Ord.mn | Mongolian Mining
| English |  Mobile |  Rss

У.Хүрэлсүх: Монголд давраад байгаа гурван зүйл бол улс төр, уул уурхай, банкны систем

Монгол Улсын Ерөнхий сайд У.Хүрэлсүх энэ сарын 27-нд МҮХАҮТ-д үндэсний компанийн захирлуудтай уулзав. Өмнө нь тэр хоёр удаа яг энэ танхимд, Япон, Солонгос, Хятадын айлчлалын үеэр бизнесмэнүүдтэй тус бүр нэг удаа уулзаж байсан ч энэ удаагийн уулзалт хамгийн том нь байв. Учир нь Монголын ДНБ-ын 45 хувийг бүтээдэг, 2.9 их наяд төгрөг буюу нийт татварын орлогын 35 хувийг бүрдүүлдэг, 70 гаруй мянган хүнийг ажлын байраар хангадаг 250 гаруй компанийн захирлууд нэгэн зааланд Ерөнхий сайдтайгаа, яамдын сайд нартай ярилцахаар цугласан байв.

Ерөнхий сайд уулзалтын эхэнд ДНБ 8.6% өсөлттэй байгаа, 2018 онд төсвийн тодотгол хийгээгүй, гадаад худалдаа ашигтай гарсан, гадаад валютын нөөц нэмэгдсэн, зээлжих зэрэглэл дээшилсэн, нэг үгээр эдийн засгийн суурь үзүүлэлтүүд сайжирсан гэсэн тойм мэдээлэл өглөө.

Хэдийгээр түүний ярианд нарийн тоо баримт, задлан шинжилгээ ховор ч ажлын байр бий болгож, татвар төлж байгаа баялаг бүтээгчдээ дэмжинэ, харин шударга бус бизнестэй хатуу үзнэ гэдгээ онцолж байв. Тэрбээр саяхан Засгийн газраас орон нутагт уул уурхайн хэд хэдэн лицензийг цуцалсан тухай ярихдаа “Худал ярьж, хулгай хийж, улсын хөрөнгө завшиж байгаа хулгайч бизнестэй, улс төр, бизнесийн мафижсан бүлэгтэй ясаа цайтал тэмцэнэ” гэж хэллээ.

Засгийн газрын үйл ажиллагааны чиглэлийг тоймлон хэлэхдээ:

Бид үндсэн гурван зүйлийг хийхийг зорьж байна. Нэгдүгээрт эрчим хүчээ өөрсдөө бүрэн хангаж, хоёрдугаарт түлшээ дотооддоо үйлдвэрлэж, гуравдугаарт өөрсдийн хүнсээр хүн амаа хангах шаардлагатай.

Халамж хавтгайрч байна гэсэн шүүмжлэлтэй холбогдуулан хэлэхдээ “Монгол Улсын төр хүүхэд багачууд, хөгжлийн бэрхшээлтэй иргэд, хөгшид, өрх толгойлсон эцэг эх гэсэн дөрвөн бүлгийг халамжилна, бусад нь өөрсдөө хөдөлмөрлөж амьдрах ёстой” гэж томъёолов.

Түүнчлэн Монголд хамгийн давуу эрх эдэлж, нэг үгээр “давраад” байгаа гурван зүйл бол уул уурхай, улс төр, банкны систем гэж нэрлэв.

30 жилийн зовлонг 3 минутанд

Уулзалтын үндсэн хэсэг нь асуулт, хариулт байв. Ерөнхий сайдыг дагаж уул уурхай, байгаль орчин аялал жуулчлал, хөдөө аж ахуй хөнгөн үйлдвэр, зам тээвэр, эрчим хүч, барилга зэрэг салбарын сайд нар, мөн гааль, улсын бүртгэл, татвар, үндэсний хөгжлийн газар, мэргэжлийн хяналт, шударга өрсөлдөөн хэрэглэгчийн төлөө газар зэрэг агентлагийн дарга нар ирсэн байлаа. Бизнес эрхлэгчид микрофоны ард уртаас урт дараалал үүсгэж, тус бүр гурван минутанд санал хэлж, асуултаа тавив. Гэвч бизнесийн салбарт 30 шахам жил хуримтлагдаад буй асуудлыг гуравхан минутанд багтааж ярина гэдэг үнэхээр хэцүү байв. Уулзалтын модератороор ажиллаж байсан МҮХАҮТ-ын Ерөнхийлөгч О.Амартүвшин хугацааг бариулах гэсэн боловч амжилт олсонгүй.

Бизнес эрхлэгчдийн ярианд дараах үгс хамгийн их давтагдаж байв. “Гадаадад ажиллах хүчнээ алдаж ажил хийх хүнгүй боллоо”, “Төрийн бодлого тогтворгүй байна”, “Зээлийн хүү өндөр байна”, “Хятад улсад зах зээлээ алдаж дууслаа”.

Бизнесийн зардлын 10-30 хувийг авлигад өгдөг мөнгө эзэлж байна.

Санал хэлж, асуулт тавьсан бизнес эрхлэгчдээс олон хүн сүүний салбарт төрийн даацтай дэмжлэг хэрэгтэй байгааг хэлж байв. Тухайлбал, сүүний салбарын холбооны төлөөлөл сурагчдын үдийн цайнд 250-300 гр сүү, сүүн бүтээгдэхүүн оруулах санал тавив. Энэ нь нэг талаас үндэсний үйлдвэрлэгчдийг борлуулалтаар дэмжиж, нөгөө талаас хүүхдүүдийн дунд түгээмэл болсон кальцын хомсдлоос үүдэлтэй ясны сийрэгжилт, шим тэжээлийн дутагдлыг шийдэх юм. Мөн сүүгээ нийлүүлсэн айл өрхөд урамшуулал олгох, стандартын бус хэлбэрээр хийж буй сүүний худалдааг хязгаарлах хэрэгтэй тухай ярилаа.

МҮХАҮТ-ын хуучин Ерөнхийлөгч Б.Лхагважав Монголын банкны систем олон улсын хэдхэн том банкны барьцаанд орчихсон гэдгийг хэлээд төрийн өмчийг хариуцдаг тусгай прокурор хэрэгтэй гэсэн санал тавив.

Буян компанийн захирал Б.Жаргалсайхан сурсан зангаараа гурван минутыг 10 минут болгон “сунгаж” ярив. Эхлээд тэр ийм уулзалтыг улирал бүрт хийж байя гэсэн саналыг Ерөнхий сайдад тавиад шүүмжлэлээ урсгав. Ингэхдээ Монгол Улс худалдаа хариуцсан яамгүй байгаа, банкууд дампуурахад ойрхон болсон, хөдөө эзгүйрсэн, орон нутгийнхан хотод төвлөрсөн, түүхий эдийн зах зээл өмнөд хөршийн хэдхэн бизнесмэнээс хэтэрхий хараатай байгаа, компаниуд ажилтны хомсдолд орсон гэдгийг сануулав. Мөн нийгмийн халамжийг хумьж, малчин, сэхээтэн, бизнесмэн гэж ялгалгүй нэг татварын орчинтой болгож, авто зам ашиглалтын хураамжийг өсгөж төрийн мөнгөөр зам тавьдгийг болих хэрэгтэй гэж хэлсэнд зааланд суусан хүмүүс алга ташив. Улсын төсвийн мөнгийг үрэлгэн зарцуулж байгааг шүүмжлэхдээ Сангийн яамыг “цоорхой шуудав” гэж тодорхойлов.

Олон захирал яриандаа төрийн албанд хүнд суртал их байгааг дурдаж, элдвийн байцаагч нартай үзэлцсээр байгаад таардаг гэж ярив. Агентлагийн дарга нар сайдуудын арын эгнээнд дуугүй сууж байлаа. Нэгэн жижигхэн ноолуурын үйлдвэрийн захирал микрофоны ард оочер хүлээн зогсож байх зуур усны байцаагч усыг нь тасалсан гэсэн дуудлага авч, уурлаж гомдож байгаагаа хэлээд тэр усны байцаагчийг Ерөнхий сайдад “ховлож” шийтгэж өгөхийг хүсэв.

Уулзалтын үеэр санал, сэтгэгдэлээ хэлж буй бизнес эрхлэгч

Төрийн бодлого, түүний гүйцэтгэлд олон нугалаа байгаа гэдэг нь бизнес эрхлэгчдийн ярианаас мэдрэгдэж байсан бөгөөд зарим зүйлийн талаар сайд нар огт мэдээлэлгүй байгаа нь харагдаж байв. Жишээ нь, Монголд тамхины худалдаа эрхэлдэг 10 компани байдгаас Монгол тамхи Со гэх нэг компани зах зээлийн талаас илүү хувийг эзэлдэг, тэгсэн хэрнээ үндэсний үйлдвэрлэгч гэсэн нэрийдлээр тавхан хувийн татвар төлж, бусад есөн компани нь 30 хувийн татвар төлдөг тухай нэгэн тамхи импортлогч ярилаа. Түүний нотолж буйгаар Монгол тамхи Со нь үндэсний компани гэгддэг ч үнэндээ 51 хувийг нь Хятадын компани эзэмшдэг аж.

Ерөнхий сайдын бизнес эрхлэгчидтэй хийсэн энэхүү уулзалтаас асуудал уул овоо шиг олон байгаа ч тэдгээрийг шийдэх захиргааны, санхүүгийн, боловсон хүчний бололцоо маш хомс байгаа гэдэг нь харагдаж байв. Тиймээс хамгийн түрүүнд шийдэх ёстой агаар, хөрсний бохирдол, төмөр зам зэргийг барьж авсан гэдгээ Ерөнхий сайд хэлж байлаа.

Ерөнхий сайд У.Хүрэлсүх “Би бизнесийн ертөнцөд ургасан хог шарилжийг зулгааж байгаа болохоос зүлгийг нь зулгаагаагүй. Энэ хүмүүс та нарын бизнесийг булааж, та нарын боломжийг шүүрч байна. Би хэнээс ч айхгүй, хэнд ч худалдагдахгүй. Намайг худалдаж авна гэж санасны хэрэггүй” гэж хэлснийг нь бизнес эрхлэгчид дэмжсэн хандлагатай байлаа. Ямартаа ч өмнөх Ерөнхий сайд нартай харьцуулахад У.Хүрэлсүхэд өөрийн бодсон төлөвлөснөөрөө ажиллах, кабинетаа илүү нэгдмэл байлгах боломж нь өргөн байна гэсэн дүгнэлт хийхээр байна. Болдог бол сонгуулийг хойшлуулаад нэг хэсэгтээ ажлыг нь хийлгэх юмсан гэсэн санал ч бизнес эрхлэгчдийн дундаас цухалзаж байсан юм.

https://business.mn/

У.Хүрэлсүх: Монголд давраад байгаа гурван зүйл бол улс төр, уул уурхай, банкны систем
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Батлах код: *
Шинэ мэдээ
“Страто” компанийн хууль зөрчсөн үйлдлүүдийг орон нутгийн удирдлагууд эсэргүүцэж байна

ТВ8 телевизийн "Экологийн цаг" нэвтрүүлэг говийн гурван  аймгийн ...

Өнөөдөр, 17:18
Үнэт металл болон үнэт чулуун эдлэлийн арилжаа эрхлэх тусгай зөвшөөрлийн хүсэлтийг авч эхэлжээ

 УИХ-аас 2020 оны нэгдүгээр сарын 17-ны өдөр Санхүүгийн зохицуулах ...

Өнөөдөр, 14:32
Монгол Улс дөрвөн боомтоор нүүрс экспортолж эхэллээ

 Өнөөдрөөс Хангийн боомтоор нүүрс экспортолж эхэлжээ. Манай ...

Өнөөдөр, 13:49
Гуравдугаар сард 93 сая төгрөгийн татварыг нөхөн төлүүлжээ

Гаалийн байгууллага 2020 оны  гуравдугаар сард   нийт ...

Өнөөдөр, 13:41
Археологийн чухал олдворууд

 2019 он бол археологчдын хувьд чамгүй олзтой жил байлаа. Учир нь тэд ...

Өнөөдөр, 13:27
“Эрдэнэс Тавантолгой” компани "Страто”-д өгөх нүүрс ачилтаа зогсоолоо

   ТЭМЦЭЛ ЭХНИЙ ҮР ДҮНД ХҮРЭВ   ТВ8 телевизийн сурвалжлах ...

Өнөөдөр, 13:16
Дэлхийн банк: Уул уурхайн түүхий эдийн үнэ буурахаар байна

    COVID-19 ядууралд ноцтой нөлөөлөхөөр байна Дэлхийн ...

Өнөөдөр, 12:44
Хангийн боомтоор нүүрс тээвэрлэж эхэллээ

Өнөөдрөөс Хангийн боомтоор нүүрс экспортолж эхэлжээ. Манай улс ...

Өчигдөр, 17:58
Өчигдөр, 15:21
Алтан гулдмайн хомсдолд оржээ

 "Зууны мэдээ” сонин, "Голомт Капитал” ҮЦК-тай хамтран олон улсын ...

Өчигдөр, 15:01
Нам даралтын зуухнуудад түүхий нүүрс хэрэглэхийг хориглоно

 Шинэ коронавирусийн халдвар манай улсад бүртгэгдсэнтэй холбоотойгоор ...

Өчигдөр, 14:51
Хүний мөр огт гараагүй онгон дагшин 10 газар

 Манай гараг дээр хүний хөлд өртөөгүй газрууд байдаг гэвэл та ...

Өчигдөр, 14:47
“Эрдэнэс Тавантолгой”-н ажилтныг АТГ-аас шалгасан асуудал байхгүй гэв

 "Эрдэнэс Тавантолгой” компани 1072 хувьцааны ногдол ашгийг олгох ...

Өчигдөр, 13:04
Долларын шинэ урсгал нээж байж л тахлын эдийн засгийн хямралыг мэнд давна

-Сонгуулиар  бүрдэх  шинэ засагт Тахлын дараа тоглох хөзөр ...

Өчигдөр, 11:51
Дорнод аймагт 3.8 магнитудын хүчтэй газар хөдөлжээ

Дорнод аймгийн Матад сумын Буян-Өндөр багийн “Тосон-Уул” ...

Өчигдөр, 10:59
Уурхайгаас төрөх ИХ НАЯДТАН !!!

 УИХ-ын гишүүн Б.Чойжилсүрэнгийн төрсөн дүү Б.Балдоржийн уурхайгаас ...

2020 оны 03 сарын 30, 19 цаг 09 минут
Дэлхийн эдийн засагт 1 их наяд долларын хохирол учруулна

  Олон улсын валютын сан “Covid-19”-ийг 2008 оны олон ...

2020 оны 03 сарын 30, 18 цаг 08 минут
Газрын тосны үнэ сүүлийн 17 жилийн хамгийн доод хэмжээнд хүрлээ

Өнөөдөр дэлхийн түүхий газрын тосны үнэ ханш сүүлийн 17 жилийн хугацааны ...

2020 оны 03 сарын 30, 17 цаг 53 минут
Steppe Gold хүдэр боловсруулах үйлдвэрлэлээ эхэллээ

 Steppe Gold компани "Алтан цагаан овоо” ордын хүдэр боловсруулах ...

2020 оны 03 сарын 30, 14 цаг 10 минут
Д.Одхүү: Өөрийнхөө нутагт урсаж байгаа голын усыг ашиглах эрх нь энэ ард түмэнд байгаа

УИХ-ын гишүүн асан, АН-ын Үндэсний бодлогын хорооны гишүүн Д.Одхүүг ...

2020 оны 03 сарын 30, 14 цаг 03 минут
Алтны үнэ өсөж, газрын тосны ханш улам уруудсаар байна

    Нүүрсний экспорт эргэн сэргэснээр валют импортлох ...

2020 оны 03 сарын 30, 13 цаг 56 минут
Монгол Улсын гадаад ӨР 43 тэрбум ам.долларт хүрчээ

1. Гуамын аралд 90 сая $ 2. Виржини аралд 50 сая $ 3. Голландад 110 сая $ ...

2020 оны 03 сарын 30, 13 цаг 52 минут
Шивээхүрэнгийн боомтоор нүүрс тээвэрлэж эхэллээ

Шивээхүрэнгийн боомтоор өнөөдөр өглөөний 08:00 цагаас эхлэн нүүрс ...

2020 оны 03 сарын 30, 13 цаг 16 минут
Нүүрсний тээвэр эхэлсэн ч Хятадын талаас татан авалт сайнгүй байна

 Гэхдээ  03 сарын 15-аас  эхлэн уул уурхайн бүтээгдэхүүний ...

2020 оны 03 сарын 28, 17 цаг 53 минут
В.Путин ОХУ-Монгол-Хятадыг холбох “Сила Сибири-2” хийн хоолойн төслийг эхлүүлэхийг үүрэг болгожээ

Монгол Улсын Ерөнхий сайд У.Хүрэлсүхийн өнгөрсөн оны арванхоёрдугаар сард ...

2020 оны 03 сарын 28, 14 цаг 44 минут
"Газпром" хийн хоолойгоо Монголын нутаг дэвсгэрээр дамжуулан тавих боломжтой боллоо

 Гуравдугаар сарын 27-ны өдөр Оросын Ерөнхийлөгч Владимир Путин ...

2020 оны 03 сарын 28, 14 цаг 31 минут
АМНАТ-өөс 1.4 тэрбум төгрөг төвлөрүүлжээ

 Өнгөрсөн онд Монгол Улс  уул уурхайн салбараас 3.1 их наяд ...

2020 оны 03 сарын 28, 14 цаг 07 минут
ФОТО: Байгаль эхийн урлан

"Nature TTL Photographer 2020" байгалийн гэрэл зургийн уралдааны шилдэгүүд ...

2020 оны 03 сарын 27, 19 цаг 01 минут
“Страто” ХХК-ийн хууль бус үйл ажиллагааг таслан зогсоох ШААРДЛАГА хүргүүллээ

 "Страто” ХХК-ийн хууль бус үйл ажиллагааг таслан зогсоох шаардлагыг ...

2020 оны 03 сарын 27, 17 цаг 29 минут
Молиго модон хошного

90 оноос хойш манай улс хөгжиж өөрсдийн томоохон бизнесмэнүүдтэй болсоон. ...

2020 оны 03 сарын 27, 10 цаг 15 минут
2020 оны 03 сарын 27, 09 цаг 39 минут
Газрын тосны үнэ сэргэж байна

 Газрын тосны үнэд сэргэлт ажиглагдаж эхэлжээ.Тухайлбал өнөөдөр ...

2020 оны 03 сарын 26, 18 цаг 40 минут
Тоон үзүүлэлтүүд унаж, таагүй ирээдүйг зөгнөж эхэллээ

Шинэ коронавирусийн COVID-19 халдвар Монголын эдийн засаг, бизнесийн ...

2020 оны 03 сарын 26, 14 цаг 58 минут
Нефтийн үнэ 30 ам.доллар давжээ

 МОСКВА. /RIA Novosti/. Дэлхийн зах зээлд нефтийн үнэ 6-7 хувиар ...

2020 оны 03 сарын 26, 14 цаг 50 минут
Өмнөд Африк дахь усны хомсдолыг авлига нэмэгдүүлж байна

 2017 оны ган гачгийн үеэр Өмнөд Африкийн хамгийн том хот болох Кэйп ...

2020 оны 03 сарын 26, 13 цаг 46 минут
Говьчууд, говийн байгальд аранга болсон СТРАТО

 ТВ8 телевизийн сурвалжлах баг Өмнөговь аймгийн Цогтцэций, Дундговь ...

2020 оны 03 сарын 25, 17 цаг 12 минут
Манайхан нууж, гадныхан илчилсэн "Өндөр наран" буюу "хоёрдох Оюутойгой"

ГЭМТ БҮЛЭГЛЭЛИЙГ ЗАСГААС ЗАЙЛУУЛАХГҮЙ БОЛ МОНГОЛЫН БАЯЛГАА МОНГОЛЧУУД ...

2020 оны 03 сарын 25, 16 цаг 55 минут
Рио Тинто: Өмнөд Африк дахь төслөө “Ковид-19” вирусний улмаас түр зогсооно

 Уул уурхайн Рио Тинто компани Өмнөд Африк дахь титаны "Richards ...

2020 оны 03 сарын 25, 13 цаг 29 минут
COVID-19 гарснаас хойш Италийн Венеци хотын ус олон жилийн дараа анх удаагаа тунгалаг болжээ

COVID-19 гээд бид тусгаарлагдаж байх хугацаанд байгаль дэлхий маань амарч ...

2020 оны 03 сарын 25, 11 цаг 33 минут
Монгол орны нутагт он гарсаар 3.5 магнитудаас дээш хүчтэй газар хөдлөлт 19 удаа болжээ

Өнөөдөр буюу гуравдугаар сарын 25-ны өдөр “Газар хөдлөлтийн аюулаас ...

2020 оны 03 сарын 25, 11 цаг 25 минут
Нүүрсний ЭКСПОРТ сэргэв

 Гашуунсухайтын хилийн боомтын нүүрс экспорт өчигдрөөс сэргэв. ...

2020 оны 03 сарын 25, 10 цаг 39 минут
Хууль бусаар ашигт малтмал хайх, ашиглах, олборлох гэмт хэргээс урьдчилан сэргийлье

 Сэлэнгэ, Төв аймгуудын нутаг дэвсгэрт хууль бус аргаар ашигт малтмал ...

2020 оны 03 сарын 25, 10 цаг 35 минут
Цэвдэг уствал усгүй болно!!!

Дэлхийн 48 улс орны газар нутгийг ямар нэгэн хэмжээгээр цэвдэгт бүс нутаг ...

2020 оны 03 сарын 24, 17 цаг 47 минут
С.Баярцогтод холбогдох үйлдлийг хэрэгсэхгүй болгоогүй гэв

"Оюутолгой” төслийн хөрөнгө оруулалтын гэрээ байгуулахдаа эрх мэдэл, албан ...

2020 оны 03 сарын 24, 16 цаг 03 минут
С.Баярцогттой холбоотой Оюу толгойн хэргийг Нийслэлийн прокуророос хүчингүй болгожээ

Монгол Улсын Ерөнхий сайд асан С.Баяр болон ЗГХЭГ-ын дарга асан С.Баярцогт ...

2020 оны 03 сарын 23, 17 цаг 29 минут
Гашуун сухайт боомтоор нүүрсний экспорт эхэллээ

Улсын Онцгой комиссын шийдвэрээр дөрөвдүгээр сарын нэгэн хүртэл ...

2020 оны 03 сарын 23, 16 цаг 08 минут
Венесуэль шатахуун түгээх станцуудаа хаана

Венесуэлийн Засгийн газар коронавирусийн халдварын тархалтыг зогсоохоор ...

2020 оны 03 сарын 23, 15 цаг 52 минут
Цагааннуурын боомтыг өнөөдрөөс хаана

Боомтуудаар Монгол Улс руу нэвтрүүлэх хөдөлгөөнийг хязгаарлах хугацааг мөн ...

2020 оны 03 сарын 23, 13 цаг 11 минут
2020 оны 03 сарын 23, 13 цаг 08 минут
Хятад ажилчид оруулж ирнэ, ирэхгүй гэсэн маргааны цаана...

Хятал ажилчид оруулж ирнэ ирэхгүй гэсэн маргаанаас үүдэн өөрийн санаа ...

2020 оны 03 сарын 23, 12 цаг 14 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани