Ord.mn | Mongolian Mining
| English |  Mobile |  Rss

ГЭЭГДЭГСЭД

1990 оны арванхоёрдугаар сарын 17. Далан жилийн түүх өгүүлэх “өвгөн” уурхайд өрнүүн үйлс ундарсан өөр нэг даваа гараг эхлэв.  Ээлж солилцож, ажил хүлээлцэхээр ирсэн 400 уурхайчны нэгнээ шоглосон нөхөрсөг наргиан хормын төдийд уйтгар гунигаар солигдож, 300 метрийн гүнд метан дэлбэрч 12 нөхөр нь үүрд нойрсов...

Хорин жилийн өмнөх эл гунигт түүхийг өгүүлэх адил эвлүүлж зүйсэн мэт ганц тоосгон хана тоос манарсан хуучин тууринд торойн үзэгдэнэ. Үүнээс өөр их уурхайн ажил эд өрнөж байсан он жилүүдийнх гэх юу ч үлдээгүй, хэзээд л ийм байсан мэт анир буйдхан алсаас ээж, хүү хоёр шуудай нүүрс дамжилж яваа нь улирч одсон цагийн аясад "унтраагүй" уурхайн үлдсэн ганц үнэн гэлтэй...

"Ажиллаж байгаа уурхай бий юу" гэж асуувал эмэгтэй “Тийшээ байгаа л байх” гэж дуу муутайхан хариулан хуруугаараа гэдрэг заачихаад хүүгийн хамт нүүрсээ үүрсээр хөнгөн тэрэгнүүдийн тоосонд дарагдсаар алсарлаа.

Одоогоос жилийн өмнө энд ирэхэд ийм асуулт асуусан бол эрүүл эсэхэд минь эргэлзэх байсан биз...Тэгэхэд энд 180 орчим уурхай ажиллаж байв. Харин өнөөдөр хогийн цэг гэмээр эмх замбараагүй хаягдал, энд тэндгүй онгичиж орхисон цооног дунд ганц нэгхэн хүн тонголзон үзэгдэх юм. Эрэл, сурал болж явсаар хонхны дуунаар ашгүй ажиллаж байгаа уурхай оллоо. Уурхайн гүнд нүүрс олборлож буй хүмүүс ковшоо /уурхайчдын нэрлэж заншсан нүүрс зөөх төмөр сав/ дүүргэсэн даруйдаа "Татаарай" хэмээн дороос дохио өгч буй нь энэ хонх юм. Жингэнэн дугарах хонхтой зэрэгцэн үдийн наранд дулаацах янзтай тамхи баагиулж суусан хоёр залуу шалавхан босч урт троссыг аажуухнаар татаж дээшлүүлснээр харанхуй нүхнээс нүүрс ачсан ковш гараад ирлээ.

Гэрэл зургийг MPA.mn

Нэг ковш нүүрс 60 мянган төгрөгийн үнэтэй. Харин нүүрсийг гаргаж авахын тулд газрын гүнд 5-7 хүн ажилладаг бол гаргаж ирсэн нүүрсийг шигшиж томчлоод ачиж явуулах 2-3 хүн уурхайн аман дээр ажиллана.

Тэд өдөрт 20 ковш нүүрс гаргаж тус бүрийг нь 60 мянган төгрөгөөр портероор нүүрс борлуулагчдад худалдана. 1 сая 200 мянган төгрөг. Энэ мөнгөний 50 хувийг нь уурхайн эзэн авч үлдсэн мөнгийг уурхайн гүнд болон аман дээр ажилласан бүгд тэнцүү хувааж авна. Багадаа 10-уулаа ажиллахад оройдоо 60 мянган төгрөгийн цалин халааслаад харина. "Цаг сайхан байхад ийм л байлаа шүү дээ" хэмээн нэг их холын биш ч, нэг л орой махны мөнгөгүй харьсан тухайгаа уурхайчин залуу ярилаа.

Түүнийг Бат /нэрээ нууцлахыг хүссэн тул орлуулав/ гэнэ. Тэднийх ам бүл зургуулаа. Эхнэр, дөрвөн хүүхдийн хамт амьдардаг тэрбээр Налайхын уурхайгаас амь, амьдралаа залгуулсаар 10-аад жилийн нүүр үзжээ. Зундаа элс, хайрга зөөх зэргээр ойр зуурхан ажил хийдэг бол өвөлдөө уурхайд ажиллаж өглөөнөөс орой хүртэл уурхайн “хар” нүхэнд өнжинө. Хүн харахад хүнд хэцүү ч энэ ажил нь л түүнд хамгийн их аз жаргал мэдрүүлдэг аж. Учир нь эндээс л мөнгө олж эхнэртээ хоолны махтай, хүүхдүүддээ өвлийн гуталтай харих өдөр цөөнгүй...

Магадгүй хүн бүр зуныг дараа нь намрыг ч дуусгалгүй уртаа үргэлжлүүлэхийг хүсдэг байх...Харин Бат болоод тэдний бяцхан үрс өвлийг л мөрөөддөг. “Цас их орвол бид баяжина даа тийм ээ ээжээ” хэмээн бяцхан хүү тооноор тусах нар өөд нэг нүдээ анингаа хэлвэл ээж нь тэндээс “Чиний баяждаг ч өнгөрсөн байх аа хүү минь” хэмээн аяга арчин цай барингаа хүүгийнхээ асуултад хариулав.

Налайхыг зорьсон шалтгаан энэ. 1990 оны эмгэнэлт ослоос хойш Налайхын их уурхай 1995 оныг хүртэл ажилласан ч эдийн засгийн хүнд байдалд орж дампуурахад хүрч хувьчлагдсан. Их уурхайн ажил ингэж зогссон ч хувь компани, хүмүүс гар аргаар нүүрс олборлосоор 2018 онтой золгов. Өнгөрөгч 20 гаруй жилйин хугацаанд Налайхын нүүрсний уурхайд 200 орчим ам бий болж, 1200 гаруй уурхайчин  ажиллаж амь зогоодог  байсан тухай статиктик бий. Харин Засгийн газрын шийдвэрээр өнгөрөгч тавдугаар сараас Улаанбаатар хот руу түүхий нүүрс оруулахыг хориглосноор өнөөдөр гялалзсан хар нүүрсээрээ гайхуулдаг Налайх дүүрэгт 30 орчим л уурхай ажиллаж байна. Тэднийг ч удалгүй зогсоож, уурхайг бүр мөсөн хаах тухай албаныхан үе үе ирж айлгах болсныг нүүрснээсээ ялгарах юмгүй хар царайтай хүмүүс сэтгэл түгшин хэлэх юм.

Улаанбаатарчууд эхэлж байснаа бодвол угаарталгүй өвөлжих учраа олчихлоо. Галаа түлж, түлшээ хэрэглээд сурчихсан, болж л байна. Гэтэл Засгийн газрын шийдвэрийн захад үлдсэн түүхий нүүрсээр амь зогоогчид амьдрах аргаа олоогүй явна. Тэдний хэн нь ч хоолыг нь булаасан шахмал түлшинд буруу өгөхгүй байгаа нь сайхан. “Хот үнэхээр утаагүй болсон байна лээ. Тэр түлшийг нь зориуд хотоос шуудайг авчирч түлж үзсэн. Сайхан халдаг эд байна билээ” гэх ч  нүүрсээ хэрхэн хурдан зарж, өнөөдөр хоолтой хонох тухайд сэтгэл баахан зовниж буй бололтой базаахгүй царайтай...

Батыг гэрт нь дөрвөн бяцхан үр хүлээж байгаа. Өдөртөө 40-60 мянган төгрөгтэй харьдаг байсан түүнд өнөөдөр хоосон буцах ч үе тохиох болж. Хүн л юм болохооор, хүнд хүчир ажлын ачаалал их тул өлсөж л байгаа. Тэгсэн ч мөнгө төлж хоол авах хүсэлгүй. “Би хоол идэхгүй ээ” гэж нөхдөөсөө хойш суугаад дөнгөж амаржсан эхнэрээ өлсгөхгүй байх, нярайнхаа живхийг авах зэргээс эхлээд мөнгөтэй л харихгүй бол болохгүй гэх асар хүнд бодлоо тээсээр тэр харанхуй нүх рүүгээ орохоор гэдрэг алхав. “Май би барахгүй нь ээ. Энийг идчих хөгшөөн” гэж өөр нэг уурхайчин хэлвэл Бат “Барахгүй байгаа бол идэхээс" гээд дэмий л нэрэлхээд нөхрийнхөө үлдээсэн хоолыг шагнал мэт хүлээн авав.

Гэрэл зургийг MPA.mn

“Амьдрал нээрэн хэцүү байна шүү. Өмнө нь ам руу ороод шөнөжин ажиллаад гарч ирээд харихдаа 100 мянган төгрөгтэй ч буудаг байлаа. Болоод л байсан. Энэ жил ч мэдэхгүй ээ. Ажил олж хийе гэхээр Налайхад уурхайгаас өөр ажил байхгүй. Уурхайгаар л амь залгуулж ирсэн ганц чаддаг ажил маань энэ. Хот орье гэхээр олон нялх, нойтон хүүхэдтэй болохоор тэднийгээ орхиод явж болохгүй юм. Цаашдаа яах вэ л гэж бодож байна” хэмээн хоолоо идэх завсартаа хуучиллаа.

Хооллож дуусаад тэр буцан нүхрүүгээ орохоор яарсан тул тэндээс Налайхын зах орчимд зогсож портероор нүүрс борлуулагчидтай уулзахаар зорилоо.

Хаалгаар орж ирсэн хүн бүрийг горьдлого тээсэн харцаар тосож угтах эрчүүд намайг ч удтал ширтэн “Нүүрс авах уу” хэмээн гүйлдээд ирлээ. “Нүүрс авах зорилгогүй яваагаа хэлбэл яасан их урам нь хугарах бол” гэсэн бодол эхэнд төрж хий л “Хэд вэ” гэж асуувал “180 мянга ш дээ, хүргээд өгнө, минийхийг ч үз, гялтайсан нүүрс шүү” гээд хөл алдан гүйлдэх тэднийг удаан хуурахыг хүссэнгүй. Налайхын нүүрсээр амьдралааа залгуулдаг олон мянган өрх бий. Түүхий нүүрсийг нийслэл рүү оруулахгүй байх хориг хэрхэн тусч, ерөөс тэд хэрхэн амь зууж буй талаар сурвалжлах хүсэлтэй яваагаа хэлбэл түрүүчээс хойш намайг шалгааж явсан зарим нь “Хммм” гэж хамар дороо хариулаад машиндаа суучихав.

Нэлээд ахимаг насны хоёр жолооч эвэршиж хуурайшсан гараараа нүүрс хагалангаа надтай ярилцлаа. Тэд өмнө нь Улаанбаатар хот руу нүүрсний зам татуулсаар давхиж Цайз, Хангай зэрэг захад очиж зогсоод өдөрт нь нүүрсээ борлуулчихаад өдрийн хэд хэд ачин ирж буцдаг байжээ. Харин түүхий нүүрсийг хот руу оруулахыг хориглосноос хойш зөвхөн Налайх дүүрэгтээ л нүүрсээ борлуулах болсон. Гэхдээ хот л биш бол урагшаа Багахангай, Баян сум эсвэл Төв аймаг тийш нүүрс худалдаалах боломжтой. Гэвч тэр зүгээс нүүрс авахаар Налайхыг зорих хүн тун ховор гэнэ. 

Гэрэл зургийг MPA.mn

Хээ шагласан тоорцгон малгайтай казах эр Батын л адил толгой сэгсэрч амьдрал хэцүү байна л гэнэ. “Олон жилийн турш өчнөөн мөнгө зарцуулж байж олсон утааг бууруулах ганц оновчтой арга нь энэ бололтой. Зөв өө. Гэхдээ нүүрсээр амьдралаа залгуулдаг олон мянган хүнийг ингээд л хөсөр хаячихаж болохгүй шүү дээ. Энэ олон хүний амьдрал бараг л зогсчихоод байна. Гэтэл банкны зээл, хүүхдийн сургалтын төлбөр нэхэгдээд байхад дэмий хэвтлээ нүүрсээ зараач гэж эхнэр уурлаад байлгахгүй юм. Тэгээд л цэвэр ашиг нь 20 мянга хүрэхтэй, үгүйтэй байсан ч гараад л зогсож байна” гэж ярилаа.

Цаашдаа хэрхэх тухай асуувал бүгд л бодсон зүйлгүй бололтой “Хэн мэдэх вэ” хэмээн хэнд ч юм найдсан эзэнгүй хариулт хэлэх. “Гэнэтхэн  хориглох биш энэ олон хүний амьдралыг яах билээ гэдгийг бодолцоод ажлын байрыг нь бэлдэх ёстой байсан юм” гэж 40 эргэн насны ах бухимдав.

Түүний охин өнгөрөгч онд БНСУ-д суралцахаар явжээ. Охиноо явуулсан тухайн жил портероор нүүрс зарж сардаа 1 сая төгрөгийн ашиг олдог байсан. Харин өнөөдөр ашиг гэх юмгүй амьдрал хүнд байгааг хэлээд, “Охиноо л төгсгөчих юмсан” хэмээн санаа алдав. Түүнд хүйтэнд өлсөж, даарах асуудал биш хариад эхнэр уурлах л хэцүү. Айгаад харьж цайгаа ч ууж чадахгүй л зогсож байна гэсэн нь нүүрсээр амьдралаа залгуулдаг эрчүүд ашиг, орлогогүйдэж хэцүүхэн өдөр хоногийг өнгөрүүлж буйг бүхэлд нь илэрхийлэв.

Гэрэл зургийг MPA.mn

Уулзаж ярилцсанд талархал илэрхийлэн буцах болоход тэд бүгд зэрэгцэж зогсоод “Баяртай” хэмээн гар даллаад “Сайн нийтлэл бичээд, сайд дарга нарын чихэнд заавал бидний үгийг дамжуулаарай” хэмээн захисан.

Тэдний захиас нь АЖЛЫН БАЙР. Ухаан орсон цагаасаа л нүүрс зөөж, нүүрсээр л амь зогоож болоод, болгоод ирсэн тэдэнд өнөөдөр нүүрснээсээ хагацахад өөр ажлын байр даанч хомс байгааг хэлж байна. Хар, бор ажлыг хамгийн сайнаар гүйцэтгэж чадах ч харуулын ажилд ч тэднийг голоод байна гэнэ. Шалтгаан нь мэргэжил, боловсролгүй...Тэднийг “гээгдэгсэд” гэж нэрлэсэн учир нь энэ.

Г.ТЭГШСҮРЭН

ЭХ СУРВАЛЖ: SHUUD.MN

ГЭЭГДЭГСЭД
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Батлах код: *
Шинэ мэдээ
Б.Ганхуяг: IPO гаргахад бэлэн болсон

   Т.САЙХАН   "Эрдэнэс Тавантолгой” компани олон улсын зах ...

Өчигдөр, 18:53
Ц.Даваасүрэн: "Оюутолгой" компани хэт өндөр үнээр цахилгаан станц барих санал гаргасан

 Эрчим хүчний яамнаас 2019 онд хийсэн ажлынхаа тайлан болон энэ ...

Өчигдөр, 17:38
Салхитын мөнгөний ордтой холбоотой хэргийн шүүх хурал хойшилжээ

Салхитын мөнгөний ордтой холбоотой нэр бүхий  шүүгчдэд холбогдох ...

Өчигдөр, 16:37
Тавантолгойн ордын хөрөнгө оруулалтын гэрээ “хорлон сүйтгэх ажиллагаа” байсан уу?

Ерөнхий сайд асан М.Энхсайханыг “хорлон сүйтгэх үйл ажиллагаа ...

Өчигдөр, 14:50
Оюутолгойтой холбоотой татварын маргааныг Арбитрын шүүхээр шийдвэрлүүлэхээр болжээ

Монголын үндэсний татварын ерөнхий газраас 2018 оны нэгдүгээр ...

Өчигдөр, 13:43
Нүүрсээ Оросын нутгаар 7000км тойруулж, далайгаар Зүүн Өмнөд Азид гаргах юм гэнэ

ОХУ-ын нүүрсний батлагдсан нөөц Монголынхоос 1200 дахин их байдаг. ...

Өчигдөр, 13:12
“Rio Tinto” компани арбитрын шүүхэд ханджээ

ЛОНДОН. /Reuters/. “Оюу толгой” компани Монгол Улсын ...

Өчигдөр, 13:01
"Туркойз хилл ресурс" 150 сая долларын татварын асуудлаар арбитрт хандахаар болсноо мэдэгдлээ

Монгол Улсын Засгийн газартай татварын маргаанаа шийдэж чадаагүй тул энэ ...

Өчигдөр, 11:12
"Туркойз Хилл Ресурс" Засгийн газрыг арбитрын шүүхэд өгөхөө мэдэгдлээ

"Оюу Толгой” төслийн голлох хөрөнгө оруулагч "Туркойз Хилл Ресурс” өчигдөр ...

Өчигдөр, 10:41
SOMO: АНУ, Рио Тинто Монголын Засгийн газрын "тархийг угааж", өрөнд оруулсан

 Амстердамд байрлах Олон үндэстний корпорацийн судалгааны төвийн ...

Өчигдөр, 10:27
Кувейт, Саудын Араб төвийг сахисан бүсэд нефть олборлож эхэлжээ

 Кувейт болон Саудын Арабын хилийн бүс дэх төвийг сахисан бүсэд ...

2020 оны 02 сарын 20, 19 цаг 09 минут
"Эрдэнэт үйлдвэр"-ийн Оёдлын цех амны хаалт үйлдвэрлэж байна

 Улаанбаатар /МОНЦАМЭ/. Шинэ коронавирусний халдвараас урьдчилан ...

2020 оны 02 сарын 20, 18 цаг 19 минут
Хийн хоолойг Монголоор дамжуулах ТЭЗҮ-ийг боловсруулах Оросын талын ажлын хэсэг байгуулагджээ

Монгол Улсын Ерөнхий сайд У.Хүрэлсүхийн өнгөрсөн оны 12 дугаар сард ОХУ-д ...

2020 оны 02 сарын 20, 17 цаг 16 минут
Ө.Энхтүвшин: Гуравдугаар сарын 2-ноос нүүрс болон газрын тосны экспортыг сэргээх шийдвэр гаргалаа

Улсын Онцгой комисс өнөөдөр хуралдаж нүүрс, газрын тосны экспортыг ...

2020 оны 02 сарын 20, 17 цаг 07 минут
Нийслэл рүү 50 кг түүхий нүүрс нэвтрүүлэхийг завджээ

Хонхорын авто тээврийн шалган нэвтрүүлэх хяналтын цэгээр 2020 оны 2 дугаар ...

2020 оны 02 сарын 20, 17 цаг 04 минут
Гайхамшигтай эрдэнийн чулуу алмаазын тухай сонирхолтой баримтууд

 Алмаз эрдэнэ бол зөвхөн эмэгтэй хүний ​​шүтээн биш, геологичдын ...

2020 оны 02 сарын 20, 13 цаг 55 минут
Амьтан, ургамлын гуравны нэг нь 50 жилийн дотор устаж үгүй болно

 Уур амьсгалын өөрчлөлтийн улмаас 2070 он гэхэд дэлхий дээрх амьтан, ...

2020 оны 02 сарын 20, 12 цаг 57 минут
"Газрын тос боловсруулах үйлдвэр"-ийн барилга угсралтын ажил энэ хавар эхэлнэ

"Газрын тос боловсруулах үйлдвэр"-ийн барилга угсралтын ажил энэ хавар ...

2020 оны 02 сарын 20, 12 цаг 54 минут
"Газрын тос боловсруулах үйлдвэр"-ийн барилга угсралтын ажил энэ хавар эхэлнэ

 "Газрын тос боловсруулах үйлдвэр"-ийн барилга угсралтын ажил энэ ...

2020 оны 02 сарын 20, 12 цаг 12 минут
БНХАУ зогсоогоод байсан нүүрс тээвэрлэлтийн сүлжээнийхээ 70 хувийг сэргээжээ

Корона вирусийн шинэ төрлийн халдварын улмаас БНХАУ хүн олноор ажилладаг ...

2020 оны 02 сарын 20, 11 цаг 34 минут
“Амгалан дулааны станц” ХХК-ийг төрийн өмчит компани болголоо

Засгийн газрын өнөөдрийн хуралдаанаар “Дулааны IV цахилгаан ...

2020 оны 02 сарын 20, 10 цаг 45 минут
Дорнод аймагт 4.2 магнитудын хүчтэй газар хөдлөлт болжээ

Дорнод аймгийн Матад сумын Буян-Өндөр багийн Царилтын хошуу” ...

2020 оны 02 сарын 20, 10 цаг 34 минут
Засаг чангарч, “Рио Тинто” гэдийх үү?!

Оюутолгойн гэрээг магтахаасаа муулдаг хүн олон.  Тэр гэрээг ...

2020 оны 02 сарын 20, 10 цаг 28 минут
Алтны үнэ сүүлийн долоон жилийн хугацаанд хамгийн дээд цэгтээ хүрчээ

Алтны үнэ нэг трой унц нь 1600 ам.доллароос дээшилж, 2013 оноос хойших ...

2020 оны 02 сарын 20, 10 цаг 09 минут
Газрын наймаанаас эхтэй байгаль эхийн эсрэг гэмт хэрэг-II

 Улсын хэмжээнд 2015-2018 онд олгосон газруудтай холбоотой зөрчил ...

2020 оны 02 сарын 19, 18 цаг 59 минут
Хуурамч бичиг баримт бүрдүүлсэн компаниудын тусгай зөвшөөрлийг цуцлав

 Увс аймгийн Цагаан хайрхан суманд хууль бусаар алт олборлохоор зэхэж ...

2020 оны 02 сарын 19, 18 цаг 22 минут
Казахстан “Сибирийн хүч-2” хоолойг сонирхсон хэвээр

 Казахстаны Эрчим хүчний сайд Нурлан Ногаев энэ сарын 18-нд мэдэгдэл ...

2020 оны 02 сарын 19, 18 цаг 19 минут
Н.Цэрэнбат сайдын тушаалаар 16888 амьтан “цаазаар авахуулах” нь ээ

Засгийн газар тусгай болон ахуйн зориулалттай ан агнуурын тоог баталдаг ч ...

2020 оны 02 сарын 19, 17 цаг 36 минут
Энэ өдөр түүхэнд: Дэлхийн халим хамгаалах өдөр

Хоёрдугаар сарын 19 бол Дэлхийн халим хамгаалах өдөр. Энэ өдрийг 34 жилийн ...

2020 оны 02 сарын 19, 17 цаг 30 минут
Коронавирусээс сэргийлж “Эрдэнэт үйлдвэр” ТӨҮГ өндөржүүлсэн бэлэн байдалд шилжжээ

 Монгол Улсын Засгийн Газраас 2020.02.13-наас эхлэн улс даяар ...

2020 оны 02 сарын 19, 15 цаг 31 минут
Үйлдвэрлэлийн түүхий эдийг БНХАУ-аас өөр улсаас импортлох боломжийг судлахыг хүслээ

Монгол Улсын эдийн засгийн хөгжлийг нуруун дээрээ үүрч яваа аж ахуйн ...

2020 оны 02 сарын 19, 15 цаг 22 минут
Австралид 113 төрөл зүйлийн амьтанд “яаралтай тусламж” шаардлагатай байна

Австрали улсад дэгдсэн ойн түймрийн улмаас тоо толгой нь хорогдож, ...

2020 оны 02 сарын 19, 13 цаг 47 минут
“Ойгон нуур"-т хорогдсон 143 үхрийн сэг зэмийг гаргаж дуусжээ

Завхан аймгийн Түдэвтэй сумын Ойгон багийн “Ойгон ...

2020 оны 02 сарын 19, 11 цаг 40 минут
Дэлхийн хамгийн баян хүн $10 тэрбумыг уур амьсгалын өөрчлөлттэй тэмцэх үйлсэд хандивлана

Дэлхийн хамгийн баян хүн гэгддэг Амазон компанийн үүсгэн байгуулагч Жэф ...

2020 оны 02 сарын 19, 10 цаг 55 минут
Хууль бусаар алт олборлох гэж байсан компанийн тусгай зөвшөөрлийг цуцаллаа

 Увс аймгийн Цагаан хайрхан суманд хууль бусаар алт олборлохоор зэхэж ...

2020 оны 02 сарын 19, 10 цаг 53 минут
Коронавирус ба Монголын эдийн засаг

Зүрх судсаар орж ирсэн цусыг уушги руу дамжуулдаг. Уушги түүнийг нь ...

2020 оны 02 сарын 19, 09 цаг 17 минут
М.Оюунчимэг: Байгалийн баялгийг иргэддээ тэгш хуваарилах чинь өөрөө ардчилал байхгүй юу

УИХ-ын Өргөдлийн байнгын хорооны дарга М.Оюунчимэгтэй ярилцлаа. ...

2020 оны 02 сарын 18, 16 цаг 25 минут
ӨМНӨГОВЬ: Коронавирусээс урьдчилан сэргийлэх ажилд Тавантолгой компани дэмжлэг үзүүлэв

Коронавирусээс урьдчилан сэргийлэх ажлыг улс орон даяар зохион байгуулж, ...

2020 оны 02 сарын 18, 14 цаг 09 минут
Хөрөнгө оруулалт татах асуудлаар Улаанбаатарт бизнес эрхлэгчдийн форум хийхээр 10 гаруй улсын сайдтай тохиролцжээ

Гадаад харилцааны сайд Д.Цогтбаатар Мюнхений аюулгүй байдлын Бага хуралд ...

2020 оны 02 сарын 18, 12 цаг 46 минут
Тавантолгойн цахилгаан станцыг 924 сая ам.доллараар барих ТЭЗҮ бэлэн болжээ

“Оюу толгой” компани Тавантолгойн цахилгаан станцын төслийн ...

2020 оны 02 сарын 18, 11 цаг 37 минут
Шалган нэвтрүүлэх товчоодод тухайн иргэний орж гарсан болон машины дугаараар мэдээлэл бүртгэгдэнэ

Нийслэлийн Засаг дарга бөгөөд Улаанбаатар хотын Захирагч С.Амарсайхан ...

2020 оны 02 сарын 18, 11 цаг 32 минут
ТАНИЛЦ: 1072 хувьцаагаа шалгах боломжууд

 "Эрдэнэс-Тавантолгой” ХК-ийн хувьцаа эзэмшигч иргэд хэчнээн ...

2020 оны 02 сарын 18, 10 цаг 33 минут
Рио Тинто шүүхийн үүдэнд тулж ирэв

 -Аварга загасыг шүүхэд дуудсан Ричард Баулигийн хэрэг ирэх ...

2020 оны 02 сарын 18, 09 цаг 59 минут
Жефф Безос уур амьсгалын өөрчлөлттэй тэмцэхэд 10 тэрбум ам.долларыг хандивлана

 МОСКВА./TASS/.Америкийн тэрбумтан, "Amazon” компанийг үүсгэн ...

2020 оны 02 сарын 18, 09 цаг 42 минут
2020 оны 02 сарын 17, 18 цаг 32 минут
Ираны эдийн засаг газрын тосноос шууд хамааралгүй болжээ

 Өнгөрсөн он эдийн засаг газрын тосны экспортоос шууд ...

2020 оны 02 сарын 17, 18 цаг 22 минут
Салхитын мөнгөний ордын хэрэгт холбогдсон шүүгч нарыг шүүх хурлын тов гарлаа

 "Салхитын мөнгөний орд”-ын гэх тодотголтой, уг ордын тусгай ...

2020 оны 02 сарын 17, 18 цаг 01 минут
Д.Сумъяабазар сайд аа, Хөрөнгийн биржид хувьцаа гаргах нь зөв...

Хүн төрөлхтөн байгалийн баялагаа ашиглаж ирсэн түүхтэй. Олон зууны турш ...

2020 оны 02 сарын 17, 17 цаг 23 минут
“Эрдэнэс-Тавантолгой” ХК-ийн 1072 ширхэг хувьцаатай иргэн 96480 төгрөгийн ногдол ашиг авна

“Эрдэнэс-Тавантолгой” ХК-ийн гүйцэтгэх захирал Б.Ганхуягтай ...

2020 оны 02 сарын 17, 16 цаг 09 минут
Нүүрс биш зэс экспортыг хойш нь ЧАНГААВ

 Коронавирусийн тархалтаас урьдчилан сэргийлсэн арга хэмжээнүүд эдийн ...

2020 оны 02 сарын 17, 13 цаг 23 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани