Ord.mn | Mongolian Mining
| English |  Mobile |  Rss

Б.Дэлгэрмаа: Би эвслээс дэвших нь АН цүнх баригчдыг дэвшүүлэхээс илүү “хар дарсан зүүд” гэж үү

АН-ын дэд дарга асан Б.Дэлгэрмаатай цаг үеийн асуудлаар ярилцлаа. Тэрбээр 2020 оны УИХ-ын сонгуульд “Та бидний эвсэл”-ээс Сүхбаатар дүүрэгт нэр дэвшсэн юм.

–ЧАДАЛТАЙ, ОЮУНЛАГ, ҮЗЭЛ САНАА БАЙР СУУРЬТАЙ ХҮМҮҮСЭЭ НАМЫН УДИРДЛАГА ХҮЛЭЭН ЗӨВШӨӨРЧ ЧАДАХГҮЙ БАЙСАН-

–Юуны өмнө олны хамгийн их анхаарал татаж байгаа асуудлаас ярилцлагаа эхлэх нь зүй ёсны хэрэг байх. УИХ-ын сонгуульд нэр дэвшигчид тодрохоос өмнө та гэнэтхэн намаасаа гарч буйгаа зарласан. Намаасаа гарах болсон шалтгаан тань юу вэ?

-АН-аас гарахад олон хүчин зүйл нөлөөлсөн л дөө. Нэг гол зүйл нь бол нам доторх нөхцөл байдал миний мэддэгээс тэс ондоо болсон байна лээ. Чадалтай, оюунлаг, өөрийн гэсэн үзэл санаа, байр суурьтай хүмүүсээ намын удирдлага хүлээн зөвшөөрч чадахгүй байсан. Тэдэнтэйгээ нэг баг болон хамтран ажиллаж чадахгүй болсон байсан нь миний шийдвэрт нөлөөлсөн.

–Яагаад ингэж дүгнэв?

-Энгийн л нэг жишээ хэлье. Нотолгоо ч гэж болно. УИХ-ын 2020 оны сонгуульд нэр дэвшүүлсэн хүмүүсийн жагсаалтыг та харсан байх. Хүмүүс ч мэдэж байгаа. Намын дарга залуучуудаа дэмжиж байгаа гэж ярьдаг боловч үнэндээ тэр “залуучууд” гэдэг нь ихэнхдээ “цүнх баригчид” байгааг хэн ч үгүйсгэж чадахгүй биз.

–Таныг намын даргатайгаа таарамжгүйгээс ийм шийдвэр гаргасан гэх мэдээлэл явсан. Нөгөө талаар АН-аас квот нэр дэвших олгохгүй байсантай холбоотойгоор намаасаа явсан ч гэх юм?

-Нэгдүгээрт, АН-ын дарга, ер нь бүх намын дарга юуны өмнө бодлоготон байх ёстой юм. Томоор харж сэтгэдэг, олон янзын байр суурьтай хүмүүсийг нэгтгэх чадвартай, бусдын үзэл бодолд хүлээцтэй хандах зэрэг манлайлагч хүний олон шинжийг бүрдүүлж байж сая намын дарга болдог байх. Тэрнээс нэг талын урсгал бүхий мэдээлэл авах буюу бүдүүлгээр хэлэхэд “хов жив”-ээр ажлаа явуулдаг байж таарахгүй. Үйл явцыг зөвхөн “хов жив”-нд тулгуурлаж дүгнэх явдал манай улстөрчдийн дунд түгээмэл болсон нь харамсалтай юм даа. Энд ганц С.Эрдэнийг ч ярьсан юм биш. Тийм дутагдал төр засгийн бусад удирдлагуудад ч ихээхэн ажиглагдаж байна. Би үүнийг “вакумжих” буюу улстөрчдийн бодит амьдралаас тасарсан, тойрон хүрээлэгчдийн хий хоосон магтаалд автсан байдал гэж ойлгодог.

–100 сая төгрөгийн дэнчингийн мөнгө хураалт нь танд шударга бус санагдав уу. Та гарахаасаа өмнө үүнтэй санал нийлж байв уу?

-Үнэндээ сонгуулийн хандивыг аль ч нам, улстөрч “босгох” нь сонгуулийн кампанит ажлын салшгүй хэсэг. Тиймээс би АН-ын “мөнгө босголт”-ыг шүүмжлэх нь хаашаа юм. Хамгийн гол нь миний зарчмын байр суурь бол нэгэнт нэр дэвшихийг горилсон хүмүүс мөнгөө өгсөн бол түүний зарцуулалт шилэн байх ёстой. Эс тэгвээс “Баянгол дүүргээ услаад байгаа юм уу” гэсэн хардалт байнга дагалдана шүү дээ. Нөгөөтэйгүүр, мөнгөний дүн эргэлзээ төрүүлсэн. Учир нь дахин түүнээс цааш их мөнгөн дүн аймаг, дүүргийн намын байгууллагад өгөхийг шаардсан тухай АН-ын гишүүд хэвлэлээр гомдоллож ярьж байсан. Хүмүүс үзсэн байх. 300-400 сая төгрөгийг намдаа өгчихөөд дараа нь 400-500 сая төгрөгөөр сонгуулийн кампанид зарцуулвал юуны төлөө ийм их мөнгө зарцуулна вэ. УИХ-ын гишүүн болчихоод тэрбум, тэрбумаар нь бизнесээ дэмжих гэж байгаа юм уу гэсэн асуулт өөрийн эрхгүй тавигдана биз дээ.

-АН хуучин хүмүүсээ, лидерүүдээ буцааж татах тактик ашиглаж байгаа. Нөгөө талаар намын удирдах түвшний хүнээ хүртэл явуулсан нь дотоод хагарлынх нь илрэл үү?

-Бие дааж нэр дэвшинэ гэсэн С.Баярцогт, эсхүл З.Энхболдын тойрогт “ясаа цайтал үзнэ” гэж олон нийтэд зарласан Э.Бат-Үүл зэрэг бүхий л хүмүүстээ тойрог өгсөн байна лээ. Н.Алтанхуягт бас тойрог санал болгосон гэсэн. Гэвч тэр саналаас нь татгалзаж, сонгуулийн дараа АН-аа шинэчилнэ гэж мэдэгдсэн. Миний хувьд АН-ын дэд дарга буюу таны хэлсэнчлэн удирдах түвшний хүн атал дэвшүүлээгүй нь АН ямар хүмүүсээ буцааж нэр дэвшүүлсэн гэдгийг хүн бүр л харж байгаа биз ээ.

–Та бол АН-ын үүсгэн байгуулагчдын нэг, тус намын анхны эмэгтэй генсек. Намын лидерүүдийн нэг байсан гээд л намтар тань хөвөрдөг. Харин таныг АН-аас гарсны дараа тус намаас сонгуульд дэвшсэн хүмүүс сэтгэлд тань хүрсэн үү. Үгүй байх, тийм үү?

-Үнэндээ би гайхширсан. Хамгийн өндөр магадлалтай Л.Гантөмөр, Тулга, Баттулга зэрэг олон хүнийг нэр дэвшүүлэлгүй хассан. Угаасаа ч тэр байдал нь эртнээс л ажиглагдаж байсан юм. Би ямар залуучуудыг уруу татаад, та нарыг дэвшүүлэхгүй шүү дээ. МАН, АН хоёр тохироо хийчихсэн юм шиг л нэр дэвшилт явагдана гэж хэлэлтэй биш дээ.

–ИЗНН НАДАД НЭР ДЭВШИХ САНАЛ ТАВЬСНЫ ДАГУУ БИ ХҮЛЭЭЖ АВСАН-

–Та яагаад “Та бидний эвсэл”-ээс Сүхбаатар дүүрэгт нэр дэвшихээр болсон юм бэ. Эл сонголтынхоо талаар ярихгүй юу?

-Миний хувьд АН-аас гарсныхаа дараа Чингэлтэй дүүрэгт бие даан нэр дэвших болж, 2000 гаруй хүний гарын үсэг цуглуулсан. Үндэсний аудитын газарт мөрийн хөтөлбөрөө хүргүүлж, аудитаас ч баталгаажуулсан хариу авсан байсан. Харин энэ үед ИЗНН-ын удирдлагаас надад санал тавьсан юм. ИЗНН-ын хувьд дарга нь, дэд даргатайгаа Чингэлтэй дүүрэг буюу УИХ-ын сонгуулийн 25 дугаар тойрогт нэр дэвших болсон юм билээ. Тэгээд Сүхбаатар дүүрэгт “Та бидний Эвсэл”-д ИЗНН-аас нэр дэвших санал тавьсан юм. Би зөвшөөрсөн. Ийм л юм болсон.

–Мөрийн хөтөлбөр нь танд илүү ойр байсан нь энэ сонголтыг хийхэд нөлөөлсөн гэж дурдсан байна лээ?

-Тийм ээ. Улс орныхоо эзэн байх, газар шороогоо хамгаалах, магадгүй зарим тохиолдолд хэт экстрим маягаар илэрхийлж байсан нь одоо бодоход тэгэхээс өөрцгүй байж болох. Би Уламжлалын намаас дэвшигчийн талаар хэлж байна л даа. МАХН-ын хувьд энэ нам өдгөө эгэл жирийн хүмүүсийн эрх ашгийг хамгаалах, манайд бий болсон хэт баян, ядуугийн ялгааг арилгах, ИЗНН-ын хувьд үүссэн цагаас эхлээд авилгын эсрэг тууштай тэмцсэн гэсэн байр суурин дээр миний итгэл үнэмшил нийцсэн.

-Нөгөө талаар “Та бидний эвсэл”-ээс нэр дэвших болсон тань хувь рейтингэд тань нөлөөлөхгүй юу?

-Миний өөрийнхөөрөө байдаг занг хүмүүс мэдэх байх аа. Нэг хүн өөрийн твиттерээр Сүхбаатар дүүрэгт “Та бидний Эвсэл”-ээс нэр дэвшсэн бидний зургийн дор “хар дарсан” зүүд гээд жиргэсэн байсан. Тэр жиргээч цагтаа МАНАН гээд л ихээхэн эгдүүцэж бичдэг байсан юм. Уг нь Токиогийн их сургуулийн хуулийн ангийг төгссөн залуу МАХН-ын нэр дэвшигч, МУНН-ын нэр дэвшигч, ИЗНН-аас би дэвшиж байгаа нь “хар дарсан” зүүд юм бол хэзээ ч, юу ч өөрчлөгдөхгүй нь гэсэн харуусал төрсөн.

–МАНАЙ ЭЛЧИН САЙДЫН ЯАМНЫ НЭГ Ч АЖИЛТАН МИНИЙ ҮЕД ХАР ТАМХИ, ХУУЛЬ БУС АЖИЛЛАГААНД НЭР ХОЛБОГДООГҮЙ-

–Одоо хоёулаа жаахан сэдэвээ өөрчилье. “ОХУ дахь Элчин сайдын яамыг гурван жил хатуу гараар зангидсаны үр дүнд их гүтгүүллээ” гэж та ярьж байсан удаатай. ОХУ-ын Элчингээс таныг зохион байгуулалтайгаар татсан гэгдэж байлаа. Мөн АН-ын дэд дарга болохын тулд чөлөөлөгдсөн ч гэж байв. Энэ тухай товчхон ам нээвэл?

-2016-2019 оны гурван жил Элчин сайдаар ажиллах хугацаанд хоёр орны харилцааг идэвхжүүлэх талаар хийсэн ажил их бий. Энэ бол манай Элчин сайдын яамны хамт олны хичээл зүтгэл. Намайг зохион байгуулалттай татсан гэсэн юм огт байхгүй. Миний гурван жилийн томилгооны хугацаа 2019 оны гуравдугаар сарын 23-нд дууссан байсан юм. Харин дөрөвдүгээр сарын 7-нд АН-ын ҮБХ-ны хурлаар АН-ын гурван дэд даргыг томилох ёстой байсан. Тиймээс би дөрөвдүгээр сарын 5-ны өдөр Монгол Улсын Ерөнхийлөгч Х.Баттулгатай уулзаж улс төрийн ажил хийх болсонтой холбогдуулан өргөдлөө өгч эгүүлэн татах зөвшөөрөл хүссэн юм.

–Элчин сайдаар ажиллаж байхдаа бүх ажилтнуудынхаа паспортыг хурааж шүүгээнд хийгээд түгжчихдэг. Хаашаа, ямар зорилгоор явж байгааг нь хатуу хянадаг байсан гэдэг. Гэтэл өнөөдөр Монголын дипломат алба, паспортын нэр хүнд шалан дээр унатлаа үнэгүйдчихлээ. Энэ талаар байр сууриа илэрхийлэхгүй юу?

-Москва дахь Элчин сайдын яаманд янз бүрийн шалтгаанаар томилогдож ирсэн хүмүүс ажиллаж байсан, нуух юмгүй. Ихэнхдээ нам, нөлөө бүхий хүмүүсийн томилгоо байдаг юм билээ. Би энд нэрийг нь дурдаад хэрэггүй биз. Маш харамсалтай. Чадалтай, хэл устай хүмүүс цөөн. Ажлын ихэнх ачаалал эдгээрт ногдоно. Манай эдийн засгийн албыг хариуцаж байсан Д.Баасанхүү зөвлөх, 2-р Нарийн бичгийн дарга Цо.Ганболд, ёслолын А.Тамир, консул С.Золжаргал, дэд консул З.Оюунбаатар, ХЗДХЯ-ны төлөөлөгч Азбаяр, аж ахуй Холбоожаргал гээд нэлээдгүй хүмүүс бий. Гэтэл ажилласны хэрээр цалинждаг урамшууллын систем манайд үгүй. Харин ч юу ч хийж чадахгүй хүмүүс нь хожно. Ийм л байдал төрийн албанд, тэр дундаа дипломат албанд илүү их мэдрэгдсэн. Харин паспорт хураах зэрэг байдлаас үүдэлтэй манай Элчин сайдын яамны нэг ч ажилтан миний үед янз бүрийн хар тамхи, хууль бус ажиллагаанд нэр холбогдоогүй. Москвагаар дамжин өнгөрдөг янз бүрийн гэмт бүлэглэлийн сүлжээг таслан зогсоосон. Тэгснийхээ горыг багагүй амсаж, сошиалаар их ч “нүдүүлсэн” дээ.

-Дипломат албаны томилгоонд ямар бодлого, дутагдалтай байна вэ?

-Дипломат албаны томилгоонд намын томилгоог зогсоох хэрэгтэй. Хүний нөөцийн асуудалд Москвагийн олон улсын харилцааны дээд сургуулийг төгсөгчид гэхээс илүү өрнө, дорны их дээд сургуулийн төгсөгчдийг түлхүү авч ажиллуулах, хөрш орнуудад суух Элчин сайдын яамны ажилтнууд, ялангуяа ОХУ-д орос хэлээс гадна англи хэлтэй, эдийн засгийн чиглэлийн залуу хүмүүсийг томилж байх, тагнуулын байгууллагаас томилж буй орон тоог эрс багасгах зэрэг шийдвэл зохих олон асуудал бий. Тэгээд ч Элчин сайд нараасаа эхлээд томилгооны зарчмаа өөрчлөх цаг болсон.

–Цаг зав гарган ярилцсанд баярлалаа.

-Баярлалаа.

Б.Дэлгэрмаа: Би эвслээс дэвших нь АН цүнх баригчдыг дэвшүүлэхээс илүү “хар дарсан зүүд” гэж үү
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Шинэ мэдээ
Ноцтой зам тээврийн осол гарч 2 хүний амь нас хохирч, 8 хүн түлэгджээ

Ноцтой зам тээврийн осол гарч 2 хүний амь нас хохирч, 8 хүн түлэгдсэн ...

Өнөөдөр, 01:34
Ноцтой зам тээврийн осол гарч 2 хүний амь нас хохирч, 8 хүн түлэгджээ

Ноцтой зам тээврийн осол гарч 2 хүний амь нас хохирч, 8 хүн түлэгдсэн ...

Өчигдөр, 21:14
Ерөнхийлөгч Үндэсний их баяр наадмыг хааж хэлсэн үг

  Монгол Улсын Ерөнхийлөгч Х.Баттулга өнөөдөр Тулгар төрийн 2229, Их ...

2020 оны 07 сарын 13, 10 цаг 48 минут
Шатахуун, автомашин, эрчим хүчний импорт буурчээ

Импорт 2.5 тэрбум ам.долларт хүрч өнгөрсөн оны мөн үеийнхээс 434 сая ...

2020 оны 07 сарын 11, 15 цаг 07 минут
Тусгай зөвшөөрөл цуцалсан талбайд хяналт, шалгалт хийж байна

Аймгийн Засаг даргын 2020 оны 06 дугаар сарын 08-ны өдрийн А/369 дугаар ...

2020 оны 07 сарын 10, 15 цаг 01 минут
Бэлэн байдлын зэрэгт шилжүүлсэн хугацааг дахин сунгалаа

Засгийн газрын өнөөдрийн хуралдаанаар “Бэлэн байдлын зэрэгт ...

2020 оны 07 сарын 10, 14 цаг 40 минут
Дотоодын аялагчид өдөрт 2000 тонн хог хаядаг

Урин цаг ирэв үү, үгүй юү гэр бүл, найз нөхдөөрөө нийлэн хөдөөг зорих нь ...

2020 оны 07 сарын 10, 14 цаг 03 минут
ОХУ-ын Холбооны Хурал "Монгол, ОХУ-ын найрсаг харилцаа, иж бүрэн стратегийн түншлэлийн тухай гэрээ"-г баталжээ

Монгол Улсын Ерөнхийлөгч Х.Баттулгын урилгаар ОХУ-ын Ерөнхийлөгч В.В.Путин ...

2020 оны 07 сарын 10, 12 цаг 48 минут
Усархаг, дуу цахилгаантай бороо орох тул үер, усны аюулаас сэрэмжлүүлж байна

Өчигдөр буюу 2020.07.09-ны өдөр Тээврийн цагдаагийн албанд иргэдээс 396 ...

2020 оны 07 сарын 10, 12 цаг 32 минут
Байнгын хороодын дарга нарыг сонгон, дэд хорооны бүрэлдэхүүнийг баталж, Анхдугаар чуулган өндөрлөв

  Байнгын хорооны дарга нарыг сонгож батлав Улсын Их Хурлын Анхдугаар ...

2020 оны 07 сарын 10, 09 цаг 35 минут
Бээжин, Тяньжиньд хамгийн ойрхон “их элсэн сав газар”-ыг цөлжилтөөс ангижруулж буй тухай тэмдэглэл

Нэгэн цагт хэдэн мянган километр газрыг хамран их элс манхан нүүдэллэдэг ...

2020 оны 07 сарын 09, 13 цаг 59 минут
Зургаан жилийн ял авсан Б.Отгонбаатар гэж хэн бэ?

Төрийн шүүхээр орж 6 жилийн ял сонсоод байгаа Ерөнхий сайд асан ...

2020 оны 07 сарын 09, 11 цаг 21 минут
Ерөнхий сайд байхдаа өөртөө лиценз олгосон Ж.Эрдэнэбатад 6 жилийн хорих ял оноолоо

Нийслэлийн прокурорын газраас шүүгдэгч Ж.Эрдэнэбат, Б.Отгонбаатар, ...

2020 оны 07 сарын 06, 13 цаг 25 минут
Хямралыг даваад, хуримтлуулж чадвал сайн л хэрэг

Монгол Улсын эдийн засгийг энэ онд 0.5 хувиар агшина хэмээн таамагласнаа ...

2020 оны 06 сарын 20, 13 цаг 21 минут
Дундговь аймагт үйл ажиллагаа явуулж буй ураны компанийн үйл ажиллагааг зогсоолоо

 Дундговь аймгийн Өлзийт, Баянжаргалан, Гурвансайхан, Өндөршил сумын ...

2020 оны 06 сарын 17, 13 цаг 28 минут
Алтаа ухуулаад авдрандаа хаягдсан “Шүрэн гал”

Шүрэн гал. Шарын гол гэдэг нэрний гарвал энэ үгтэй холбоотой тухай ...

2020 оны 06 сарын 16, 11 цаг 07 минут
“Эрдэнэт”-ийн 49 хувь”-ийн бүлэглэлийн гишүүн Р.Амаржаргал төр тэргүүлэх ёсгүй

Ардчилсан нам өнөөдөр цаг үеийн асуудлаар мэдээлэл хийж, ...

2020 оны 06 сарын 16, 10 цаг 07 минут
Өвөр Монголоос бал чулууны арвин нөөц илэрчээ

БНХАУ-ын Өвөр Монголын өөртөө засах орны Баяннуур хотод бал чулууны арвин ...

2020 оны 06 сарын 15, 15 цаг 22 минут
“Бид дахин уучлал эрэхгүй”

Англи-Австралийн уул уурхайн “Рио Тинто” компани тэсэлгээ хийх ...

2020 оны 06 сарын 15, 11 цаг 44 минут
Эдийн засгийн хямрал дөнгөж эхэлж байгааг анхааруулжээ

Дэлхийн улс орнууд үндсэндээ зургаан сарын турш коронавирустай ...

2020 оны 06 сарын 15, 09 цаг 48 минут
Дорнод аймгийн ард иргэд нэр дэвшигч Ц.Сэргэлэнг идэвхийлэн дэмжиж байна

УИХ-ын 2020 оны сонгуульд Дорнод аймагт МАН-аас генерал Ц.Сэргэлэн, УИХ-ын ...

2020 оны 06 сарын 13, 15 цаг 46 минут
Ядуу ч “ялах” Монгол

“Баялгийн сантай болно”, “Валютын нөөцийг ...

2020 оны 06 сарын 12, 20 цаг 54 минут
2020 оны 06 сарын 12, 16 цаг 39 минут
ТЕГ-ын дарга, генерал Д.ГЭРЭЛИЙН ХҮҮГИЙН УУРХАЙД шүүх үзлэг хийж байна

ТЕГ-ын дарга, Генерал Д.Гэрэлийн хүү Г.Аранзалын нэр дээр бүртгэлтэй ...

2020 оны 06 сарын 10, 12 цаг 00 минут
“Рио Тинто” дурсгалт газрыг сүйтгэсэн шалтгаанаа тайлбарлажээ

 Уул уурхайн чиглэлээр үйл ажиллагаа  явуулдаг "Рио Тинто” ...

2020 оны 06 сарын 09, 16 цаг 31 минут
“ТОП”-ууд “Эрдэнэт үйлдвэр”-т зочиллоо

 Монгол Улсын Засгийн газар, Монголын Үндэсний худалдаа аж үйлдвэрийн ...

2020 оны 06 сарын 09, 15 цаг 13 минут
2020 оны 06 сарын 09, 14 цаг 32 минут
Хийн хоолой бол хий мөрөөдөл биш

 Оросоос Хятад руу хий дамжуулах хоолойг Монголын нутгаар дайруулах ...

2020 оны 06 сарын 08, 20 цаг 36 минут
2020 оны 06 сарын 08, 15 цаг 41 минут
Нидерланд улс коронавирусийн халдвараас сэргийлж, 10,000 булга заазлах шийдвэр гаргажээ

Нидерландын засгийн газар коронавирусийн халдвар тархахаас сэргийлэх ...

2020 оны 06 сарын 08, 13 цаг 14 минут
Бүлэглэл чинь сүрэглэл болчихлоо, толгойлогч оо...

Сүргийн толгойлогч сахал Эрдэнэбилэгээс асуух асуулт байна аа. Төр улсыг ...

2020 оны 06 сарын 07, 20 цаг 33 минут
Хийсэн бүтээсэн нь ямагт капитал!

Ертөнц тэр чигээрээ худалдаа хийж байна. Худалдаагаар амьдарч амьсгалж ...

2020 оны 06 сарын 07, 19 цаг 57 минут
Ураны тусгай зөвшөөрлийг хэн, хэний үед олгосон бэ?

Дэлхий нийтээр цөмийн зэвсэг, эрчим хүчний найдвартай эх үүсвэрийг ...

2020 оны 06 сарын 07, 11 цаг 53 минут
2020 оны 06 сарын 04, 11 цаг 19 минут
Эрдэмтэд дэлхийн зургаа дахь ‘их мөхөл’ ойртож байгааг анхаарууллаа

Стэнфорд, Принстон, Беркелийн их сургуулийн эрдэмтэд 2015 онд ...

2020 оны 06 сарын 03, 21 цаг 33 минут
Төмрийн хүдрийн үнэ 102 ам.доллар болж өсжээ

Энэ долоо хоногийн Даваа гарагт (2020.06.02) Даляны түүхий эдийн бирж дээр ...

2020 оны 06 сарын 03, 16 цаг 41 минут
Америкийн занарын нефть олборлогч 17 компани дампуурлаа зарлажээ

 ВАШИНГТОН. /Financial Times/. Коронавирусний цар тахлын улмаас ...

2020 оны 06 сарын 02, 18 цаг 21 минут
2020 оны 05 сарын 31, 18 цаг 52 минут
Шилийн гол аймаг дахин уул уурхай нээхгүй

 Өвөр Монголын Өөртөө Засах Орны Шилийн гол аймгийн Засаг захиргааны ...

2020 оны 05 сарын 28, 23 цаг 48 минут
​‘Онон’ Монголдоо эсэн мэнд буцаж ирсэн цорын ганц эгэл хөхөө болжээ

Монгол Улсын Зэрлэг ан амьтан судлах, хамгаалах төв ТББ болон Их Британийн ...

2020 оны 05 сарын 28, 11 цаг 05 минут
2020 оны 05 сарын 27, 21 цаг 43 минут
2020 оны 05 сарын 27, 17 цаг 26 минут
2020 оны 05 сарын 27, 11 цаг 15 минут
Алтны ханш 1700.60 ам.долларт буюу сүүлийн найман жилд хамгийн өндөр үнэ хүрлээ

 Алтны ханш өнөөдөр  1728.29 ам.доллар байгааг  Bloomberg ...

2020 оны 05 сарын 27, 10 цаг 58 минут
Шатахууны үнэ БУУРЛАА

 Ашигт малтмал, газрын тосны газраас шатахууны үнийн асуудлаар ...

2020 оны 05 сарын 26, 10 цаг 58 минут
“Борц” болсон эдийн засаг

Үндэсний их баяр наадмыг зохион байгуулах хороо хуралдаж, бөхийн ...

2020 оны 05 сарын 26, 10 цаг 42 минут
Том гүрнүүд сансрын уудамд олборлолт хийхээр өрсөлдөж эхэллээ

Өнгөрсөн таван жилийн хугацаанд дэлхийн томоохон гүрнүүд сансрын уудамд ...

2020 оны 05 сарын 25, 21 цаг 04 минут
Ираны түлш тээвэрлэсэн эхний хөлөг онгоц Венесуэлд хүрчээ

 АНУ-ын зүгээс хатуу сануулга өгөөд байсан хэдий ч Ираны түлш ...

2020 оны 05 сарын 25, 20 цаг 17 минут
В.Путин Оросын нефтийн салбарыг дэмжих удирдамж өглөө

 ОХУ-ын Ерөнхийлөгч В.Путин Засгийн газартаа хандаж, ирэх сарын 15-ны ...

2020 оны 05 сарын 25, 20 цаг 07 минут
Хятад улс цөлийг 60 жилийн дотор баян бүрд болгов

 Юйлин хотын иргэд элсэн шуурганаас хамгаалж мод суулгаж эхэлсэн ...

2020 оны 05 сарын 25, 16 цаг 12 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

"Монголын Геологийн есөн эрхэм" номын нээлт боллоо
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани