Нүүрсний салбарт херенгө оруулагчдыг даллан дуудах "Coal Mongolia" ээлжит уулзалт удахгүй болох гэж байна. Монгол Улс уул уурхайн салбараа түшиглэн хөгжинө. Гэхдээ энэ дотроо нүүрс ойрын таваас зургаан жилд голлох бүтээгдэхүүн байх нь тодорхой болсон. Нүүрсний экспортын биет хэмжээ зэсийнхээс давж гарах болсоор хэдэн жилийн нүүр үзэж байна. Тэр хэрээр нүүрсний экспортоос төсөвт орж ирэх хөрөнгийн хэмжээ ихэссээр буй. Өнгөрсөн он Монголын нүүрсний салбарын хувьд "их хямралын" жил байлаа. Олон ч уурхай үүдээ барьж, экспорт буурсан. Яг ийм хүнд үед өнгөрсөн оны "Coal Mongolia 2013" болж байсан. Тэр үед хөрөнгө оруулагчид "Төр нүүрсний салбараас нүүр буруулж болохгүй" хэмээн гомдоллож байлаа. Түүнчлэн хүрэлцэн ирэх хөрөнгө оруулагчид, оролцогчдын тоо урьд өмнөх жилүүдийнхээс эрс буурсан байсан юм. Харин энэ удаад нүүрсний салбар 2013 оны хүндрэлийг давантуулсан уу, үгүй юу гэх асуудлыг "Coal Mongolia" хэлэлцнэ.
Аз болоход 2014 оноос эхлэн дэлхийн санхүүгийн зах зээл, таваарын ханш харьцангуй сайжрах хүлээлт бий болоод байна. Дэлхийн эдийн засаг ерөнхийдөө сэргэж эхэлсэн нь уул уурхайн бүтээгдэхүүний үнийн өсөлтөд
эерэг нөлөө үзүүлэх юм. Тийм учраас 2014 онд нүүрсний салбарынхан өөрсдөө сайн ажиллаж чадвал "сөхөрч унасан" салбараа хөл дээр нь босгох боломжтой. Харин үүнд төрийн оролцоо, дэмжлэг хэр төвшинд байх бол. Түүнчлэн төр хувийн хэвшилтэйгээ хэрхэн хамтран ажиллаж, салбараа яаж өөд татах вэ. Төр хөрөнгө оруулагчдыг даллах, хөрөнгө оруулагчдад бодлогоо танилцуулж, хамтдаа нэгдсэн ойлголцолд хүрэх нь "Coal Mongolia" чуулганы гол зорилт. Энэ үүргээ өнгөрсөн хугацаанд тодорхой хэмжээнд биелүүлсэн. Нөгөөтэйгүүр нүүрсний салбарынхан өөрсдөө хичээж ажилласан уу,
үгүй юу гэх асуудал ч байгаа. Үнэндээ хувийн хэвшлийнхэн өнгөрсөн хугацаанд "Төр л болохгүй, бүтэхгүй байна. Дахин дахин хууль батлаад, хүнд байдалд оруулаад байна" гэж гомдоллосоор ирсэн. Түүнээс биш "Бид ийм зүйл хийх гэж байна. Ийм шинэ ажил эхлүүлнэ" гэж ярьж байсныг төдийлөн санахгүй юм. Өөрөөр хэлбэл, хувийн хэвшлийнхэн өнгөрсөн хугацаанд дэндүү хойрго, залхуу байсан гэхэд хилсдэхгүй байх. Төрийн дарамт, хүнд суртал, зардал чирэгдэл мэдээж байсан. Гэхдээ энэ бүгд нь хувийн хэвшлийнхний хувьд ажил огт хийхгүй байх шалтгаан хараахан биш болов уу. Ямартай ч энэ оноос эрдэс баялгийн салбарт төрөөс баримтлах бодлогын чиглэл тодорхой болсон. Түүнчлэн Монголын хөрөнгө оруулалтын тухай хууль батлагдсан. Дахин дахин хууль баталдаг, гэв гэнэт татвар бодож олдог байдлыг төр энэ оноос хална гэж амлаж байгаа. Мөн Эрдэс баялгийн салбарт төрөөс баримтлах бодлогын баримт, бичгийн дагуу төр уул уурхайн салбарт хувийн хэвшлийн оролцоог түлхүү дэмжинэ гэж буй. Өөрөөр хэлбэл, энэ оноос эхлэн хувимн хэвшлийнхэн, тодруулбал нүүрсний салбарынханд боломж нь гарч ирж байна. Төрийн дарамт багатай, хүнд сурталгүй, хууль
эрх зүйн орчин нь ойлгомжтой, тодорхой байх нөхцөл энэ оноос бүрдэж байна. Товчхондоо бол өнгөрсөн жилүүдэд хөрөнгө оруулагчдаас байнга гомдол дагуулдаг байсан төрийн данхар оролцооны асуудал энэ жил арай л гайгүй байх бололтой. Гэхдээ терийн хэт их оролцоо, бодлогогүй байдпаас болж хөрөнгө оруулагчид Монголоос зугтаад эхэлчихсэн. Харин "Coal Mongolia-2014" Монголоос зугтсан хөрөнгө оруулагчдыг эргүүлэн даллаж чадах болов уу. Цаг хугацаа харуулах биз ээ.