"Turquoise Hill Resources” компани Монгол дахь "Оюутолгой” зэс, алтны томоохон ордынхоо 2014 оны алт, зэсийн үйлдвэрлэлийн гарцын урьдчилсан таамаглалаа гуравдугаар улиралд уурхайн өргөтгөлийн ажил дахин хойшилсонтой холбоотойгоор багасгасан тухай ЛОНДОН. /Reuters/ мэдээлжээ. "Оюутолгой” энэ онд 600-700 мянган унц алтны баяжмал үйлдвэрлэх төлөвтэй байна гэж наймдугаар сард мэдэгдэж байсан бол одоо 550-600 мянган унц алтны баяжмал, үйлдвэрлэхээр болж 135-160 мянган тонн зэсийн баяжмал үйлдвэрлэхээс 135-150 мянган тонн болгож бууруулахаар болсон турай мэдээлжээ. Ордын өргөтгөлийн ажлыг хойшлуулсаар байгаа асуудлуудыг шийдвэрлэхээр Ванкуверт төвтэй "Turquoise Hill” Монголын Засгийн газартай хэлэлцээ хийж байгаатай энэ үйл явцыг холбожээ. Тэгвэл ВАНКУВЕР. /EINNews/ Монголын Сангийн яамнаас 2014 оны 10 дугаар сарын 19-нд төлөх ёстой байсан зээл болох 115 сая долларыг "Turquoise Hill Resources” компани хүлээн авлаа гэж мэдээлсэн байна. /http://www.reuters.com/article/2014/10/14/turquoisehill-production-idUSL2N0S92X820141014/ ВАНКУВЕР. /EINNews/ мэдээллээ. \http://www.einnews.com/pr_news/229734123/turquoise-hill-receives-mongolian-treasury-bill-repayment/ Хоёр орны иргэд харилцан зорчих нөхцөлийн тухай ОХУ болон Монгол Улсын Засгийн газар хоорондын хэлэлцээр 11 дүгээр сарын 14-нөөс хүчин төгөлдөр болно. Энэ тухай Оросын ГХЯ даваа гарагт мэдээлснийг МОСКВА. /ITAR-TASS/ дамжуулжээ. "Хэлэлцээрт заасны дагуу, дипломат, албан болон энгийн гадаад паспорт эзэмшигч ОХУ болон Монгол Улсын иргэд нөгөө улсын нутаг дэвсгэрт визгүйгээр нэвтрэх, гарах, дамжин өнгөрөх, 30 хүртэл хоног оршин сууж болно. Ингэхдээ оршин суух нийт хугацаа анх нэвтэрсэн өдрөөс эхлэн 180 хоногийн хугацаанд 90 хоногоос хэтрэхгүй байх ёстой” гэж тус дипломат байгууллага тэмдэглэсэн байна. "Нөгөө улсын нутаг дэвсгэрт 30 хоногоос илүү хугацаанд зорчих эсвэл оршин суух эсвэл хөдөлмөр эрхлэх, арилжааны зорилгоор үйл ажиллагаа явуулахаар зорьж буй иргэд тус улсын хууль тогтоомжийн дагуу виз авах ёстой” гэж Оросын ГХЯ мэдээлжээ. http://itar-tass.com/politika/1520261 АНУ-д төвтэй "Dual Citizen” компани дэлхийн улсуудыг хэр "ногоон” байгаагаар нь жагсаадаг "Дэлхийн ногоон эдийн засгийн индекс”-ийг дөрөв дэх жилдээ гаргажээ. Энэ индекст дэлхийн улсуудыг олон хүчин зүйлд, тухайлбал уур амьсгалын байдал, үр ашигтай байдал, зах зээл, хөрөнгө оруулалт, байгаль орчны чанарт үндэслэн жагсаадаг байна. 60 улсыг хамруулсан энэ оны индексийг бүх үзүүлэлтийн нийлбэрээр Швед тэргүүлснээр дэлхийн хамгийн ногоон улс болсон бол, Герман араас нь оржээ. Харин Монгол Улс бүх үзүүлэлтээр тийм ч ногоон бус байгаа нь тогтоогдож, энэ оны индекст 60 дугаар байрт жагсан сүүл мушгижээ гэж ЛОНДОН. /RTCC/. мэдээллээ. /http://www.rtcc.org/2014/10/21/sweden-rated-as-worlds-greenest-country// МОСКВА. /minprom.ua/ 2014 онд дэлхийн зах зээлд зэсийн хэрэглээ үйлдвэрлэлийн түвшнээс давна гэж үзэж байгаагаа Америкийн хөрөнгө оруулалтын "Morgan Stanley” банкны шинжээчид илэрхийлжээ. "Перу улсын "Las Bambas” төслийн барилгын ажлыг дуусгахад урьд нь төлөвлөж байснаас их хэмжээний хөрөнгө мөнгө болон илүү их цаг хугацаа шаардагдах бол Монголын зэс олборлогч "Оюутолгой” төсөл төлөвлөж байсан үйлдвэрлэлийн хэмжээгээ энэ онд гүйцээж чадахгүй” гэж шинжээчид тэмдэглээд, эрэлт хэрэгцээ, тухайлбал, улаан металлын үнээс их зүйл шалтгаална гэдгийг нэмж хэлжээ. 2015 онд зэсийн үнэ энэ жилийнхтэй харьцуулахад ойролцоогоор 7,7 хувиар буурна гэж урьд нь Францын "Natixis” банк мэдээлсэн байна. Тус банкны шинжээчдийн урьдчилан таамаглаж буйгаар, ирэх онд нэг тонн зэс 6335 долларын үнэтэй байх аж. "2014 онд зах зээлд зэсийн илүүдэл үүснэ гэж бид таамаглаж байсан боловч Хятадын Нөөцийн товчоо стратегийн нөөцөө нөхөхийн тулд үнийн бууралтыг ашигласан нь зах зээлд хомсдолоос гарах боломжийг дахин олгосонгүй. Гэхдээ энэ нь зах зээлийн үндсэн байдалд нөлөөлөхгүй” гэж шинжээчид тэмдэглэсэн байна. /2014.10.21/ /http://minprom.ua/news/167551.html/ ВЕНА. /industriemagazin/ Монголын тухай ингэж мэдээлжээ. "Эдийн засгийн хамгийн хурдан хөгжилтэй улсын тоонд багтах Монгол Улс ашигтай зах зээлийн орон зай болж байна» гэж Бээжинд суугаа Австрийн эдийн засгийн төлөөлөгч Оскар Андеснер ярьж байна. Түүний хэлснээр, бүрэн боловсруулах технологигүй нүүрсний уурхай, үйлдвэрүүд нь агаар бохирдуулдаг, бас дэд бүтэц муугаас болж хотын агаар муу байгаа гэх мэтчилэн хөрөнгө оруулах ашигтай салбар олон байна. Монгол Улсын нийслэлийн ихэнх гудамж хуучирсан учир засаж шинэчлэх шаардлагатай. Тус улсын хөгжил нийслэлийнх нь гудамжны түгжрээгээр илэрхийлэгдэж байна гэжээ. Монголд хөрөнгө оруулагч Макс Реттенвендерийн хэлснээр, Улаанбаатарын ихэнх гудамж талбайн нэрийг одоо шинэчилж байгаа. Хэрвээ хаа нэгтээ хүүхдийн тоглоомын талбайтай орон сууц байвал түүний оронд гарааш эсвэл энэ мэтчилэн барилга байгууламж баригдаж байна. Улаанбаатарыг анх 60 жилийн өмнө 300 мянган оршин суугчид зориулж босгосон бол өнөөдөр 1,6 сая оршин суугчтай болжээ. Иймээс орон сууц, эрүүл мэнд болон ус хангамжийн асуудал үүсээд байна. Карл Треттлерийн ярьснаар, төмөр замын гол зангилаа нь Бээжин хүрдэг. Энэ бол Европоос Ази орох хамгийн дөт ачааны зам юм. Гэсэн хэдий ч одоо болтол Монголын төмөр зам ганц урсгалтай бөгөөд шинэчилж, бас цахилгаанжуулах шаардлагатай байгаа. Карл Треттлер нь өрөмдлөгийн болон хоолойн техникийн компанийн менежер бөгөөд Монгол Улсын нийслэлийн захирагчийн зөвлөх, мөн Монголын төлөөлөгчдийг Австритай холбож өгдөг нэгэн гэнэ. /2014.08.29/ /http://www.industriemagazin.at/a/oesterreich-hat-in-der-mongolei-gute-chancen-1/