Нефтийн зах зээл дээр үнэ тэнцвэржиж эхэлжээ. Шинжээчид энэ жил нэг баррель нефтийн дундаж үнэ 60 ам.доллар байна гэж ам булаалдан хэлцгээж байна. Гэхдээ энэ тогтворжилт нь маш эмзэг. Америкчууд занарын нефтьдээ дахин эргэж орохоор бэлтгэж байна. Тэднийг зах зээлд гаргахгүйн тулд Персийн булангийн орнууд нефтийн үнийг дахин буулгахад бэлэн гэж болно. Сүүлийн хоногуудад Хойд тэнгисийн нефтийн Brent маркийн үнэ 64,85 ам.доллар  болов. Brent маркийн хольцонд Оросын Urals маркийн нефть ордог юм. Үүнээс хэдхэн хоногийн өмнө баррелийн үнэ нь 67,8 ам.доллар хүрч байлаа.

Нефтийн зах зээлийн шинжээчид энэ жилдээ нефтийн жилийн дундаж үнэ 60 ам.долларын орчим байх бол 2016 оноос үнэ нь нэмэгдэнэ гэж дүгнэсэн юм. Sberbank Investment Research компанийн шинжээч Валерий Нестеровын хэлснээр, 2015 оны сүүлийн хагас жилд нефтийн үнийн хэлбэлзэл 55–65 ам.доллар байх бөгөөд жилийн дундажаар баррель нь "60 ам.доллар” орчимд байх ажээ. Дараагийн оноос нефтийн үнэ өсөх авч баррель нь 70–80 ам.доллар хүртэл хэдэн жил шаардлагатай гэж тэр тодруулав. 

UBS компанийн шинжээч Максим Мошков дүгнэснээр барре­лийн үнэ гуравдугаар улиралд 57,5 ам.доллар хүрч жилийн дундаж үнэ нь 56,3 ам.долларын төвшинд байна гэв. Харин 2016 онд үнэ жилийн дундажаар 67,5 ам.доллар хүрэх бөгөөд 2017 онд 80, 2018 онд 90 ам.доллараар баррель нефть үнэлэгдэнэ гэж Мошков хэлжээ.

ФГ БКС компанийн ахлах шинжээч Кирилл Тачинников ярихдаа, сүүлийн хагас жилд бар­ре­лийн үнэ 65–70 ам.долларын төвшинд,  жилийн дундаж нь 60 ам.дол­­ларын орчим байна гэв.

Бага ч гэсэн өрөмдлөгийн цооногууд Ойрхи Дорнодод нэмэгд­лээ. Дөрөвдүгээр сард гурван шинэ цооног гарч, тэдний тоо 410 болжээ.  Одоо Персийн булангийн орнуудын лидер Саудын Арабын олборлолт  оргилдоо хүрч байна. Саудын Арабад нефтийн үйлдвэрлэл өдөртөө 10,3 сая баррельд хүрчээ.

Bl­oomberg агентлагийн  мэдээлс­­нээр, City төвийн  шинжээ­чид Brent маркийн нэг баррелийн жилийн дундаж үнэ 63 ам.доллар байна гэжээ. Thomson Reuters Kortes компанийн асуулгаар гуравдугаар улиралд нефтийн үнэ 53 ам.доллар хүртэл буух боловч эсэргээрээ 83 ам.доллар хүртэл өссөн байх магадлалтай гэлээ.

Хэрэв нефтийн үнэ 70 ам.доллар хүрэх юм бол Саудын Араб, Кувейт, АНЭ үнийн шинэ дайнд орон олборлолтоо нэмэгдүүлж үнийг буулгах болно гэдгийг  тэд бас хэлж байна.

Саудын Арабын толгойлсон Персийн булангийн орнууд олбор­лолтоо буулгахгүйн үүднээс өнгөр­сөн онд ОРЕС-ийн шийдвэрийг лоббидсон билээ. Энэ нь өндөр өртөгөөр гарч байгаа Америкийн занарын нефтийг зах зээлээс хасах гэсэн оролдлого байлаа.  Үүнээс нь зөвхөн америкчууд ч биш нефтьчид алдагдал хүлээсэн билээ.

Baker Hughes  гэх нефть, хийн үйлчилгээний дэлхийн лидерүү­дийн нэг  тавдугаар сарын эхээр статистикийн мэдээг нийтлэхдээ, дөрөвдүгээр сард нефть, хийн олборлолтын өрөмдлөгийн цамха­гуудын тоо дэлхийн хэмжээ­гээр 11,3 хувиар буурч 2268 нэгж болсон гэжээ. Жилийн үнэлгээгээр төхөөрөмжийн тоо нь 1120 нэгжээр буюу 33 хувиар буурчээ. Хамгийн их бууралт нь АНУ-д (12,5%)  ба  өрөмдлөгийн цамхагуудын тоо 2,1 хувиар цөөрсөн Канадад ноогдож байна.

Олборлолт буурсан нь нефтийн үнийн үндсэн драйвер болдог АНУ-ын нефтийн арилжааны нөөцийн хэмжээг буулгалаа. Тавдугаар сарын 15-нд төгссөн долоо хоногийн нөөц нь 482,2 сая баррелиар (0,6%) буусныг тус орны Эрчим хүчний яам нь мэдээлсэн байна. Тэрхүү долоо хоногт олборлолт 1,19%-иар (хоногийн 112 мянган баррель) буун өдрийн 9,262 сая баррель болсон байв.

Харин бага ч гэсэн өрөмдлөгийн цооногууд Ойрхи Дорнодод нэмэгд­лээ. Дөрөвдүгээр сард гурван шинэ цооног гарч, тэдний тоо 410 болжээ.  Одоо Персийн булангийн орнуудын лидер Саудын Арабын олборлолт  оргилдоо хүрч байна. Саудын Арабад нефтийн үйлдвэрлэл өдөртөө 10,3 сая баррельд хүрчээ.

Ирэх сард болох ОРЕС-ийн орнуудын  ээлжит уулзалтаас одоо олон зүйл хамаарна. ОРЕС-ийн  орнууд дэлхийн олборлолтын 40 орчим хувийг буюу хоногт 30 сая баррель нефтийг дангаараа олборлож буй юм. Тэд олборлолтоо буулгах сонирхолгүй байгаа нь мэдээж. 

 Эх сурвалж: Финам

Мөн америкийн нефтьчдийн хүсэл санаа энд чухал үүрэгтэй. Америкийн занарын нефтийн төслүүд нь тэднийг хурдан зогсоож болдог шигээ хурдан сэр­гээх онцлогтой. Үүгээрээ ч тэд элсний нефть олборлогч Канадын төслүү­дээс хамаагүй амар юм. Тиймээс ч хэдэн сарын өмнө нефтийн үнийг 50 ам.доллар байхад зогсоосон төслүүдээ өнөөгийн үнийг барин сэргээх эрмэлзэлтэйгээ хэлсэн юм.

EOG Resources компани энэ тухай зарласан бол Occidental Petroleum компани үйлдвэрлэлийнхээ төлөвлөгөөг нэмсэн байв. Нефтийн үнэ 70 ам.доллар хүрвэл бусад компаниуд нь  үйлдвэрлэлээ сэргээнэ гэсэн юм. Энд Америкийн хөнгөн WTI маркийн тухай яригдаж байгаа. Тэр нь  Brent  маркаас хямд үнэтэй бөгөөд одоо баррель WTI нь 58,5 ам.доллараар арилжаалагдаж байна.  Занарын нефтийн хувьд баррелийн үнэ 60–80 ам.доллар байхад ашигтай. Goldman Sachs банкны үнэлгээгээр  ойрын гурван жилд WTI маркийн баррелийн үнэ 57–60  ам.доллар байх бөгөөд арван жилийн сүүлчээр 50 ам.доллар хүртэл буух ажээ.