Ord.mn | Mongolian Mining
| English |  Mobile |  Rss

Туулын хэвлийг сэглэж, Бөхөг голын амийг тасалсан карьеруудын үйл ажиллагааг зогсоогооч, Н.Цэрэнбат сайд аа

Туулын хэвлийг сэглэж, Бөхөг голын амийг тасалсан карьеруудын үйл ажиллагааг зогсоогооч, Н.Цэрэнбат сайд аа

 

"Монголын хууль гурван хоног” гэдэг үгийг зүгээр ч нэг хэлээгүй бололтой. "Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай” хуулийг 2009 онд баталсан байдаг. Харин өнгөрсөн жилийн өдийд УИХ-ын дарга Г.Занданшатар Хан-Уул дүүргийн зарим хороо, Төв аймгийн Алтанбулаг суманд ажиллаж, Туул голын ай сав дагуух ус, хөрс, агаарын бохирдлын байдлыг үзэж, холбогдох үүрэг даалгавар өгсөн юм.

Тэрбээр "Хан-Уул дүүргийн XIII хорооны нутаг дэвсгэрт хайрга, дайрга олборлох үйл ажиллагаа хавтгайрч, малын бэлчээр, голын голдирол, хөрсийг сүйтгэж, иргэдийн суурьшлын бүс нутагт заналхийлж байна. Нутаг дэвсгэрийн хөрс, усанд байгаль орчны нарийвчилсан шинжилгээ хийж, хайрга, дайрга олборлож байгаа аж ахуйн нэгжүүдийн үйл ажиллагааг нэн даруй зогсоо” хэмээн хэлээд яг нэг жил өнгөрчээ. Тэгвэл газар дээр нөхцөл байдал ямар байгааг бид сурвалжлан хүргэж байна.

Хамар хатгах өвсгүй, гишгэх зүлэггүй Туул голын эрэгт бид бага үдийн алдад очив. Биокомбинат, Шувуун фабрикийн хөндийгөөр даацаа хэтрүүлтэл хайрга, дайрга ачсан том машинууд хаа сайгүй шороо босгон давхилдаж байлаа. Энэ дүр төрх сүүлийн хэдэн жил яг л нэг янзаараа, бахь байдгаараа үргэлжилсэн хэвээрээ. Бүтэн биеээ энд, тэндгүй сэглүүлж, бүрэнхий үдшээр ч амар заяагаа үзээгүй Туул гол улаанаараа эргэлдэж, тачирхан, амьтай, голтой л урсаж байв.

Хайрга, дайрга олборлогчид хаяагаа тэлж, Туул голын хойд уулсыг бараадаж, салбарлан, өргөжжээ. Гэхдээ тэд голын эрэг дагуу үйл ажиллагаагаа явуулсан хэвээр байгаа бололтой. Энхэл, донхол замаар давхисаар энд, тэндгүй ногооноороо эргэлдсэн цөөрөм дунд зогсов.

НӨХӨН СЭРГЭЭЛТ ХИЙХ МӨНГӨ УЛСААС АВНА

Туул голын эрэгтэй хаяа дэрлэн орших, хамгийн зүүн захын  компани үйл ажиллагаагаа хэвийн явуулж байлаа. Дөнгөж угааж дуусаад байгаа бололтой ус нь гоожсон шороог улаан кабинтай машины тэвшин дээрээ ачжээ. Уг нь нийслэлийн нутаг дэвсгэрт үйл ажиллагаа явуулж буй хайрга, дайрганы үйлдвэрийг хаах захирамж жилийн өмнө нь гарсан юм. Гэтэл "Бат-Атар” компанийн үйл ажиллагаагаа  хэвийн явуулж, арав гаруй ажилтан, таван техник нь Туулын хэвлийд заларчээ. Тэд олборлосон элс, хайргаа хотын зүг нүүлгэсээр таван жил болж буй.

"Бат-Атар” компанийн  ажилтан н.Амгаланбаяр "Манайх Дарханы замын ажилд гарах гэж байсан чинь хятадууд ирээгүй гээд хойшилсон. Тэгээд ажилгүй байгаа ийм олон хүнийг би яах билээ. Бид үйл ажиллагаагаа явуулаагүй. Хүмүүсээ цуглуулчихсан учраас гурван жилийн өмнө нь ухсан шороогоо ачиж байна. Манайх үйл ажиллагаа явуулах эрхгүй байгаа юм биш. Манай үйл ажиллагааг цуцлаагүй. Үйл ажиллагаагаа явуулах эсэх нь шүүхийн шатандаа явж байна. Гурван жилийн хугацаанд үйл ажиллагаа маань зогсонги байдалд шилжиж ажил ч байгаа юм шиг, үгүй ч юм шиг байна. Тусгай зөвшөөрөлтэй хэдэн компани үйл ажиллагаагаа явуулах талаар тэмцээд явж байна. Манайх техникийн нөхөн сэргээлтээ хийсэн.  

Одоо биологийн нөхөн сэргээлт хийх дутуу.  Биологийн нөхөн сэргээлт хийхийн тулд бидэнд мөнгө хэрэгтэй. Үйл ажиллагаа зогссон болохоор бидэнд мөнгө байхгүй. Улсаас нөхөн сэргээлтийн мөнгө өгөх ёстой. Энэ жил шинээр нүх ухаж, шороо гаргаагүй. Өнжсөн чулуунуудаа л ачиж, хэдэн ажилчиддаа цалинг нь өгч байна. Энд ажилдаа гарсан 4-5 компани л байгаа байх. Тэд гэхдээ шинээр шороо ухаагүй. Хуучин, өнжсөн чулуугаа ачуулж байгаа” хэмээв. Биднийг ийн ярилцаж байх хойгуур урд талын нүхэнд ажиллаж  байсан хүмүүс техникээ орхин тал тал тийш таран оджээ. Тэдний байсан газарт очиход 20 орчим насны залуу ухсан нүхэн дотор дөмбийтөл суугаад, тамхи нэрж байлаа. Түүнээс "Энэ  газарт ажиллаад хэр удаж байна. Чамтай хамт ажиллаж байсан хүмүүс хаачсан” талаар  асуухад "Мэдэхгүй” хэмээн мөрөө хавчиж, ганц ч үг дуугарсангүй.

ӨМХИЙРСӨН ЦӨӨРӨМНӨӨС МАЛ УС УУГААД, ХОРДЛОГОД ОРЖ ҮХДЭГ

Бид тус газраас холгүйхэн орших малчны хот руу хөдлөв. Гурван хэсэг хонь хариулсан малчид карьерын хажуугаар малаа бэлчээж байлаа. "Сайхан хаваржиж байна уу” гэж асуухад ч бэрх дүр зураг ажиглагдаж, мал нь ядарч туйлджээ. Төв аймгийн Алтанбулаг сумын залуу малчин Э.Алтаншагай "Манайх Шувуун фабрикийн ойролцоо хоёр жил амьдарч байна. Өнгөрсөн намар энд үйлдвэрүүд үйл ажиллагаа хэвийн явуулж байсан. Харин энэ хавар цөөхөн компани үйл ажиллагаагаа эхлээд байх шиг байна. Тэд өдрийн цагаар ажиллахгүй хэрнээ шөнө үйлдвэрээ ажиллуулж байгаа.

Манайх одоо байгаа нутгаасаа хойш хоёр километрт нутагладаг байсан юм. Энд нүүж ирээд сар орчим болох гэж байна. Хойно байхад шөнөжин карьер дугараад хонодог байлаа. Энд ирснээс хойш хааяа л ажиллаж байх шиг байна. Ажиллаж байгаа үйлдвэрүүд нь өдрийн цагаар засварын ажил хийгээд байгаа бололтой. Энд тэндгүй ухсан нүх, албаар үүсгэсэн цөөрөм байгаа болохоор малаа өдөр шөнөгүй, нүд салгахгүй харж, манаж байна. Идэх өвс хомсхон газарт бэлчиж байгаа хэдэн мал маань өмхийрсөн цөөрөмнөөс нь ус уугаад, хордлогод ороод байх юм. Хордлогод орж, шингэн алдаад л төд удалгүй үхдэг. Энд нүүж ирснээсээ хойш хэдэн ч хонь, ямаагаа үхүүлэв, бүү мэд. Зөвхөн хонь, ямаа ч гэлтгүй, үхэр, адуу нүхэнд унаад үхчихдэг.

Уг нь хайрга, дайрганы үйлдвэрийн үйл ажиллагааг зогсоосон л гэсэн. Албаныхан сүр дуулиантай ирж хаагаад, орой нь нөгөө хэд нь эргээд ажилладаг. Энэ хавар ажиллаж байгаа компаниудын үйл ажиллагаа дөрөвдүгээр сарын 1-нээс эхэлсэн” гэлээ. Туул голын хойд хөндийгөөр явахад энд, тэндгүй ухсан нүхэнд хурга, ишиг, хонь, ямаа, малын үхсэн сэг зэмэн дээр хар хэрээ эргэлдэж байлаа. Нүд халтирам, хамар сэртгийм үнэрт мал, хүн хоёр яахан идээших билээ. Голын усны бохирдлоос болж мал хордож байгаа нь шинжилгээгээр нотлогджээ. Малын арьс хөрс зулгарах, хээл хаях, амьгүй төл гарах нь хэвийн үзэгдэл болсон байна. Мал нядлаад гэдэс, дотрыг нь хаяхаас өөр аргагүйд хүрдэг гэнэ.

ХАЙРГА, ДАЙРГАНЫ ҮЙЛДВЭРҮҮДТЭЙ ДАЙТААД Ч НЭМЭРГҮЙ

Мөн малчид өдөржин хариулсан малаа орой нь туугаад, гэртээ харихдаа карьерын нүхэнд унагаах нь элбэг гэнэ. Энэ талаар Хан-Уул дүүргийн Шувуун фабрикийн малчин О.Цэнд-Аюуш гуай "Би энд 10 гаруй жил мал маллаж байна. Үнэхээр л хэцүү байх юм. Хэдэн малаа бэлчээх ч газар байхгүй. Голын эрэг бараадаж, малынхаа хоолойгоор арай чамай таван өвс залгиулж байна. Карьерын ухсан нүх нь гүнзгий гэж жигтэйхэн. Нүдэн дээрээ харж байгаад л нүх рүү малаа унагаачих юм. Энэ хавар гэхэд л таван хонь унагааж, цааш нь харуулсан. Манай энд энэ хавар хоёр компани өдөр, шөнөгүй үйл ажиллагаагаа явуулж байна.

Шороогоо шигшээд л, том машинд ачаад л явдаг. Тоос шороо гэж авах юм байхгүй, цагаанаараа л эргэлдсэн хөндий. Энд амьдарч байгаа бидний эрүүл мэнд ч гэж авах юмгүй. Хэдэн мал маань хүртэл хордлого болоод байх юм. Нүүх гэхээр малын бэлчээр байхгүй. Арав гаруй жил энэ карьеруудын үйл ажиллагаатай дайтаж, тэмцлээ. Дайтаад ч дийлэхгүй байна даа. Өнгөрсөн намраас уулын энгэрээр ухаад эхэлсэн. Голын эрэг хэсгээр ухуулахгүй гэхээр уулын бэл рүүгээ зүтгээд байгаа юм уу даа. Том машин нь хаагуур ч хамаагүй давхилдаад, шороо тоос нь дийлдэхгүй” гэлээ. Тэрбээр үйл ажиллагаагаа явуулж байгаа газар "Тэр байна” хэмээн цагаан шавар байшинтай карьерын үйлдвэрийг зааж өгөв. Тус газрын үүдэнд очиход томоохон хэмжээтэй "орох хориотой” тэмдэг өлгөжээ.

Шавар байшинд байрлах үүдний харуул эмэгтэй "Манай үйл ажиллагаа эхлээгүй. Бид үйлдвэр, техникээ янзалж байгаа. Энд харуул, техник засварчнаас өөр мэдээлэл өгөх хүн байхгүй. Үйл ажиллагаа эхлэх болоогүй байх” гэлээ. Үүнээс гадна техник хэрэгсэлтэй, харуул хамгаалалтын ажилтантай хэд хэдэн компаниар бид орлоо. Тэд "Манайх ажиллаагүй. Засварын ажил хийж байгаа” гэдэг нэг  л хариулт өгч байлаа. Харин дээрх компаниудын хашаанаас тэвш дүүрэн шороо ачсан том машины цуваа тасарсангүй.

ХОТЫН ДАРГА АА, НӨХӨН СЭРГЭЭЛТ ГЭЖ НЭГ АМ МЕТР ГАЗАР ТЭГШИЛЭХИЙГ ХЭЛДЭГ ЮМ УУ

Туул голын хойд талын хөндий үнсэн саарал шороо пургисан яв янзаараа байна. Голын урд хэсэг Шувуун фабрик буюу шинэ суурьшлын бүсэд карьерын үйл ажиллагаа ид өрнөж байгаа бололтой. Хэдэн арван том машины цуваа тэр зүгт тодоос тод харагдаж байлаа. Уг нь Нийслэлийн Засаг дарга бөгөөд хотын захирагч С.Амарсайхан "Эвлэрлийн гэрээг цаашид хүчин төгөлдөр гэж үзэх боломжгүй. Асуудлыг нэг тийш нь шийдэх цаг нь болсон. Мэргэжлийн байгууллагууд газар дээр нь ирээд үйл ажиллагааг нь зогсоодог ч эргээд хулгайгаар ажилладаг байдал бий болоод байна.

Эвлэрлийн гэрээ байгуулсан хэдий ч үүргээ биелүүлээгүй 34 аж ахуйн нэгж, байгууллагын эрхийг сэргээхгүй, үйл ажиллагааг нь ч явуулахгүй. Гэрээг цааш нь сунгахгүй. Харин нөхөн сэргээлтийг нь хийлгэнэ. Туул гол дагуу 1000 га орчим газарт ямар ч нөхөн сэргээлт байхгүй. Ийм байдалтай болсон. Одоо ажиллаж байгаа аж ахуйн нэгжүүдийн тоог гаргаад, техник хэрэгслийг нь бүгдийг нь журамлаад нөхөн сэргээлт хийлгэнэ” гэж хэлсэн юм. Нөхөн сэргээлтийн ажил хэр хийгдсэн талаар бид тодруулахаар тус газрыг зорив. Нийслэлийн хүнсний ногоо, шувуу, гахайн аж ахуйн гол бүс нутаг байсан энэ хэсэг өдгөө ухсан нүх, овоолсон шороо болж хувирчээ. Хан-Уул дүүргийн XIII хорооны нутаг дэвсгэрт карьерын компани Бөхөг голыг бараадаж, үйл ажиллагаагаа явуулдаг юм байна.

Харамсалтай нь, цагтаа цалгиж, гүүрэн дээгүүрээ халгиж урсдаг байсан Бөхөг голын "амь” хэдийн тасарчихжээ. Үйл ажиллагаагаа нь зогсоож, нөхөн сэргээлтийн ажил хийх даалгавар авсан компаниуд бахь байдгаараа шороогоо ухсаар. Тэднээс нөхөн сэргээлтийн ажлын талаар тодруулахад "Хийж байгаа. Энэ газар тэгшилчихсэн байгаа биз дээ” хэмээн үйл ажиллагаа явуулж байгаа газрынхаа багахан хэсгийг тэгшилснээ ажил болгосон аятай хариулцгаана. Энэ газарт хайрга, дайрга олборлодог компаниудын үйл ажиллагаа зогсох нь бүү хэл хөндий дүүрэн хаяагаа тэлж, өргөжжээ. Хотын дарга аа, нөхөн сэргээлтийн ажил гэж өргөжин тэлэхийг хэлдэг юм уу. Эсвэл ухсан нүхнийхээ жаахан хэсгийн шороог тэгшилж, индүүдсэнээ хэлдэг юм уу. Уг нь тэнд өдийд нөхөн сэргээлтийн ажил хийгээд, өвс, ургамал дэлгэрч баймаар.

Туул голын хэвлий сэглэгдэж, Бөхөг гол мөхөж, хүн, мал харангадаж, туйлдсан хэвээр байна. Голын амийг тасалсан карьеруудын үйл ажиллагааг зогсоогооч, Н.Цэрэнбат сайд аа. 

ҮНДЭСНИЙ ШУУДАН СОНИН

Туулын хэвлийг сэглэж, Бөхөг голын амийг тасалсан карьеруудын үйл ажиллагааг зогсоогооч, Н.Цэрэнбат сайд аа
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Батлах код: *
Шинэ мэдээ
Өчигдөр, 18:52
Шилийн гол аймаг дахин уул уурхай нээхгүй

 Өвөр Монголын Өөртөө Засах Орны Шилийн гол аймгийн Засаг захиргааны ...

2020 оны 05 сарын 28, 23 цаг 48 минут
​‘Онон’ Монголдоо эсэн мэнд буцаж ирсэн цорын ганц эгэл хөхөө болжээ

Монгол Улсын Зэрлэг ан амьтан судлах, хамгаалах төв ТББ болон Их Британийн ...

2020 оны 05 сарын 28, 11 цаг 05 минут
2020 оны 05 сарын 27, 21 цаг 43 минут
2020 оны 05 сарын 27, 17 цаг 26 минут
2020 оны 05 сарын 27, 11 цаг 15 минут
Алтны ханш 1700.60 ам.долларт буюу сүүлийн найман жилд хамгийн өндөр үнэ хүрлээ

 Алтны ханш өнөөдөр  1728.29 ам.доллар байгааг  Bloomberg ...

2020 оны 05 сарын 27, 10 цаг 58 минут
Шатахууны үнэ БУУРЛАА

 Ашигт малтмал, газрын тосны газраас шатахууны үнийн асуудлаар ...

2020 оны 05 сарын 26, 10 цаг 58 минут
“Борц” болсон эдийн засаг

Үндэсний их баяр наадмыг зохион байгуулах хороо хуралдаж, бөхийн ...

2020 оны 05 сарын 26, 10 цаг 42 минут
Том гүрнүүд сансрын уудамд олборлолт хийхээр өрсөлдөж эхэллээ

Өнгөрсөн таван жилийн хугацаанд дэлхийн томоохон гүрнүүд сансрын уудамд ...

2020 оны 05 сарын 25, 21 цаг 04 минут
Ираны түлш тээвэрлэсэн эхний хөлөг онгоц Венесуэлд хүрчээ

 АНУ-ын зүгээс хатуу сануулга өгөөд байсан хэдий ч Ираны түлш ...

2020 оны 05 сарын 25, 20 цаг 17 минут
В.Путин Оросын нефтийн салбарыг дэмжих удирдамж өглөө

 ОХУ-ын Ерөнхийлөгч В.Путин Засгийн газартаа хандаж, ирэх сарын 15-ны ...

2020 оны 05 сарын 25, 20 цаг 07 минут
Хятад улс цөлийг 60 жилийн дотор баян бүрд болгов

 Юйлин хотын иргэд элсэн шуурганаас хамгаалж мод суулгаж эхэлсэн ...

2020 оны 05 сарын 25, 16 цаг 12 минут
Дэлхийн ан амьтдын тухай сонирхолтой баримтуудаас

Дэлхийн ан амьтдын тухай сонирхолтой баримтуудаас та бүхэнд хүргэж байна. ...

2020 оны 05 сарын 25, 16 цаг 08 минут
Салхитын ордын авлигалын хэрэгт холбогдсон 6 шүүгчээс хоёр нь 3-5 жилийн ял авчээ

 Салхитын  ордын маргааныг шүүхээр шийдэхдээ 10-170 сая ...

2020 оны 05 сарын 25, 13 цаг 28 минут
У.Хүрэлсүх: Хил нээхгүй, хэзээ нээхийг хэлж чадахгүй

Улсын Онцгой комиссын Өргөтгөсөн хуралдаан Төрийн ордонд үргэлжилж байна. ...

2020 оны 05 сарын 25, 13 цаг 21 минут
АН-ЫН ДЭД ДАРГА АСАН Б.ДЭЛГЭРМАА ЯАГААД ЯАГААД ИЗНН-ААС НЭР ДЭВШИХ БОЛОВ

  АН-ын дэд дарга Б.Дэлгэрмаа УИХ-ын сонгуульд бие даан нэр дэвшихээр ...

2020 оны 05 сарын 23, 21 цаг 44 минут
2020 оны 05 сарын 23, 20 цаг 03 минут
“Эрдэнэт үйлдвэр” ТӨҮГ Монгол Улсын ТОП-100 аж ахуйн нэгжийг 18 дахь удаагаа тэргүүллээ

 Монгол Улсын Засгийн газар, Монголын Үндэсний худалдаа аж үйлдвэрийн ...

2020 оны 05 сарын 23, 19 цаг 44 минут
Мартаж болохгүй үнэн!!!

Бид 100 гаруйхан жилийн өмнө ингэж дарлуулж явсан гэдгээ өглөө бүр санах ...

2020 оны 05 сарын 23, 16 цаг 21 минут
Завилаа суудалтай бурхан уулын заяа хаашаа явна вэ...

Хөгшчүүд сайхан домог, ам дамжсан ардын сургаал их хүүрнэнэ. Тээр жил ...

2020 оны 05 сарын 23, 14 цаг 34 минут
2020 оны 05 сарын 22, 19 цаг 17 минут
Хятадын цахилгаан станцууд Австралийн нүүрсийг авахаас татгалзаж эхэлснийг мэдээлжээ

Хятадын засгийн газар өөрийн төрийн өмчит цахилгаан станцуудад Австралийн ...

2020 оны 05 сарын 22, 16 цаг 56 минут
Орос гацааг хоёр хөршийн гацаа гэсээр байх уу?

Өнгөрөгч зууныг бид “Зөвлөлтийн тусламж, Хятадын аюул” гэх ...

2020 оны 05 сарын 22, 10 цаг 13 минут
Тавантолгойн нүүрстэй холбоотой хэргийг өргөн хүрээтэй шалгаж эхэлжээ

   Б.ДАМДИН-ОЧИР   "Эрдэнэс Тавантолгой” ХК-ийн захирал ...

2020 оны 05 сарын 21, 13 цаг 40 минут
Шүүгчдийн авсан хахуулын мөнгө ЗЭЭЛ болоод замхарах нь ээ!!!

Салхитын ордын хэргийг шийдэхдээ шүүгчдийн авсан хахуулын хэрэг Хан-Уул ...

2020 оны 05 сарын 21, 11 цаг 57 минут
УБЦТС ТӨХК 2019 оны үндсэн үзүүлэлтээрээ Топ - 100 компанийн нэг боллоо

 Монгол Улсын Засгийн газар, Монголын Үндэсний Худалдаа Аж Үйлдвэрийн ...

2020 оны 05 сарын 21, 11 цаг 52 минут
ХӨНДӨХ СЭДЭВ: Сүсэглэл, солиорлын дэнс: ЯМАА

Содон өнгө, өөр төрх, өвөрмөц хэв маягийг байгаль эхээс өвлөсөн бүхэн эрт ...

2020 оны 05 сарын 21, 10 цаг 58 минут
Хийн хоолойг Монголоор дайруулах нь Украин, Беларусийн адил асуудал үүсгэж магадгүй гэв

 ОХУ-аас БНХАУ-д байгалийн хий нийлүүлэх хоолойг Монголын нутаг ...

2020 оны 05 сарын 20, 19 цаг 11 минут
ОУ-ын байгууллагаас “Рио тинто”-д тавьсан ШААРДЛАГЫН УЧИР

 Рио Тинто. Энэ нэр зарим нэгнийх нь хувьд асар их мөнгө шиг ...

2020 оны 05 сарын 20, 17 цаг 24 минут
Уйлж буй байгаль ээжийн гомдол КОРОНА

 Соёл, зан заншил гэдэг ямар агуу, бас яасан аймаар зүйл болохыг ...

2020 оны 05 сарын 20, 17 цаг 09 минут
Венесуэл алтаа эргүүлэн авахын тулд Английн банкийг шүүхэд өгчээ

ЛОНДОН. /TASS/. Венесуэлийн Төв банк коронавирустэй тэмцэх ажлыг ...

2020 оны 05 сарын 20, 13 цаг 31 минут
Зургадугаар сарын 10-ныг хүртэл аялж, зугаалахыг хориглолоо

Нийслэлийн Мэргэжлийн хяналтын газраас ирэх сарын 10-ны өдрийг хүртэл ...

2020 оны 05 сарын 20, 11 цаг 51 минут
Коронавирусээс шалтгаалж төмрийн хүдрийн ханш унажээ

 Коронавируст цар тахал уул уурхайн салбарт тэр дундаа төмрийн ...

2020 оны 05 сарын 19, 20 цаг 56 минут
2020 оны 05 сарын 19, 20 цаг 29 минут
Алтны оргил цаг дэлхийн зах зээлд тохиож байна

    Даваа гарагийн арилжааны дараа алтны ханш 1771 ...

2020 оны 05 сарын 19, 16 цаг 03 минут
2020 оны 05 сарын 19, 15 цаг 37 минут
Шатахууны үнийг дахин ЗУУН ТӨГРӨГӨӨР бууруулахаар болжээ

Шатахууны хангамж үнэ тарифыг тогтворжуулах, хяналт тавих Үндэсний зөвлөл ...

2020 оны 05 сарын 19, 13 цаг 27 минут
2020 оны 05 сарын 19, 13 цаг 22 минут
“Brent” маркийн нефтийн үнэ 33.3 ам.долларт хүрлээ

     "Brent” маркийн нефтийн үнэ дөрөвдүгээр сарын 13-наас ...

2020 оны 05 сарын 19, 12 цаг 03 минут
2020 оны 05 сарын 18, 16 цаг 27 минут
Оюутолгойн хөрөнгө оруулагчид далд уурхайн нэмэлт санхүүжилтийг хэлэлцжээ

“Туркойз Хилл" компани энэ оны эхний улирлын санхүүгийн мэдээллээ ...

2020 оны 05 сарын 18, 15 цаг 22 минут
Парламентын танхимд "суудал горилогч" шатахуун импортлогчид

УИХ-сонгуульд нэр дэвшигчдийн нэрс хоёр хоногийн дараа буюу 10-наас 16-ны ...

2020 оны 05 сарын 18, 12 цаг 51 минут
Цар тахлын үед хэлцэл хийх нь эрсдэлтэй гэж Rio Tinto үзэв

 COVID-19 цар тахлын үед компаниудын үнэлгээг бодитой тогтоох нь ...

2020 оны 05 сарын 18, 11 цаг 48 минут
Данс тулгаж дууссаны дараа 1072 хувьцааны ногдол ашгийг олгоно гэв

 Нэг их наяд төгрөгийн орлоготой ажилласан "Эрдэнэс Таван толгой” ХК ...

2020 оны 05 сарын 18, 11 цаг 26 минут
2020 оны 05 сарын 18, 11 цаг 11 минут
МАН, АН хоёр байгаа цагт Монгол Улс Оюутолгойгоос ашиг авахгүй

Францын судлаач Антойне Майрг 2011 оны наймдугаар сард болсон Олон улсын ...

2020 оны 05 сарын 16, 14 цаг 13 минут
2020 оны 05 сарын 15, 17 цаг 08 минут
30 хүртэлх ажилчинтай хайгуулын 86 компани сул зогсож байна

  Гурван талт хэлэлцээрийн дагуу ажилчдын сул зогсолтын ...

2020 оны 05 сарын 15, 15 цаг 09 минут
МАН, АН хоёр байгаа цагт Монгол Улс Оюутолгойгоос ашиг авахгүй

 Францын судлаач Антойне Майрг 2011 оны наймдугаар сард болсон Олон ...

2020 оны 05 сарын 15, 11 цаг 06 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани