Тодруулбал, УИХ-ын гишүүн А.Адьяасүрэнг бусдад их хэмжээний авлига өгсөн гэх хэргээр Авлигатай тэмцэх газраас шалгасан байдаг.

Тэрбээр өөрийн хамаарал бүхий компаниуддаа нүүрс тээврийн "С” зөвшөөрөл авахын тулд Авто тээврийн үндэсний төвийн Тээвэр зохицуулалтын хэлтсийн дарга, Олон улсын байнгын ачаа тээвэрт ашиглагдах, хил нэвтрэх зориулалттай зөвшөөрлийн бичиг олгох, ачаа тээвэрлэлтийн гэрээ байгуулж, гэрээнд нэмэлт өөрчлөлт оруулах эрх бүхий Ажлын хэсгийн ахлагч  Г.Доржпаламд авлига өгөхөөр тохиролцож, 2020 оны гуравдугаар сарын 20-ны өдрийн хурлаар "Баянговь транс” ХХК-д 85, "Сан тээвэр групп” ХХК-д 190, "Топ " ХХК-д 30, "Тэнгри транс” ХХК-д 172, "Ульгансар” ХХК-д 203 автомашинд тус тус олон улсын ачаа тээврийн "С” зөвшөөрөл гаргуулан авчээ.

Ийнхүү нийт 680 автомашинд олон улсын ачаа тээврийн зөвшөөрөл хууль бусаар авсны хариуд А.Адьяасүрэн өөрийн хүргэн Б.Г гэгчээр дамжуулан Г.Доржпаламд 100.000 ам.доллар буюу өнөөдрийн ханшаар 320 сая төгрөгийн авлига болгон өгсөн гэгддэг.

Түүний энэ үйлдлийг Авлигатай тэмцэх газрын Мөрдөн шалгах хэлтсээс илрүүлж, 2020 оны тавдугаар сард эрүүгийн хэрэг үүсгэн, А.Адьяасүрэнг яллагдагчаар татан шалгахаар болсон ч тэрбээр АТГ-ын мөрдөн байцаагчтай уулзаагүй гэдэг. 

Мөрдөгчөөс зугтаж байх энэ хугацаандаа тэрбээр өөрийн нэр дээрх нүүрс тээврийн компаниудынхаа нэрийг өөрчилж эхэлжээ. 

Тухайлбал, компаниудынхаа регистрийн дугаарыг өөрчлөлгүйгээр зөвхөн нэр болон эзэмшигчийн нэрийг өөрчлөн, үйл ажиллагаагаа үргэлжлүүлэн явуулсаар байсан юм. 

Тодруулбал, 

• 2021.10.18-ны өдөр "Тэнгри транс групп” ХХК нэрээ өөрчилж, "Дайлангийн хишиг тээвэр” ХХК болгосон.
• 2021.10.19-ний өдөр "Сан тээвэр групп” ХХК  нэрээ өөрчилж,  "Хишиг сайн ундрах” ХХК болгосон.
• 2021.10.19-ний өдөр "Баянговь транс” ХХК-ийг Baoyin Hexige гэх БНХАУ-ын иргэнд,
• "Топ транспорт” ХХК-ийг А.Аюуш (А.Адьяасүрэнгийн эгч) А.Санчир (А.Адьяасүрэнгийн хүү) нарт тус тус шилжүүлжээ.

Мөрдөгчийн гаргасан энэхүү хүсэлтийг Улсын ерөнхий прокурорын газрын Хэрэг бүртгэх мөрдөн байцаах ажиллагаанд хяналт тавих хэлтсээс шалгаад, 2021 оны гуравдугаар сард Ш.Нямдоржид хариуцлага тооцож, прокурорын ажил эрхлэх эрхийг түдгэлзүүлжээ. 

А.Адьяасүрэнгээс авлига авсан Х.Доржпалам болон тодорхой, баримт бүхий үйлдэлтэй эрүүгийн гэмт хэргийг хэрэгсэхгүй болгосон прокурор нь хариуцлага хүлээсэн боловч гол эзэн болох А.Адьяасүрэн ямар нэг хариуцлага хүлээлгүй явсаар өнгөрсөн сард түүний хэргийг дахин хаагаад байгаа аж.

Энэ талаар өнөөдөр УИХ дахь Ардчилсан намын бүлгийнхэн ч түүнийг өмгөөлөн "А.Адъяасүрэн гишүүнд ямар нэг орд байхгүй, нүүрсний тээвэр хийдэг компанитай байсан. Тээврийн зардал өссөн тул нүүрсний тээвэр хумигдсаар байгаад А.Адъяасүрэн гишүүн бизнес хийх боломжгүй болсон" гэж Бүлгийн хурлын мэдээлэл өгөхдөө ярьж байв. 

Нүүрсний хулгайчдыг нэрлэж, хариуцлага тооцохыг шаардан, иргэд төв талбайд хоёр дахь өдрөө жагсаж байх энэ цагт тодорхой баримттай хэргийг хааж, шалгахаас татгалзаж байгаа нь хуулийн байгууллагад итгэх олон нийтийн итгэлийг үгүй хийж байна. 

Эх сурвалжийн мэдээлж байгаагаар, Монгол улсын Засгийн газрын гомдлоор 15 орчим албан тушаалтныг Авлигатай тэмцэх газарт шалгаж байгаа боловч одоогоор ямар нэг хариу гараагүй байгаа юм.

https://news.zindaa.mn/4fjy