- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Аюулгүй аялал III
Э.Зоригт
Согтуу шил
Баяжуулах
үйлдвэрээс гараад "Эрсдэл үзүүлэх сургалтын төв”-д ирэв. Аяллын
багийнхан баяжуулах үйлдвэрээр явж, маш их ядарсан байсан тул тус төвийг
үзэхгүй явбал яасан юм бэ гэхэд Оюутолгойн Хэвлэл мэдээлэл, олон
нийттэй харилцах хэлтсийн ажилтан С.Энхцэцэг "Ядарсан ч гэсэн сэтгүүлч
хүмүүст сонирхоход илүүдэхгүй зүйлс байгаа” гэж сонирхол хөдөлгөв. Ийм
сургалтын төвтэй уурхай дэлхийд цөөхөн байдаг гэдгийг Аюулгүй
ажиллагааны мэргэжилтэн Б.Долгион онцолсон. Уг төвийг Хөдөлмөрийн
аюулгүй орчин, осол гэмтэлгүй нөхцөлийг дээд зэргээр бүрдүүлэх зорилгоор
2013 онд байгуулсан байна. Энд уурхайн ойр орчимд учирч болзошгүй бүхий
л аюул эрсдэлийг тооцоолон нүдэнд харагдахуйц, гарт баригдахуйц
байдлаар үзүүлэх ажээ. Тухайлбал, үйлдвэрлэлийн бүхий л тоног төхөөрөмж
цахилгаан, эрчим хүчтэй холбогддог учир энэ тал дээр Оюутолгойн аюулгүйн
ажиллагаа нарийн дүрэм журамтай. Тоног төхөөрөмжүүд өөртөө энерги
хуримтлуулдаг тул цахилгаанаас салгасан хэдий ч инерцээрээ гэмтэл
учруулж болзошгүй байдаг байна. Мөн согтууруулах ундаа болон
мансууруулах бодис хэрэглэсэн үед хүний биед гардаг өөрчлөлтийг
мэдрүүлдэг тусгай шил хүртэл энд бий. Согтууруулдаг шилийг зүүгээд
тэгшхэн шугамыг дагаж алхах шиг хэцүү зүйл үгүй. Мөн тухайн шилийг
зүүгээд удирдлагатай машиныг жолоодож, согтуу машин баривал ямар
байдгийг үзэж дэггүйтэж ч болно. Түүнчлэн аюулгүй ажиллагааны УХААН-ы
талаар богинохон хичээлийг энд заадаг.
Тэр нь:
Урьдаар нарийн тооц
Хор хөнөөл,аюул бүрийг тодорхойл
Аюул дагуулсан эрсдэлийг таньж мэд
Аюул хөнөөлийг хяна
Нэн
тэргүүнд аюулгүй байдлаа ханга гэсэн таван өгүүлбэрээс бүрдэх УХААН
мөрдлөг юм. Энэ бүхний эцэст ажилдаа ирэхдээ осол гэмтэлгүй ирсэн бол
гэртээ харихдаа ч гэсэн тийм л байх хэрэгтэй гэх Оюутолгойнхны алтан
дүрмийн дагуу аюулгүй аялсан бидний хоёр өдрийн албан ёсны арга хэмжээ
дууссан юм.
Гомдол
Лхагва
гариг л биш бол Оюутолгойн залуучууд ажлын бус цагаар буюу оройн
хоолныхоо дараа зохих хэмжээний шар айраг тусгай зориулалтын газар
шимэх эрхтэй. Албан ёсны аяллын арга хэмжээ дууссан тул бид ч тийшээ
зүглэсэн юм. Хар, шар, бор, цагаан арьстай дэлхийн өнцөг булан бүрээс
ирсэн залуус хэсэг хэсгээрээ бөөгнөрөн задгай талбайд шар айраг шимингээ
элдвийг хуучилна. Гэхдээ Оюутолгойн нэгддүгээр шатны бүтээн байгуулалт
дууссан учраас хятад ажилтнууд нутаг буцжээ. Тийм болохоор гаднын
ажилтнууд харьцангуй цөөхөн зааж сургах түвшний Австрали, Канад,
Индонези зэрэг орны мэргэжилтнүүд мэр сэр бий аж. Бүжиг дуу сонирхож
байгаа нь дотогшоо орсон ч болно. Мөн энд тэндгүй согтуурлын хэмжээг
сайн дураар тодорхойлох цэгүүд ч бий. Хэрвээ ажилдаа согтуугаар гарах юм
бол ямар ч тайлбаргүйгээр халагдана.Тиймээс ухаанаа алдтал согтуурсан
хүн байхгүй. Энд бид олон залуутай танилцсан.
Дэлхийн
уурхайг Монголд байгуулцаж буй мянга мянган монгол залуусын төлөөлөл
болгож мэргэжилдээ дуртай, яриа хөөрөө сайтай геотехникийн ахлах
мэргэжилтэн Б.Баатарзоригт, Аюулгүй ажиллагааны мэргэжилтэн Б.Долгион
нартай нэлээд яриа өрнүүлсэн юм. Баатарзоригттой Оюутолгойн уурхайчин
залуусын хүсэл мөрөөдөл, ажил мэргэжилдээ өсөн дэвжих байдал, геологич
хүний амьдралын мөн чанар зэрэг олон асуудлаар дэлгэрэнгүй ярилцлага
хийсэн байгаа. Түүний ярилцлагыг дараагийн удаад хүргэх болно. Тэрбээр
Оюутолгойд ажилд ороод арван жилийг үджээ. Оюутан цагаасаа энд ажилласан
тэрбээр өдгөө Монголд бараг байдаггүй гэж хэлж болох геотехникч
мэргэжилтэй. Эзэмшсэн мэргэжил, эрхэлж буй ажилдаа сэтгэл туйлын
ханамжтай тэрбээр Оюутолгойн талаар ам нээх бүртээ л магтана. Арга ч
үгүй биз. Дэлхийд тэргүүлэгч компанид ажиллах нь уурхайчин хүний
бахархал яах аргагүй мөн. Баатарзоригт, Долгион нар хоёулаа далд уурхайд
ажиллаж байсан туршлагатай. Гэтэл санхүүжилт зогссоноор тэд ажлаа
сольсон байна. Тэдний зарим найзууд нь бүр орон тооны цомхотголд оржээ.
Тэд "Оюутолгойг манайхан их улстөржүүлэх юм. Уг нь хий дэмий улстөржих
хэрэггүй л юм шиг санагдах юм. Эндээс хоолоо олж иддэг жирийн ажилчид
бидний хувьд сэтгэлийн дарамт болоод байна. Сая л гэхэд далд уурхайн
санхүүжилт зогссонтой холбоотой олон мянган хүн ажилгүй болсон” гэв.
Далд уурхайд 1700 хүн ажиллаж байжээ. Тэдний ихэнх нь ажлын байрны
цомхотголд хамрагдсан гэсэн үг. Одоогийн байдлаар Оюутолгойн төслийн
талбайд нийт 2800 хүн ажиллаж байгаа гэнэ.
Далд
уурхай хаагдсан болохоор биднийг тийш аваачаагүй. Угаасаа тэнд ажил
бүрэн зогссон тул үзэж харуулах зүйл ч байхгүй гэсэн. Уурхайн 1000
метрийн гүнд 192 км урт хонгил ухах учиртай байжээ. Гэтэл ердөө 14 км
хонгил ухаад ажил нь зогссон байна.
Тэдэнтэй
энэ мэт ярилцсаны дараа бид ажилчдын гэртэй танилцсан юм. Тэр нь
боловсон жорлон, шүршүүр, кабелийн суваг, үнэгүй интернэт, өргөн ор, эйр
кондейшн гээд хүний хэрэглээ цөм бүрэн орчин үеийн тохижолттой таван
ханатай монгол гэр. Оюутолгойн ажилчид ийм гэр аль эсвэл яг ийм
тохижолттой нэг өрөө нийтийн байранд амьдардаг аж. Үүнийг "Мастер гэр”
гэх бөгөөд дөрвөн гэрийн дунд тус бүрдээ нойл, дүүштэй сэндвичэн
барилгаар холбожээ. Сурвалжлах багийн биднийг ч гэсэн ийм VIP гэрт
байрлуулсан. Ямар сайндаа манай сурвалжлах багийн маань нэг сэтгүүлч
"Бат-Үүл дарга хотын гэр хорооллыг инженерийн шугам сүлжээнд холбоно гэж
бүтэхгүй зүйл ярьж байхаар нь Оюутолгойд ирж үүнийг сонирхмоор юм” гэж
байх вэ. Нээрээ Улаанбаатарын гэр хороололд харьцангуй хямд төсөр аргаар
хялбархан хэрэгжүүлж болох технологи байхыг ч үгүйсгэхгүй.
Говийн
бүгчим салхи шөнийн агаарт сэвэлзэх нь сэтгэлд нэн таатай. Говь нутагт
барагтай бол ордоггүй хур тавдугаар сарын 22-ны өглөөнөөс бүтэн өдөр
орж, шороон хөрсний цангааг тайлж, хот руу яарсан бидэнд "Онгоц саатах
вий дээ” гэсэн болгоомжлолыг төрүүлж байв.
Оюутолгой дэлхийд тэргүүлэгч Монголын уурхай болоход ойрхон байна.
Аюулгүй аялал III
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
