Ord.mn | Mongolian Mining
| English |  Mobile |  Rss

Сонгуулийн өмнөх улс төрийн цикл ба хоёр ахлагчийн БАЙР СУУРЬ

 

Монголын Засгийн газрын Ажлын хэсэгтэй нүүр тулсан хэлэлцээ хийхээр багаа ахлан Улаанбаатарт ирсэн "Рио Тинто”-гийн Зэсийн группийн Ерөнхий захирал Б.Болд өчигдөр /2021.04.01/ байр сууриа илэрхийлэв.

Тэрбээр "Өнөөдөр хурцадмал асуудал үүссэн нь Оюутолгой төслийн зардлын хэтрэлт, төслийн хугацаа хойшилсонтой холбоотой. Гэрийнхээ тооныг тойрч сууж байгаад асуудлаа хамтдаа шийдье гэж бодож байна. Мэдээж аль аль талд сэтгэл дундуур зүйл бий... Талуудын хэлэлцээрийг ийм тийм гэж ярихад одоо арай эрт байна” гэв.

Тэгвэл Засгийн газрын Ажлын хэсгийн ахлагч Х.Нямбаатар өчигдөр "Оюутолгойн хэлэлцээг улстөржүүлж Ерөнхийлөгчийн сонгуулийн сэдэв болгомооргүй байна. Хэлэлцээрийн ширээний ард нэгдмэл байр суурьтай суух боломжгүй байдал үүсээд байгаа...” гэсэн байр суурийг илэрхийллээ. Түүний хэлж буйгаас үзэхэд Дубайн төлөвлөгөөг цуцлах тухай санал дээр Ажлын хэсэг дотооддоо ойлголцлоо нэгтгэж чадахгүй байгаа бололтой.

Хүлээлт үүсгэсэн хэлэлцээ албан ёсоор эхэлж буйтай зэрэгцэн  хоёр талын ахлагчийн илэрхийлэх байр суурь, өгөх мессеж чухал.

Манай тухайд сүүлийн арваад жилд Оюутолгой төсөл хамгийн халуун сэдвүүдийн нэг байсаар өнөөдөртэй золгож буй. Улстөрчид, иргэний нийгмийн  байгууллагууд, сэтгүүлчид, иргэд гээд бүхий л талууд энэ төслийн талаар  ярьцгааж, гэрээнд өөрчлөлт оруулах ёстой, цуцлах ёстой гэхчлэн байр сууриа илэрхийлдэг ч чухам яг ямар асуудал дээр тухайлан анхаарах ёстой вэ гэдэгт үндэслэл сайтай хариултыг гаргаж тавьж байсан нь цөөн.

Нэг ёсондоо өнөөдрийг хүртэл бид Оюутолгой төслөөр талцсан нь их болохоос  нэгдмэл байр сууриар асуудалд хандсан нь цөөн гэдгийг Х.Нямбаатарын өчигдрийн үгс хэлэлцээний өмнө дахин сануулж байгааг тодотгоход илүүдэхгүй болов уу.

Оюутолгойн менежмэнтийг хэрэгжүүлэгч "Рио Тинто”-той хэлэлцээ хийх Засгийн газрын Ажлын хэсэг 2019 оны арваннэгдүгээр сарын 21-ний өдөр УИХ-аас баталсан "Оюутолгой ордын ашиглалтад Монгол Улсын эрх ашгийг хангуулах тухай” 92 дугаар тогтоолын хэрэгжилтийг хангах чиглэлээр энэ хэлэлцээний ширээнд сууж байгаа билээ.

 

 "ОЮУТОЛГОЙ ОРДЫН АШИГЛАЛТАД МОНГОЛ УЛСЫН ЭРХ АШГИЙГ ХАНГУУЛАХ ТУХАЙ” ТОГТООЛЫГ САНУУЛАН ХҮРГЭЕ.

 

 

 МОНГОЛ УЛСЫН ИХ ХУРЛЫН ТОГТООЛ

 

2019 оны 11 сарын 21-ний өдөр                                                            Төрийн ордон, Улаанбаатар хот

 

                                                                                      Дугаар 92

 

                                      Оюу толгой ордын ашиглалтад Монгол Улсын эрх ашгийг хангуулах тухай

 

   Монгол Улсын Их Хурлын тухай хуулийн 43 дугаар зүйлийн 43.1 дэх хэсгийг үндэслэн Монгол Улсын Их Хурлаас ТОГТООХ нь:

 

1.Оюу толгой ордоос Монгол Улсын хүртэх үр ашгийг хангах хүрээнд дараах арга хэмжээг авч хэрэгжүүлэхийг Монгол Улсын Засгийн газар /У.Хүрэлсүх/-т даалгасугай:

1/Монгол Улсын Засгийн газар болон Айвенхоу майнз Монголиа Инк ХХК, Айвенхоу майнз Лтд, Рио Тинто Интернэшнл Холдингс Лтд компани хооронд 2009 оны 10 дугаар сарын 06-ны өдөр байгуулсан Хөрөнгө оруулалтын гэрээ, Эрдэнэс Монгол ХХК болон Айвенхоу Оюу Толгой (Ви Ви Ай) Лтд, Оюу Толгой Нидерланд Би Ви, Оюу Толгой ХХК хооронд 2011 оны 06 дугаар сарын 08-ны өдөр байгуулсан Хувь нийлүүлэгчдийн гэрээ (нэмэлт, өөрчлөлт оруулж дахин тодотгосон)-ний хэрэгжилтийг Улсын Их Хурлын 2008 оны "Үндсэн зарчим, удирдамж батлах тухай” 40 дүгээр тогтоол, 2009 оны "Оюу толгой ордыг ашиглах хөрөнгө оруулалтын гэрээний тухай” 57 дугаар тогтоол болон Монгол Улсын хууль тогтоомжтой уялдуулан сайжруулах чиглэлээр цогц арга хэмжээ авах, шаардлагатай тохиолдолд олон улсад хүлээн зөвшөөрөгдсөн хараат бус зөвлөх үйлчилгээ авах.2/Монгол Улсын Засгийн газар, Эрдэнэс Оюу Толгой ХХК болон Туркойс Хилл Ресурсес Лтд, Ти Эйч Ар Оюу Толгой Лтд, Оюу Толгой Нидерланд Би Ви, Рио Тинто Интернэшнл Холдингс Лтд, Оюу Толгой ХХК хооронд 2015 оны 05 дугаар сарын 18-ны өдөр байгуулсан "Оюу толгойн далд уурхайн бүтээн байгуулалт, санхүүжилтийн төлөвлөгөө” болон "Оюу толгойн далд уурхайн бүтээн байгуулалт, санхүүжилтийн нэмэлт төлөвлөгөө”-г Монгол Улсын эрх ашиг, хууль тогтоомжид нийцүүлэн сайжруулах;

3/Оюу толгой төслөөс хүртэх Монголын талын үр өгөөжийг Хөрөнгө оруулалтын гэрээ болон 2010 оны техник, эдийн засгийн үндэслэлийн тооцоололд зааснаар нэрлэсэн үнээр 53 хувиас бууруулахгүй байх хүрээнд Монголын талын эзэмшлийн 34 хувийн хувьцаа эзэмшлийг бүтээгдэхүүн хуваах нөхцөл, эсвэл ашигт малтмалын нөөц ашигласны тусгай төлбөрөөр орлуулах хувилбаруудыг судлан шийдвэрлэх, шаардлагатай тохиолдолд холбогдох хууль тогтоомжид өөрчлөлт оруулах тухай санал боловсруулан Улсын Их Хуралд танилцуулах;

4/Оюу толгой ордын зэс, алт, мөнгө болон бусад дагалдах элементийн нөөцийн үнэлгээг Монгол Улсад мөрдөгдөж байгаа олон улсын стандартын дагуу дахин хийж, үүнд үндэслэсэн техник, эдийн засгийн үндэслэлийг дахин боловсруулж, эрх бүхий байгууллагаар дүгнэлт гаргуулах;

5/Байгаль орчны болон усны нөхцөл байдлын үнэлгээг шинэчлэн хийлгэж, Монгол Улсын Засгийн газрын 2011 оны 06 дугаар сарын 08-ны өдрийн 175 тоот "Газрыг улсын хэрэгцээнд авах тухай” тогтоолыг өөрчилж, говийн бүсийн гүний ус ашиглах нөхцөлийг харгалзан тогтоох;

6/Монгол Улсын Их Хурлын даргын 2018 оны 03 дугаар сарын 23-ны өдрийн 57 дугаар захирамжаар байгуулагдсан Оюу толгой ордыг ашиглах хөрөнгө оруулалтын гэрээний хэрэгжилтийг шалгах үүрэг бүхий Ажлын хэсгийн санал, дүгнэлтийг хэрэгжүүлэхэд чиглэсэн цогц арга хэмжээ авах;

7/Оюу толгой төслийн Монголын талын төлөөллийг хэрэгжүүлэгч байгууллагын санхүүгийн болон хүний нөөцийн чадавхыг олон улсын түвшинд хүргэж, бэхжүүлэх.

2.Тогтоолын хэрэгжилтэд хяналт тавьж ажиллахыг Монгол Улсын Их Хурлын Эдийн засгийн байнгын хороо /Ж.Ганбаатар/, Аюулгүй байдал, гадаад бодлогын байнгын хороо /Т.Аюурсайхан/-нд даалгасугай.

   

МОНГОЛ УЛСЫН ИХ ХУРЛЫН ДАРГА                                                             Г.ЗАНДАНШАТАР

 

 

Монгол Улсын Их Хурлын уг тогтоолыг эерэг хүлээж авч буйгаа төслийн хөрөнгө оруулагч "Туркойз Хилл Ресурс”  2019 оны сүүлээр  мэдэгдэж байсан билээ.

92 дугаар тогтоолд УИХ-ын  40 болон 57 дугаар тогтоол, Монгол Улсын хууль, тогтоомжийн хүрээнд Хөрөнгө оруулалтын гэрээг сайжруулна. Далд уурхайн санхүүжилтийн төлөвлөгөөг Монгол Улсын хууль тогтоомжид нийцүүлэн сайжруулах, төслийн нийт үр ашгийн 53 хувиас багагүй хэмжээний ашгийг бид өөрсдөдөө наахын тулд 10 жилийн турш ярьсан 34 хувийн асуудлаа эргэн харж, шийдвэрлэх зэрэг асуудлуудыг тусгасан байгаа.

Эндээс Далд уурхайн санхүүжилтийн төлөвлөгөөг бол ямар нэг нөхцөлгүйгээр цуцлах нь зөв гэсэн байр суурийг Ажлын хэсгийн ахлагч одоогоор илэрхийлсэн. Хөрөнгө оруулагч тал ч энэ саналыг  хүлээн авч байгаа аж.

Харин Монголын Засгийн газрын 34 хувийг бүтээгдэхүүн хуваах нөхцөл, эсхүл АМНАТ-аар оруулах хувилбарыг судлах асуудал УИХ-ын 40 болон 57 дугаар тогтоолуудад  заасан агуулгуудтай нийцэж байна уу гэдгийг тодотгож харах хэрэгтэй болдог.

40 дүгээр тогтоолд бол Бүтээгдэхүүн хуваах зарчимд тулгуурласан хувилбарыг судлах тухай тусгасан ч Хөрөнгө оруулалтын гэрээ байгуулахыг албан ёсоор даалгасан 57 дугаар тогтоолыг харахаар Анхны хөрөнгө оруулалтыг нөхсөний дараа Монголын Засгийн газрын эзэмших хувь 50-иас доошгүй хэмжээнд очсон байх ёстой гэсэн байдаг.

"Рио Тинто”-гийн Зэсийн группийн Ерөнхий захирал Б.Болд 34 хувьтай холбоотойгоор өчигдөр байр сууриа илэрхийлэхдээ энэ бол монголчуудын шийдэх асуудал гэж онцолсон. Гэхдээ арван жилийн дараа зэсийн үнэ одоогийнхоос хоёр дахин өслөө гэхэд 34 хувийг хямдаар өглөө гэдэг асуудал үүсвэл хэн хариуцлага хүлээх вэ гэдгийг бодоход илүүдэхгүй гэсэн зүйлийг мөн хэлэв.

Өнгөрсөн жилүүдийн  нөхцөл байдлыг авч үзэхэд бид 34 хувиа өрөөр санхүүжүүлж өнөөдрийг хүрсэн нь зовлонгийн суурь шалтгаан гэж тайлбарлах хүмүүс манайд цөөнгүй бий.

Хоёр талын татварын маргаан арбитрт хүрсэн. "Оюутолгой” ХХК  татварын актаар ногдуулсан 649.4 тэрбум төгрөгийг Төрийн сан руу шилжүүлсэн ч арбитрын маргаан хэрхэн шийдвэрлэгдэхээс энэ мөнгө манайд үлдэх эсэх нь шийдэгдэнэ. Манай тал нийтдээ 1 их наяд 26 тэрбум төгрөгийн татварыг тус компаниас авах ёстой гэсэн акт гарсан байдаг.

Х.Нямбаатар сайд хөрөнгө оруулагч тал Лондоны арбитраас маргаанаа түр хойшлуулах гаргасныг манайх хүлээж аваагүй гэсэн мэдээллийг өчигдөр өгсөн.  Тэрбээр  "Ажлын хэсэг УИХ-ын 92 дугаар тогтоолыг хэрэгжилтийг хангах үүднээс  Рио Тинтогийн төлөөлөлтэй хэлэлцээрээ албан ёсоор эхлүүлэх гэж байгаа яг энэ цаг үед АНУ-д болж байгаа үйл явдлууд манай Засгийн газраас өмнө нь гаргаж байсан санаачлагуудын хүрээнд, далд уурхайн зардлын хэтрэлттэй холбоотой асуудал нэлээн өндрөө аваад явж байна” гэсэн мэдээллийг гуравдугаар сарын 26-нд өгсөн.

Ер нь бол энэ төсөлтэй холбоотой асуудал зөвхөн Далд уурхайн санхүүжилтийн төлөвлөгөөнд  бус Хөрөнгө оруулалтын үндсэн гэрээг хамарсан суурь шинжтэй учраас нэгэнтээ хөрөнгө оруулагч талтай хэлэлцээ хийж эхэлж буй учраас аль аль талаас нь авч үзэж, нягт хандах хэрэгтэйг ч хуульчид, эдийн засагчид хэлж буйг тодотгоё.

Тухайлбал, Бизнесийн эрх зүй, хөрөнгө оруулалтын чиглэлээр мэргэшсэн хуульч, арбитрч Т.Алтангэрэлээс "Оюутолгойн хөрөнгө оруулалтын үндсэн болон бусад гэрээ, Дубайн төлөвлөгөө гээд бүгдэд л өөрчлөлт орж байж Монгол Улсын эрх ашиг нөгөө талтай эрх тэгш хангагдах юм байна гэсэн ойлголт байна. Гэхдээ яг ямар эрэмбэ дарааллаар шийдэх нь зөв вэ? гэсэн  асуултад хариулт авахад:

-Үүсээд буй үл ойлголцол, маргааныг хоёр хэсэгт бүлэглэж болно. Эхний бүлэгт 34 хувьд оногдох зээл хэлбэрийн хөрөнгө оруулалт, зардал, хугацаа хэтрэлт, ногдол ашигтай холбоотой хувь нийлүүлэгчдийн хүрээнд шийдвэрлэх асуудлууд байна. Дээр хэлсэнчлэн Оюутолгой төсөл нь олон асуудал дагуулсан, өнгөрсөн хугацаанд Монголын талын эрх ашиг ихээр хохирч байгааг одоо хэлэлцээрийн шугамаар үндсэн гэрээнүүд, Дубайн гэрээ зэрэгт өөрчлөлт хийх болон бусад байдлаар засч залруулах ажлыг шат дараатай хийх шаардлага бодитой бий болчихлоо. Дубайн гэрээ нь далд уурхайн бүтээн байгуулалтын төслийн санхүүжилтийг шийдвэрлэхэд түлхэц болсон ч олон хуулийг зөрчсөн, "Оюу Толгой” компанийн  бүх лиценз, биет болон биет  бус хөрөнгийг УИХ-д танилцуулалгүй олон улсын 15 банкинд барьцаалсан, Монголын талыг цаашид хөдөлшгүй болгосноороо их эрсдэлд оруулсан. Төслийн зардал хэтрэлтийн асуудал анх үүсэхэд тэрийг Монголын талын эрх ашигт нийцүүлэх байтал хүлээн зөвшөөрсөнөөрөө хөрөнгө оруулагчтай хариуцлага ярихад хүндрэлтэй болгосон. Тэгэхээр далд уурхайн бүтээн байгуулалтын 4,4 тэрбум ам.долларын зээлийн төслийн санхүүжилтийн асуудлыг цаашид Монголын хуульд нийцүүлэн засах, үндсэн гэрээнүүдтэй хамт өөрчлөх,  "Оюу Толгой” ХХК-ийн хөрөнгийг барьцаалж зээл босгож, Монголын талыг эрсдэлд оруулж байгаа тул 34  хувьд ногдох хөрөнгө оруулалтыг зээл хэлбэрээс өөрчилж, хүүнээс чөлөөлөх хүртэл саналыг тавих боломжтой байж болох юм. Дараагийн бүлэгт Монгол Улсын хуулийн хүрээнд тогтоосон арга аргачлалыг хүлээн зөвшөөрөөгүйтэй холбоотой төр, татвар төлөгчийн хоорондын асуудлууд байна. Миний бодлоор олон улсын арбитрт очсон татварын маргаан нь 300-400 сая ам.доллароор хязгаарлагдахгүй цаашид энэ төслийн үргэлжлэх хугацаанд хүчин төгөлдөр хэрэгжих жишиг маягийн шийдвэр болохын хувьд хэдэн арван тэрбум ам.доллароор хэмжигдэх учраас Монголын тал энэ асуудал дээр нэлээн сайн хүн хүчээ төвлөрүүлэх нь зүйтэй байх. Татвартай холбоотой Олон улсын арбитрын маргааныг шийдвэрлэх энэ явцад Монголын тал өмнө байгуулсан аливаа гэрээ хэлэлцээрээ өөрчлөх саналаа хэзээ яаж тавих нь нарийн бодолцох асуудал болох байх. Татварын маргааныг нааштай шийдвэрлэсний дараа хувь нийлүүлэгчдийн хоорондын асуудлуудыг хэлэлцэн шийдвэрлэх үү, эсвэл нь зэрэгцээд хэлэлцээрээ хийгээд явах уу, ингэвэл татварын маргаанд сөргөөр нөлөөлөхгүй байх талаас нь анхаарах хэрэгтэй болно.” гэхчлэн байр сууриа илэрхийлсэн юм.

Эхэнд хэлсэнчлэн хүлээлт үүсгэсэн хэлэлцээ Улаанбаатарт эхэлж байна. "Оюутолгой ордын ашиглалтад Монгол Улсын эрх ашгийг хангуулах тухай” УИХ-ын тогтоол Ерөнхийлөгчийн сонгууль угтсан хаврын улс төрийн циклийг давж гарах  эсэх нь ШИНЭ ХҮЛЭЭЛТ үүсгээд буйг тодотгоё.


https://news.zindaa.mn/3nqw
Сонгуулийн өмнөх улс төрийн цикл ба хоёр ахлагчийн БАЙР СУУРЬ
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Шинэ мэдээ
Оюутолгойн гэрээг сайжруулах ТҮР ХОРОО бүрэлдэхүүнээсээ эхлээд унаж мэднэ

 -Монгол Улс Рио Тинтогийн эсрэг "мөрөөдлийн баг”-аа илгээв- ...

Өчигдөр, 12:26
Засгийн газар Риотинтогийн эсрэг гурван асуудлаар сөрөг нэхэмжлэл гаргана

    Монгол Улсын Засгийн газрын ээлжит хуралдаан үргэлжилж ...

2021 оны 04 сарын 21, 15 цаг 44 минут
Хэлэлцээ бус СӨРӨГ нэхэмжлэлээр Оюутолгойн "зовлон" шийдэгдэх үү?

    Өнөөдөр /2021.04.21/ Засгийн газрын ээлжит ...

2021 оны 04 сарын 21, 13 цаг 06 минут
2021 оны 04 сарын 21, 11 цаг 42 минут
2021 оны 04 сарын 21, 11 цаг 35 минут
2021 оны 04 сарын 21, 09 цаг 26 минут
Нүүрс, төмрийн хүдэр, зэсийн нийлүүлэлт эрэлтээ хангаж чадахгүй байна

      "Зууны мэдээ” сонин "Голомт капитал” үнэт цаасны ...

2021 оны 04 сарын 21, 09 цаг 04 минут
Монголын уул уурхайн салбарт 1600 гадаад иргэн ажиллаж байна

 Манай улсад 2021 оны эхний улирлын байдлаар гадаадын 89 улсын 4.4 ...

2021 оны 04 сарын 20, 15 цаг 33 минут
2021 оны 04 сарын 20, 13 цаг 07 минут
Монгол Улс дөрөвдүгээр сарын байдлаар 6,8 сая тонн нүүрс экспортолжээ

   Монгол Улсын хилийн боомтуудын үйл ажиллагаа хэвийн явагдаж ...

2021 оны 04 сарын 19, 17 цаг 57 минут
Зэсийн баяжмалын экспорт 25.9 сая ам.доллароор БУУРЧЭЭ

    Үндэсний статистикийн хорооноос өгч буй мэдээллээс ...

2021 оны 04 сарын 19, 11 цаг 38 минут
“Газпром” компани Монголоор дайруулах хийн хоолойн маршрутаа зураглан гаргажээ

      Монголоор дамжин Хятадад хүрэх "Союз Восток” хийн ...

2021 оны 04 сарын 16, 16 цаг 04 минут
Дизель түлш тээвэрлэж явсан том оврын авто машин замын хажуу руу унаж, гурван тонн түлш асгарчээ

 Нийслэлийн Хан-Уул дүүргийн 13 дугаар хороо, Шувуун фабрик чиглэлийн ...

2021 оны 04 сарын 16, 13 цаг 36 минут
Хэлэлцээ: “Рио Тинто”-д эргэлзэх шалтгаан байна

      Оюутолгой төсөл, хамтын  гэрээнд Монголын ...

2021 оны 04 сарын 15, 11 цаг 17 минут
Хүлээлт дагуулсан ХЭЛЭЛЦЭЭ ЭХЭЛЛЭЭ

"Оюутолгой ордын ашиглалтад Монгол Улсын эрх ашгийг хангуулах тухай” ...

2021 оны 04 сарын 15, 10 цаг 54 минут
Нүүрс болон баяжмалын экспортын хэмжээ огцом буурав

     2021 оны гуравдугаар сард "Оюутолгой” компанид ...

2021 оны 04 сарын 14, 12 цаг 17 минут
Хятадын импортод нөлөөлсөн Монгол нүүрсний таатай ирээдүй

      БНХАУ-ын Гаалийн ерөнхий газраас тус улсын ...

2021 оны 04 сарын 14, 09 цаг 05 минут
Монголын нүүрс моод болох цагсан

    БНХАУ-Австралийн харилцаа улам дордож, нүүрсний ...

2021 оны 04 сарын 13, 15 цаг 22 минут
Оюутолгойд Монголын эрх ашгийг хангаж, гэрээг сайжруулах хэлэлцээ эхлэв

      Монголын Засгийн газар,  Оюутолгойн хөрөнгө ...

2021 оны 04 сарын 13, 09 цаг 38 минут
"ОЮУ ТОЛГОЙ"-Н ХЭЛЭЛЦЭЭ: Татвар, зардлын хувь, зээлийн хүүг бууруулна

 Олон жилийн дараа Оюу толгойн хөрөнгө оруулалтын гэрээг сайжруулах ...

2021 оны 04 сарын 12, 15 цаг 37 минут
2021 оны 04 сарын 12, 14 цаг 44 минут
Балтын хуванд үл мэдэгдэх байгалийн антибиотик илэрчээ

 АНУ-ын судлаачид Балтын хувны бүтэц, найрлагыг судлах явцад дотор нь ...

2021 оны 04 сарын 12, 13 цаг 07 минут
Газрын тос дамжуулах хоолой барих төсөлд 20 компани оролцох хүсэлтээ ирүүлжээ

 Монгол Улсын Уул уурхай, хүнд үйлдвэрийн яам олон улсад нэр хүнд ...

2021 оны 04 сарын 12, 12 цаг 51 минут
ЦУВРАЛ 1 I Таван голыг “тамлахаар” ирсэн “Мон Ураниум Ресурс” ХХК-ийг Эрдэнэцагааныхан эсэргүүцэж байна

Монгол орны зүүн хязгаар Сүхбаатар аймгийн Эрдэнэцагааны тал нутагт хүн ...

2021 оны 04 сарын 12, 11 цаг 44 минут
Гашуунсухайт боомтоор өдөрт 20 машин гарч байна

 Гашуунсухайт-Ганц мод боомтоор өдөрт дунджаар 20 машин нэвтэрч буй ...

2021 оны 04 сарын 12, 11 цаг 16 минут
2021 оны 04 сарын 12, 10 цаг 44 минут
“Туркойз Хилл Ресурс”, “Рио Тинто” хоёр хэлэлцээ угтан ТОХИРОЛЦЛОО

    Монголын Засгийн газрын Ажлын хэсэг Улаанбаатарт ...

2021 оны 04 сарын 12, 10 цаг 16 минут
Cент-Винсент арлын галт уул дэлбэрчээ

 КИНГСТАУН. /BBC/. Карибын тэнгисийн Сент-Винсент арал дээр ...

2021 оны 04 сарын 12, 10 цаг 07 минут
Ногоон бүсэд зорчихдоо галын аюулгүй байдлаа хангахыг анхааруулж байна

 Иргэдийн санамсар болгоомжгүй байдлын улмаас 25 удаа шар өвсний ...

2021 оны 04 сарын 08, 15 цаг 00 минут
Оюутолгойн хэлэлцээр: Хожил хоёр тийшээ

      Монголын Засгийн газар Оюутолгойн хөрөнгө оруулагч ...

2021 оны 04 сарын 08, 10 цаг 03 минут
“Рио Тинто”-гийн “дургүй” Валютын хуулийг УИХ гурван жил гацаав

2018.6.19. Ерөнхийлөгч Х.Баттулга Валютын зохицуулалтын тухай хуульд ...

2021 оны 04 сарын 07, 11 цаг 55 минут
“Баганат Өргөө” компани цэвэр усны шугам дээр зөвшөөрөлгүй барилга барьж байна

  Өнгөрсөн 3 сарын 13-ны өдөр нийслэлийн Байнзүрх дүүргийн 8-р ...

2021 оны 04 сарын 06, 10 цаг 55 минут
Импортын хамгийн том боомт тэг зогсоод 15 хонож байна

 Коронавирусын халдвар дотоодод эрчимтэй нэмэгдэж байгаатай зэрэгцэн ...

2021 оны 04 сарын 05, 10 цаг 36 минут
ОХУ нүүрсний экспортоо нэмэгдүүлэхийн тулд шинэ төмөр зам барина

 Хятадын  Засгийн газраас өнгөрсөн оны аравдугаар сараас ...

2021 оны 04 сарын 05, 08 цаг 48 минут
50 мянган долларын биткойн 270 тонн нүүрстөрөгч ялгаруулж байна

 Огцом өсөлтийг үзүүлж 60 мянган ам.долларт хүрээд байсан биткойны ...

2021 оны 04 сарын 02, 18 цаг 59 минут
Х.Нямбаатар: Оюутолгойн зардлыг шинжилсэн дүгнэлт 6-р сард гарна

 Улсын Их Хурлын 2021 оны хаврын ээлжит чуулганы өнөөдрийн ...

2021 оны 04 сарын 02, 18 цаг 04 минут
Аргентинаас 80 сая жилийн өмнө амьдарч байсан үлэг гүрвэлийн яс олджээ

 БУЭНОС-АЙРЕС. /Sky News/. Аргентины Сан-Луис хотын Үндэсний их ...

2021 оны 04 сарын 02, 11 цаг 13 минут
Сонгуулийн өмнөх улс төрийн цикл ба хоёр ахлагчийн БАЙР СУУРЬ

Монголын Засгийн газрын Ажлын хэсэгтэй нүүр тулсан хэлэлцээ хийхээр багаа ...

2021 оны 04 сарын 02, 10 цаг 56 минут
Оюу толгой аз уу?, эз үү?

      Оюу толгой орд ашиглах гэрээнд гарын үсэг зурсан ...

2021 оны 04 сарын 02, 10 цаг 47 минут
О.Мөнхжаргал: “Эрдэнэс-Таван толгой”-н бонд хадгаламжийн хүүгээс ч өндөр өгөөж өгнө

   Ц.Баасансүрэн : Өдрийн сонин   "Эрдэнэс-Таван толгой” ...

2021 оны 04 сарын 02, 10 цаг 47 минут
Оюутолгойн гэрээ “жонхуу” болсон түүхээс

      Одоогоос 11 жилийн өмнө буюу 2010 оны 3 дугаар ...

2021 оны 04 сарын 02, 10 цаг 46 минут
"Оюутолгой"-н хөрөнгө оруулагчид АРБИТРЫН МАРГААНЫГ түр хойшлуулахыг Монголын талаас хүсчээ

УИХ-ын 2021 оны хаврын ээлжит чуулганы өчигдрийн (2021.04.01) үдээс хойших ...

2021 оны 04 сарын 02, 10 цаг 20 минут
2021 оны 04 сарын 01, 17 цаг 13 минут
Хятадын Сэхэ боомт Монголын нүүрсний тээврийг нэвтрүүлэхээ ЗОГСООЛОО

 Хятадын тал Шивээхүрэн-Сэхэ боомтоор Монголын  уул уурхайн ...

2021 оны 04 сарын 01, 11 цаг 55 минут
ЭТТ бондын арилжаа эхэллээ

 "Эрдэнэс тавантолгой” ХК-ийн ЭТТ бондын анхдагч зах зээлийн ...

2021 оны 03 сарын 31, 10 цаг 26 минут
Оюу Толгойн хөрөнгө оруулагчдын маргаан хурцадлаа

 Тийм ээ, та буруу сонсоогүй. Тэртээ тэргүй олон асуудалтай байгаа ...

2021 оны 03 сарын 29, 11 цаг 02 минут
“Эрдэнэс-Тавантолгой” ХК-ийн өрийн хэрэгслийг үнэт цаасны бүртгэлд бүртгэлээ

 Засгийн газрын 2021 оны 42 дугаар тогтоолын хавсралтаар баталсан ...

2021 оны 03 сарын 29, 10 цаг 46 минут
2021 оны 03 сарын 29, 09 цаг 59 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани