"Африкийн үндэсний баялаг нь заан. Харин Монголын "заан” бол коксжих нүүрс” хэмээн "Оюутолгой” компанийн гүйцэтгэх ерөнхий захирал асан Камерон МакРей томъёолов.

Коксжих нүүрс, зэс дээр "дөрөөлөн” Монгол Улсын эдийн засаг дахин сэргэх боломжтойг тэрбээр энэ үгээрээ дайлаа. Гурван жилийн өмнө дотоодын нийт бүтээгдэх үүний өсөлтөөр бөмбөрцгийг өнгөлж байсан манай улсын эдийн засаг өдгөө үнэнийг хэлэхэд сайнгүй байгаа. Төлбөрийн тэнцлийн хувьд дарамт үүсч, хөрөнгийн урсгал татарснаар гадаад валютын нөөц хомсдож, үндэсний мөнг өн тэмдэгт суларсаар байгаа билээ.

Хилийн цаана буюу Хятадын зах зээлд ирэх 10 жилд зэсийн хэрэглээ, үйлдвэрлэл нэлээд өсөх хандлагатай тул Монгол Улс зэсийн баяжмалын экспортын зах зээлээ тэлэх боломжтой

Эдийн засгийн ийм ээдрээтэй цаг үед "Invest Mongolia- 2014” олон улсын найм дахь удаагийн хөрөнгө оруулалтын чуулган үүдээ нээж байна. Эдийн засгийн эргэлтийн хурдыг эрчимжүүлэхэд гадаадын хөрөнгө оруулалт гарцааг үй чухал үүрэгтэй. Тийм ч учраас Монгол Улсын хөр өнгө оруулалтын орчныг сурталчилсан, хөрөнгөөр ангасан төслүүдийг танилцуулах ийм маягийн хуралдаан, чуулганууд Монголд олширсоор байгаа.

Олон улс дахь Монголын нэр хүндийн индикатор хэмээн хөрөнгө оруулалтын иймэрхүү чуулганыг үзэх нь бий. Сүүлийн хоёр жил орчмын хугацаанд Засгийн газар болон бодлого боловсруулагчид нэлээд хуульд нэмэлт, өөрчлөлт оруулж, шинээр "мэндэлсэн” хуулиуд нь "хэлд орж” эхэлсний үр дүн үү, ямартай ч "Frontier” компаниас ерөнхийл өн зохион байгуулсан энэ удаагийн чуулганы танхим зочдоор дүүрэн байв. Барагцаалбал 450 гаруй хөрөнгө оруулагч бүртгүүлсэн хэмээн зохион байгуулагчдын зүгээс мэдээлж байна.

Эдийн засгийн өсөлт хөрөнгө оруулагчдын хамгийн их сонирхдог сэдэв. 2011 онд 17.5 хувиар тэлж, дэлхийн хөрөнгө оруулалтын хамгийн халуун цэг болохоо баталж байсан Монгол Улсын ДНБ энэ оны эхний хагаст 5.3 хувиар өсөөд байгааг Үндэсний статистикийн хорооноос саяхан мэдээлсэн. Энэ онд нийлбэр дүндээ Монгол Улсын эдийн засаг дунджаар ес орчим хувиар өснө хэмээн Дэлхийн банк, Азийн хөгжлийн банк, Олон улсын валютын сангийн шинжээчид тооцоолж буй бол Монголбанкныхан долоо орчим хувь, Эдийн засгийн судалгаа, эрдэм шинжилгээний хүрээлэнгийн захирал Б.Түвшинтөгс, Санхүүгийн зах зээлийн холбооны ерөнхийлөгч Л.Бямбаа нар 5-6 хувиар тэлнэ хэмээн таамаглаж байгаагаа чуулганы үеэр мэдэгдсэн.

"Оюутолгой” урагшилбал, улс төрийн түвшинд эерэг өөрчлөлтүүд гарвал ДНБ-ий өсөлт эрчимжиж магадгүй аж. Гэхдээ ямартай ч "хар дарсан”, хамгийн хүнд өдрүүд ард хоцорсон хэмээн Монголбанкны ерөнхийл өгчийн зөвлөх, ахлах эдийн засагч С.Болд хариуцлагатайгаар өгүүлсэн нь хөрөнгө оруулагчид төдийгүй эгэл ардад энэ удаагийн чуулганаас хүргэсэн хамгийн чухал мессеж байлаа. Ирэх саруудад эдийн засаг сайнгүй байхыг тэрбээр хүлээн зөвшөөрсөн ч дунд хугацаанд эерэг дүр зураг ажиглагдаж буй гэнэ.

Төрийн болон компанийн засаглалаас авахуулаад Монголын эдийн засгийн ерөнхий төлөв, дэлхийн өрийн зах зээл дэх Монголын орон зайн талаар чуулганы эхний өдөр хэлэлцсэн. Энэ бүхнээс Монголын ашигт малтмалын экспортын талаар хуралдаан оролцогчдын анхаарлыг нэлээд татаж байв. Хилийн цаана буюу Хятадын зах зээлд ирэх 10 жилд зэсийн хэрэглээ, үйлдвэрлэл нэлээд өсөх хандлагатай тул Монгол Улс зэсийн баяжмалын экспортын зах зээлээ тэлэх боломжтойг CRU хэмээх Лондонд төвтэй ашигт малтмалын судалгааны төвийн захирал Жон Жонсон тэмдэглэв.

"Оюутолгой” компанийн гүйцэтгэх ерөнхий захирал асан, өдгөө "Skypath Partners” компанийн гүйцэтгэх захирлаар ажиллаж буй Камерон МакРей Монгол Улс зэс, алтны салбараас жилд 5-6 тэрбум ам.долларын орлого олох боломжтойг тодотгоод "Эрдэнэт” болон зэс, алтны бусад уурхайн хүчин чадлыг сайжруулах, шаргал металлын шинэ ордын эрэлд гарах хэрэгтэй байгааг ярилаа.

Монголд хөрөнгө оруулах боломжийг олон улсын бизнесмэнүүдэд танилцуулж буй эл чуулган өнөөдөр уул уурхайн бус салбар дахь хөрөнгө оруулалт болон нефть, хийн салбарыг хамарсан хэлэлцүүлгээр үргэлжилнэ.

Б.Цэцэгсүрэн

Өнөөдөр сонин