Сарын цалингаараа банкны өрөө төлж үлдсэн хэдэн төгрөгөөрөө дараагийн цалин хүртэлх хэрэглээгээ хангах гэж тарчигхан амьдрана. Энэ мэт байдал үргэлжилсээр ядуурлын тоо нэмэгдэж эдийн засаг элгээрээ мөлхөх нь. Түүнчлэн өнгөрсөн оноос 169 аж ахуйн нэгж, иргэний 27 тэрбум төгрөгийн зээлд 11 тэрбум төгрөгийн батлан даалт гаргасан байн. 2013 оноос эхлэн төрөөс 60 хүртэлх хувийн батлан даалт олгодог болсон бөгөөд улсын хэмжээнд 55 мянган аж ахуйн нэгж үйл ажиллагаа явуулж байгаагаас 44 мянга орчим  буюу  80 гаруй хувь нь жижиг, дунд үйлдвэрүүд юм байна. Эдгээр  ЖДҮ эрхлэгчид банкнаас зээл авахад зээлийн барьцаа хөрөнгө хангалтгүйгээс санхүүжилт авч чадахгүйд хүрдэг аж.

   Тэгвэл өнөөдөр Зээлийн батлан даалтын сангаас Нэгдсэн үндэстний байгууллага, Хөдөлмөрийн яамтай хамтран "Жижиг дунд үйлдвэр эрхлэгчдийн санхүүгийн боломжийг нэмэгдүүлэхэд зээлийн батлан даалтын үүрэг, оролцоо” сэдвээр уулзалт зохион байгуулав. Уулзалтад  орчим олон улсын байгууллага, төрийн болон төрийн бус байгууллага, банк, санхүүгийн салбарын 120 орчим хүн оролцлоо. Хурлын үеэр оролцогсод уг сангийн үйл ажиллагааг тэлэх, орон нутагт салбараа байгуулах, сангийн хөрөнгийг төрөөс нэмж өгөх хэрэгтэй гэсэн санал гаргасан байна. Энэ мэт нийгэм эдийн засгийн байдал өрнөөс өрнийн хооронд байгаа бөгөөд үнэ ханшийн өсөлт хяналтаас гараад байгаа билээ.

  Монгол улсад хэсэг бүлэг хүмүүс нь ард түмнийг шулж баяжиж байхад шулуулж буй ард түмэн ядуурсаар нийгэм замбараагүй байдал орсоор байна.

  Наймаачдын дур мэдэн үнэ ханш нэмдэг үйлдэг газар авсаар хяналтаас гарч байгаа бөгөөд тэдний шунал зогсохгүй үргэлжилсээр байх юм бол эдийн засгийн хямрал гээч нь бий болох нь. Долоо хоног тутамд үнэ ханшаа нэмэх болсон ба энэхүү үнэ өсөх болсоныг ам.доллаөрын ханштай холбон тайлбарлаж байгаа нь хачирхалтай. Өнгөрсөн онд хэдий ам.долларын ханш огцом өссөн нь энэ он гараад бага хувиар буурсан үзүүлэлт бий.

  Гэвч манай улсад нэгэнт өссөн бараа бүтээгдэхүүний үнэ ханш эргэн буурна гэдэг үлгэр болоод байгаа. Ам.долларын ханш буурахад үнэ ханшаа буулгадаггүймаа гэхэд  нэмэхгүй байх  хэрэгтэй. Бодит байдал дээр эдийн засгийн байдал тун хүнд байгаа юм. Эдитйн засаг сэргэж байна, эдийн засагт гол нөлөө үзүүлдэг уул уурхайн салбар ашигтай ажиллаж байгаа гэх боловч үнэн дээ эсрэгээрээ байгаа юм. Гадаадын хөрөнгө оруулалт буурсан нь эдийн засагт нөлөөлж уул уурхайн бүтээгдэхүүний үнэ ханш буурсан нь манай улсын эдийн засаг болоод экспортод тийм ч сайнаар нөлөөлөхгүй байгаа билээ. Энэ мэт эдийн засагт хүчтэй нөлөөлж буй зүйлс олон байна.

   Үүнээс гадна Овооттолгойн ордод үйл ажиллагаа явуулдаг "SouthGobi Sands” компани ирэх долоо хоногоос сул зогсолт хийхээр болжээ. Толгой компани "SouthGobi Resources”-ийнх нь гүйцэтгэх захирал Росс Тромансын ярьснаар санхүүгийн нөхцөл муудаж, нүүрсний үнэ буурснаас шалтгаалж 405 ажилчдынхаа бараг талыг нь ийн амраахаар шийдсэн гэнэ. "South- Gobi Sands” компанийн гүйцэтгэх захирал С.Энх-Амгалангаас энэ талаар тодруулахад "Хөдөлмөрийн хуулийн дагуу үндсэн цалингийн 60 хувийг нь тэдэнд олгоно. Манай компанийн ажилчдын 99 хувь нь монголчууд ч гэсэн сул зогсолтод гадаад ажилчид ч хамрагдаж байгаа” хэмээн ярилаа.

  Сул зогсолт ирэх сарын дунд хүртэл үргэлжлэх бололтой. Нью-Йорк, Торонтогийн хөрөнгийн биржид бүртгэлтэй "Turquoise Hill Resources” компани "SouthGobi Resources”-ийн 56 хувийг эзэмшдэг бөгөөд 2012 оны есдүгээр сараас үйл ажиллагааг нь удирдаж байгаа юм. Тэгвэл "Turquoise Hill Resources” нь энэ сарын 30 гэхэд эзэмшлийн хувиа борлуулахаар зөвшилцөж магадгүй тухай "Bloomberg” мэдээлжээ. Одоогоор аль улсын, ямар компанид зарах талаарх мэдээлэл алга. "SouthGobi Resources”-ийн хувьд БНХАУ-ын Хөрөнгө оруулалтын корпорацаас авсан 250 сая ам.долларын үнэт цаасны төлбөрөө хийх шаардлагатай байгаа юм. Мөн "Turquoise Hill Resources”-ээс 10 сая ам.долларын богино хугацаатай зээлийг өнгөрсөн сарын эцсээр авчээ.

  Энэ мэтч эхнээсээ хаалга үүдээ барьж байгаа бөгөөд тус салбар өрийн даратнаас гарах цаг хэзээ гэдэг мэдэгдэхгүй улам л доошилсоор буй. Тиймээс дээрх эдийн засагт нөлөөлөөд буй тулгамдаад байгаа асуудлуудыг шийдвэрлэх гарах гарцыг олох хэрэгтэй. Шуналт наймаачдын дур мэддэг үйлдлийг хянаж шалгах шаардлага бий болоод байгаа ба дур мэдэн үнэ ханш нэмсэн наймаачдад торгуль ноогдуулан үнэ ханшийг тогтворжуулж өгөх нь зөв алхам болно.