Гэвч ам.долларын ханш буурахад бараа бүтээгдэхүүний үнийн өсөлт үргэлжилсээр байсан ба өнөөдөр хүртэл энэхүү нийн өсөлт үргэлжилж байгаа билээ. Хамгийн хачирхалтай нь үнэ ханш өсөх болсон шалтгаан нь ам.долларын ханштай холбоотой хэмээх нь бий. Гэвч ам.доллрын ханш өргөн хэрэглээний бараа бүтээгдэхүүний үнэ нэмэгдтэл өсчөөгүй байгаа. Цалингаас цалингийн хооронд амьдарч буй иргэдийн хувьд энэхүү үнийн өсөлт хүндээр тусч байна. Наймаачид дур мэдэн үнэ ханш нэмж үнийн хөөрөгдлийг бий болгоод байгаа билээ. Тэгэхээр үнийн хөөрөгдлийг бий болгоод буй энэ үйлдлийг хяналт шалгалтынхан таслан зосгоох хэрэгтэй. Хяналт муу байгаагаас үүдэлтэй ийн дураараа аашилж байна.

   Энэхүү үнийн өсөлтөөр шуналт наймаачид иргэдийн мөлжин баяжиж, мөлжүүлж буй иргэд хоосорсоор байгаа юм. Түүнчлэн өнөөдөр хөдөлмөр эрхэлж буй иргэдийн сарын цалин хаанаа ч хүрэхгүй байна. Бүхий л салбарт цалин хөлсний асуудал их байгаа юм. Цалин нэмэх гэхээр өнөөх бараа бүтээгдэхүүнийх нь үнэ дагаж нэмэгдээд ямар ч өөрчлөлт гарахгүйгээр барахгүй улам л эдийн засгийн хүнд байдал бий болно. Өнөөдөр банкны зээл аваагүй хүн гэж бараг байхгүй байгаа ба сарын цалингаараа банкныхаа өрийг төлнө үлдсэн хэдэн төгрөгөөрөө дараагийн цалин хүртэлх хоол хүнс, унааны мөнгөндөө зарцуулна. Ингээд бодхоор үнээс илүүг хэрэглэх хэрэглээгээ бүрэн хангаж чадахгүй байгаа юм.

   Түүнчлэн уул уурхайн салбараас хараат эдийн засагтай болсон манай улсад эдийн засгийн эрсдэл  бий болоод байгаа билээ. Ганц салбараас хараат эдийн засаг хэзээ ч хамаагүй сүйрэх аюултай байгаа бөгөөд өнгөрсөн оноос эхлэн уналтад орсон эдийн засаг сөргөөр нөлөөлж эхэлсэн. Экспортын орлогын 90 орчим хувийг бүрдүүлдэг энэ салбарын уналт, сэргэлт манай эдийн засагт хүчтэй нөлөө үзүулж байгаа бид одоогийн эдийн засгийн нөхцөл байдлаар мэдэрч байгаа.

  Уул уурхайн салбар богино хугацаанд өндөр ашиг өгдөг ч үнийн хэлбэлзэл их, шавхагдмал нөөцтэй.

  Тийм учраас дэлхийн зах зээлийн чиг хандлага, гадаад худалдаа, төлбөрийн тэнцлийг зөв удирдах нь урт хугацааны эдийн засгийн бодитой өсөлтийг хангахад чухал аж. Байгалийн баялагтай орнуудын хувьд уул уурхайгаас орж ирэх орлгоос хуримтлал үүсгэж бусад салбаруудаа дэмжин, үнэ буурсан   үед  эдийн   засгийн хүндрэлээс хамгаалах арга хэмжээнүүд авах чадавхтай байх хэрэгтэй. Тэгэж байж эдийн засаг эрсдэлтэй байдалд орохгүй нөхцөл байдал хэвийн байх болно.

   Хамгийн гол нь зв бодлого хэрэгтэй байгаа юм. Тус салбар ашиг гэхээс илүүтэйгээр алдагдалд орж өрийн дарамтнаас гарахгүй байгаа нь буруу бодлоготой холбоотой. Өрийн дарамтнаас гарах цаг хэзээ ирэхийг хэн ч мэдэхгүй байна. Улс орны эдийн засгийн байдлаа сайржуулахын тулд тус салбарыг зөв бодлогоор ажиллуулж ашгаа бүрэн авах шаардлага бий болоод байгаа билээ. Ингэж байж эдийн засгийн байдал сэргэж эхлэх учиртай. Түүнчлэн дэлхийн зах зээл ,дээр экспортын бүтээгдэхүүний үнэ буурч байгаа бөгөөд энэ нь манай улсын гадаад худалдааны нөхцөлд муугаар нөлөөлж буй. Бид өнгөрсөн онд гадны хөрөнгө оруулагчидаа алдаж эхэлсэн нь ийн эдийн засагт нөлөөлу буй хэрэг.

   Тиймээс эхлээп хөрөнгө оруулалтыг боогдуулж буй хууль эрх зүйн орчноо сайжруулж, аль болох экспортын бодит орлогыг  нэмэгдүүлэхийн тулд дэд бүтцийн асуудлаа даруйхан шийдэж, иргэд маань ч импортын тансаг хэрэглээгээ түр хойш тавин эдийн засгийн хүндхэн байдлаас гарах хэрэгтэй. Үүнээс гадна орж ирэх хөрөнгөө эдийн засгийн урт хугацааны тогтвортой өсөлтийг хангах бүтээн байгуулалтад зарцуулах хэрэгтэй болоод байгаа билээ. Ингэж байж эдийн засгаа сайжруулах ба иргэдийн амжиргааны түвшин дээшлэх болно.

   Өнөөдрийн байдлаар эдийн засаг болоод иргэдийн амжиргааны түвшин доошилсоор л байгаа. Энэ нь өнөөх эдийн засгийн хямрал гээч нь юм. Хэдийгээр төд удалгүй эдийн засаг элгээрээ мөлхөх нь гэх боловч бодит байдал дээр мөлхөөд эхэлчисэн байна.