Хэдхэн хоногийн өмнө УИХ төсвийн тодотгол хийж улсын төсвийг 1,2 их наяд төгрөгийн алдагдалтай баталлаа. Энэ бол уул уурхай дахь хөрөнгө оруулалт хоёрхон жилийн дотор татарсны үр дагавар гэдэг нь хэнд ч ойлгомжтой. Өөрөөр хэлбэл, дотоодын үйлдвэр гэхээр юмгүй манай улсын хувьд уул уурхайн салбар дээрээ л тулгуурлаж хөгжихөөс өөр аргагүй гэсэн үг. Газар нутгаа ухаж сэндийлэхээс өөр амьдрах боломж алга гэж үү? хэмээх асуултыг байнга шахам тавьж бужигнуулдаг хүмүүс цөөнгүй. Тэгвэл үнэн хэрэгтээ уул уурхай хөгжлийн үндэс суурь гэдэг итгэл үнэмшилтэй хүмүүсийгэх оронч биш гэж үзэх нь өрөөсгөл ойлголт билээ.
-Энэ сарын 5-наас Тавантолгойн ордод хөрөнгө оруулахаар "Шинхуа", "Сумитома", "Энержи Ресурс"-ын консерциум шалгарсан байгаа. Хэлэлцээ хийгээд явж байгаа. Хэлэлцээний эхний шатанд Тавантолгойн төслийг тойрсон нөхцөл байдал, санхүүгийн байдал, Тавантолгой Гашуун сухайт чиглэлээр Монголын талын хийсэн ажил, Санхүүгийн нөхцөл байдлыг тойрсон мэдээллийг хөрөнгө оруулагч нартайгаа хуваалцсан. Гарсан үр дүн нь юу гэхээр бид Тавантолгой гэсэн том ордыг тойрсон нэгдмэл ойлголтод хүрч чадсан.
-Уул уурхайн салбарын хамт олон бид Шинэчлэлийн Засгийн газрын үед "Төрөөс эрдэс баялгийн салбарт баримтлах бодлого"-той болж, голлох хууль эрх зүйн баримт бичгүүддээ өөрчлөлт оруулж заримыг нь шинээр батлуулснаар эрдэс баялагийн салбарт ойлгомжтой, урт хугацаанд тогтвортой, хөрөнгө оруулалтын хувьд өрсөлдөх чадвартай, ил тод, хариуцлагатай уул уурхайг хөгжүүлэх хууль эрх зүйн орчинг бүрдүүлж чадсан билээ.
-"Монгол Улс 1990 онд ардчилал, зах зээлийн нийгэмд шилжсэнээс хойш дөрөв дэх Хямралтайгаа нүүр тулж байна. Энэ хямралуудыг Монгол Улс амжилттай даван туулж чадсан. Энэ удаад ч бас асуудалгүй даван туулах болно гэдэгт итгэлтэй байгаа. Багахан хэмжээний хүндрэл учирч байна. Үүнд санаа зовох зүйлгүй, бүх зүйл сайхан болно гэдэгт итгээрэй. Хамгийн гол нь энэ үед Засгийн газраас эдийн засгийн ил, тод байдлын тухай хуулийг хэлэлцэж, батлахаар болсонд их талархаж байгаа шүү.
-Мэдээж эдийн засгийн хүндрэл бий болж байгаа учраас манайхаас гадна бусад бүх компанийн хувьд амаргүй байгаа байх. Гэхдээ бид хямралыг даван туулж чадна. Хямралыг даван туулна. Ингэхэд төр, хувийн хэвшил хамтран ажиллах ёстой. Манай компанийн хувьд аль болох ажлын байраа хадгалж, хийж байгаа хөрөнгө оруулалтуудаа зогсоохгүй байх чиглэлд ажиллаж байна. Мэдээж чуулган маань дөнгөж эхэлж байна, Төр засаг, улстөрчид их ач холбогдол өгч байна. Би их үр дүнтэй, чухал уулзалт болно гэж найдаж байна. Цаашдаа эдийн засгийн хүндрэлийг даван туулахад томоохон хэмжээний хөрөнгө оруулалтуудыг яаралтай шийд-вэрлэххэрэгтэй. Иххэмжээний хөрөнгө оруулалт, том төслүүд хэрэгжиж байж, хямралын үед түлхэц болох ёстой.
-Төмрийн хүдэр, нүүрс хоёр ирэх жил төдийлөн сэргэхгүй болов уу. Учир нь ганцхан зах зээлтэй шүү дээ. Түүнээс гадна төмрийн хүдрийг нүүрснээс
хамааралтай гэдгийг хүн бүр мэднэ. Зэс, алтны хувьд үнийн уналтын мөчлөг саарах байдалтай байна. Судалгааны олон улсын байгууллагын дүнгээр харахад зэс болон алтны үнэ унахгүй байх таамаг бий.
-Хамгийн эхэнд бид гадны хөрөнгө оруулалтыг татах ёстой. Гадаад бодлогоо нээлттэйгээр, тогтвортой байлгах шаардлагатай. Өнөөдөр нэг компанитай гэрээ хийдэг, маргааш нөгөөдөхийг нь өөрчилчихдөг. Монголчуудыг эцсийн эцэст Монголын Засгийн газар, Монгол Улс л гэж харна. Түүнээс биш аль нам нь засаг барьж байна, аль нам нь үйл ажиллагаа явуулж байна вэ гэдэг нь сонин биш. Тэгэхээр улс төрийн гол хүчнүүд хоорондоо учир зүйгээ олоод, хөрөнгө оруулагчдын итгэлийг олж авах тал дээр дорвитой, тууштай алхмыг авч хэрэгжүүлэх ёстой. Үүний тулд хоёр том нам маш зөв зүйтэйгээр хамтарч ажиллах л хэрэгтэй байна.
-Зээлийн хөрөнгийнхөө эх үүсвэрийг импортыг орлох бүтээгдэхүүн үйлдвэрлэгчдэд урт хугацааны зээл олгох ажлыг эрчимжүүлэх нь зөв юм. Энэ нь валютын ханш гэдэг дарамтнаас гаргаж чадах эдийн засгийг тогтвортой болгох боломжтой юм. Өөрсдөө үйлдвэрлэдэг байж л тогтвортой эдийн засагтай болно. Гадаадын хөрөнгө оруулагчдыг татах таатай нөхцөл байдлыг бүрдүүлэх шаардлагатай.
- Улсын хэмжээнд лиценз эзэмшдэг 2779 компани байдаг гэнэ. 1337 нь урт нэртэй хуульд орсон, 300-500 лицензийг улсын нөөц гэсэн ангилалд хамруулж үйл ажиллагааг нь бүрэн зогсоосон ,аж. 106 лицензийг нэмэхээр уул уурхайн хүчинтэй лицензүүдийн 60-70 хувь нь үйл ажиллагаа явуулах ямар ч боломжгүй байгаа юм байна. Байдал ийм байхад эдийн засгийг хямраахгүй яах билээ. Надад гурван санал байна. Өмчийн асуудлыг яаралтай шийдэхгүй бол хөрөнгө оруулагчдын эргэлзээ арилахгүй. Ашиглалтын лиценз авна гэдэг гучин жилийн виз авч байна гэсэн.