Ord.mn | Mongolian Mining
| English |  Mobile |  Rss

“Рио Тинто”-гийн гар, хөлүүд Н.Энхбаярыг хэлмэгдүүлсэн

“Рио Тинто”-гийн гар, хөлүүд Н.Энхбаярыг хэлмэгдүүлсэн

 

2012 оны дөрөвдүгээр сарын 12-ны 22 цаг өнгөрч байхад Монгол Улсын гурав дахь Ерөнхийлөгч, МАХН-ын дарга Н.Энхбаярыг Удирдлагын академийн ойролцоо хамгаалагчдын хамт явж байхад нь АТГ-ын ажилтнууд халдав.
Улмаар Н.Энхбаярын гэрийн гадна намынхан нь, дэмжигчид нь цуглаж, тэдэнтэй сүлэлдсэн АТГ, тагнуул, цагдаагийн албан хаагчид хашаа дүүртэл цуглав.
Тэр шөнийн 02:00 цаг өнгөрч байхад тухайн үеийн АТГ-ын Мөрдөн шалгах хэлтсийн дарга Э.Амарбат "...Н.Энхбаярыг баривчлах ажиллагааг үргэлжлүүлнэ” хэмээн мэдэгдсэн. Удалгүй Н.Энхбаярын гэрийг цагдаа нар бүсэлж,өглөөний 06:00 цагийн орчимд хаалгыг нь эвдэж дайран орсон. Ингэж Ерөнхийлөгч асан, МАХН-ын дарга Н.Энхбаярыг албадан баривчилж, цагдаагийн хамгаалалттай машинд суулган авч явсан юм.Улмаар захиалгат шүүх түүнд ял оноож, шоронд хорьсон.
Ерөнхийлөгч асан Н.Энхбаярыг Монголын хууль хяналтын бүхий л байгууллага хүч хэрэглэн баривчилсан нь ард түмнийг ихэд цочирдуулсан явдал болсон. Дотоодод төдийгүй гадаад улс орнууд үүнд анхаарал хандуулж байв.
 
Ерөнхийлөгч асан Н.Энхбаярыг баривчилсны маргааш АНУ-ын Сенатын Аюулгүй байдлын асуудал эрхлэх хорооны дарга, сенатч Фейнштейн АНУ-ын Сенат дээр Н.Энхбаярын тухай сонсгол тавьж "...Н.Энхбаярыг Ерөнхийлөгч байх үед Монгол Улс ардчиллын хөгжлийн замд амжилт олсон. Монгол Улс АНУ-тай Мянганы Сорилтын хэлэлцээрт гарын үсэг зурсаныг онцлон тэмдэглэсэн. /www.Feinstein.senate.gov/
2012 оны тавдугаар сарын 28-нд Австралийн Конгресс дээр Гадаад хэргийн сайд асан Кевин Рудд нь "...Монголын улс төрийг тэнцвэржүүлэгч МАХН-ын дарга Н.Энхбаярыг УИХ-ын сонгууль ба 2013 оны Ерөнхийлөгчийн сонгуулийн өмнө баривчиллаа. Энэ нь улс төрийн зорилготой” гэж мэдэгдсэн.
 
 
 
 
2012 оны тавдугаар сарын 29-нд "Эмнести Интернейшнл”-ээс Монгол дахь салба­раараа дамжуулан "...Монголд автократ засаглал тогтлоо” гэж мэдээлсэн.Монгол дахь АНУ-ын ЭСЯ тэр жилийн  Хүний эрхийн төлөв байдлын талаарх тайландаа "...Ерөнхийлөгч асан Н.Энхбаярыг хэдэн сарын хугацаанд удаа дараа мэдээлэл авахаар дуудсан боловч ирэхээс татгалзсан шалтгаанаар УИХ-ын сонгууль болохоос хоёр сарын өмнө эрх баригчид баривчилсан.
 
 
 
Шүүх ажиллагааны улмаас сонгуульд өрсөлдөх эрхээ алдсан” гэж бичсэн. Бас 2012 оны тавдугаар сарын 14-ны 17:00 цагийн үед НҮБ-ын Ерөнхий нарын бичгийн дарга Бан Ги Мун Ерөнхийлөгч Ц.Элбэгдоржтой утсаар ярьж, Н.Энхбаярын эрүүл мэндэд анхаарахыг хүссэн байдаг.
Түүнчлэн 2012 оны долдугаар сарын 9-нд АНУ-ын Төрийн нарийн бичгийн дарга Хиллари Клинтон Монголд айлчлах үеэрээ Ерөнхийлөгч Ц.Элбэгдоржтой уулзаж, Н.Энхбаярын асуудлаар ярилцсан /www.voa.new.com Scott Stearns/ .
Уг нь Н.Энхбаярыг баривчилсан үндэслэл нь хөгийн юм байдаг. Онгоцоор ном зөөсөн, телевизийн камерын асуудал зэрэг Ерөнхий сайд асан Д.Бямбасүрэнгийн тодорхойлсноор "үхрийн бөөр шиг” үндэслэлүүдийг зүйсэн байсан нь удалгүй ил болсон.
 
Гэвч захиалгат шүүх түүнд ял оноож, үр дүнд нь 2012 оны УИХ-ын сонгууль, 2013 оны Ерөнхийлөгчийн сонгуулийн хугацаанд хорьсон. Дараа нь шүүхийн шийдвэрээ эш үндэс болгож байгаад дараа дараагийн сонгуулиудад оролцох эрхийг нь хассан байдаг.
Хамгийн сүүлд УИХ-ын 2019 оны арванхоёрдугаар сарын 20-ны өдрийн намрын ээлжит чуулганаар УИХ-ын сонгуулийн тухай хуулийг Ерөнхийлөгч асан, МАХН-ын дарга Н.Энхбаярт зориулж тусгайлсан заалт оруулж батлав. Тодруулбал, УИХ-ын гишүүн Т.Аюурсайханы санаачлагаар төслийн 30 дугаар зүйлд "..Авлига, албан тушаалын гэмт хэрэг үйлдэж шүүхээр ял шийтгүүлж байсан бол нэр дэвшихийг хориглоно” гэсэн агуулгатай 30.8 дахь хэсгийг нэмэх саналын бичгээр гаргасан нь дэмжигдсэн.
 
Ингэж Н.Энхбаярын сонгогдох эрхийг шүүхээр хаадаг байснаа хуулиар боосон юм. Сүүлийн найман жилд болсон ээлжит болон нөхөн бүх сонгуульд оролцох эрхэнд халдаж байгаа юм.
Одоо энэ асуудлыг Үндсэн хуулийн Цэц судалж байгаа гэх мэдээлэл бий.
Монгол Улсын Ерөнхий сайд, УИХ-ын дарга, Ерөнхийлөгчөөр дараалан ажиллаж, эрх баригч намыг олон жил удирдаж ирсэн Н.Энхбаярт Монгол Улсын хууль хяналтын байгууллага гэнэт ингэж хандсан нь юуных вэ гэдгийг тэр бүр ярьдаггүй. Юутай ч улс төрийн нөлөө, улстөрчдийн өс хонзон маягийн юм бий гэж нийтээрээ ойлгосоор өнөөдрийг хүрсэн.
 
Гэхдээ Н.Энхбаярыг ингэж хэлмэгдүүлэх, тодорхой хэлбэл улс төрөөс хол байлгах сонирхол Монголын байгалийн баялагт шунасан гаднын нөлөө байсан нь өдөр ирэх тутам улам тодорч буй. Шуудхан хэлэхэд, Н.Энхбаярыг хэлмэгдүүлсэн нь Оюутолгойн ордтой холбоотой.
 
 
 
Оюутолгойн ордыг ашиглахыг санаархсан "Рио Тинто”-гийн захиалгаар, гар хөл нь болсон Монголын улстөрчид энэ хэлмэгдүүлэлтийг гардан гүйцэтгэсэн.
 
 
 
Энэ "түүх”-ийг өгүүлэхийн тулд 2008 оны сонгуулийн дүнгээр байгуулагдсан Стандарт бус Засгийн газрын тухай ярих хэрэгтэй болно.
Тухайн үед буюу 2008 оны  МАХН-ын 45 нэр дэвшигч ялалт байгуулсан. Энэ бол МАХН дангаараа Засгийн газраа бүрдүүлэх хангалттай суудал байв. Гэвч МАХН-ын дарга С.Баяр АН-ын дарга болоод удаагүй байсан Н.Алтанхуягтай уулзаж "Хамтарсан Засгийн газар байгуулах” санал тавьж, 2008 оны арваннэгдүгээр сард С.Баярын тэргүүлсэн Засгийн газар байгуулагдсан. Угтаа МАНАН ингэж үүссэн.Харин С.Баяр Засгийн газраа "Стандарт бус” хэмээн нэрлэсэн байдаг.
 
МАХН-ын дарга С.Баяр, АН-ын дарга Н.Алтанхуягтай уулзахдаа тавьсан гол санал нь С.Баярцогтыг Сангийн сайд болгох байв.С.Баярцогт үүнээс өмнөхөн "Рио Тинто”-гийн хувьцаа эзэмшигч болчихсон байдаг.
 
С.Баярын тэргүүлсэн Засгийн газар Оюутолгойн Хөрөнгө оруулалтын гэрээ, Хувь нийлүүлэгчдийн гэрээг байгуулахаар ханцуй шамласан юм.
Гэвч тухайн үеийн Ерөнхийлөгч Н.Энхбаяр тэдний хийхээр бэлтгэж буй гэрээний зарчмыг хүлээж авахгүй байв. Учир нь Ерөнхийлөгч Н.Энхбаяр "...Энэ гэрээнд Монголын тал 51 хувиас доошгүй авна.Манай баялаг юм чинь өр зээл тавьж авахгүй” гэсэн байр суурийг илэрхийлж байжээ.
Чухамдаа энэ нь "Рио Тинтио”-гийн Оюутолгойд эзэн суух санаархалд нь саад болж байв. Иймээс Н.Энхбаярыг Ерөнхийлөгчийн албан тушаалаас буулгах, цаашилбал улс төрд оруулахгүй байх ганц л зам тэдэнд үлдсэн байна. Ингээд 2009 оны Ерөнхийлөгчийн ээлжит сонгуульд АН-аас Ц.Элбэгдоржийг нэр дэвшүүлж, Н.Энхбаяртай өрсөлдүүлэв.
 
2009 оны тавдугаар сарын 24-нд Ерөн­хийлөгчийн сонгуулийн урьдчилсан дүнгээр Ц.Элбэгдорж ялж, 2009 оны зургадугаар сарын 18-ны өдрийн 12:06 цагт тангараг өргөв. Уг сонгуулийн дүнгийн талаар Ерөнхийлөгч асан Н.Энхбаяр арван сарын дараа "...2009 оны Ерөнхийлөгчийн сонгууль луйвар болсон, МАХН-ын нөхөд нь, ялангуяа намын дарга асан С.Баяр үүнд нөлөөлсөн” хэмээн мэдэгдэж байсан.Түүнээс хойш ч энэ талаар олон удаа баримт факттай ярьсан байдаг.
 
 
 
Тэрээр "С.Баяр Ерөнхий сайд болж байсан. Баярын талаар сайн, муу олон янзын яриа байсан.Би эв нэгдлийг эрхэмлэн түүнийг дэмжиж байв. С.Баяр Ерөнхийлөгчийн сонгуулийн үеэр Ц.Элбэгдоржтой хуйвалдсаны улмаас би ялагдсан. Би С.Баярт "Намынхаа нэр дэвшигчийг сонгуульд ялахад саад болж болох уу? Бизнес, улс төрийн бүлэглэл ашиг сонирхлын дагуу нэгдсэн байна” гэж хэлсэн.
 
 
 
Би сонгуульд анх удаа оролцоогүй.2009 оны сонгуулийн босгон дээр би С.Баярт хэлэхдээ "Ц.Элбэгдоржийн үнэлэмж 35 хувь, минийх 51 хувьтай байна.Түүнийг хадгалах хэрэгтэй.Чи сонгуулийн кампанит ажлыг удирдаж байна.21 хоног үлдээд байгаа энэ үед 15 хувийн зөрүүг өөрчилж болохгүй байна.Тиймээс бид аль аль нь аюулгүй ажиллах хэрэгтэй гэсэн.
Гэхдээ түүний миний "эсрэг” ажиллаж байсныг гэрчлэх олон баримт байдаг. Жишээ нь,  миний кампанит ажлын машин дүүрэн материалыг МАХН (МАН) Цагаан давааны хогийн цэгт аваачиж шатаасан. Би зөвхөн С.Баяртай холбоотой баримтуудын тухай ярьж байна.
Түүний дараа Ц.Элбэг­дорж Ерөнхийлөгчөөр сонгогдлоо. С.Баяр тухайн үед намын дарга, Ерөнхий сайд байсан. Албаа хүлээлгэн өгөхөд гурван долоо хоногийн хугацаа байв. С.Баяр өөрийн оршин суугаа Их Тэнгэрт ирэхийг урив. Би ажлын талаар ярилцах нь гэж бодсон. Гэхдээ тэр надад дараахь зүйлийг хэлсэн.Би Н.Алтанхуяг, С.Баярцогтоор дамжуулан Ц.Элбэгдоржтой хийх уулзалтыг зохион байгуулахаар ярилцсан гэсэн. Миний "Яагаад” гэсэн асуултад тэрээр "Таныг шоронд суулгахгүйн тулд” гэсэн. Би түүнд "Чи юун тухай яриад байна вэ? Яахаараа би шоронд суух ёстой вэ. Баяраа чи намайг шоронгоор айлгаж байна уу. Чи өнөөдөр намайг сүрдүүлж болно.Оюутолгой, Тавантолгойн асуудлаар миний амыг хамхина гэж саналтгүй. Би ийм асуудлаар уулзахгүй.Улс орны хөгжлийн асуудлаар уулзах гэж байгаа бол би уулзахад бэлэн. Та нар хуйвалдаж надад ялах боломж олгоогүй. Одоо намайг дуугүй байлгахыг оролдож байна уу” гэж хэлсэн. Оюутолгойн хувьд улсынхаа төлөө би 51 хувь дээр баттай зогсож байсан. 34 хувийн гэрээ хийх хэрэггүйг хэлтэл С.Баяр өөрийг нь ойлгохгүй байна гэсэн” гэж тэрээр "MN-25” дугаар суваг телевизийн "Ам нээвэл” нэвтрүүлэгт орохдоо ярьсан нь бий.
 
Үүнээс гадна Н.Энхбаярыг 2009 оны Ерөнхийлөгчийн сонгуульд унагасан шалтгаан нь хожим АНУ-ын Элчин сайд байсан нөхрийн захидлаас тодорхой харагддаг.
 
Дэлхийн улс орнуудын удирдагч нартай холбоотой нууц далд мэдээллийг ил болгодог гэдгээрээ Жулиан Ассанж, түүний үүсгэн байгуулсан www.wikileaks.org сайт ихээхэн алдартай.Энэ сайтад 2011 оны үед Монгол Улстай холбоотой баримт олноороо нийтлэгдсэн бөгөөд тэдгээрийн ихэнх нь АНУ–аас Монгол Улсад сууж байсан Элчин сайд Марк Минтон (Mark Minton) болон зарим ажилтны эх орон руугаа бичиж байсан захидал мэдээлэл байсан юм.
www.wikileaks.org нийтлэгдсэн баримтуудаас үзэхээр, АНУ–ын Элчин сайд хамгийн идэвхтэйгээр нууц мэдээлэл бичиж байсан цаг хугацаа нь 2006-2009 он байжээ.
 
АНУ–аас Монгол Улсад сууж байсан Элчин сайд Марк Минтоны 2009 оны гуравдугаар сарын 30-нд бичсэн нэгэн захидлаас хүргэж байна.
Марк Минтоны захидалд "...Хэрвээ Монгол Улс Оюутолгойн 51 хувийг эзэмшихгүй бол энэ гэрээг дэмжихгүй гэдгээ Ерөнхийлөгч, төлөөлөгчдийн хамт илэрхийлснээр ажиглагчдыг ихээхэн гайхшруулсан юм” хэмээн Марк Минтон бичсэн байдаг.Тэрээр "…Ерөнхийлөгчийн зүгээс … Засгийн газар болон хэлэлцээрт оролцсон хүмүүс 51 хувийг авалгүйгээр Монголын баялгийг зарсан гэдэг цочирдуулсан мэдээллийг зарлана хэмээн мэдэгдсэн байна. 2007 оны зун АН-ын эвсэл …Ерөнхийлөгчийн эсрэг хатуу ширүүн дайралтуудыг хийв. Ингэсэн ч Ерөнхийлөгч 2007 оны  есдүгээр сард Монгол Улс 51 хувийг авах ёстой гэж шаардаж, эс бөгөөс гэрээнд хориг тавихаа мэдэгдсэн” хэмээжээ.
 
Ер нь бол Н.Энхбаяр Ерөнхийлөгч байхдаа ч, хожим ч "...Монголын ард түмэн Оюутолгойн 51 хувийг эзэмших ёстой” гэсэн байр суурь илэрхийлсээр байдаг. Тавантолгой дээр ч ялгаагүй.
Ийм шалтгааны улмаас Н.Энхбаяр 2009 оны Ерөнхийлөгчийн сонгуульд ялагдсан.
Уг сонгуулиас гурван сар  гаруйхны дараа 2009 оны аравдугаар сарын 6-ны өдөр С.Баярын Засгийн газар Оюутолгойн Хөрөнгө оруулалтын гэрээ, Хувь нийлүүлэгчдийн гэрээг байгуулав.
Гэрээнд гарын үсэг зурах ёслолын үеэр Ерөнхий сайд С.Баяр "...Гэрээний төслийг эцэслэх явцад Үндэсний аюулгүй байдлын зөвлөлөөр удаа дараа нухацтай хэлэлцэж гэрээг боловсруулах ажилд дэмжлэг туслалцаа үзүүлсэн Монгол Улсын Ерөнхийлөгч Ц.Элбэгдорж танд Монгол Улсын Засгийн газрын нэрийн өмнөөс гүнээ талархаж байгаагаа илэрхийлье” гэж байв.
Гэхдээ С.Баяр Оюутолгойн гэрээгээ байгуулчихаад ердөө 22 хоногийн дараа ажлаа өгөөд явсан нь хачирхалтай хэвээр үлдсэн. Тэрээр эрүүл мэндийн шалтгаан нэрээр сайн дураараа огцрох хүсэлтээ гарган чуулган дээр хэлсэн үгэндээ "...Эрүүл мэнддээ анхаарал тавьдаггүй хувь хүнийг яалтай билээ.Оюутолгойн гэрээ бол Монгол Улсад нэн ашигтай.Үүгээрээ би бахархана.1990 оны эхээр Америкт эхлүүлсэн судалгааныхаа ажлыг дуусгана” гэж мэдэгдээд явсан байдаг.
 
Харин Н.Энхбаяр Ерөнхийлөгчийн албан тушаалаас буугаад тэдний хүссэнээр зүгээр л, дуугүй суусангүй.МАХН-ыг байгуулж улс төрийн идэвхтэй үйл ажиллагаа явуулахын зэрэгцээ Оюутолгойн гэрээг шүүмжилж, өмнөх байр сууриа дахин дахин илэрхийлсээр байв.
Энэ нь "Рио Тинто”, тэдний гар хөл болсон нэр бүхий улстөрчдийн дургүйцлийг хүргэж, арга хэмжээ авсан нь 2012 оны дөрөвдүгээр сарын 12-13-нд шилжих шөнийн баривчилгаа, залгуулаад шүүхээс захиалгаар оноосон ял байлаа.
Н.Энхбаярыг захиалгат шүүхээр шийтгэж, сонгуульд оролцох эрхийг нь хасч байгаад 2015 онд  Оюутолгойн гэрээг урагш нэг алхуулсан. 2012 оны сонгуулиар намаа удирдаж ялалт байгуулсан Н.Алтанхуягийг огцруулж Ерөнхий сайдаар Ч.Сайханбилэгийг томилуулсны зорилго нь энэ. Ч.Сайханбилэгийн Засгийн газрын ХЭГ-ын дарга нь С.Баярцогт байсан нь ч тохиолдол биш юм.
Энэ хооронд Монгол Улс "Рио Тинто”-гийн 2.0 тэрбум ам.долларын өрийг төлж, татварт авах ёстой 240 сая ам.доллараа алдчихаад сууж байна. "Рио Тинто”-гийн гар хөлүүдийн магтаад байдаг гэрээний үр дүн 10 жилийн дараа ийм байгаа юм.
 
Ийм асуудалтай учраас УИХ, ҮАГ, АТГ зэрэг төрийн хяналт, хууль хяналтын байгууллагууд энэ гэрээг нягталж үзээд "...Монголд ашиггүй, харин албан тушаалтнуудад ашигтай болсон байна” гэсэн дүгнэлтийг нэгэн зэрэг гаргасан. Баталсан.
Өнгөрсөн жилийн эхээр Оюутолгойд шалгалт хийсэн УИХ-ын ажлын хэсгийн тайлан хэлэлцэх болоход ямар үйл явдал өрнөснийг бид санаж байна. УИХ-ын шалгалтын дүгнэлт ЭЗБХ-ны гишүүдэд дөнгөж тараагдаж эхлэхтэй зэрэгцээд тэр тайлан тус Байнгын хорооны даргын албан ёсны зөвшөөрөлтэйгөөр "Рио Тинто”-д очсон. Гишүүд танилцаж амжаагүй байхад шүү дээ.
Улмаар Оюутолгойн гэрээний хэрэгжилтийг хэлэлцэхээс өөр аргагүй болох үед Үндсэн хуулийн өөрчлөлт гэдэг зүйл УИХ-д орж ирэв. Үндсэн хуулиас өөр юу ч хэлэлцэхгүй гэсэн хатуу зарчимтайгаар зуныг намартай нь авсан. Тэгээд баталсан Үндсэн хуулийн өөрчлөлт бус нэмэлт өөрчлөлт төдий бантан болгож дууссан.
Дараа нь яалт ч үгүй цаг хугацаа, юм юмны шахаанд орж ҮАБЗ-өөр хэлэлцэх үед "Рио Тинто”-гийн зарим нэг гар хөлүүд "нүх”-нээсээ гарч ирсэн.
 
Уг нь тэр хүмүүс нь хэн хэн бэ гэдгийг бүгд мэднэ л дээ. Гэхдээ төрийн эрх мэдлээр далайлгаж, шударгын дүрд тоглосон тэдгээр гар хөлүүд Оюутолгойн гэрээний үнэн илрээд эхлэхээр төрхөө нууж чадахаа больдог.
Монгол Улс "Рио Тинто”-гоос татвараа авч чадалгүй, нөгөөх нь гүрийж, энэ асуудал Олон улсын арбитрын шүүхэд оччихсон. "Рио Тинто” гомдол гаргаж, манай улс тэднийг гомдоочихсон гэж байгаа. Өөрөөр хэлбэл, Монгол Улсын Засгийн газар гурван долоо хоногийн өмнө энэ асуудлаар Олон улсын арбитрын шүүхэд тайлбар өгчээ. Уг тайлбарыг өгөх гэж Засгийн газар дээр ашиг сонирхлуудын зөрчил үүсч нэлээд дажин болсон байна. Тайлбар өгөх хугацааг тулгаад нэр бүхий хоёр сайд үүргээсээ татгалзаж, Засгийн газар амралтын өдрөөр хуралдаж байж арайхийж тайлбараа явуулж амжсан байна. "Рио Тинто”-гийн гар хөлүүд У.Хүрэлсүхийн Засгийн газарт ч шургалчихсан үүргээ гүйцэтгэсээр байна гэсэн үг.
 
Энэ асуудлын дэлгэрэнгүйг ХЗДХ-ийн сайд Ц.Нямдорж майш сайн мэднэ. Ер нь энэ хүн "Рио Тинто”-д ихэд хайртайгаа сүүлийн үед нуухаа больсон. Ганцхан жишээ хэлэхэд 2019 оны арваннэгдүгээр сарын 20-нд Хууль зүй, дотоод хэргийн сайд Ц.Нямдорж Төрийн ордон дахь өрөөндөө Оюутолгой болон Дубайн гэрээний асуудлаар мэдээлэл хийсэн байдаг.Тэгэхдээ "...Сүүлийн жилүүдэд Оюутолгой төслийн талаар  гүтгэлэг, хардлагын чанартай юм ярьж байна....Оюутолгойн төслийн хугацаанд асар их хэмжээний хөрөнгө оруулалт хийгдсэн.Одоогийн байдлаар 9.0 орчим тэрбум ам.долларын хөрөнгө оруулалт хийгдсэн.Дотоодын нийт бүтээгдэхүүний жилийн орлогоос давах хэмжээний дүн.Эзгүй талд Монголын Засгийн газраас нэг ч төгрөг заралгүйгээр үйлдвэр боссон.Далд уурхайн ажил ид явагдаж байгаа.Далд уурхай гэдэг бол газар дор 1300-1500 метрийн гүнд хийгдэж байгаа бүхэл бүтэн хот гэсэн үг...Хамгийн сүүлийн мэдээгээр тэнд 15 мянган хүн ажиллаж байгаагийн 95 хувь нь монголчууд.Энэ төслийг тойрсон 20 мянган аж ахуй нэгж ямар нэг бизнесийн үйл ажиллагаа эрхэлж байгаа.Ийм том төсөл....Би энэ төслийг цаашид үргэлжлэх ёстой гэсэн хатуу байр суурьтай байна....Энэ гэрээг зогсоовол дааж давшгүй маргаанд Монголын Засгийн газар орно....Хамгийн аюултай нь Монгол Улс ганцаардана. "Рио тинто” гэдэг компани чадлаараа дэлхийд хоёрт жагсдаг.Энэ компанийн цаад талд Английн хатан хааныг дагасан улсууд байдаг. Англи,  АНУ, Канад, Австрали, Шинэ Зеланд бүгд байна. Энэ улсуудыг тойрсон Европын холбоо байгаа. Дэлхийн том банкууд байгаа. Хүч тэнцвэргүй тулаанд Монгол Улс орж сөхрөх аюул нүүрлэж байна” гэх мэтээр  Рио Тинтогоос айхгүй бол болохгүй шүү гэж ард түмнийг айлгах гэсэн худал тархи угаалт маягийн юм их ярьсан. Өөр олон зүйл ярьсан нь энд буй . https://livetv.mn/p/14122?fbclid=IwAR3faF82SZ7j3HX5V_TFxuXB_qhOu-UV2WpczGpx8dwb­ZLvPif0XNlo6IM0
Ер нь Н.Энхбаярыг 2012 онд баривчлахад Ц.Нямдорж ихээхэн нөлөөтэй оролцсон. Тэр Хууль зүйн сайд байсан. Ц.Нямдорж бол С.Баяр, С.Баярцогт, Ч.Сайханбилэг, Ц.Элбэгдорж нарын адил "Рио Тинто”-гийн гар хөл болсон хүн. Үүнийг нь Н.Энхбаярыг хэлж байгаад шүүхээр шийтгэж байсан Ц.Элбэгдорж Ерөнхийлөгч байхдаа "...Би Н.Энхбаярыг яагаа ч үгүй. Ц.Нямдорж л орж ирээд Н.Энхбаярыг бариад шалгаад өгөөч гэж гуйсан” гэж нотолсон.
Ингэж "Рио Тинто”-гийн гар хөлүүд бие биеэ илчилж байгаа юм.
Одоо тэр үеийн гар хөлүүдийнх нь улс төрийн карьер дуусч байгаа учраас "Рио Тинто” байнгын магтагч нэг бичээчээрээ дамжуулж, монгол, гадаад хоёр нэртэй нэг хөдөлгөөн байгуулчихсан удахгүй болох УИХ-д оролцох гэж байна. Хэрвээ санасан нь бүтэж гоё нэртэй хөдөлгөөнийх нь нөхдүүд УИХ-д сонгогдвол дээр дурдсан хугацаа, хэмжээ хоёр нь дуусч байгаа гар хөлүүдийнхээ хийж байсныг тэднээр үргэлжлүүлэхээр төлөвлөж буй бололтой.
Уг нь "...Чонотой нийлсэн нохой чононоос ч аюултай” гэдэг үг бий билээ.
 
 
З.Болд
Эх сурвалж: "Зууны мэдээ” сонин
“Рио Тинто”-гийн гар, хөлүүд Н.Энхбаярыг хэлмэгдүүлсэн
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Шинэ мэдээ
МУ-ын уул уурхайн салбарт хамтран ажиллах хүсэлтээ илэрхийлжээ

Уул уурхай, хүнд үйлдвэрийн сайд Г.Ёндон АНУ-ын Элчин сайд Майкл ...

Өчигдөр, 16:07
Х.Ганхуяг: Уул уурхайн бүтээгдэхүүнээ солонгоруулснаар төсвийн орлого нэмэгдэнэ

"COVID-19" цар тахлын улмаас улс орнуудын төсвийн орлого буурч, алдагдал ...

2020 оны 08 сарын 07, 18 цаг 09 минут
Монголын нүүрсний экспорт 50 гаруй хувиар уналаа

 Монголын нүүрсний экспорт он гарснаас хойш эхний долоон сарын ...

2020 оны 08 сарын 06, 13 цаг 48 минут
Ил уурхайд техникийн шинэчлэлийн хүрээнд томоохон хөрөнгө оруулалт хийгджээ

 Хүдэр олборлогч уурхайчид оны эхний хагас жилд үйлдвэрлэлийн ...

2020 оны 08 сарын 06, 12 цаг 56 минут
Богд уулын тусгай хамгаалалттай газрыг хятадуудад зарсан ноцтой гэмт хэргийг илрүүллээ

 Богдхан уулын дархан цаазат, тусгай хамгаалалтын газрыг хятадуудад ...

2020 оны 08 сарын 06, 12 цаг 53 минут
Нүүрсний салбар нүүрээ буруулах уу

 Монголын экспортын гол гялайж гялтайх зүйл нь нүүрс. Хар өнгийн энэ ...

2020 оны 08 сарын 06, 12 цаг 48 минут
Дэлхий дээрх “хиймэл нар”- эрчим хүчний шавхагдашгүй ундарга

 Францын өмнөд нутгийн Марсель хотоос 65 км-ийн зайд орших "Кадараш” ...

2020 оны 08 сарын 06, 09 цаг 38 минут
Монгол Улсын нүүрсний экспорт 46.4 хувиар буурчээ

 УЛААНБААТАР. /Xinhua/. Монгол Улс энэ оны эхний 7 сарын хугацаанд ...

2020 оны 08 сарын 05, 15 цаг 12 минут
Нүүрсний экспорт 46.4 хувиар буурчээ

2020 он гарсаар Монгол Улсын экспортын хэмжээ буурсаар байгааг Гаалийн ...

2020 оны 08 сарын 04, 12 цаг 53 минут
АИ92 бензиний үнэ 50 төгрөгөөр НЭМЭГДЖЭЭ

Сонгуулийн өмнө шатахууны үнэ огцом хямдарч, 1320 төгрөг болсон. ...

2020 оны 08 сарын 04, 12 цаг 47 минут
АИ 92 шатхахууны үнэ 50 төгрөгөөр нэмэгджээ

 Улаанбаатар хотод үйл ажиллагаа явуулдаг шатахуун түгээх станцуудад ...

2020 оны 08 сарын 04, 12 цаг 09 минут
Хөмрөгийн үржлийн хоёр шинэ нутгийг олж илрүүлжээ

 Дэлхийн хэмжээнд устаж болзошгүй ангилалд багтсан Янковскийн ...

2020 оны 08 сарын 04, 11 цаг 18 минут
2020 оны 08 сарын 04, 11 цаг 09 минут
Алтны үнэ 2000 долларт хүрвэл юу болох вэ?

 Унци алтны өчигдрийн хаалтын ханш 1973.07 ам.доллар байв. Хэдхэн ...

2020 оны 08 сарын 04, 11 цаг 09 минут
Тосон хулстайн байгалийн нөөц газраас хадлан бэлтгэхийг хориглов

 Дорнод/МОНЦАМЭ/.Цагаан-Овоо сумын Засаг даргын А/58 дугаар ...

2020 оны 08 сарын 04, 10 цаг 28 минут
Бичил уурхайчид нөхөн сэргээлт хийж хүлээлгэн өглөө

 Дархан-Уул /МОНЦАМЭ/.Дархан-Уул аймгийн Шарын гол сумын нутагт үйл ...

2020 оны 08 сарын 04, 09 цаг 49 минут
Хятадын эдийн засаг ба нааштай төлөв

Эдийн засгийн ерөнхий төлөв   Олон улсын валютын сангийн таамгаар ...

2020 оны 08 сарын 03, 17 цаг 10 минут
Багануурын уурхайн үйлдвэрлэлийн тоног төхөөрөмжийн 63 хувь нь ашиглалтын хугацаа дуусчээ

Уул уурхай, Хүнд үйлдвэрийн сайд Г.Ёндон “Эрдэнэс Монгол” ...

2020 оны 08 сарын 03, 17 цаг 00 минут
Эх дэлхий юу, их мөнгө үү?

Аж ахуйн нэгж, үйлдвэрүүд жилд дунджаар 300 сая тонн хуванцар савыг ...

2020 оны 08 сарын 03, 13 цаг 48 минут
УУХҮ-ийн сайд Rio Tinto Mongolia компанийн төлөөлөгчидтэй уулзав

Уул уурхай, хүнд үйлдвэрийн сайд Г.Ёндон Rio Tinto Mongolia компаний ...

2020 оны 08 сарын 03, 12 цаг 51 минут
Салхитын мөнгө-алтны ордын нөөц нэмэгдэнэ

Уул уурхай, Хүнд үйлдвэрийн сайд Г.Ёндон "Эрдэнэс Монгол” ХХК-ийн харъяа ...

2020 оны 08 сарын 03, 12 цаг 16 минут
2020 оны 08 сарын 03, 12 цаг 12 минут
“АГМ майнинг” ХХК малчдын өвөлжөөг булааж Алтан ууланд эзэн суухыг санаархаж байна

 ТВ8 телевизээс бэлтгэн хүргэдэг "Экологийн цаг” нэвтрүүлгийн шинэ ...

2020 оны 08 сарын 03, 11 цаг 57 минут
С.Содномдорж: Үүрэг нуурт үлэмж биет хоёр удаа үзэгдсэн

“Хүй омог” ТББ-ын тэргүүн, хуульч, өмгөөлөгч С.Содномдоржтой ...

2020 оны 08 сарын 03, 11 цаг 57 минут
Орлого тэлэх “Ухаант бэр”-ийн нүүдэл бол газрын ховор элемент

 Уул, уурхай хүнд үйлдвэрийн сайд Г.Ёндон ажлаа аваад яг нэг сар ...

2020 оны 08 сарын 03, 11 цаг 49 минут
“Рио Тинто” Австралийн уугуул иргэдийн түүхэн өвийг сүйтгэжээ

 Англи, Австралийн хамтарсан "Рио Тинто” компани төмрийн хүдрийн ...

2020 оны 08 сарын 01, 17 цаг 41 минут
Роман Абрамович алтны компанийн хувьцааг худалдана

 Оросын тэрбумтан Роман Абрамович Highland Gold нэртэй алтны ...

2020 оны 08 сарын 01, 15 цаг 46 минут
Сибирийн дулаарал дэлхийг түгшээнэ

 Оросын Сибирьт дэгдсэн ойн их түймэр дэлхийн хэвлэлүүдийн анхаарлын ...

2020 оны 07 сарын 31, 18 цаг 10 минут
Т.Идэрхангай: Луут хотын малтлагаар Хүннүгийн хааны зуны ордныг илрүүллээ

Хүннү гүрний нийслэл Луут буюу Лунчен хотыг илрүүлж, үргэлжлүүлэн ...

2020 оны 07 сарын 31, 11 цаг 53 минут
"Салхитын мөнгөний орд"-ын гэх хэрэгт холбогдсон шүүгч нарт хоёр жил хорих ял оноов

Нийслэлийн Прокурорын газраас яллах дүгнэлт үйлдэж ирүүлсэн шүүгдэгч ...

2020 оны 07 сарын 30, 12 цаг 53 минут
Г.Занданшатар: Зээлийн хүү бууруулах стратегийг тодорхойлсон УИХ-ын тогтоол баталъя

Улсын Их Хурлын дарга Г.Занданшатар арилжааны банкуудын удирдлагуудтай ...

2020 оны 07 сарын 30, 10 цаг 41 минут
Т.Баярхүү: Улсаа газар нутаггүй болгосон нь түүхэн гэмт хэрэг

 "Өргүй Монгол” хөдөлгөөний тэргүүн, эдийн засгийн ухааны доктор ...

2020 оны 07 сарын 30, 10 цаг 03 минут
Монгол нүүрсний зах зээл орос "ах нарт" шилжлээ

Урд хөрш энэ оны эхний хагасын статистик дүн мэдээлээ танилцуулжээ.  ...

2020 оны 07 сарын 29, 14 цаг 14 минут
Шатахуун ачсан машин онхолдож, 200-300 литр нь асгарсан байсныг аюулгүй болгожээ

 Шатахуун ачиж явсан том оврын автомашин онхолдсон осол гарсан байна. ...

2020 оны 07 сарын 29, 13 цаг 15 минут
Монголын нүүрс экспорт буурч, Австрали, Оросынх өсчээ

2020 оны эхний хагасын нүүрс экспортын дүн мэдээнүүд гарчээ. Корона ...

2020 оны 07 сарын 29, 13 цаг 10 минут
Хууль бус гар аргаар алт олборлож байсан үйлдлийг таслан зогсоолоо

Экологийн Цагдаагийн Албанаас Нийслэлийн Багахангай дүүргийн 1 дүгээр ...

2020 оны 07 сарын 29, 12 цаг 47 минут
Хууль, хяналтын байгууллагад бугшсан идээ бээр буюу Салхитын мөнгөний ордтой холбоотой хэрэг

 Салхитын мөнгөний ордтой холбоотой хэрэг бол Монгол Улсын хууль ...

2020 оны 07 сарын 29, 12 цаг 25 минут
Фото: Дорноговь аймгийн "Нүдэнгийн хонхор"

Нүдэнгийн хонхор нь Сайншандаас 80 км-т, Айраг сумын төвөөс 43 км-т, Нүдэн ...

2020 оны 07 сарын 29, 12 цаг 17 минут
Цэцэрлэг, сургуулийн хичээл 09 дүгээр сарын 01-нд эхэлнэ

Засгийн газрын хуралдаан 2020 оны 07 дугаар сарын 29-ний өдөр болж бүх ...

2020 оны 07 сарын 29, 12 цаг 11 минут
Алтны үнэ түүхэнд байгаагүй дээд хэмжээнд хүрчээ

 Дэлхийн улс орнууд тэр дундаа дэлхийн хамгийн том эдийн засагтай АНУ ...

2020 оны 07 сарын 29, 12 цаг 05 минут
Эрчим хүчний шавхагдашгүй нөөцтэй болгох төсөл дээр 35 орон хамтарч байна

Франц улсад олон улсын туршилтын термо цөмийн реактор угсрах ажил эхэлжээ. ...

2020 оны 07 сарын 29, 12 цаг 03 минут
Хэнтийн зүүн хойд, Дорнодын хойд хэсгээр их бороо орно

Дохио!!! Цаг агаарын аюултай үзэгдлээс сэрэмжлүүлэх мэдээ: Маргааш ...

2020 оны 07 сарын 29, 11 цаг 31 минут
А.Энхжин: Валютын нөөц импортын 9 сарын хэрэгцээг хангах түвшинд байна

Цар тахлын үед Төв банкнаас авч хэрэгжүүлж буй бодлого, эдийн засгийн ...

2020 оны 07 сарын 29, 10 цаг 47 минут
УОК-оос өнөөдөр гаргасан шийдвэрүүдийг Засгийн газар эцэслэн шийдвэрлэнэ

Улсын онцгой комиссоос мэдээлэл хийлээ. Гамшгаас хамгаалах өндөржүүлсэн ...

2020 оны 07 сарын 28, 18 цаг 19 минут
Цахилгааны утсанд хамгаалалт хийж шонхор шувуудаа аварахгүй бол тогонд цохиулж үхээд дууслаа!

Монгол орны өндөр хүчдэлийн түгээх шугамд махчин шувууд ялангуяа идлэг ...

2020 оны 07 сарын 28, 14 цаг 55 минут
УОК-ын хуралдаанаар өнөөдөр хэлэлцэх асуудлууд

Улсын Онцгой комисс өнөөдөр буюу 2020 оны 7 дугаар сарын 28-ны өдрийн ...

2020 оны 07 сарын 28, 13 цаг 26 минут
ТЭД БИДНИЙ ТУХАЙ | Далайд гарцгүй Монгол Улсын уул уурхайн боломж

Уул уурхайн салбарын чиг хандлага, технологийн дэвшил, зах зээлийн нөхцөл ...

2020 оны 07 сарын 28, 13 цаг 01 минут
Н.Энхбаяр: Байгалийн баялгийг төрийн мэдэл, төсвийн мөнгөнөөс салгах хэрэгтэй

Монгол Улсын гурав дахь Ерөнхийлөгч Н.Энхбаярыг шинэ төмөр замын бүтээн ...

2020 оны 07 сарын 28, 12 цаг 41 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани