Ord.mn | Mongolian Mining
| English |  Mobile |  Rss

Урсдаг шатаар уруудаж буй Венесуэль

Байгалийн асар их баялагтай хэрнээ түүнийгээ зарцуулах менежментийг буруу хийвэл тухайн улс хэчнээн баян чинээлэг байлаа ч гэсэн хэрхэн туйлдан доройтож болдгийн бодит жишээ бол Венесуэль улс юм. Энэ нь ашигт малтмалд дулдуйдан амьдардаг бусад улсын хувьд гашуун сургамж билээ.

Улс орондоо гадаадын шууд хөрөнгө оруулалтыг татах гэсэн асар ширүүн өрсөлдөөн сүүлийн хэдэн арван жилийн турш дэлхий даяар өрнөж байгаа билээ.
Хөрөнгө оруулалтыг татах таатай орчныг бүрдүүлэхийн төлөө хөгжиж буй орнууд төдийгүй аж үйлдвэр өндөр хөгжсөн улсууд хүртэл нэрэлхэж цамаархалгүйгээр зүтгэж байхад Латин Америкийн Венесуэль гэдэг улс дэлхий дээр хамгийн их газрын тосны нөөцтэй гэдэгтээ бардан гадны хөрөнгө оруулагчдыг хөөж тууж, олсон мөнгөө үрэлгэн зарцуулсны улмаас өдгөө гүн ангалын ирмэг дээр ирчихээд байна. Тус улсад дэгдсэн эдийн засгийн өнөөгийн гүнзгий хямрал нь Уго Чавес ерөнхийлөгчөөр ажиллаж байсан үеэс /1999-2013 он/ бүр өмнө бугшаад байсан хэдий ч түүнийг засгийн эрхийг барьж байх үед ноцтойгоор даамжирчээ. 
Хөрөнгө оруулагчдыг хөөсөн нь
Ерөнхийлөгчөөр сонгогдсон даруйдаа өөртөө үнэнч хүмүүсээр парламентыг бүрдүүлж, Үндсэн хуулийг өөрчилж чадсан У.Чавес “боливарын социализм”-ыг байгуулах үйлсэд ханцуй шамлан оржээ. Эхлээд “хараал идсэн Америкийн империалистууд”-ын мэдэлд байсан бүх нефть олборлогч компаниуд, харилцаа холбооны компаниуд ба гангийн үйлдвэрүүдийг нийгэмчилж эхэллээ. Тэрбээр гэрээ хийсэн хойноо “гэнэт новширч”, тоглоомын дүрмэндээ үе үе өөрчлөлт оруулж, гадаадынхны өмчийг нь хураан нийгэмчилж эхэлсэн нь хөрөнгө оруулагчдыг Венесуэлиэс бүрмөсөн үргэн дайжихад хүргэжээ.
Уго Чавес нефтийн ордуудыг төрийн хяналтанд авах тухай хуулинд гарын үсэг зурлаа. Үүнтэй холбогдуулан ард түмэндээ хандаж тэрбээр үг хэлэхдээ “Венесуэлийн нефтийн салбарын хувьчлалын эрин үе төгсгөл боллоо. Нефтийн баялаг ард түмний гарт эргэн орлоо” гэж бахархалтайгаар мэдэгдэж байв.
Дээрх хуулинд зааснаар, Ориноко голын сав газарт олборлолт явуулж буй гадаадын компаниуд нь "хувьцааны 60 хувийг нь Венесуэлийн төрийн мэдлийн PDVSA компани эзэмших гэж буй" шинэ хамтарсан компанийн бүрэлдэхүүнд орж, хяналтын багцаа шилжүүлэн өгснөөр жижиг хувьцаа эзэмшигчид болох ёстой байлаа. Гэхдээ “бодох хугацаа” гэж 2 сарын хугацаа өгөөд саналыг нь зөвшөөрөхгүй бол Венесуэлиэс гарч явахыг Чавес гадныханд “зөвлөжээ”.
Дашрамд дурдахад, 3 тэрбум тонн газрын тосны нөөцтэй Ориноко бол дэлхийд хамгийн томд тооцогддог орд юм .
Энд нэг зүйлийг тэмдэглэн хэлэхэд, Венесуэлийн нефтийн ордууд нь олон жилийн туршид төрийн мэдлийн PDVSA компанийн хяналтанд байсаар байгаа бол гадаадын хөрөнгө оруулагчид зөвхөн Ориноко сав газрын бүсэд харьцангуй бие даасан байдалтайгаар олборлолт явуулж байсан аж.  1990-ээд оны үед Венесуэлийн засгийн газар тус ордод гадаадын компаниудыг оруулах болсон шалтгаан нь ордыг ашиглах зардал хэт өндөр, асар их хэмжээний хөрөнгө оруулалт шаардлагатай байсанд оршино. Харин технологио байнга боловсронгуй болгосоор байсан гадны компаниуд нефтийн ордуудад 17 тэрбум долларын хөрөнгө оруулалт хийж, олборлолтоо аажим аажмаар нэмэгдүүлсээр өдөрт 600 мянган баррельд хүргэжээ. Үүнийг анзаарсан У.Чавест гадаадын капиталистуудын мөнгийг “сэгсрэх” бодол төрсөн байна. 
Хувьцааны хяналтын багцыг нь шууд дээрэмдэн авах зорилго агуулж буй Чавесын саналаас татгалзсан Америкийн Chevron Corp, ConocoPhillips, Exxon Mobil Corp, Францын Total SA, Норвегийн Statoil ASA,  Их Британийн British Petroleum зэрэг дэлхийн тэргүүлэгч компаниуд Венесуэлийг шууд орхин гарлаа.
Түүнээс гадна, Чавес гадаадын компаниудад гэнэтийн ашгийн татвар ногдуулж, дэлхийн зах зээл дээр нефтийн үнэ 70 доллароос давсан тохиолдолд ашгийнх нь 50 хувийг, 100 доллароос давбал 60 хувийг нь Венесуэлийн төрийн санд хураан авахаар шийдвэрлэсэн нь гадаадынхан Венесуэлиэс гарч явах бас нэгэн шалтгаан болсон юм. Гадныханд өндөр татвар ногдуулах болсон шалтгаанаа Чавес тайлбарлахдаа “гадаадын компаниуд газрын тосны үнийн өсөлтөөс хэт их ашиг олдог боловч Венесуэлийн хөгжилд ямар ч хувь нэмэр оруулахгүй байна” гэж буруутгажээ.  Тухайн үед тус улсад ажиллаж байсан гадаадын нефтийн компаниуд хоёр төрлийн татвар төлж байсан бөгөөд роялти буюу нөөц ашигласны татвар нь ашгийн 30 орчим хувь, корпорацийн татвар нь 40-50 хувийн хооронд хэлбэлздэг байв.  
Ийнхүү хууль хэрэгжиж, нефтийн салбар нь төрийн мэдэлд бүрэн орсноор Венесуэль улс шинэ маягийн социализмд шилжин орох дардан зам нээгдлээ.
 
Гадаадынхан дайжин гарсны дараа PDVSA гэдэг төрийн мэдлийн нефть олборлогч компанийн ашгийн ихэнхийг нь нийгмийн халамжийн хөтөлбөрүүдэд зарцуулах болсноор 2003-2010 оны хугацаанд хүн амын 49 хувийг эзэлж байсан ядуучуудын тоог 29 хувь болгон бууруулсан нь ард иргэдийн талархлыг хүлээсэн нь ойлгомжтой. Гэвч нефтийн үнэ огцом унаснаар дээрх хөтөлбөрүүдийг үргэлжлүүлэн санхүүжүүлэх ямар ч боломжгүй гэдэг нь тодорхой болжээ. Ядуурлыг бууруулсан тухай яриа эрт дээр үеийн дурсамж болон ард хоцров. 
Нийгэмчлэх үйл явц эхэлснээс хойш өнөөг хүртэлх хугацаанд гадаадын 500 мянган аж ахуйн нэгж Венесуэлийг орхин гарч явсан гэх тоо бий. Тэдгээрийн дотор онгоцны түлш нийлүүлдэг компаниуд байсан ба нефтийн нөөцөөр дэлхийд тэргүүлдэг улсын нисэх онгоцууд түлшгүйн улмаас зогсоол дээрээ өнжиж байв.
Аж үйлдвэр зогсонги байдалд орлоо. Үүнд уурсан хилэгнэсэн У.Чавес “социалист улсын эсрэг хуйвалдаан зохион байгуулж буй капиталистууд”-ыг хараав. Үйлдвэрлэлийн салбар хүнд байдалд орсон нь улмаар хөдөө аж ахуйд халдварлаж, урьд нь кофе, мах экспортолж байсан Венесуэль улс 2000-аад оны дунд үеэс импортлогч болон хувирлаа.
Венесуэль улс нийгэм-эдийн засгийн гүн гүнзгий хямралд автсан нь гадаадын хөрөнгө оруулагчдыг хөөж туусан, нефтийн үнэ огцом унасан гэх хоёр үндсэн шалтгаанаас гадна өөр бусад хүчин зүйлтэй холбоотой. Чавес нийгмийн халамжаас гадна төр засгийн үйл ажилллагааг сурталчлахын тулд мөнгийг баруун солгойгүй цацаж байлаа. Эдийн засгийн гол тулгуур болсон нефтийн салбартаа хөрөнгө оруулж, өрсөлдөх чадварыг нь дээшлүүлэх, бүтцийн өөрчлөлт хийж эдийн засгаа солонгоруулахын оронд социализм байгуулахад чиглэсэн нийгмийн хөтөлбөрүүдэд PDVSA компанийн олсон ашгийг бараг тэр чигт нь зарцуулж байжээ. Үүний сацуу мөнгө дутагдмагц хилийн чанадаас олон тэрбумаар нь доллар зээлж байв.
Нийгмийн халамжинд мөнгө цацахын зэрэгцээ өөрийгөө Латин Америкийн удирдагч хэмээн төсөөлөн мөрөөдсөн У.Чавес Эквадор, Боливи, Никарагуагийн зүүний хүчний засгийн газруудыг мөнгө хөрөнгөөр харамгүй дэмждэг байсан болой. Түүний санхүүгийн тусламж, хөнгөлөлттэй үнээр нийлүүлдэг нефтийн ачаар Куба улс хагас зуун жил гаруй үргэлжилж буй Америкийн эдийн засгийн хоригийг давж гарав. Колумбын засгийн газрын эсрэг 50 жилийн турш дайтсан хэт зүүний FARC гэдэг байгууллага Чавесаас мөнгө, зэвсэг авч байсан гэдэг.
Ийм маягаар Чавесын явуулж байсан “Боливарын социализмыг байгуулах”, “Америкийн империалистуудыг ялан дийлэх” зорилготой бодлого нь өнөөгийн эдийн засгийн хямралын эх үндэс болж улс орныг туйлдуулан доройтуулжээ. 
Хямрал хаяанд ирсэн нь мэдрэгдэж байсан хэдий ч үнэгүй орон сууцтай болж, эмнэлгийн үйлчилгээг үнэгүй хүртдэг болсон ард олон Чавесыг бурхан мэт тахин шүтсэн хэвээр. Чухам үүний учир тэрбээр 1998-2012 оны хооронд болсон бүх сонгуульд ялалт байгуулсан юм. Нийгэм, эдийн засагт хуримтлагдсаар ирсэн ноцтой асуудлууд нефтийн үнийн өсөлтийн халууралд бүдэгрэн дарагдаж, венесуэльчүүд Чавесыг “аугаа мэргэн удирдагч” хэмээн өргөмжилсөөр байлаа.
Азгүй Мадуро
Нэг бодлын талийгаач У.Чавес “маш азтай” хүн бөгөөд түүний үед нефтийн үнэ заримдаа 100 доллароос давж байв. 2004 онд гэхэд тус улсын ДНБ 18,3 хувиар өссөн нь түүх болон үлджээ. 2013 онд Чавес нас барсны дараа түүнийг Н.Мадуро залгамжилж эхлэнгүүт газрын тосны үнэ 4 дахин унаснаар экспортын орлогын 95 хувийг бүрдүүлдэг байсан нефтийн салбарыг маш хүнд байдалд орууллаа. Үнэ огцом унасан тул Венесуэль улс нефтиэ өөрийн өртгөөс нь /нэг баррель нь 23,5 доллар/доогуур үнээр худалдахаас аргагүйд хүрчээ. Үүнтэй зэрэгцээд нефтийн цооногуудын тоног төхөөрөмж элэгдэн хуучирсны улмаас олборлолт буурч эхлэв. Валютын орлого татарснаас үүдэн хүнс, эм зэрэг эн тэргүүний хэрэгцээт барааны хомсдол үүслээ.
Бараа бүтээгдэхүүнийг шударгаар хуваарилах, дамын наймааг дарж авахын тулд хувийн дэлгүүрүүд, агуулахуудад үзлэг нэгжлэг хийж, энэ ажиллагаанд цэргүүдийг дайчилжээ. Үүссэн нөхцөл байдлаас гарахын тулд Венесуэлийн Төв банк алт болон валютаар баталгаажаагүй цаасан мөнгийг хамаа замбараагүй үйлдвэрлэж эхлэв. Чавесын үед хэрэгжүүлж байсан нийгмийн халамжийн хөтөлбөрүүд, тэдгээрийн дотор ядуучуудад хоол хүнсийг үнэгүй олгох хөтөлбөрийг үргэлжлүүлэн санхүүжүүлэхийн тулд ийм арга хэмжээ авсан нь тус улсад гиперинфляци үүсгэлээ.
Үүнтэй зэрэгцээд Венесуэлийн нефтийн 50 хувийг дангаараа худалдан авдаг байсан АНУ жагсагчдын өөдөөс хүч хэрэглэсэн Н.Мадурогийн дэглэмийн эсрэг эдийн засгийн хоригоо чангатгасан нь Венесуэльд хүнд цохилт болов. 
Даарин дээр давс гэгчээр 10 жилийн өмнө хөрөнгөө Чавест хураалган нийгэмчлүүлсэн гадаадын компаниудын үүсгэсэн зарга өнөөдрийг хүртэл үргэлжилсээр. Тухайлбал, Америкийн ConocoPhillips компани хөрөнгөө хураалгасны нөхөн төлбөр болох мөнгийг PDVSA компаниас гаргуулан авахын тулд Карибын тэнгист олборлолт явуулж буй тус компанийн хөрөнгийг авахаар шүүхдэж байгаа аж. Олон улсын арбитрын шүүхээс 2 тэрбум долларыг ConocoPhillips-т төлөх шийдвэр гаргасан боловч венесуэльчүүд зөвшөөрсөнгүй. Ер нь бол,  хөрөнгийг нь хурааснаас үүдэлтэйгээр өнгөрсөн 10 жилийн хугацаанд хүлээсэн нийт 33 тэрбум долларын алдагдлаа PDVSA-гаас гаргуулж авахын тулд америкчууд шүүхэд зарга мэдүүлээд байгаа юм.
Гэтэл PDVSA-гийн олборлолт эрс буурч, ажилчид нь цалин хөлсөө голох болсноос гадна нефтийн ордууд нь Хятад, Оросоос авсан зээлийн барьцаанд орчихжээ. Өнөөдөр Венесуэлийн эрх баригчид өөрсөддөө найдах бус харин гол зээлдүүлэгчид болох Орос, Хятад хоёрт гол найдвараа тавьж байна. Венесуэлийг байнга тэтгэж ирсэн Хятад улс 2008 оноос хойш тус улсад 70 тэрбум долларын зээл олгосон бол оросууд 17 тэрбумыг өгчээ. 
50 мянган хувийн инфляци
Хамгийн сүүлийн мэдээллээр, 2018 оны 10 дугаар сараас энэ оны 9 дүгээр сар хүртэлх хугацаанд Венесуэльд инфляци 50 мянган хувиар өссөн байна.  2018 онд тус улсын ДНБ 17 хувиар буурсан бол энэ онд 37 хувиар буурах төлөвтэй байна. 
Энэ оны 4 дүгээр сард цалингийн доод хэмжээг 18 мянган боливараас 40 мянга /8 ам.доллар/ болгож нэмэгдүүлсэн аж. Гэтэл “Макдональдс” түргэн хоолны газарт хамгийн хямд зууш, ундаа захиалахад 18,5 мянган боливарын үнэтэй гэнэ. Өөрөөр хэлбэл, нэмэгдсэн цалингаар “Макдональдс”-т хоёр удаа үдийн хоол идэж болох нь. Ийм атал “төсвийнхний хооллодог газар” гэгддэг уг сүлжээ Венесуэльд одоог хүртэл ажилласаар байгаа нь хачирхалтай.  
Нэн шинэ түүхийн хуудсыг сөхвөөс, 1960-аад он, 1970-аад оны эхээр Венесуэль улс дэлхийн хамгийн баян орнуудын нэг болж, дэлхийн зах зээлд нийлүүлэгдэж байсан нефтийн 10 хувийг дангаараа олборлон, нэг хүнд ногдох ДНБ-ний үзүүлэлтээр Латин Америкийн орнуудын дотор Чили, Аргентин хоёрын дараа жагсаж байв. Америкийн Флорида дахь наранд шарлагын газрууд венесуэльчүүдээр дүүрч, тэд шоппинг хийж, аялан зугаацахдаа төлбөрөө үндэснийхээ валют болох боливараар хийж байсан “алтан үе” бий. Гэтэл популистууд төрийн эрхийг барьсаар буй 20 жилийн хугацаанд Венесуэль улс үгүйрэн хоосорч, өнөөдөр экспортын орлогынхоо 75 хувийг зөвхөн өрөө дарахад зарцуулж байгаа нь бодит үнэн.
Энэ бол асар их байгалийн баялагтай хэрнээ түүнийгээ зарцуулах менежментийг буруу хийснээс үүдэлтэй гашуун сургамж билээ.
Б.Адъяахүү
Эх сурвалж: Монцамэ агентлаг
Урсдаг шатаар уруудаж буй Венесуэль
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Шинэ мэдээ
Ерөнхий сайд байхдаа өөртөө лиценз олгосон Ж.Эрдэнэбатад 6 жилийн хорих ял оноолоо

Нийслэлийн прокурорын газраас шүүгдэгч Ж.Эрдэнэбат, Б.Отгонбаатар, ...

Өчигдөр, 13:25
Хямралыг даваад, хуримтлуулж чадвал сайн л хэрэг

Монгол Улсын эдийн засгийг энэ онд 0.5 хувиар агшина хэмээн таамагласнаа ...

2020 оны 06 сарын 20, 13 цаг 21 минут
Дундговь аймагт үйл ажиллагаа явуулж буй ураны компанийн үйл ажиллагааг зогсоолоо

 Дундговь аймгийн Өлзийт, Баянжаргалан, Гурвансайхан, Өндөршил сумын ...

2020 оны 06 сарын 17, 13 цаг 28 минут
Алтаа ухуулаад авдрандаа хаягдсан “Шүрэн гал”

Шүрэн гал. Шарын гол гэдэг нэрний гарвал энэ үгтэй холбоотой тухай ...

2020 оны 06 сарын 16, 11 цаг 07 минут
“Эрдэнэт”-ийн 49 хувь”-ийн бүлэглэлийн гишүүн Р.Амаржаргал төр тэргүүлэх ёсгүй

Ардчилсан нам өнөөдөр цаг үеийн асуудлаар мэдээлэл хийж, ...

2020 оны 06 сарын 16, 10 цаг 07 минут
Өвөр Монголоос бал чулууны арвин нөөц илэрчээ

БНХАУ-ын Өвөр Монголын өөртөө засах орны Баяннуур хотод бал чулууны арвин ...

2020 оны 06 сарын 15, 15 цаг 22 минут
“Бид дахин уучлал эрэхгүй”

Англи-Австралийн уул уурхайн “Рио Тинто” компани тэсэлгээ хийх ...

2020 оны 06 сарын 15, 11 цаг 44 минут
Эдийн засгийн хямрал дөнгөж эхэлж байгааг анхааруулжээ

Дэлхийн улс орнууд үндсэндээ зургаан сарын турш коронавирустай ...

2020 оны 06 сарын 15, 09 цаг 48 минут
Дорнод аймгийн ард иргэд нэр дэвшигч Ц.Сэргэлэнг идэвхийлэн дэмжиж байна

УИХ-ын 2020 оны сонгуульд Дорнод аймагт МАН-аас генерал Ц.Сэргэлэн, УИХ-ын ...

2020 оны 06 сарын 13, 15 цаг 46 минут
Ядуу ч “ялах” Монгол

“Баялгийн сантай болно”, “Валютын нөөцийг ...

2020 оны 06 сарын 12, 20 цаг 54 минут
2020 оны 06 сарын 12, 16 цаг 39 минут
ТЕГ-ын дарга, генерал Д.ГЭРЭЛИЙН ХҮҮГИЙН УУРХАЙД шүүх үзлэг хийж байна

ТЕГ-ын дарга, Генерал Д.Гэрэлийн хүү Г.Аранзалын нэр дээр бүртгэлтэй ...

2020 оны 06 сарын 10, 12 цаг 00 минут
“Рио Тинто” дурсгалт газрыг сүйтгэсэн шалтгаанаа тайлбарлажээ

 Уул уурхайн чиглэлээр үйл ажиллагаа  явуулдаг "Рио Тинто” ...

2020 оны 06 сарын 09, 16 цаг 31 минут
“ТОП”-ууд “Эрдэнэт үйлдвэр”-т зочиллоо

 Монгол Улсын Засгийн газар, Монголын Үндэсний худалдаа аж үйлдвэрийн ...

2020 оны 06 сарын 09, 15 цаг 13 минут
2020 оны 06 сарын 09, 14 цаг 32 минут
Хийн хоолой бол хий мөрөөдөл биш

 Оросоос Хятад руу хий дамжуулах хоолойг Монголын нутгаар дайруулах ...

2020 оны 06 сарын 08, 20 цаг 36 минут
2020 оны 06 сарын 08, 15 цаг 41 минут
Нидерланд улс коронавирусийн халдвараас сэргийлж, 10,000 булга заазлах шийдвэр гаргажээ

Нидерландын засгийн газар коронавирусийн халдвар тархахаас сэргийлэх ...

2020 оны 06 сарын 08, 13 цаг 14 минут
Бүлэглэл чинь сүрэглэл болчихлоо, толгойлогч оо...

Сүргийн толгойлогч сахал Эрдэнэбилэгээс асуух асуулт байна аа. Төр улсыг ...

2020 оны 06 сарын 07, 20 цаг 33 минут
Хийсэн бүтээсэн нь ямагт капитал!

Ертөнц тэр чигээрээ худалдаа хийж байна. Худалдаагаар амьдарч амьсгалж ...

2020 оны 06 сарын 07, 19 цаг 57 минут
Ураны тусгай зөвшөөрлийг хэн, хэний үед олгосон бэ?

Дэлхий нийтээр цөмийн зэвсэг, эрчим хүчний найдвартай эх үүсвэрийг ...

2020 оны 06 сарын 07, 11 цаг 53 минут
2020 оны 06 сарын 04, 11 цаг 19 минут
Эрдэмтэд дэлхийн зургаа дахь ‘их мөхөл’ ойртож байгааг анхаарууллаа

Стэнфорд, Принстон, Беркелийн их сургуулийн эрдэмтэд 2015 онд ...

2020 оны 06 сарын 03, 21 цаг 33 минут
Төмрийн хүдрийн үнэ 102 ам.доллар болж өсжээ

Энэ долоо хоногийн Даваа гарагт (2020.06.02) Даляны түүхий эдийн бирж дээр ...

2020 оны 06 сарын 03, 16 цаг 41 минут
Америкийн занарын нефть олборлогч 17 компани дампуурлаа зарлажээ

 ВАШИНГТОН. /Financial Times/. Коронавирусний цар тахлын улмаас ...

2020 оны 06 сарын 02, 18 цаг 21 минут
2020 оны 05 сарын 31, 18 цаг 52 минут
Шилийн гол аймаг дахин уул уурхай нээхгүй

 Өвөр Монголын Өөртөө Засах Орны Шилийн гол аймгийн Засаг захиргааны ...

2020 оны 05 сарын 28, 23 цаг 48 минут
​‘Онон’ Монголдоо эсэн мэнд буцаж ирсэн цорын ганц эгэл хөхөө болжээ

Монгол Улсын Зэрлэг ан амьтан судлах, хамгаалах төв ТББ болон Их Британийн ...

2020 оны 05 сарын 28, 11 цаг 05 минут
2020 оны 05 сарын 27, 21 цаг 43 минут
2020 оны 05 сарын 27, 17 цаг 26 минут
2020 оны 05 сарын 27, 11 цаг 15 минут
Алтны ханш 1700.60 ам.долларт буюу сүүлийн найман жилд хамгийн өндөр үнэ хүрлээ

 Алтны ханш өнөөдөр  1728.29 ам.доллар байгааг  Bloomberg ...

2020 оны 05 сарын 27, 10 цаг 58 минут
Шатахууны үнэ БУУРЛАА

 Ашигт малтмал, газрын тосны газраас шатахууны үнийн асуудлаар ...

2020 оны 05 сарын 26, 10 цаг 58 минут
“Борц” болсон эдийн засаг

Үндэсний их баяр наадмыг зохион байгуулах хороо хуралдаж, бөхийн ...

2020 оны 05 сарын 26, 10 цаг 42 минут
Том гүрнүүд сансрын уудамд олборлолт хийхээр өрсөлдөж эхэллээ

Өнгөрсөн таван жилийн хугацаанд дэлхийн томоохон гүрнүүд сансрын уудамд ...

2020 оны 05 сарын 25, 21 цаг 04 минут
Ираны түлш тээвэрлэсэн эхний хөлөг онгоц Венесуэлд хүрчээ

 АНУ-ын зүгээс хатуу сануулга өгөөд байсан хэдий ч Ираны түлш ...

2020 оны 05 сарын 25, 20 цаг 17 минут
В.Путин Оросын нефтийн салбарыг дэмжих удирдамж өглөө

 ОХУ-ын Ерөнхийлөгч В.Путин Засгийн газартаа хандаж, ирэх сарын 15-ны ...

2020 оны 05 сарын 25, 20 цаг 07 минут
Хятад улс цөлийг 60 жилийн дотор баян бүрд болгов

 Юйлин хотын иргэд элсэн шуурганаас хамгаалж мод суулгаж эхэлсэн ...

2020 оны 05 сарын 25, 16 цаг 12 минут
Дэлхийн ан амьтдын тухай сонирхолтой баримтуудаас

Дэлхийн ан амьтдын тухай сонирхолтой баримтуудаас та бүхэнд хүргэж байна. ...

2020 оны 05 сарын 25, 16 цаг 08 минут
Салхитын ордын авлигалын хэрэгт холбогдсон 6 шүүгчээс хоёр нь 3-5 жилийн ял авчээ

 Салхитын  ордын маргааныг шүүхээр шийдэхдээ 10-170 сая ...

2020 оны 05 сарын 25, 13 цаг 28 минут
У.Хүрэлсүх: Хил нээхгүй, хэзээ нээхийг хэлж чадахгүй

Улсын Онцгой комиссын Өргөтгөсөн хуралдаан Төрийн ордонд үргэлжилж байна. ...

2020 оны 05 сарын 25, 13 цаг 21 минут
АН-ЫН ДЭД ДАРГА АСАН Б.ДЭЛГЭРМАА ЯАГААД ЯАГААД ИЗНН-ААС НЭР ДЭВШИХ БОЛОВ

  АН-ын дэд дарга Б.Дэлгэрмаа УИХ-ын сонгуульд бие даан нэр дэвшихээр ...

2020 оны 05 сарын 23, 21 цаг 44 минут
2020 оны 05 сарын 23, 20 цаг 03 минут
“Эрдэнэт үйлдвэр” ТӨҮГ Монгол Улсын ТОП-100 аж ахуйн нэгжийг 18 дахь удаагаа тэргүүллээ

 Монгол Улсын Засгийн газар, Монголын Үндэсний худалдаа аж үйлдвэрийн ...

2020 оны 05 сарын 23, 19 цаг 44 минут
Мартаж болохгүй үнэн!!!

Бид 100 гаруйхан жилийн өмнө ингэж дарлуулж явсан гэдгээ өглөө бүр санах ...

2020 оны 05 сарын 23, 16 цаг 21 минут
Завилаа суудалтай бурхан уулын заяа хаашаа явна вэ...

Хөгшчүүд сайхан домог, ам дамжсан ардын сургаал их хүүрнэнэ. Тээр жил ...

2020 оны 05 сарын 23, 14 цаг 34 минут
2020 оны 05 сарын 22, 19 цаг 17 минут
Хятадын цахилгаан станцууд Австралийн нүүрсийг авахаас татгалзаж эхэлснийг мэдээлжээ

Хятадын засгийн газар өөрийн төрийн өмчит цахилгаан станцуудад Австралийн ...

2020 оны 05 сарын 22, 16 цаг 56 минут
Орос гацааг хоёр хөршийн гацаа гэсээр байх уу?

Өнгөрөгч зууныг бид “Зөвлөлтийн тусламж, Хятадын аюул” гэх ...

2020 оны 05 сарын 22, 10 цаг 13 минут
Тавантолгойн нүүрстэй холбоотой хэргийг өргөн хүрээтэй шалгаж эхэлжээ

   Б.ДАМДИН-ОЧИР   "Эрдэнэс Тавантолгой” ХК-ийн захирал ...

2020 оны 05 сарын 21, 13 цаг 40 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани