин сумынхны хувь заяа

Зүсэн зүйлийн шувууд далавчаа дэвэн зэллэн нисэж, гангар гунгар дуугаран цээл уужим тэнгэрийн цэнхэрлэгт элэн халин дүүлж, эргээд буудаг асан нууранд өдгөө тоотой хэдхэн шувуу л харагдана.

Тэд нисэж чадахгүй, нуурын мандал дээгүүр хөвж ядан тарчлах аж. Шувууд ямар нэгэн өвчинд нэрвэгдсэн бололтой, ямар ч хөдөлгөөнгүй байх. Бага нуурын эргийн элсэн дээр алаг ангир хэвтэж байв.

Ойртоод очиж харвал хоёр сарвуугаа элс самардан, далавчаараа газар алгадаад байх. Төд удалгүй хэдэн удаа татвагасхийгээд амьсгал хураачихлаа.

Жилийн жилд хахир өвөл айлчлан ирэхээс урьтаж, халуун орныг зорихынхоо өмнө үр зулзагадаа эх нутгийнхаа сайхан бүхнийг харуулж, нутаг усандаа сүүлчийн удаа амарч аваад, ирэх хавар эргээд ирнэ дээ хэмээн уужирч, хагацаж ядан нисдэг байсан нуурандаа шувууд сүүлчийн амьсгалаа татах юм чинээ санаагүй биз.

Шувууд химийн бодист хордон олноор үхэж байна гэсэн мэдээллийн дагуу Завхан аймгийн Дөрвөлжин сумаас 150 орчим километрт орших Бага нуурт очиход шувуудын сэг зэмээр дүүрсэн өр эмтрэм дүр зураг угтсан нь энэ.

Мөн нуурын эргэн тойрон өд сөдөөр хучигдаж, жижиг хар ялаа нуурын эргийн ногоог хараар “будаж”, хөлийн чимээнээр сэрхийн нисэх нь тэнд хөл тавихаас ч айдас төрүүлж, нуураас үнэртэх өмхий үнэр хамар сэтлэх шахна. Нэг л өглөө Бага нуурыг эл хуль ноёлж, тэртээ дээр дүүлэн байдаг байсан тэнгэрийн амьтад нуурын ногоон мандалд амьсгалж ядан амь тавина.

Үгтэй хэлтэйсэн бол гэсэн шиг Бага нуур гуниглангуй сааралтана. Тус нууранд одоогийн байдлаар 18 нэр төрлийн 2,607 шувуу үхээд байгаа бөгөөд сүүлд нэмж үхсэн шувуудыг энэ тоонд оруулаагүй байгаа юм. Эдгээрийн зарим нь ховор амьтны жагсаалт, “устаж болзошгүй” зүйлд багтсан шувууд байв. Шувууд хэдэн мянгаараа үхэхдээ гуагчиж, хашхирч, ямар нэгэн өвчин хүчтэй нөлөөлж буй бололтой энэлэн шаналж байсан гэнэ. Үүнийг харсан хүн бүрийн сэтгэл сэмэрч, нуур тэр чигтээ уй гашууд автаж байжээ.

Бага нуур бол Их нууруудын хотгорт багтдаг, Их Монголын элстэй хиллэж, газрын гүнээсээ ундаргаа авдаг, жижиг хэмжээний давс ихтэй нуур юм. Алсаас тэнгэрийн хаяа нууртай хиллэж, тэнгэр, газар нийлсэн мэт харагдана.

Нуурын эрэгт хэдэн хүн байх шиг үзэгдсэн нь хүн биш тэмээ аж. Мөн хэдэн нөмрөг тас нуурын хажуугийн элсэн манханд сууж, арав хүрэхгүй галуу зэллэн нисэхээс өөрөөр энд амьд амьтан үгүй, амьдрал зогссон гэлтэй. Тэр галууд биднийг чиглэн ганганан нисэх нь “Амь авраач” гэж гуйх шиг. Уг нь өдийд энэ нуур хүн малын хөлд дарагдаж, нүүдлийн шувууд нуурыг чимэн, элин халин дүүлж, диваажингийн орон л ийм байдаг болов уу гэмээр дүр зургийг бүтээдэг байжээ.

Өнгөрсөн наймдугаар сарын сүүлчээр Бага нууранд шувууд хорь, гучаараа үхсэн байна гэх мэдээлэл нутгийн иргэдээс иржээ. Энэ дагуу сумын удирдлага хүн явуулж шалгахад хорь, гуч биш нуур тэр чигтээ үхсэн шувуудын сэг зэмээр дүүрсэн байж.

Ийн холбогдох байгууллагад мэдэгдсэнээр аймгийн мэргэжлийн байгууллага, сумын удирдлага, иргэд нийлсэн 20 орчим хүнээс бүрдсэн Онцгой комисс гарч, газар дээр нь ажиллаж, шувуудыг түүж, халдваргүйжүүлэн шатааж булсан аж.

Энэхүү Онцгой комиссын бүрэлдэхүүнд багтсан, Дөрвөлжин сумын Мал эмнэлгийн тасгийн тархвар зүйч А.Батболд “Бид наймдугаар сарын 31-нээс есдүгээр сарын 15-ны хооронд Бага нуур дээр ажиллалаа. Шувууд тамиргүй, сульдсан, чацга алдсан байдалтай байсан. Нууранд байсан хондон ангир, анхидал ангир юу ч үгүй үхээд дууссан.

Эхний таван өдөр бид 2200 гаруй шувуу үхсэнийг олж устгасан. Сүүлийн өдрүүдэд үхэх шувуудын тоо багассан. Үнэнийг хэлэхэд, үхэх шувуу ч үлдээгүй. Шувууд маш богино хугацаанд 2-3 цагийн дотор үхэж байсан. 100 метр хүрэхтэй үгүйтэй газарт л гэхэд 100 гаруй шувуу үхсэн байсан.

Үхсэн шувуудыг түүж машиндаа ачаад, эргээд харахад л хэд хэдээрээ үхчихсэн байна. Энэ сарын 21,22-нд багийн Засаг даргыг Бага нуур руу явуулахад “Нэмээд 60 гаруй шувуу үхсэн байна” гэсэн. Бид тухайн бүс нутагт айл, мал амьтан оруулахгүй байгаа. Одоогоор малд ямар нэг шинж тэмдэг илрээгүй” хэмээв. Түүнчлэн тэд амьд хэр нь явж чадахгүй, үхэх нь нэгэнт тодорхой болсон шувуудын хүзүүг нь мушгин алж байсан гэнэ.

Гэвч сүүлдээ тэр болгоныг алах нүд халтирам тул үхсэн шувуудтай хамт шууд ачаалжээ. Эхэндээ шувуудын дуу тасрахгүй байсан ч аажимдаа амьсгал хураасан аж. Мөн шувуудыг шатааж байх үед ч амь тавьж буй сэтгэл сэртхийлгэм дуу сонсогдож байсныг онцгой комиссын бүрэлдэхүүнд багтсан залуу ярьсан. Ийн тэд үхсэн шувуудыг нуураас 300 метр хүрэхгүй газар байрлах элсэн дээр хоёр метр гүнд шатааж, булжээ.

Бага нуур нь Дөрвөлжин сумын Цогт багийн нутагт оршдог. Багийн Засаг дарга шувуудыг нууртай ойрхон булахыг эсэргүүцэж, булуулахгүй гэсэн боловч онцгой комиссынхон “Улс хаана, юугаа хийхээ мэднэ” гэсээр нууртай ойрхон булжээ.

Багийн Засаг дарга ийн эсэргүүцсэний учир шувуудын үхлийн шалтгааныг мэдээгүйтэй холбоотой юм. Харин онцгой комиссынхон өөр газарт голомт үүсгэхээс сэргийлсэн гэнэ. Шувуудыг булсан гэх газар банз, гар арчсан бололтой спирттэй хөвөн харагдана. Зарим шувууг шатаалгүй булсан байв.

Холбогдох байгууллагууд одоогийн байдлаар нуурын ус, хөрс, шувуунаас дээж авч, хүн, малд халдах онц ноцтой халдварын шинж тэмдэг илрээгүй гэснээс өөр хариу өгөөгүй байна. Мөн өмнө нь авсан дээжийн чанар алдагдсан байж магадгүй хэмээн энэ сарын 24-25-нд газар дээр нь ирж шинжилгээ аваад явсан аж.

“Хомын талын тахь” ТББ-ын байгаль орчны хяналтын улсын байцаагч, байгаль хамгаалагч М.Гантулга тус нутгийн өнцөг, булан бүрийг андахгүй, энэ салбарт 20 гаруй жил ажиллаж буй нэгэн. Тиймээс тэр бидэнд газарчилсан юм.

Тэрбээр шувууд олноороо үхэх үед амралттай байсан учраас нууранд ирж чадаагүй, бидэнтэй адил анх удаа нөхцөл байдалтай танилцаж байгаа нь энэ. Толгой сэгсрэн алхах тэрбээр “Арай ч ийм байдалд хүрчихсэн юм чинээ санасангүй” хэмээв. Харуй бүрийгээс урьтаж бид нуураас хөдөлсөн юм. Ойр хавьд хүн байтугай айлын бараа ч харагдсангүй.

Нуурын эл хуль байдал, шувуудын сэг зэмийг хараад хэн, хэн маань юу ч дуугаралгүй хэсэг явав. Удалгүй цагаан тоос босож, элсээр шуурч эхлэх нь байгаль дэлхий энэ бүхнийг хараад хилэгнэж байна уу гэлтэй.

Ч.БАТДӨЛ: УСНААС ЦИАНИТ ИЛЭРСЭН Ч ХӨРСНӨӨС ИЛРЭЭГҮЙ

Үүсээд байгаа нөхцөл байдалтай холбоотойгоор Дөрвөлжин сумын Засаг дарга Ч.Батдөлөөс зарим зүйлийг тодрууллаа.

-Иргэд шувууд олноор үхээд байгаагийн шалтгааныг танай суманд алт олборлодог “Баян-Айраг эксплорэйшн” компанитай холбон тайлбарлаж байна. Энэ хэр үндэслэлтэй вэ?

-Би хариуцлагатай албан тушаалтан болохоор иргэнийхээ итгэл үнэмшлийг ярьж болохгүй. Орон нутгийн иргэд шувууд олноор үхэж байгааг уул уурхайтай холбож байгаа. Гэхдээ мэргэжлийн байгууллагаас ийм дүгнэлт гараагүй.

-Дэлхийд хориглосон нуруулдан уусгах технологиор цианит ашиглан алт олборлодог энэ компанид анх хэн зөвшөөрөл олгосон юм бэ?

-Энэ зөвшөөрлийг сум олгоогүй. Засгийн газрын түвшинд мэргэжлийн байгууллага, БОАЖЯ, Ашигт малтмалын газар олгож байгаа. Энэ технологиор 2-3 уурхай үйл ажиллагаа явуулдаг гэсэн.

-“Баян-Айраг эксплорэйшн” компани танай суманд зургаан жил үйл ажил-лагаа явуулжээ. Энэ хугацаанд танай суманд ямар хөрөнгө оруулалт хийв?

-Компани төрийн бус байгууллагаар дамжуулж сумын дөрвөн багт нийт 90 сая, суманд 100 сая төгрөгийн санхүүжилт өгдөг. Уул уурхайтай холбоотой татварын орлого улс, аймгийн төсөвт ордог, суманд татварын ямар ч орлого оруулдаггүй.

-Та Засаг дарга болоод хэр удаж байна вэ?

-Гурав орчим жил болж байна.

-Тэгвэл энэ гурван жилийн хугацаанд “Баян-Айраг эксплорэйшн” компаниас өгсөн 300 сая төгрөгөөр сум орон нутагт юу хийв?

-Сумын ИТХ мөнгийг юунд зарцуулахыг шийддэг. Тэр дагуу сумын Засаг дарга зарцуулдаг. Тухайлбал, 2019 оны 100 сая төгрөгийг суманд төвлөрсөн халаалт тавихад зарцуулж байгаа.

-Тус компани хэд хэдэн удаа цианит натри алдсан ч тухай бүрт үйл ажиллагаа нь хэвийн явагдаж байж. Сумын удирдлагууд яагаад үүнд хяналт тавьдаггүй юм бэ?

-Бид тухай бүрт холбогдох мэргэжлийн байгууллагад шалгуулах хүсэлт тавьж байсан. Энэ жилийн хувьд аймгийн МХГ-ыг дуудаж, сумын ИТХ-ын төлөөлөгч нар, мөн миний бие газар дээр нь очиж ажилласан.

Холбогдох газрууд шинжилгээ авч, сум ч мөн шинжилгээний дээж авч явуулсан. Уснаас цианит илэрсэн ч хөрснөөс илрээгүй гэдэг ижил хариу гарсан байдаг. Тухай үед үйл ажиллагааг түр зогсоосон хэмээн ярив.

ЭХ СУРВАЛЖ: Д.ЭРДЭНЭЦЭЦЭГ, ҮНДЭСНИЙ ШУУДАН

Шувуудын энэлэн хийгээд Дөрвөлжин сумынхны хувь заяа
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Батлах код: *
Шинэ мэдээ
БНХАУ зогсоогоод байсан нүүрс тээвэрлэлтийн сүлжээнийхээ 70 хувийг сэргээжээ

Корона вирусийн шинэ төрлийн халдварын улмаас БНХАУ хүн олноор ажилладаг ...

2020 оны 02 сарын 22, 14 цаг 41 минут
Б.Ганхуяг: IPO гаргахад бэлэн болсон

   Т.САЙХАН   "Эрдэнэс Тавантолгой” компани олон улсын зах ...

2020 оны 02 сарын 21, 18 цаг 53 минут
Ц.Даваасүрэн: "Оюутолгой" компани хэт өндөр үнээр цахилгаан станц барих санал гаргасан

 Эрчим хүчний яамнаас 2019 онд хийсэн ажлынхаа тайлан болон энэ ...

2020 оны 02 сарын 21, 17 цаг 38 минут
Салхитын мөнгөний ордтой холбоотой хэргийн шүүх хурал хойшилжээ

Салхитын мөнгөний ордтой холбоотой нэр бүхий  шүүгчдэд холбогдох ...

2020 оны 02 сарын 21, 16 цаг 37 минут
Тавантолгойн ордын хөрөнгө оруулалтын гэрээ “хорлон сүйтгэх ажиллагаа” байсан уу?

Ерөнхий сайд асан М.Энхсайханыг “хорлон сүйтгэх үйл ажиллагаа ...

2020 оны 02 сарын 21, 14 цаг 50 минут
Оюутолгойтой холбоотой татварын маргааныг Арбитрын шүүхээр шийдвэрлүүлэхээр болжээ

Монголын үндэсний татварын ерөнхий газраас 2018 оны нэгдүгээр ...

2020 оны 02 сарын 21, 13 цаг 43 минут
Нүүрсээ Оросын нутгаар 7000км тойруулж, далайгаар Зүүн Өмнөд Азид гаргах юм гэнэ

ОХУ-ын нүүрсний батлагдсан нөөц Монголынхоос 1200 дахин их байдаг. ...

2020 оны 02 сарын 21, 13 цаг 12 минут
“Rio Tinto” компани арбитрын шүүхэд ханджээ

ЛОНДОН. /Reuters/. “Оюу толгой” компани Монгол Улсын ...

2020 оны 02 сарын 21, 13 цаг 01 минут
"Туркойз хилл ресурс" 150 сая долларын татварын асуудлаар арбитрт хандахаар болсноо мэдэгдлээ

Монгол Улсын Засгийн газартай татварын маргаанаа шийдэж чадаагүй тул энэ ...

2020 оны 02 сарын 21, 11 цаг 12 минут
"Туркойз Хилл Ресурс" Засгийн газрыг арбитрын шүүхэд өгөхөө мэдэгдлээ

"Оюу Толгой” төслийн голлох хөрөнгө оруулагч "Туркойз Хилл Ресурс” өчигдөр ...

2020 оны 02 сарын 21, 10 цаг 41 минут
SOMO: АНУ, Рио Тинто Монголын Засгийн газрын "тархийг угааж", өрөнд оруулсан

 Амстердамд байрлах Олон үндэстний корпорацийн судалгааны төвийн ...

2020 оны 02 сарын 21, 10 цаг 27 минут
Кувейт, Саудын Араб төвийг сахисан бүсэд нефть олборлож эхэлжээ

 Кувейт болон Саудын Арабын хилийн бүс дэх төвийг сахисан бүсэд ...

2020 оны 02 сарын 20, 19 цаг 09 минут
"Эрдэнэт үйлдвэр"-ийн Оёдлын цех амны хаалт үйлдвэрлэж байна

 Улаанбаатар /МОНЦАМЭ/. Шинэ коронавирусний халдвараас урьдчилан ...

2020 оны 02 сарын 20, 18 цаг 19 минут
Хийн хоолойг Монголоор дамжуулах ТЭЗҮ-ийг боловсруулах Оросын талын ажлын хэсэг байгуулагджээ

Монгол Улсын Ерөнхий сайд У.Хүрэлсүхийн өнгөрсөн оны 12 дугаар сард ОХУ-д ...

2020 оны 02 сарын 20, 17 цаг 16 минут
Ө.Энхтүвшин: Гуравдугаар сарын 2-ноос нүүрс болон газрын тосны экспортыг сэргээх шийдвэр гаргалаа

Улсын Онцгой комисс өнөөдөр хуралдаж нүүрс, газрын тосны экспортыг ...

2020 оны 02 сарын 20, 17 цаг 07 минут
Нийслэл рүү 50 кг түүхий нүүрс нэвтрүүлэхийг завджээ

Хонхорын авто тээврийн шалган нэвтрүүлэх хяналтын цэгээр 2020 оны 2 дугаар ...

2020 оны 02 сарын 20, 17 цаг 04 минут
Гайхамшигтай эрдэнийн чулуу алмаазын тухай сонирхолтой баримтууд

 Алмаз эрдэнэ бол зөвхөн эмэгтэй хүний ​​шүтээн биш, геологичдын ...

2020 оны 02 сарын 20, 13 цаг 55 минут
Амьтан, ургамлын гуравны нэг нь 50 жилийн дотор устаж үгүй болно

 Уур амьсгалын өөрчлөлтийн улмаас 2070 он гэхэд дэлхий дээрх амьтан, ...

2020 оны 02 сарын 20, 12 цаг 57 минут
"Газрын тос боловсруулах үйлдвэр"-ийн барилга угсралтын ажил энэ хавар эхэлнэ

"Газрын тос боловсруулах үйлдвэр"-ийн барилга угсралтын ажил энэ хавар ...

2020 оны 02 сарын 20, 12 цаг 54 минут
"Газрын тос боловсруулах үйлдвэр"-ийн барилга угсралтын ажил энэ хавар эхэлнэ

 "Газрын тос боловсруулах үйлдвэр"-ийн барилга угсралтын ажил энэ ...

2020 оны 02 сарын 20, 12 цаг 12 минут
БНХАУ зогсоогоод байсан нүүрс тээвэрлэлтийн сүлжээнийхээ 70 хувийг сэргээжээ

Корона вирусийн шинэ төрлийн халдварын улмаас БНХАУ хүн олноор ажилладаг ...

2020 оны 02 сарын 20, 11 цаг 34 минут
“Амгалан дулааны станц” ХХК-ийг төрийн өмчит компани болголоо

Засгийн газрын өнөөдрийн хуралдаанаар “Дулааны IV цахилгаан ...

2020 оны 02 сарын 20, 10 цаг 45 минут
Дорнод аймагт 4.2 магнитудын хүчтэй газар хөдлөлт болжээ

Дорнод аймгийн Матад сумын Буян-Өндөр багийн Царилтын хошуу” ...

2020 оны 02 сарын 20, 10 цаг 34 минут
Засаг чангарч, “Рио Тинто” гэдийх үү?!

Оюутолгойн гэрээг магтахаасаа муулдаг хүн олон.  Тэр гэрээг ...

2020 оны 02 сарын 20, 10 цаг 28 минут
Алтны үнэ сүүлийн долоон жилийн хугацаанд хамгийн дээд цэгтээ хүрчээ

Алтны үнэ нэг трой унц нь 1600 ам.доллароос дээшилж, 2013 оноос хойших ...

2020 оны 02 сарын 20, 10 цаг 09 минут
Газрын наймаанаас эхтэй байгаль эхийн эсрэг гэмт хэрэг-II

 Улсын хэмжээнд 2015-2018 онд олгосон газруудтай холбоотой зөрчил ...

2020 оны 02 сарын 19, 18 цаг 59 минут
Хуурамч бичиг баримт бүрдүүлсэн компаниудын тусгай зөвшөөрлийг цуцлав

 Увс аймгийн Цагаан хайрхан суманд хууль бусаар алт олборлохоор зэхэж ...

2020 оны 02 сарын 19, 18 цаг 22 минут
Казахстан “Сибирийн хүч-2” хоолойг сонирхсон хэвээр

 Казахстаны Эрчим хүчний сайд Нурлан Ногаев энэ сарын 18-нд мэдэгдэл ...

2020 оны 02 сарын 19, 18 цаг 19 минут
Н.Цэрэнбат сайдын тушаалаар 16888 амьтан “цаазаар авахуулах” нь ээ

Засгийн газар тусгай болон ахуйн зориулалттай ан агнуурын тоог баталдаг ч ...

2020 оны 02 сарын 19, 17 цаг 36 минут
Энэ өдөр түүхэнд: Дэлхийн халим хамгаалах өдөр

Хоёрдугаар сарын 19 бол Дэлхийн халим хамгаалах өдөр. Энэ өдрийг 34 жилийн ...

2020 оны 02 сарын 19, 17 цаг 30 минут
Коронавирусээс сэргийлж “Эрдэнэт үйлдвэр” ТӨҮГ өндөржүүлсэн бэлэн байдалд шилжжээ

 Монгол Улсын Засгийн Газраас 2020.02.13-наас эхлэн улс даяар ...

2020 оны 02 сарын 19, 15 цаг 31 минут
Үйлдвэрлэлийн түүхий эдийг БНХАУ-аас өөр улсаас импортлох боломжийг судлахыг хүслээ

Монгол Улсын эдийн засгийн хөгжлийг нуруун дээрээ үүрч яваа аж ахуйн ...

2020 оны 02 сарын 19, 15 цаг 22 минут
Австралид 113 төрөл зүйлийн амьтанд “яаралтай тусламж” шаардлагатай байна

Австрали улсад дэгдсэн ойн түймрийн улмаас тоо толгой нь хорогдож, ...

2020 оны 02 сарын 19, 13 цаг 47 минут
“Ойгон нуур"-т хорогдсон 143 үхрийн сэг зэмийг гаргаж дуусжээ

Завхан аймгийн Түдэвтэй сумын Ойгон багийн “Ойгон ...

2020 оны 02 сарын 19, 11 цаг 40 минут
Дэлхийн хамгийн баян хүн $10 тэрбумыг уур амьсгалын өөрчлөлттэй тэмцэх үйлсэд хандивлана

Дэлхийн хамгийн баян хүн гэгддэг Амазон компанийн үүсгэн байгуулагч Жэф ...

2020 оны 02 сарын 19, 10 цаг 55 минут
Хууль бусаар алт олборлох гэж байсан компанийн тусгай зөвшөөрлийг цуцаллаа

 Увс аймгийн Цагаан хайрхан суманд хууль бусаар алт олборлохоор зэхэж ...

2020 оны 02 сарын 19, 10 цаг 53 минут
Коронавирус ба Монголын эдийн засаг

Зүрх судсаар орж ирсэн цусыг уушги руу дамжуулдаг. Уушги түүнийг нь ...

2020 оны 02 сарын 19, 09 цаг 17 минут
М.Оюунчимэг: Байгалийн баялгийг иргэддээ тэгш хуваарилах чинь өөрөө ардчилал байхгүй юу

УИХ-ын Өргөдлийн байнгын хорооны дарга М.Оюунчимэгтэй ярилцлаа. ...

2020 оны 02 сарын 18, 16 цаг 25 минут
ӨМНӨГОВЬ: Коронавирусээс урьдчилан сэргийлэх ажилд Тавантолгой компани дэмжлэг үзүүлэв

Коронавирусээс урьдчилан сэргийлэх ажлыг улс орон даяар зохион байгуулж, ...

2020 оны 02 сарын 18, 14 цаг 09 минут
Хөрөнгө оруулалт татах асуудлаар Улаанбаатарт бизнес эрхлэгчдийн форум хийхээр 10 гаруй улсын сайдтай тохиролцжээ

Гадаад харилцааны сайд Д.Цогтбаатар Мюнхений аюулгүй байдлын Бага хуралд ...

2020 оны 02 сарын 18, 12 цаг 46 минут
Тавантолгойн цахилгаан станцыг 924 сая ам.доллараар барих ТЭЗҮ бэлэн болжээ

“Оюу толгой” компани Тавантолгойн цахилгаан станцын төслийн ...

2020 оны 02 сарын 18, 11 цаг 37 минут
Шалган нэвтрүүлэх товчоодод тухайн иргэний орж гарсан болон машины дугаараар мэдээлэл бүртгэгдэнэ

Нийслэлийн Засаг дарга бөгөөд Улаанбаатар хотын Захирагч С.Амарсайхан ...

2020 оны 02 сарын 18, 11 цаг 32 минут
ТАНИЛЦ: 1072 хувьцаагаа шалгах боломжууд

 "Эрдэнэс-Тавантолгой” ХК-ийн хувьцаа эзэмшигч иргэд хэчнээн ...

2020 оны 02 сарын 18, 10 цаг 33 минут
Рио Тинто шүүхийн үүдэнд тулж ирэв

 -Аварга загасыг шүүхэд дуудсан Ричард Баулигийн хэрэг ирэх ...

2020 оны 02 сарын 18, 09 цаг 59 минут
Жефф Безос уур амьсгалын өөрчлөлттэй тэмцэхэд 10 тэрбум ам.долларыг хандивлана

 МОСКВА./TASS/.Америкийн тэрбумтан, "Amazon” компанийг үүсгэн ...

2020 оны 02 сарын 18, 09 цаг 42 минут
2020 оны 02 сарын 17, 18 цаг 32 минут
Ираны эдийн засаг газрын тосноос шууд хамааралгүй болжээ

 Өнгөрсөн он эдийн засаг газрын тосны экспортоос шууд ...

2020 оны 02 сарын 17, 18 цаг 22 минут
Салхитын мөнгөний ордын хэрэгт холбогдсон шүүгч нарыг шүүх хурлын тов гарлаа

 "Салхитын мөнгөний орд”-ын гэх тодотголтой, уг ордын тусгай ...

2020 оны 02 сарын 17, 18 цаг 01 минут
Д.Сумъяабазар сайд аа, Хөрөнгийн биржид хувьцаа гаргах нь зөв...

Хүн төрөлхтөн байгалийн баялагаа ашиглаж ирсэн түүхтэй. Олон зууны турш ...

2020 оны 02 сарын 17, 17 цаг 23 минут
“Эрдэнэс-Тавантолгой” ХК-ийн 1072 ширхэг хувьцаатай иргэн 96480 төгрөгийн ногдол ашиг авна

“Эрдэнэс-Тавантолгой” ХК-ийн гүйцэтгэх захирал Б.Ганхуягтай ...

2020 оны 02 сарын 17, 16 цаг 09 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани