- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Засгийн газар ба уран “олборлогч” Кожеговь
-Огт орлого олоогүй "Кожеговь”-
Арева групп нь өөрийн охин компани болох "Арева Монгол” компаниар дамжуулан Монгол Улсад үйл ажиллагаагаа явуулдаг. Харин хайгуулын ажлыг "Арева Монгол” компанийн бүрэн эзэмшлийн "Кожеговь” компани гүйцэтгэдэг бөгөөд энэ нь Монгол Улсад ураны хайгуулын лиценз эзэмшдэг хамгийн том компани болсон юм. 17 жилийн турш уран хайх ажлыг Монголд явуулж байгаа тус компани одоогийн байдлаар Сайншандын 3096 хавтгай дөрвөлжин км талбай бүхий 11, Дарьгангын хотгорт 6028 хавтгай км талбай бүхий 14, нийлээд ураны 25 хайгуулын тусгай зөвшөөрөл эзэмшдэг байна.
Мөн өчигдөр Цөмийн энергийн газраас зохион байгуулсан семинарын үеэр "Кожеговь” компанийн төлөөлөл ирж цаашдын үйл ажиллагааныхаа талаар танилцуулсан. Тэдний танилцуулснаар тус компани Монголд нийт 160 сая ам.долларын хөрөнгө оруулалт хийсэн бөгөөд цаашид дахин 30 гаруй жил ураны чиглэлээр үйл ажиллагаа явуулах төлөвлөгөөтэй байгаагаа илэрхийлсэн юм. Түүнээс гадна хамгийн их сонирхол татахуйц зүйлийг нэмж хэлсэн нь тус компани үйл ажиллагаа явуулж эхэлснээсээ хойш ураны хайгуулын ажлаас ямар ч орлого олоогүй гэнэ.
Харин хөрөнгө оруулсан 160 сая ам.долларынхаа ихэнх хэсгийг хайгуулын өрөмдлөгийн ажилд зарцуулсан бөгөөд үлдсэн хэсгийг нь орон нутаг болон бусад хүчин зүйлд зориулсан аж. Гэсэн ч цааш үргэлжлэх 30 жилийн хугацаанд ашиг олно гэдэгт итгэлтэй байгаа гэсэн юм.
-Хайгуулын лиценз Ашиглалтын лиценз болох нь-
17 жил гэдэг бол бага хугацаа биш. Тэгвэл энэ олон жилийн турш үйл ажиллагаа явуулахдаа "Кожеговь” компани ашиг олоогүй юм бол цаашид хэрхэн ашиг олох бол гэсэн сонирхолтой асуулт үүнээс ургаж байна. Үүний хариулт бол мэдээж хайгуулын тусгай зөвшөөрлийг ашиглалтын болгон өөрчлөх гэрээ юм. Энэ талаар Цөмийн энергийн газрын дарга Н.Тэгшбаяр ч ам нээж гэрээний асуудал эцэслэн шийдвэрлэгдээгүй ч яригдаж байгаа хэмээн хэлсэн. Тэгэхээр "Кожеговь” компанийн ураны хайгуулын лиценз ашиглалтын болж өөрчлөгдөх нь бараг л тодорхой болж байна.
Түүнээс гадна Шинэчлэлийн Засгийн газрын мөрийн хөтөлбөрт урантай холбоотой хоёр өгүүлбэр байдаг. Нэг нь, цөмийн хог хаягдлыг Монгол Улсын нутаг дэвсгэрт булшлахгүй гэсэн бол нөгөө нь ураныг шар нунтаг хүртэл нь л ашиглана гэж бий. Ерөнхий сайд ч ингэж хэлсэн.
Үүнээс харахад нэг ч ашиглалтын лиценз компаниудад олгоогүй байгаа манай улс уран олборлох асуудлыг тун удахгүй гэрээгээр зөвшөөрөх нь. Харин ашиглалтын лиценз олгох асуудлыг иргэний хөдөлгөөнийхөн хатуу эсэргүүцэж байгаа. Тэд үүнийг "Кожеговь” компани болон Засгийн газар хоёрын хооронд цаанаа ямар нэгэн асуудлыг далдалсан нууц тохироо хэмээн харж байгаа юм. Ингэж хардах үндэс ч бий. Яагаад гэвэл өмнө нь хууль бусаар сүйдсэн орд газрууд маш ихээр гарч ирж байсан жишээ бидэнд олон шүү дээ. Тиймээс мэдээж байгалийн баялгаа ашиглаж, эдийн засгийн эргэлтэд оруулах нь зөв ч, иргэний хөдөлгөөнийхнийг тавьж буй шаардлагыг хамгийн эхэнд авч хэлэлцэх ёстой болов уу.
Энэ бүгнээс өөр нэг зүйлийг орхигдуулж хэзээ ч болохгүй. Тэр нь уранаас болж үнэхээр мал, амьтан, хүнд аюул нүүрлээд байгаа юу гэдэг асуудал. Ямартай ч Дорноговь аймгийн Улаанбадрах суманд болсон нөхцөл байдлыг мэргэжилтнүүд уранаас биш сэлээнээс болсон гэж тогтоосон бол Архангай аймагт үүссэн яг ийм асуудлыг нутгийн онцлогтой өвчин гэж тайлбарласан. Нэг талдаа шар нунтаг хүртэл олборлох нь хор, аюулгүй гэж ярьж байгаа ч зарим мэргэжилтнүүд газар дор орборлолт явуулах нь гүний усанд нөлөөх өндөр аюултай хэмээн тайлбарлаж байна.
-Кожеговь араа даах уу-
УИХ-аар өмнө нь Алтны худалдаанд ил тод байдлыг бүрдүүлэх тухай гэсэн маш чухал хууль унаж байсан. Энэ жишгээр ашиглалтын лиценз олгохгүй гэсэн шийдвэр гарвал яах бол. Кожеговь компани энэ эрсдлийг тооцож үзсэн нь гарцаагүй, хэрвээ ашиглалтын лиценз олгохгүй бол 30 жилийн турш ашиг олно гэсэн "мөрөөдөл” нь талаар болох юм. Энэ тухай "Кожеговь” компанийн ерөнхий захирал Тьерри Плэзантаас тодруулахад, тэрбээр "Арева групп нь үйл ажиллагаа явуулдаг бүх улс орныхоо хууль, дүрэм, журмыг янгштал дагаж ажилладаг. Тиймээс "Мон-Атом” Төрийн өмчит компанитай хамтарч байгуулсан "Арева Майнс” компанид Монгол Улсын Үндэсний аюулгүй байдлын зөвлөл орд ашиглах зөвшөөрөл олгох шийдвэрийг гаргах байх гэж найдаж байна” гэсэн ерөнхий хариултыг өгсөн юм. Тэгэхээр Тьерри Плэзантийн хэлснээс дүгнэхэд орд ашиглах лицензийг олгох нь хэдий нь шийдэгдчихсэн ч байж мэдэх юм.
-Монгол Улс ба нөөц-
Монгол Улсад ураны ордлын хайгуул судалгааны ажил нийт нутаг дэвсгэрийн 70 орчим хувийг хамарсан байна. Өнгөрсөн дөрвөн жилийн хугацаанд зургаан ордыг, эдийн засгийн үр ашигтай 90 гаруй мянган тонн геологийн нөөцийг Улсын эрдэс баялгийн санд бүртгэж авах ажлыг зохион байгуулснаар улсын хэмжээнд 12 ордын эдийн засгийн үр ашигтай 140 гаруй мянган тонн геологийн нөөцтэй болоод байгаа аж. Ингэснээр Монгол Улс тогтоогдсон геологийн нөөцөөрөө дэлхийд тэргүүлэгчдийн эгнээнд бичигдэж байгаа юм. Мөн 100 гаруй илрэл 1000 гаруй эрдэсжсэн цэг, цацраг идэвхит гажиг илрүүлж, 1.4 сая тонн ураны таамаг нөөцийг тогтоосон гэсэн судалгаа байдаг.
Түүнээс гадна Монгол Улсад хамгийн их нөөцтэй ордоор Зөөвч Овоогийн ордыг нэрлээд байгаа юм. Тус орд газар 54 мянган тонн нөөцтэй бөгөөд Монгол Улсын эрдэс баялгийн мэргэжлийн зөвлөлөөр 2013 онд хэлэлцэж баталсан байна. Зөөвч овоогийн орд нь сүүлийн 10 жилд дэлхий дээр тогтоогдсон эдийн засгийн ач холбогдол бүхий хамгийн том ураны ордуудын нэг болсон юм.
Б.Ням
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
