Өнөөдөр АНУ-ын Нью-Йорк хотод төвтэй хөрөнгө оруулалтын "Firebird" сан-гийн үүсгэн байгуулсан хөрөнгө оруулалтын хоёр сангийн санхүүжүүлдэг Монголын компани болох "Могулпауэр" ХХК БНХАУ-ын төрийн өмчит "SEPCOIII" корпорацитай Тэвшийн говийн цахилгаан станцын төсөл дээр хамтран ажиллах Санамж бичигт гарын үсэг зурлаа. Энэхүү арга хэмжээ нь БНХАУ-ын нийслэл Бээжин хотод Монгол Улсын Элчин Сайдын Яамны байранд болсон бөгөөд талууд уг төслийг амжилттай хэрэгжүүлэхийн төлөө бүх талаар харилцан нягт хамтран ажиллахаа харилцан илэрхийллээ.
Энэхүү төслийн хүрээнд нэг тэрбум гаруй ам.долларын хөрөнгө оруулалт Монгол Улсад хийгдэж Могул Пауэрийн эзэмшдэг Дундговь аймгийн Сайнцагаан сумын нутагт орших Тэвшийн говийн хүрэн нүүрсний ордыг түшиглэсэн 600 МВт-ын хүчин чадалтай цахилгаан станцыг барьж байгуулах юм. Төслийн Техник эдийн засгийн үндэслэлийг АНУ-ын эрчим хүчний зөвлөх компани болох "Burns and Roe" Ent. Inc боловсруулсан бөгөөд 2013 онд Монгол Улсын Эрчим Хүчний яамаар батлуулсан. Төслийн барилга байгууламж барих зөвшөөрлийг Эрчим хүчний зохицуулах хорооноос Байгаль орчны нөлөөллийн үнэлгээний зөвшөөрлийг Байгаль орчны яамнаас тус тус аваад байгаа юм.
1985 онд байгуулагдсан SЕРСОIII корпораци нь олон улсын эрчим хучний төслийн контрактор бөгөөд БНХАУ-ын эрчим хүчний барилгын тэргүүлэх корпораци (Power China)-ийн шилдэг охин компани юм. Тус корпораци нь дэлхийн олон улсад эрчим хүчний барилга байгууламж барьсан туршлагатай компани юм. Жишээлбэл хий, нүүрсний цахилгаан станц, салхи, нарны эрчим хүч, усан, биомасс болон дэд станц, дамжуулах шугамуудыг барьж байсан туршлагатай. Эрчим хүчний барилга байгууламжийг чанарын өндөр тувшинд барьж байгуулдаг гэдэг нь энэхүү корпорацийн авч байсан олон шагнал номинациудаар батлагдана. Зөвхөн 2013 онд олон улсын түвшинд нийт 33,500 MW хүчин чадал бүхий өндөр чанарын ажил хийсэн ба нийт 13.5 тэрбум юанийн (2.23 тэрбум АНУ доллар) орлоготой  ажилласан  байна. 2013 оноос стратегиа өргөжуүлж Биө Даасан Эрчим Хүч Үйлдвэрлэлийн салбарт орсноор олон улсын түвшинд, түүний дотор Монгол Улсыг оруулаад хөрөнгө оруулалтын боломжуудыг судалж, хамтран ажиллах чиглэлийг идэвхтэй эрж хайж байна.
АНУ-ын Нью-Йорк хотод төвтэй хөрөнгө оруу-лалтын "Firebird" сан нь Монгол Улсад 2006 онд үйл ажиллагаа эхэлсэн бөгөөд одоогийн байдлаар Монгол Улсын Хөрөнгийн бирж дээр уйл ажиллагаа явуулж буй гадаадын хамгийн том хөрөнгө оруулагч юм.
"Firebird" сангийн захирал Жэймс Пассин хэлэхдээ, "2013 оны 10 сард батлагдсан шинэ Хөрөнгө оруулалтын хуулийн хурээнд эрчим хучний энэ чухал төслийг Монголд хэрэгжуүлэх гэж байгаадаа би маш их баяртай байна" гэжээ.
SEPCOIII корпорацийн дэд ерөнхийлөгч ноён Жанг Хонгсонг,     "Энэхүү    төсөл сүүлийн үед манай хоёр орны хооронд яригдаж байгаа эрчим хүчний салбарт хамтран   ажиллах   саналыг баталгаажуулж байгаа бөгөөд саяхан Бээжинд болсон Азийн орнуудын АРЕС уулзалтын үеэр Монголын УИХ-ын дарга 3. Энхболд БНХАУ-ын ерөнхийлөгч Си Жиньпин нар уг сэдвийг хөн-дөж ярилцсан."
Уг баримт бичиг узэглэх арга хэмжээнд Монгол улсаас БНХАУ-д суугаа онц бөгөөд бүрэн эрхт элчин сайд Ц.Сүхбаатар гэрчээр оролцсон бөгөөд энэхүү төслийг дэмжиж ажиллахаа мэдэгдсэн. Тэрээр: "Монгол улсын Засгийн Газар энэхүү төслийг дэмжиж байгаа. Уг төсөл бол манай улсын түүхэнд анхны уурхайн ам дээр тулгуурласан би даасан эрчим хүч үйлдвэрлэгч бөгөөд энэ салбар дахь манай хоёр улсын цаашдын хамтын ажиллагааны эхлэл гэдэгт итгэж байна." гэлээ.
Дэлгэрэнгүй мэдээлэл авхыг     хүсвэл     Ж.Эрдэмбилэгтэй холбогдоно уу: erdembileg@mogulpower.mn

Ц.БАЯРАА

Өдрийн сонин