Уул уурхайн салбарт өнгөрсөн долоо хоногт Хэн, Юу хэлсэн талаар танд хүргэж байна. / 2014.10.14- 2014.10.21/

УУЯ-ны  Төрийн  нарийн  бичгийн  дарга Р.Жигжид: Итгэл  үнэмшлийнхээ  төлөө  тууштай  ажиллана

Ардчиллын  дэмждэг  намайг  улс  төрийн  албан  тушаалтан  буюу  засгийн  газрын  гишүүн  болохыг Ардчилсан  намын   гүйцэтгэх зөвлөл  УИХ дахь  АН-ын  бүлэг  дэмжсэн. Тиймээс  би   энэ  итгэлийг дааж  чадна.Цаашдаа  Итгэл  үнэмшлийнхээ  төлөө  тууштай  ажиллана  /Үндэсний шуудан 2014.10.16 198/2134/
Монголын  экспортлогч  холбооны  ерөнхийлөгч Д.Галсандорж:  Ойрын таван  жилийн  Монголын  экспортын  номер  нэг  бүтээгдэхүүн  бол  зэсийн  баяжмал

Энэ оны  эхний  9  сарын  байдлаар  зэсийн  экспорт  2  дахин  нэмэгдсэн. Алтны  олборлолт  нэмэгдэж  газрын  тос  зэсийн  экспорт   тоо  хэмжээгээр  өсч  байгаа  нь  сайшаалтай. /Үндэсний шуудан 2014.10.16 198/2134/
-Монголын экспортын холбооны ерөнхийлөгч Д.Галсандорж: Өрсөлдөөн улам л ширүүснэ

Хятад улс коксжих болон бүх төрлийн нүүрсэнд 3-6 хувийн импортын татварыг өнгөрсөн 15-ны өдрөөс авах шийдвэрийг гаргалаа. Мөн Хятад улс имдпортод татвар тогтоохоос гадна нүүрсний чанар дээр өндөр шалгуур тавихаар болсон. Гэхдээ манай гаргаж байгаа нүүрс шалгуурыг хангачих болов уу. /Үндэсний шуудан 2014.10.17 199/2135/
Газрын тосны газрын судалгааны хэлтсийн дарга О.Энхбаяр: Өмнөговь аймгийн Ханбогдод нөөцөөрөө Тамсагтай эн тэнцэхээр газрын тосны орд байна

Өмнөговь аймгийн Ханбогд сум, Дорноговь аймгийн Хатанбулаг сумдын нутаг дэвсгэрийг хамардаг. Гэхдээ талбайн хувьд 90 хувь нь Ханбогд сумын нутагт хамардаг. Энд хайгуулын 14 цооногт өрөмдсөн юм. Бүх цооногт нь тосны шинж тэмдэг тогтоогдсон. Үүнээс гурван цооногт 20 орчим хоног туршилт хийж 1500 метр куб түүхий тос олборлосон байгаа. Үүнээс үзэхэд Өмнөговь аймгийн Ханбогдод нөөцөөрөө Тамсагтай эн тэнцэхээр газрын тосны орд байна. /Өдрийн сонин 2014.10.20 4891/
Монголын уул уурхайн үндэсний ассоциаци гүйцэтгэх захирал Д.Энхболд: Нүүрсний компаниуд бүгд сул зогсож байгаа

Цаг үеийн бэрхшээлийг тооцохгүйгээр дүгнэвэл Монголын уур уурхай ирээдүйтэй салбар. Гэхдээ улс төрийн шийдэл болон гадны хүчин зүйлээс хамаараад яг одоогийн байдлаар уул уурхайн салбар удаашралтай, бүхэлдээ зогсонги байдалд орчихсон байна. Энэ салбарыг ганц хосрхон жилийн хугацаанд гаргасан шийдвэр ийм байдалд оруулчихсан юм биш. /Улс төрийн тойм 2014.10.21 194/1158/
Монголын шатдаг занарын ассоциацийн гүйцэтгэх захирал Ч.Хашчулуун: Шатдаг занарт Оюутолгойтой дүйх хэмжээний хөрөнгө оруулалт татах бололцоотой

700 тэрбум тонн гэдэг бол урьдчилсан байдлаар дөрвөн удаа занарын судалгаа хийж байж гарсан тоо. Тодруулах үүднээс хэд хэдэн ажил хийгдэж байна. Төв болон зүүн бүсэд гадаад дотоодын компаниуд хайгуул идэвхитэй хийгдэж байгаа. Хууль нь наадмын өмнөхөн батлагдсан учраас хайгуулын ажил дөнгөж одоо л эрчээ авч байгаа болов уу. Шатдаг занарт Оюутолгойтой дүйх хэмжээний хөрөнгө оруулалт татах бололцоотой /Өдрийн сонин 2014.10.17 249/4889/
Монголын нүүрсний ассоциацийн гүйцэтгэх захирал Т.Наран: Нүүрсний эрэлт нэмэгдэхгүй ашиг буурна

Хятад улс коксжих болон бүх төрлийн нүүрсэнд 3-6 хувийн импортын татварыг өнгөрсөн 15-ны өдрөөс авах шийдвэрийг гаргалаа. Энэ нь манай нүүрсний борлуулалтанд сөргөөр нөлөөлнө. Өөрөөр хэлбэл зах зээл дэх нүүрсний борлуулалтын хэмжээ мөн ашиг буурна гэсэн үг. /Үндэсний шуудан 2014.10.17 199/2135/
Ашигт малтмалын газрын нүүрсний хэлтсийн дарга Б.Алтансүх: Засгийн бүтэц, бүрэлдэхүүн өөрчлөгдөх гээд энэ талаар ярьж амжсангүй

Ер нь импортын татвар ноогдуулах болсон нь Хятад улс дотоодын нүүрсний салбараа хамгаалж, дэмжлэг үзүүлж байгаа хэрэг. Саяхан дотоодын нүүрсний компаниудынхаа нөөц ашигласны төлбөрийг бууруулсан шүү дээ. Одоогоор засгийн бужигнаан, Уул уурхайн сайд соолигдох гээд байгаа учраас татвар ноогдуулах асуудал дээр хэрхэн ажиллахталаар ярилцаж эхлээгүй л байна. /Үндэсний шуудан 2014.10.17 199/2135/
УИХ-ын гишүүн Ц.Даваасүрэн: Оюутолгойн гэрээг хийсэн хүмүүсийг шийтгэх ёстой

Шулуухан хэлэхэд Оюутолгойн гэрээг байгуулсан С.Баяр, одоо УИХ-д сууж байгаа нэр бүхий хүмүүст хариуцлага хүлээлгэх ёстой. 2014 оны есдүгээр сарын байдлаар 124 мянган тонн зэс борлуулж 821 сая 40 мянга, 8.6 тонн алт борлуулж 390 сая 544 мянга, 20 тонн мөнгө борлуулж 12 сая 868 мянга нийтдээ нэг тэрбум 224 сая 452 мянган ам долларын борлуулалт хийсэн байна. гэтэл Монгол улсад төлөх ёстой татварын 130-хан сая ам.долларыг 30 сая болгочихоод хэнэг ч үгүй хэл ам хийгээд сууцгааж байгаа. /Өглөөний сонин 2014.10.21 180/2019/
АН-ын бага хурлын гишүүн УИХ дахт АН-ын бүлгийн ажлын албаны зөвлөх Б.Цогтгэрэл: АН-ыхан МАН-аас уул уурхайн сайд зээлэх гэж байгаа нь инээдтэй байна

Уул уурхайн сайдаар манай намын хүнийг сонгох гэж байгаад би үнэхээр баярлаж байгаа ч АН-ын өмнөөс ой гутаж байна. Тэд уул уурхайн салбарыг аваад явчих хүнгүй болохоороо манайхаас хүний нөөц зээлдэж байна шүү дээ. Р.Жигжид гэдэг хүн бол МАН-ыг мандан бадарч байх үед эрх мэдэлтэй байсан хүн. /Улс төрийн тойм 2014.10.17 192/1156/