Ord.mn | Mongolian Mining
| English |  Mobile |  Rss

“Наран мандал”-ын уурхай залуусын тань амь нас, эрүүл мэндээр тоглож л байг уу, Г.Батжаргал дарга аа

	

 

“Наран мандал”-ын уурхай залуусын тань амь нас, эрүүл мэндээр тоглож л байг уу, Г.Батжаргал дарга аа

 

Баянхонгор аймгийн Баян-Овоо сумын нутаг Цагаан цахирын алтны үндсэн ордод үйл ажиллагаа явуулдаг "Наран мандал” компанийн уурхайд дэлбэрэлт болж, ажилтнууд нь дэлбэрэлтэд өртөн, хүнд гэмтсэн талаар манай сонин мэдээлсэн. Байс хийгээд ноцтой осол гаргадаг уг компанийн хариуцлагагүй үйл ажиллагааны талаар бид үргэлжлүүлэн сурвалжилж байна.
200 гаруйхан ажилчинтай жижиг уурхай ийм богино хугацаанд өдий төдий залуусын эрүүл мэнд, эд эрхтэнээр "тоглож”, насан туршид нь тахир дутуу болгожээ. Энэ бол "Наран мандал” компанийн хэр хариуцлагагүй, мэргэжлийн бус болохыг бэлээхэн хэлээд өгч буй үзүүлэлт. Ажлаа хийж яваад эрүүл мэндээрээ хохирсон хамгийн сүүлчийн жишээ нь саяын гурван залуу. Дэлбэрэлтэд өртсөн тэдний зарим нь хоёр нүд, гарын хуруунууд, төмсөгөө алдаж, зарим нь өрөөсөн нүдгүй болсон. Гэтэл компани ажлаа хийж яваад амиа алдахын наахна очсон уурхайчдаас, тэдний ар гэрээс уучлал гуйхын оронд бурууг өөрсдөөсөө зайлуулах арга саам л хайж харагдах нь дэндүү ёс зүйгүй.
Монголчуудад, тэр тусмаа баянхонгорчуудад хүрээлэн буй орчин, хүн зон, ажилчдадаа ээлтэй, хариуцлагатай уул уурхай л ус, агаар шиг хэрэгтэй байгаагаас биш алтны төлөө ажилчдынхаа аюулгүй байдлыг гаргуунд нь гаргадаг, хариуцлагагүй, аюултай уурхай хэрэггүй. 
"Наран мандал” компанийнхан орон нутагт тэрбум, тэрбумаар хөрөнгө оруулсан гэж цээжээ дэлдэн, нутгийн иргэдийг доромжилж, загнадаг юм билээ. Тэр мөнгийг нь авснаараа иргэдийнхээ амь нас, эрүүл мэндийг золиослох эрхийг уг компанид өгсөн юм уу, аймгийн Засаг дарга аа. Хууль, хяналт, төрийн байгууллагын толгой дээр гарсан "Наран мандал” компани залуусын чинь амь нас, эд эрхтэн, эрүүл мэндээр тоглож л байг уу, Г.Батжаргал дарга аа.
Ц.БОЛОРЧИМЭГ: ЯГ ЮУ БОЛСОН ТАЛААР ТОДОРХОЙ МЭДЭЭЛЭЛ ӨГӨХ ХҮН ОСЛЫН ГАЗАРТ БАЙГААГҮЙ
Ослын газарт ажиллаж, хэргийн газрын үзлэг хийх багт багтсан аймгийн Мэргэжлийн хяналтын газрын байгаль орчин, геологи, уул уурхайн хяналтын улсын байцаагч  Ц.Болорчимэгтэй холбогдлоо.
-"Наран мандал” компанийн уурхайд дэлбэрэлт болж хүмүүс гэмтсэн байна. Осол юунаас болсон юм бол?
-Цагдаад хэрэг бүртгэлтийн хэрэг нээгээд шалгаж байгаа учраас бид мэдээлэл өгөх боломжгүй. Тэндээс эрүүгийн гэмт хэргийн шинжгүй үйлдвэрлэлийн осол гэсэн дүгнэлт гарсан тохиолдолд манай хөдөлмөрийн байцаагч түүнд нь баталгаажуулалт хийх, эсэхээ шийднэ. Тухайн аж ахуйн нэгж өөрөө бас дотооддоо судалж, үйлдвэрлэлийн осол мөн, бишийг тогтоосон актаа манайд авчирч өгөх ёстой.
-Та ажил үүргийнхээ хуваарийн дагуу ослын газарт ажиллах ёстой. Уурхай руу очсон биз дээ?
-Аймгийн онцгой байдал, цагдаа болон манай байгууллагын хамтарсан баг ослын газарт очиж, үзлэг хийсэн. Тухайн үед дэлбэрэлт болсон газрын аюулыг бүрэн арилгаагүй байсан учраас бид агуулах руу нь ороогүй.
-Тэсэлгээний бодисын агуулахад нь дэлбэрэлт болсон юм уу. Та нарыг очиход нөхцөл байдал ямар байв?
-Тэсэлгээний хэрэгслийн агуулахад нь дэлбэрэлт болсон юм билээ. Тэнд ажиллаж байсан ажилчид нь байгаагүй. Нэг ээлжийн инженер нь осолд өртчихсөн, нөгөө ээлжийнх нь инженер гэмтсэн хүмүүсээ аваад аймаг руу явчихсан байсан учраас яг юу болсон, яасан талаар тодорхой мэдээлэл өгөх хүн ослын газарт байгаагүй. Одоо цагдаа дээр л тайлбар, мэдээлэл өгч байгаа байх.
-Та нар ослын газарт очсон ч мэдээлэл авч чадаагүй юм байна, тийм үү?
-Далд уурхайд тэсэлгээ хийхээр тэсэлгээний материал, хэрэгслээ бэлтгэж байхад нь дэлбэрэлт болсон юм билээ. Агуулахад таван хүн ажиллаж байснаас хоёр нь гайгүй үлдсэн. Гэмтсэн гурвын нэг нь нэлээд хүнд, хоёр дахь нь хүндэвтэр, гурав дахь нь хөнгөн гэмтэлтэй гэсэн.
-Ийм ноцтой осол гараад байхад "Наран мандал” компанийн үйл ажиллагааг явуулсаар байгаа нь ямар учиртай вэ?
-Тэсэлгээ хийдэг туслан гүйцэтгэгч компанийн үйл ажиллагааг зогсоосон. Үйл ажиллагааг нь зогсоохоор барахгүй тусгай зөвшөөрлийг нь цуцлах асуудал яригдана. "Наран мандал”-ын тухайд, тэсэлгээг нь зогсоочихоор далд уурхайн ажил нь явахгүй болж байгаа юм гэв.
Гурван залууг эрүүл мэнд, эд эрхтэнээс нь салгаад буй ноцтой осол юунаас болсон талаар мэдээлэл авахаар Баянхонгор аймгийн Цагдаагийн газрын Мөрдөн байцаах тасгийн дарга Г.Батаатай холбогдоход "Хэрэг бүртгэлтийн хэрэг нээгээд, Хэрэг бүртгэх тасагт харьяалан шилжүүлсэн. Шалгагдаж байгаа учраас ямар ч мэдээлэл өгөх боломжгүй” гэв. Хууль, хяналтын байгууллагынхан ийм яриатай сууна. Ямартай ч "Наран мандал” компанийн уурхайн тэсэлгээний материалын агуулахад болсон дэлбэрэлтийг шалгахаар хэрэг бүртгэлтийн хэрэг нээжээ.
НУТГИЙН ИРГЭН: 200 ГАРУЙХАН АЖИЛЧИНТАЙ ЖИЖИГ УУРХАЙ ХЭРНЭЭ ҮЙЛДВЭРЛЭЛИЙН ОСОЛД ОРСОН ХҮНИЙ ТОО 30 ДӨХӨӨД БАЙГАА
Уурхайчин залуусын эрх ашгийг хамгаалж, хариуцлагагүй уурхайгаас хариуцлага нэхэхээ мэдэгдээд буй тэрбээр үзэл бодлоо хуваалцахыг зөвшөөрсөн ч нэрээ нууцлахыг хүссэн юм.
-Нутгийнхан их болгоомжлолтой байдаг болж. Компанийн зүгээс сүрдүүлж, нөлөөлөх зүйл байдаг юм уу?
-Ер нь айлгана шүү. Бид залуу хүмүүс, амьдрал үргэлжилнэ. Энэ компани хуульчдын том багтай гэж ярьдаг, цаашид өөр ажилд ороход чинь ч хаалт тавьж болно гэж сүрдүүлдэг. Орон нутгийнхан бодит байдлыг нь хэлье, нэгдье, нийлье гэдэг байсан бол одоо хэлэх үг, хийх үйлдэлдээ хянамгай байхгүй бол эргээд өөрсдөө юманд орооцолдчих вий гэсэн айдастай байдаг болсон. 
"Наран мандал” 200 гаруй ажилчинтай. Тэднийгээ олон нийтийн сүлжээнд зохион байгуулалтад оруулж, "Уурхайгаа аваръя”, "Энэ бол бидний хоолоо олж иддэг газар” гэх мэтийн зүйл бичих, хариуцлагагүй байдлынх нь талаар үнэн бодит зүйл бичсэн хүн рүү бөөнөөрөө дайрч, хэл амаар доромжлох, айлган сүрдүүлэх ажлыг системтэйгээр хийж байна.
-Уг компанид ажиллаж байгаад хөдөлмөрийн чадвараа алдсан залуус болон орон нутгийн залуучуудын байгууллага хамтран уурхайчдын эрх ашгийг хамгаалах талаар ярьж байгаа гэсэн. Энэ ажил ямархуу явцтай байна вэ?
-Жагсаал хийхээр төлөвлөж байсан ч аймгийн удирдлага зөвшөөрөөгүй. Тиймээс гарын үсэг цуглуулж, шаардлага хүргүүлэх талаар ярилцаж байна.
-Уурхайг хөдөлмөр хамгааллын стандартыг хангадаггүй, ажилчдынхаа амь нас, эрүүл мэндийг хамгаалдаггүй гэж буруутгаж байх шиг байсан. Ингэх тодорхой шалтгаан бий юу?
-2014 оноос хойш энэ уурхай ажиллаж байгаа. Энэ богино хугацаанд үйлдвэрлэлийн осолд орсон хүний тоо 30 дөхсөн. Цианидад хордож, үйлдвэрлэлийн осолд орж, эрүүл мэнд, эрхтэнээ алдсан ч үүнийгээ тоолгүй энд ажиллаж байгаа залуу олон. Нэг залуу цианидад хордсон ч эргэж ажилдаа ороод дахин осолдож, гараа тасдуулсан. Цианидад хордсон гэж шуугиан дэгдээсэн гурван хүнээс гадна цианид асгарсны дараа үйлдвэрт ажиллаж, хордсон, үүнээсээ болж уушги нь өвчилж, хэд хэдэн удаа хагалгаанд орсон хүн ч бий. Ажлын байрнаас болж уушги нь өвчилсөн хүн тэнд олон. Тэднийг өөрсдийнхөө гэрээтэй эмнэлэгт эмчилнэ гэж хот руу авч яваад, "Чи угаасаа уушгины сүрьеэтэй юм байна” гэж хэлээд явуулчихдаг.
-Та хэт нэг талыг барьж буй юм биш биз. Уурхайн буруутай үйл ажиллагаанаас эрүүл мэндээрээ хохирсон бол эргэж очиж ажиллаад байхгүй байлгүй дээ?
-Орон нутагт ажлын байр ховор, цалин бага шүү дээ. Уурхай бусад байгууллагыг бодвол цалин өндөртэй, тэр хэрээрээ зээл өндөр гардаг. Мэргэжил, боловсрол тааруу, хар бор ажил хийж амьдралаа залгуулдаг залуус энд ажилд ордог. Өөр орлогогүй, 10-20 сая төгрөгийн зээлтэй хүмүүс ажилгүй болохоос айдаг юм. Түүн дээр нь дөрөөлж хамаг булхайгаа нуудаг. Осолд орсон хүмүүсийг ажиллаагүй хугацааных нь цалинг өгье, буцаад ирэхэд чинь цалин бууруулахгүйгээр хөнгөн ажлын байранд шилжүүлье гэхээр хүмүүс хууртагдчихдаг юм билээ.
БАТЖ.БАТБАЯРЫН УУРХАЙ ӨМНӨ НЬ ЦИАНИД АЛДАХДАА Ч ХОЛБОГДОХ БАЙГУУЛЛАГАД МЭДЭГДЭЛГҮЙ НУУХЫГ ОРОЛДОЖ, ТУСЛАН ГҮЙЦЭТГЭГЧ КОМПАНИА БУРУУТГАЖ БАЙВ
Баянхонгор аймгийн Баян-Овоо сумын нутаг Цагаан цахирын ордод үйл ажиллагаа явуулдаг уг уурхайг нутгийнхан Молекул Батбаярынх гэдгээр нь андахгүй. "Батж.Батбаяр Баянхонгороос УИХ-д сонгогдоод хийсэн ганц ажил нь Цагаан цахирын ордыг хувьдаа авсан” гэж ярилцдаг. Батж.Батбаяр Цагаан цахирт 298.13 га талбайтай Цагаан овоо, 755.2 га талбайтай Улаан толгой гэсэн ашиглалтын хоёр тусгай зөвшөөрөл эзэмшдэг бөгөөд эдгээр нь хоёул 30 жилийн хугацаатай.
Нэг их өндөр технологи шаардахгүй, газрын өнгөн хэсгээс алт уудлаад авах боломжтой, цөөнгүй тоннын нөөцтэй Цагаан цахирын орд олон хүний шуналыг хөдөлгөдөг. Өмнө нь энэ ордод БНХАУ-ын хөрөнгө оруулалттай "Цагаан цахир гоулд” компани үйл ажиллагаа явуулж байсан бөгөөд тэдний цианидтай шламнаас 70 шахам ямаа хордож үхсэн хэрэг гарч байв. Тухайн үед аймгийн ИТХ-аас "Цагаан цахир гоулд” компанийн үйл ажиллагааг зогсоож, эзэмшиж байсан талбайг тусгай хэрэгцээнд авсан ч уг газар удалгүй Батж.Батбаярын мэдэлд очсон. УИХ-ын Байгаль орчин, хүнс, хөдөө аж ахуйн байнгын хорооны даргаар ажиллаж байхдаа албан тушаалаа ашиглан энэ ордыг өөрийн болгосон байх хэмээн түүнийг хардах нь бий. Батж.Батбаяр 2008-2012 оны парламентад Баянхонгор аймгаас сонгогдон ажилласан бөгөөд энэ хугацаандаа Байгаль орчин, хүнс, хөдөө аж ахуйн байнгын хорооны даргын алба хашсан юм.
Уг компани баяжуулах үйлдвэртээ цианид ашигладаг Монгол Улсын хэмжээнд байдаг гуравхан компанийн нэг. Тэднийх химийн хорт, аюултай бодис ашиглах зөвшөөрөлтэй, аюулгүй байдлыг дээд зэргээр хангаж ажиллах үүрэгтэй ч хүний эрүүл мэнд, байгаль орчинд хохирол учруулахуйц ослыг удаа дараа гаргаж буй. Саяын болсон дэлбэрэлт уг компанийн хувьд анхны осол биш. Том, жижиг янз бүрийн осол байнга гардаг ч үүнийгээ компани нуучихдаг тухай ажилчид нь хэлж буй. Мөн ажил хийж, амьдралаа дээшлүүлэх гэгээн мөрөөдөлтэй тус компанийн босгоор алхаад үйлдвэрлэлийн осол, мэргэжлээс шалтгаалах өвчний улмаас хөдөлмөрийн чадвараа ямар нэг хэмжээгээр алдсан залуусын тоо 30 дөхсөн тухай дээр дурдсан.
Өмнө нь хэд хэдэн осол гарснаас 2018 онд цианид алдаж, ажилчид нь хордсон томоохон осол болсон. Тэр өдөр цианидын уусмал шахдаг шахуургын товчлуур "өөрөө” дарагдаж, хорт уусмалыг 30 минут орчим ямар ч хяналтгүйгээр шахан их хэмжээний цианид алдсан байдаг. Өөр нэг ноцтой зүйл нь баяжуулах үйлдвэртээ химийн хорт бодис алдсан талаараа компанийнхан цаг тухайд нь холбогдох байгууллагад мэдэгдээгүй. Цианид алдсан үйл явдал гуравдугаар сарын 5-нд болсон. Харин цианид алдагдсан байж болзошгүй гэсэн мэдээллийг гуравдугаар сарын 7-ны 16.00 цагийн үед аймгийн Нэгдсэн эмнэлгээс Онцгой байдлын алба, Цагдаагийн хэлтэс, Мэргэжлийн хяналтын газарт өгсөн байдаг. Өөрөөр хэлбэл, хордсон иргэдийн бие муудаж эмнэлэгт хандахаас өөр аргагүй болж байж сая холбогдох байгууллагууд мэдсэн гэсэн үг. Таван тоннын савнаас шахсан цианидын уусмал 30 орчим минут хальж асгарсан нь дүрс бичлэгт үлдэж, уг компанийн хариуцлагагүй, аюулгүй байдлаа хангаагүйг батлах нотлох баримт болсон ч уг бичлэг сүүлдээ алдагдсан гэдэг.
Тухайн үед компани хордсон ажилчдаа цианидад бус, тэсэлгээний утаанд угаартсан гэсэн цуурхал тарааж, болсон явдлыг баллан, бүдэгрүүлэх гэж оролдож байв. Хордсон иргэд болон ар гэрийнхнийг нь хэвлэл мэдээлэлд юу ч ярихгүй байхыг тулгаж, элдэв аргаар амыг нь хамхисан. Хордсон иргэдийг гэрийнхэнтэй нь хамт хувийн эмнэлэгт хэвтүүлэхээс эхлээд дуугүй байлгахын тулд ихээхэн хөрөнгө хаясан. Эцэст нь компани ажилчдаа цианидад хордсоныг хүлээн зөвшөөрсөн ч уг хэрэгт туслан гүйцэтгэгч компаниа буруутгаад дууссан билээ.
Үндэсний шуудан

 

“Наран мандал”-ын уурхай залуусын тань амь нас, эрүүл мэндээр тоглож л байг уу, Г.Батжаргал дарга аа
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Шинэ мэдээ
Шатахуун, автомашин, эрчим хүчний импорт буурчээ

Импорт 2.5 тэрбум ам.долларт хүрч өнгөрсөн оны мөн үеийнхээс 434 сая ...

Өчигдөр, 15:07
Тусгай зөвшөөрөл цуцалсан талбайд хяналт, шалгалт хийж байна

Аймгийн Засаг даргын 2020 оны 06 дугаар сарын 08-ны өдрийн А/369 дугаар ...

2020 оны 07 сарын 10, 15 цаг 01 минут
Бэлэн байдлын зэрэгт шилжүүлсэн хугацааг дахин сунгалаа

Засгийн газрын өнөөдрийн хуралдаанаар “Бэлэн байдлын зэрэгт ...

2020 оны 07 сарын 10, 14 цаг 40 минут
Дотоодын аялагчид өдөрт 2000 тонн хог хаядаг

Урин цаг ирэв үү, үгүй юү гэр бүл, найз нөхдөөрөө нийлэн хөдөөг зорих нь ...

2020 оны 07 сарын 10, 14 цаг 03 минут
ОХУ-ын Холбооны Хурал "Монгол, ОХУ-ын найрсаг харилцаа, иж бүрэн стратегийн түншлэлийн тухай гэрээ"-г баталжээ

Монгол Улсын Ерөнхийлөгч Х.Баттулгын урилгаар ОХУ-ын Ерөнхийлөгч В.В.Путин ...

2020 оны 07 сарын 10, 12 цаг 48 минут
Усархаг, дуу цахилгаантай бороо орох тул үер, усны аюулаас сэрэмжлүүлж байна

Өчигдөр буюу 2020.07.09-ны өдөр Тээврийн цагдаагийн албанд иргэдээс 396 ...

2020 оны 07 сарын 10, 12 цаг 32 минут
Байнгын хороодын дарга нарыг сонгон, дэд хорооны бүрэлдэхүүнийг баталж, Анхдугаар чуулган өндөрлөв

  Байнгын хорооны дарга нарыг сонгож батлав Улсын Их Хурлын Анхдугаар ...

2020 оны 07 сарын 10, 09 цаг 35 минут
Бээжин, Тяньжиньд хамгийн ойрхон “их элсэн сав газар”-ыг цөлжилтөөс ангижруулж буй тухай тэмдэглэл

Нэгэн цагт хэдэн мянган километр газрыг хамран их элс манхан нүүдэллэдэг ...

2020 оны 07 сарын 09, 13 цаг 59 минут
Зургаан жилийн ял авсан Б.Отгонбаатар гэж хэн бэ?

Төрийн шүүхээр орж 6 жилийн ял сонсоод байгаа Ерөнхий сайд асан ...

2020 оны 07 сарын 09, 11 цаг 21 минут
Ерөнхий сайд байхдаа өөртөө лиценз олгосон Ж.Эрдэнэбатад 6 жилийн хорих ял оноолоо

Нийслэлийн прокурорын газраас шүүгдэгч Ж.Эрдэнэбат, Б.Отгонбаатар, ...

2020 оны 07 сарын 06, 13 цаг 25 минут
Хямралыг даваад, хуримтлуулж чадвал сайн л хэрэг

Монгол Улсын эдийн засгийг энэ онд 0.5 хувиар агшина хэмээн таамагласнаа ...

2020 оны 06 сарын 20, 13 цаг 21 минут
Дундговь аймагт үйл ажиллагаа явуулж буй ураны компанийн үйл ажиллагааг зогсоолоо

 Дундговь аймгийн Өлзийт, Баянжаргалан, Гурвансайхан, Өндөршил сумын ...

2020 оны 06 сарын 17, 13 цаг 28 минут
Алтаа ухуулаад авдрандаа хаягдсан “Шүрэн гал”

Шүрэн гал. Шарын гол гэдэг нэрний гарвал энэ үгтэй холбоотой тухай ...

2020 оны 06 сарын 16, 11 цаг 07 минут
“Эрдэнэт”-ийн 49 хувь”-ийн бүлэглэлийн гишүүн Р.Амаржаргал төр тэргүүлэх ёсгүй

Ардчилсан нам өнөөдөр цаг үеийн асуудлаар мэдээлэл хийж, ...

2020 оны 06 сарын 16, 10 цаг 07 минут
Өвөр Монголоос бал чулууны арвин нөөц илэрчээ

БНХАУ-ын Өвөр Монголын өөртөө засах орны Баяннуур хотод бал чулууны арвин ...

2020 оны 06 сарын 15, 15 цаг 22 минут
“Бид дахин уучлал эрэхгүй”

Англи-Австралийн уул уурхайн “Рио Тинто” компани тэсэлгээ хийх ...

2020 оны 06 сарын 15, 11 цаг 44 минут
Эдийн засгийн хямрал дөнгөж эхэлж байгааг анхааруулжээ

Дэлхийн улс орнууд үндсэндээ зургаан сарын турш коронавирустай ...

2020 оны 06 сарын 15, 09 цаг 48 минут
Дорнод аймгийн ард иргэд нэр дэвшигч Ц.Сэргэлэнг идэвхийлэн дэмжиж байна

УИХ-ын 2020 оны сонгуульд Дорнод аймагт МАН-аас генерал Ц.Сэргэлэн, УИХ-ын ...

2020 оны 06 сарын 13, 15 цаг 46 минут
Ядуу ч “ялах” Монгол

“Баялгийн сантай болно”, “Валютын нөөцийг ...

2020 оны 06 сарын 12, 20 цаг 54 минут
2020 оны 06 сарын 12, 16 цаг 39 минут
ТЕГ-ын дарга, генерал Д.ГЭРЭЛИЙН ХҮҮГИЙН УУРХАЙД шүүх үзлэг хийж байна

ТЕГ-ын дарга, Генерал Д.Гэрэлийн хүү Г.Аранзалын нэр дээр бүртгэлтэй ...

2020 оны 06 сарын 10, 12 цаг 00 минут
“Рио Тинто” дурсгалт газрыг сүйтгэсэн шалтгаанаа тайлбарлажээ

 Уул уурхайн чиглэлээр үйл ажиллагаа  явуулдаг "Рио Тинто” ...

2020 оны 06 сарын 09, 16 цаг 31 минут
“ТОП”-ууд “Эрдэнэт үйлдвэр”-т зочиллоо

 Монгол Улсын Засгийн газар, Монголын Үндэсний худалдаа аж үйлдвэрийн ...

2020 оны 06 сарын 09, 15 цаг 13 минут
2020 оны 06 сарын 09, 14 цаг 32 минут
Хийн хоолой бол хий мөрөөдөл биш

 Оросоос Хятад руу хий дамжуулах хоолойг Монголын нутгаар дайруулах ...

2020 оны 06 сарын 08, 20 цаг 36 минут
2020 оны 06 сарын 08, 15 цаг 41 минут
Нидерланд улс коронавирусийн халдвараас сэргийлж, 10,000 булга заазлах шийдвэр гаргажээ

Нидерландын засгийн газар коронавирусийн халдвар тархахаас сэргийлэх ...

2020 оны 06 сарын 08, 13 цаг 14 минут
Бүлэглэл чинь сүрэглэл болчихлоо, толгойлогч оо...

Сүргийн толгойлогч сахал Эрдэнэбилэгээс асуух асуулт байна аа. Төр улсыг ...

2020 оны 06 сарын 07, 20 цаг 33 минут
Хийсэн бүтээсэн нь ямагт капитал!

Ертөнц тэр чигээрээ худалдаа хийж байна. Худалдаагаар амьдарч амьсгалж ...

2020 оны 06 сарын 07, 19 цаг 57 минут
Ураны тусгай зөвшөөрлийг хэн, хэний үед олгосон бэ?

Дэлхий нийтээр цөмийн зэвсэг, эрчим хүчний найдвартай эх үүсвэрийг ...

2020 оны 06 сарын 07, 11 цаг 53 минут
2020 оны 06 сарын 04, 11 цаг 19 минут
Эрдэмтэд дэлхийн зургаа дахь ‘их мөхөл’ ойртож байгааг анхаарууллаа

Стэнфорд, Принстон, Беркелийн их сургуулийн эрдэмтэд 2015 онд ...

2020 оны 06 сарын 03, 21 цаг 33 минут
Төмрийн хүдрийн үнэ 102 ам.доллар болж өсжээ

Энэ долоо хоногийн Даваа гарагт (2020.06.02) Даляны түүхий эдийн бирж дээр ...

2020 оны 06 сарын 03, 16 цаг 41 минут
Америкийн занарын нефть олборлогч 17 компани дампуурлаа зарлажээ

 ВАШИНГТОН. /Financial Times/. Коронавирусний цар тахлын улмаас ...

2020 оны 06 сарын 02, 18 цаг 21 минут
2020 оны 05 сарын 31, 18 цаг 52 минут
Шилийн гол аймаг дахин уул уурхай нээхгүй

 Өвөр Монголын Өөртөө Засах Орны Шилийн гол аймгийн Засаг захиргааны ...

2020 оны 05 сарын 28, 23 цаг 48 минут
​‘Онон’ Монголдоо эсэн мэнд буцаж ирсэн цорын ганц эгэл хөхөө болжээ

Монгол Улсын Зэрлэг ан амьтан судлах, хамгаалах төв ТББ болон Их Британийн ...

2020 оны 05 сарын 28, 11 цаг 05 минут
2020 оны 05 сарын 27, 21 цаг 43 минут
2020 оны 05 сарын 27, 17 цаг 26 минут
2020 оны 05 сарын 27, 11 цаг 15 минут
Алтны ханш 1700.60 ам.долларт буюу сүүлийн найман жилд хамгийн өндөр үнэ хүрлээ

 Алтны ханш өнөөдөр  1728.29 ам.доллар байгааг  Bloomberg ...

2020 оны 05 сарын 27, 10 цаг 58 минут
Шатахууны үнэ БУУРЛАА

 Ашигт малтмал, газрын тосны газраас шатахууны үнийн асуудлаар ...

2020 оны 05 сарын 26, 10 цаг 58 минут
“Борц” болсон эдийн засаг

Үндэсний их баяр наадмыг зохион байгуулах хороо хуралдаж, бөхийн ...

2020 оны 05 сарын 26, 10 цаг 42 минут
Том гүрнүүд сансрын уудамд олборлолт хийхээр өрсөлдөж эхэллээ

Өнгөрсөн таван жилийн хугацаанд дэлхийн томоохон гүрнүүд сансрын уудамд ...

2020 оны 05 сарын 25, 21 цаг 04 минут
Ираны түлш тээвэрлэсэн эхний хөлөг онгоц Венесуэлд хүрчээ

 АНУ-ын зүгээс хатуу сануулга өгөөд байсан хэдий ч Ираны түлш ...

2020 оны 05 сарын 25, 20 цаг 17 минут
В.Путин Оросын нефтийн салбарыг дэмжих удирдамж өглөө

 ОХУ-ын Ерөнхийлөгч В.Путин Засгийн газартаа хандаж, ирэх сарын 15-ны ...

2020 оны 05 сарын 25, 20 цаг 07 минут
Хятад улс цөлийг 60 жилийн дотор баян бүрд болгов

 Юйлин хотын иргэд элсэн шуурганаас хамгаалж мод суулгаж эхэлсэн ...

2020 оны 05 сарын 25, 16 цаг 12 минут
Дэлхийн ан амьтдын тухай сонирхолтой баримтуудаас

Дэлхийн ан амьтдын тухай сонирхолтой баримтуудаас та бүхэнд хүргэж байна. ...

2020 оны 05 сарын 25, 16 цаг 08 минут
Салхитын ордын авлигалын хэрэгт холбогдсон 6 шүүгчээс хоёр нь 3-5 жилийн ял авчээ

 Салхитын  ордын маргааныг шүүхээр шийдэхдээ 10-170 сая ...

2020 оны 05 сарын 25, 13 цаг 28 минут
У.Хүрэлсүх: Хил нээхгүй, хэзээ нээхийг хэлж чадахгүй

Улсын Онцгой комиссын Өргөтгөсөн хуралдаан Төрийн ордонд үргэлжилж байна. ...

2020 оны 05 сарын 25, 13 цаг 21 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани