- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Л.Оюун: Хөрөнгө оруулагчид Монголыг сонирхсон хэвээр байна
МУИС-ийн багш, доктор Л.Оюунтай ярилцлаа.-Ирэх сард уул уурхайн хөрөнгө оруулагчид болоод ханган
нийлүүлэгчдийн том хэмжээний уулзалт, үзэсгэлэнгүүд манай оронд болно.
Тус арга хэмжээний үр нөлөөг та хэрхэн харж байна вэ?
-Манай улс байгалийн асар их нөөцтэй. Тийм болохоор гадныхан манай
улсыг сонирхсон байдал урдын адил хэвээрээ. Тэдэнд зориулсан олон улсын
уулзалт, үзэсгэлэнгүүд ч уламжлал болгон болж ирсэн. Энэ бүхэн дотоодоо
сурталчлахаас гадна гадны хөрөнгө оруулагчдыг татах гол алхам болж
байдаг. Энэ удаад ч үр дүнгээ өгөх нь ойлгомжтой. Цөөн үгээр хэлбэл,
дотоодын эдийн засагт эерэг нөлөө авчирна. Гэвч байгаа нөөцийнхөө
хэмжээгээр гадаадын шууд хөрөнгө оруулалт татахыг бодож болохгүй л дээ.
Үнэхээр манай улсад ашигтай тийм хөрөнгө оруулалт татаж чадах нь л
чухал. Хүлээн зөвшөөрөхөөс ч аргагүй шүү дээ. Олон нийт ч үүнийг мэддэг.
Гагцхүү харилцан ашигтай байх тийм хувилбарыг л бид шаарддаг. Энэ тал
дээр ч өнгөрсөн хугацаанд багагүй туршлага хуримтлуулсан. Мэдээж бидний
түших гол салбар бол уул уурхай мөн. Үүнийгээ харин ямар арга зам, ямар
гэрээ хэлэлцээрийн дагуу дэлгэх вэ гэдгээс бүх зүйл шалтгаална.
-Хөрөнгө оруулалтын орчинг сайжруулахад хэдий хэр хугацаа шаардлагатай бол?
-Хөрөнгө оруулагчдыг үргээхэд хамгийн гол нөлөөлж байгаа зүйл бол манай
улсын засаг, төрийн тогтворгүй байдал. Үүнээс гадна үе үе солигддог
төрийн бодлого байгаа юм. Ингээд үзэхээр бүх зүйлийн ундарга дээр
улстөрчид суугаад байгаа юм. Энэ тухай ч бид цөөн бус удаа ярьж байна.
Хэрэв төрийн бодлого нь тогтворжоод, хууль эрх зүйн орчин нь тодорхой
болоод удаан хугацаанд хөдөлгөөнгүй байвал бусд зүйл дээр санаа зовох
зүйл тун бага.
-Хятадын Синхуа агентлагаас гаргасан мэдээллийг манайхан
сүүлийн үед ихээр ярих боллоо.Тухайлбал эдийн засагч Х.Батсуурь,
Д.Жаргалсайхан нараас эхлээд үндэсний эдийн засагчид "2017 онд
дампуурахад гайхах зүйлгүй” гэсэн санааг илэрхийлээд эхэллээ. Та бас
тэдэнтэй адил болгоомжилж байна уу?
-2017 он гээд онцлоод байгаагийн учир нь "Чингис” зэрэг бондуудын
төлбөр хийж эхлэх юм. Би бол яг энэ тал дээр эсрэг байр суурьтай байгаа
шүү. "Чингис” бондын ихэнх хөрөнгө л гэхэд үр өгөөжөө өгөх гол салбарт
орсон. Энэ мэт жишээ татаад яривал сайн зүйл ч бас манай эдийн засагт
бий. Тиймээс бүх зүйлийг харлуулаад байж болмооргүй байгаа юм. Мөн "2017
онд Монгол Улс дампуурна” гэсэн мэдээг өлгөж аваад тооцоо судалгаа
багатай зүйл ч ярих боломжгүй.
Үүний нөгөө талд эерэгээр хардаг өөдрөг сэтгэлтэй хүн болоод яваад байх
нь бас хаашаа юм. Тэгэхээр энэ тал дээр санаа тавьж, болгоомжилж буй
хүмүүсийг буруутгах ямар ч шалтгаан байхгүй. Энэ хүмүүс болохгүй зүйл
байгаа гэдгийг олж харсан учраас л удаа дараа ярьж байгаа нь мэдээж
хэрэг. Энэ нь харин нийгэмд таагүй мэдээлэл болж сонсогддог байж оолох
юм. Тиймээс үүнийг нарийн судлах шаардлага зайлшгүй бий. Тэгсэн цагт
эрсдэлийг бууруулж, хамгаалах чадвартай болох нь хэнд ч ойлгомжтой.
-Улсын төсвийн тал хувьтай тэнцэх мөнгийг өрийн үйлчилгээнд өгөх юм билээ. Энэ "ачааг” даах тэнхээ Монголын эдийн засагт бий юү?
-Хойшид бид ямар бодлого явуулах вэ гэдгээс бүх зүйл хамаарна. Бид
гаднаас зээл авсан бүхнээ өр гэж нэрлээд байгаа юм. Үүнийгээ хүн амынхаа
тоонд хуваагаад л төрж буй хүүхэд 5-6 сая төгрөгийн өртэй гэсэн
мэдээлэл гаргадаг. Би энэ талаар ч өмнө нь ярьж л байсан. Зээл бол зээл.
Харин өр бол өөр ойлголт юм. Хийсэн гэрээнийхээ үүргийг биелүүлж
чадахгүй нөхцөлд өр үүсэх харилцааг өр гээд байгаа юм. Харин зээл бол
маш энгийнээр үүрэг хариуцлага л даа.
Үүгээр аваад үзэхээр хоёр өөр ойлголт болж байгаа биз. Тухайлбал, Японы
Засгийн газар зээл аваад маш их бүтээн байгуулалт бий болгоод хойч
үедээ үлдээдэг. Тэр утгаараа хойч үе нь энэ өрийг төлнө. Өөрөөр хэлбэл,
зээлийг төлөх орчин, нөхцөлийг нь бүрдүүлж өгч чадаж байвал хөгжлийн шат
болно. Харин бид зээл авчихаад үр ашиггүй зарцуулсан бол хойч үеэ өрөнд
оруулж байгаа хэлбэр шүү дээ. Тийм болохоор авсан зээлээ үр ашигтай
зарцуулах тал дээр л анхаарах юм бол 2017 онд дампуурах тухай санаа
зовох ямар ч шаардлага байхгүй.
-Гэхдээ л бид "Чингис” бондын хөрөнгийг үр ашиггүй зүйлд
зарцуулсан, "Төсөл хөтөлбөр нь бэлэн болоогүй байхад хөрөнгө босгосон”
гэх мэтээр шүүмжилдэг шүү дээ. Та энэ бүх шүүмжлэлийн эсрэг байдаг гэж
үү?
-Ерөнхийдөө "Чингис” бондын зарцуулалтыг мэдэж байгаа. Бид авах гээхийн
ухаанаар л хандах ёстой л доо. Дээр хэлсэнчлэн бүгдийг харлуулаад,
болохгүй бүтэхгүй, дампуурна гээд байвал юу болж хувирах билээ.
-Тэгвэл "Тавантолгой”-н ажлын хэсгийнхэн Цагаан сараас өмнө
хэлэлцээрээ дуусгана гэж байсан ч амжсангүй. Саяхнаас "Хэлэлцээр гацлаа”
гэсэн мэдээлэл ч гарах боллоо. Үүнд та ямар байр суурь илэрхийлэх вэ?
-Уг нь далайд гарцгүй манай орны хувьд гуравдагч хөршийн бодлогоо
үүгээр шийдчих боломж байсан. Тийм нөхцөл ч бий болчихсон байгаа. Үүнээс
гадна Монгол Улсыг хөгжүүлэхэд мөнгө санхүү хэрэгтэй гэж үзэж байвал
урагш нь явуулах, "хоёр толгой”-гоо хөдөлгөх зайлшгүй шаардлагатай.
Тавантолгой дээр л гэхэд борлуулалтыг нь "Сумитомо” хариуцна. Мөн
Хятадын төрийн өмчит компани, Монголын компани байна. цаашилбал, АНУ-аас
ч энэ төсөлд орж ирэх саналаа илэрхийлсээр байгаа.
Тиймээс энэ компанийн засаглалын зөв орчин бүрдсэн гэж хараад байгаа
юм. Ганцхан улсынх байсан бол юуг ч нуух бололцоотой. Харин энэ
хувилбараар бол биедээ хяналт тавих бүрэн боломжтой. Харин гацаагаад
байгаа гол зүйлийн нэг нь "Энержи Ресурс” Монголын компани биш учраас
Монгол талаас оролцохгүй гэсэн яриа байгаа юм. Хонконгийн зах дээр
бүртгэлтэй байгаа гэдгээрээ нь л нэг дэгээ гаргаж ирж татаад байгаа
болохоос хэн ч харсан монголын компани шүү дээ. Тиймээс энэ жижиг зүйлээ
тусад нь ярьж, ойлголцоод том хэмжээний хэлэлцээрээ хийгээд явж болно
шүү дээ.
-Саяхан УИХ-н гишүүн Г.Уянга Монголбанкнаас буцалтгүй тусламж
нэрээр олон хүнд их хэмжээний мөнгө тараасан тухай баримт дэлгэж,
шуугиуллаа.Үүнээс улбаалж Монголбанкны ерөнхийлөгчийг огцруулахаар бие
даагчидтай хамтрах тухайгаа ч дуулгасан. Хэрэв тэдний хүссэнээр болбол
ямар эерэг, сөрөг үр дүнг дотоодын эдийн засагт бий болгох вэ?
-Би яг энэ тал дээр нарийн мэдээлэлгүй байна. Баримтыг шалгуулж, хууль
бус байвал хариуцлага хүлээлгэх нь мэдээж хэрэг шүү дээ. Төв банкны
мөнгө гэдэг маань төрийн мөнгө. Төрийн байна гэхээр л татвар төлөгчдийн
мөнгө шүү дээ. Монголбанкны хувьд уг нь бие даасан бодлого явуулах
учиртай. Гэтэл төрийн эрхэнд байгаа намын цөөн хэдэн эрх мэдэлтэн
Төвбанкийг бие даасан бодлого явуулахад нь тушиж орхидог. Удирдах албан
тушаалтнууд нь хүртэл улстөржсөн байдал байсаар байна. Энэ хэвээрээ
байвал зүгээр л цаасан дээр "Бие даасан бодлого хэрэгжүүлнэ” гэсэн утга
бүхий хэдэн өгүүлбэрээс өөр зүйлгүй байсаар л байна. Тиймээс бид
одооноос эхлээд яг ямар бодпого явуулах вэ гэдгийг нь хүлээцтэй харах
хэрэгтэй байгаа юм.
Д.Булган
Эх сурвалж: Монголын үнэн
Л.Оюун: Хөрөнгө оруулагчид Монголыг сонирхсон хэвээр байна
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
