Уул уурхайн яамнаас сар бүр хийдэг "Ил тод уул уурхай" хэвлэлийн бага хурал өчигдөр боллоо. Хэвлэлийн хуралд тус яамны дэд сайд О.Эрдэнэбулган болон албаны бусад хүмүүс оролцож сүүлийн үеийн мэдээллийг өглөө.
Түүний онцолсон нэг зүйл Уул уурхайн салбарын хууль эрх зүйн орчин урт хугацаанд тогтвортой байх тухай байв. Гадаад, дотоод хөрөнгө оруулагчдын дунд хүлээлт үүсгээд байсан Ашигт малтмалын тухай хуульд нэмэлт еөрчлөлт оруулах тухай, Газрын тосны тухай хуульд нэмэлт өөрчлөлт оруулах тухай хуулийг УИХ-ын 2014 оны долдугаар сарын 2-ны өдрийн хуралдаанаар баталсан нь олон асуудлын учгийг тайлж, эргэлзээг гаргалаа гэдгийг ч онцолж байв. Тэрчлэн Ашигт малтмалын хайгуулын тусгай зөвшөөрөл шинээр олгохыг хориглох хууль цуцлагдсан нь
хөрөнгө оруулалт, дотоодын эдийн засагт эерэг нөлөөлөл үзүүлэхийг дурдаж байв. Хайгуулын тусгай зөвшөөрөл хүссэн өргөдлийг Ашигт малтмалын газар хүлээлгэн өгөх гэнэ. Хайгуулын тусгай зөвшөөрөл олгох боломжтой талбайг Засгийн газраас тогтоох бөгөөд тогтоосон талбайн мэдээллийг өдөр тутмын сонинд хэвлүүлэн нийтэд ил тод, нээлттэйгээр зарлах аж. Тэрчлэн энэ ондоо багтаан хайгуулын зөвшеөрөл хүсэх, авах үйлчилгээг цахим хэлбэрт шилжүүлэхээр болжээ. Өнөөдрийн байдлаар уул уурхайн компаниуд салбарын яамандаа хандан хайгуулын үйл ажиллагаа эхлэх хүсэлтээ өгч эхэлжээ. Одоогоор Уул уурхайн яаманд ил уурхайн 15, далд уурхайн хоёр, баяжуулах үйлдвэрийн хоёр төслийг эхлүүлэх хүсэлтээ компаниуд албан ёсоор хүргүүлээд байгаа аж. Эдгээр төслүүдийн нийт өртөг 550 орчим тэрбум төгрөгтэй тэнцэж байгаа юм байна. Хайгуулын тусгай зөвшеөрөл олгож эхэлснээр энэ онд л гэхэд нэг тэрбум орчим ам.долларын хөренгө оруулалтын урсгал буй болно гэж салбарын яам тооцоолж байгаа гэнэ.
Монгол орны нийт нутаг дэвсгэрийн хэмжээ 156.6 сая га байдгаас ашигт малтмалын үйл ажиллагаа эрхлэх боломжтой талбай 35.4 хувь гэж үзсэн тухайгаа ч хэллээ. Үүнээс 11.34 сая га буюу нутаг дэвсгэрийн 7.2 хувьтай тэнцэх газар нутгийг өргөдлийн дагуу сонгон шалгаруулалтаар олгох юм байна. Мөн Шүүхийн шийдвэрээр хүчингүй болсон хайгуулын болон ашиглалтын 106 талбайд сонгон шалгаруулалтын журмаар тусгай зөвшөөрөл шинээр олгохоор болсон байна. Сонгон шалгаруулалт явуулах талбай тус бүр дээр өмнө хийгдсэн геологи,
хайгуулын ажлын зардлын баримтад үндэслэн сонгон шалгаруулалтын босго үнийг тогтоохыг Уул уурхайн дэд сайд уламжилж байлаа.
Уул уурхайн яамнаас хэрэгжүүлэхээр төлөвлөж буй ажил нь Эрдэс баялгийн бирж байгуулах тухай гэнэ. Төрөөс эрдэс баялгийн салбарт баримтлах бодлогын баримт бичигт Эрдэс баялгийн бүтээгдэхүүний гадаад дотоодын зах зээл дээрх борлуулалтыг нээлттэй, оновчтой, өндөр үр ашигтай, зах зээлийн зарчимд нийцсэн аргаар хийх, шударгаар үнэ тогтоох, дотоодын хөрөнгийн зах зээлийг хөгжүүлэх, экспортын нэгдсэн бодлогоор зохицуулах зорилгоор эрдэс баялгийн бирж байгуулахаар заасныг ийн хэрэгжүүлэх гэж байгаа аж. Эрдэс баялгийн биржийг байгуулах талаар Германы (СIZ) байгууллагатай хамтран ажиллах санамж бичиг байгуулснаа ч дуулгалаа. Энэ ажлын нээлттэй сонгон шалгаруулах ажлыг 2014 оны гуравдугаар улиралд багтаан зарлахаар телөвлесен байна.
Харин 2014 оны эхний хагас жилийн уул уурхайн салбарын олборлолт нийлүүлэлтийг харвал зэсийн баяжмалын үйлдвэрлэл 479.9 мянган тонн, нүүрсний үйлдвэрлэл 11.7 сая тонн, алтны үйлдвэрлэл 3.0 тонн, хайлуур жоншны баяжмалын үйлдвэрлэл 159.5 мянгантонн байгаа юм байна. Мөн төмрийн хүдрийн үйлдвэрлэл 2.7 сая тонн, цайрын баяжмалын үйлдвэрлэл 46.8 мянган тонн, газрын тосны үйлдвэрлэл 3.6 сая баррелийг олборложээ. Нийтдээ, 2014 оны эхний хагас жилийн байдлаар уул уурхайн салбараас татварын орлогоор Улсын төсевт 481.2 тэрбум төгрөг тевлөрсөн бол шатахууны 34 хоногийн нөөцтэй байгаа юм байна. Энэ сарын 22-ны өдрийн байдлаар А-80 бензин 40, АИ-92 бензин 34, дизель түлш 41, ТС-1 безин 20 хоногийн нөөцтэй байгааг дуулгалаа. Л.ТӨР "Өдөрийн сонин"