Зарим аймаг шууд вагоноор авч байхад зарим нь вагоноос машинаар дамжуулан авах жишээний. Тэгсэн хэрнээ татвар нь хол ойр гэхгүй яг ижил. Үүний улмаас баруун аймагт шатахуун хамгийн үнэтэй байж. Тухайлбал, Увс аймагт шатахуун түгээх найман юмпани үйл ажиллагаагаа явуулдаг бөгөөд шатахууны үнэ 120-280 төгрөгөөр буурсан байна. Энэ талаар Увс аймаг дахь "Шунхлай” компанийн салбар хариуцсан менежер Д.Батболдоос тодруулахад "Гадаад зах зээлийн худалдан авалтын үнэ буурч, татваргүй болгосноор шатахууны үнэ буурсан. Тухайлбал, А-92 бензин 1940 төгрөг байсан бол 280 төгрөгөөр буурч 1660, дизель түлш 150 төгрөөг буурч 1790 төгрөг болсон” гэв. Үүнээс гадна тус аймаг сард дунджаар 2000- 3500 тонн шатахуун Боршоогийн боомтоор оруулж ирдэг байна. Цаашдаа гадаад зах зээлд ам.долларын үнэ өсөхгүй бол энэ үнээ барих боломжтой гэдгийг хэлж байсан.

Монгол Улсын шатахууны хэрэглээний 3.6 хувийг баруун гурван аймаг эзлэдэг. Тэр дундаа хүн ам, үүнийг дагасан машин түлшний хэрэшээ ихтэй нь Ховд аймаг. Нийт 20 мянга орчим өрхөөс аймгийн төвд нь 7500 өрх амьдардаг. Тэдний 6000 гаруй нь машинтай аж. Мөн тус аймагт хүнд даацын 500 гаруй машин уул уурхайд ажилладаг.

Тэр хэмжээгээрээ шатахууны хэрэгаээ өндөртэй Ховд аймагт бензин, түлшний үнэ 260-400 төгрөгөөр буурчээ. Энэ нь ирэх онд ус, дулааныхаа үнийг бууруулахад нөлөөлсөн тухай тус аймгийн засаг дарга Д.Цэвээнравдан хэлсэн юм. Тодруулбал амметр талбайн дулааны үнэ 1380 төгрөг байсныг ирэх оны нэгдүгээр сарын нэгнээс 850 төгрөг болгох гэнэ. Харин усны үнийг 300 төгрөгөөр бууруулах аж. Энэ мэт эхний үр дүнгэЭ' өгөөд эхэлсэн шатахууны үнийн талаар засаг дарга Д.Цэвээнравдангаас тодруулахад "Манай аймагт шатахуун хэт үнэтэй. Үүнийг бууруулж өгөх талаар шатахуун түгээх байгууллага болон, Засгийн газраас удаа дараа хүссэн. Өнөөдөр төр, хувийн хэвшил хамтран ажиллаж шатахууны үнэ бууруулсан нь сайшаалтай. Өргөн хэрэглээний болон ямар ч барааны үнийг тогтворжуулахад шатахууны үнэ нөлөөлдөг. Тиймээс төвөөс алслагдсан аймагт үнэ тогтворжуулах суурь бий болсон гэж харж байна.

Харин хэрэгжилтэд нь ард иргэд хяналт тавьж ажиллах хэрэгтэй. Энэ бүгд шагахууны онцгой албан татварыг тэг хувь болшсонтой холбоотой” гэв. Тус аймагт шатахууны үнэ буурснаар нүүрс борлуулдаг иргэд машины тээвэрлэлтийн хөлсөө 5000-6000 төгрөгөөр бууруулах боломжгойг хэлсэн байна. Энэ мэт шатахууны үнэ хэр их зүйлд нөлөөтэй нь харагдаж байгаа юм. Салхи хаашаа хамхуул тийшээ гэдэг шиг шатахууны үнэ хаашаа бид тийшээ л явдаг хойно. Харин Хөвсгөл аймгийн шатахууны үнэ буурсан үгүйг тодруулахад одоогоор үнэ буугаагүй ч буух сураг байгааг дуулгалаа.

Үүнээс гадна үнийн бууралт иргэдэд багагүй хардлагыг төрүүлээд буй. Өмнө нь онцгой албан татварыг тэглэж үнийг бууруулах боломж байсан ч заавал энэ жилийг сонгосон нь сонгуультай холбохоос аргагүйд хүргэсэн бололтой. Үүнийг үгүйсгэх аргагүй. Сонгууль дуусахад зарим зүйл эрс шинэчлэгдэж, зарим нь эргээд байрандаа ордог шиг шатахууны үнэ эргээд нэмэгдэх вий гэсэн хардлага иргэдийн дунд байна.