- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Энержи Ресурс компани 93 тэрбум төгрөгийн зардлынхаа санхүүгийн анхан шатны баримтыг л шалгуулчих л даа…
УИХ-ын гишүүн Х.Баттулгын өмгөөлөгч Д.Пүрэвбаатараас товч тодруулга авлаа.
Та Баттулга гишүүнийг өмгөөлж байгаа. Цагдаагийн дарга Р.Чингисийг буруутгаж мэдээлэл хийсэн?
Өмгөөлөгчийн хувьд би энэ хэрэгтэй холбоотой зарим нэг асуудлыг шалгуулахаар АТГ-д хандаж хүсэлт гаргасан юм. Тэр тухайгаа олон нийтэд мэдээлсэн. Мэдээлэл сайн өгөхгүй бол хэт тэнцвэргүй мэдээлэл яваад байна гэж үзэж байна.
АТГ-д ямар асуудлыг шалгуулахаар хандсанаа тодорхой тайлбарлана уу?
Төмөр замтай холбоотой санхүүжилтийн хэргийн явцад шалгах ёстой нэг асуудал гарч ирлээ гэж би харж байна. "Энержи Ресурс” болон "Энержи Ресурс Рэйл” компани 2008-1012 онд хийсэн ажил гэж 93.6 тэрбум төгрөг гэж тооцсон байна. Энэ үнийн дүнгийн дагуу хөрөнгө хүлээн авах ажиллагааг Төрийн өмчийн хороо, "МТЗ”ХК хамтран эхлүүлжээ. Төрийн өмчийн хорооны албан тушаалтнуудын мэдэгдэж байгаагаар "Энержи Ресурс” болон "Энержи Ресурс Рэйл” компаниас 93.6 тэрбум биш 38 тэрбум төгрөгийн хөрөнгө хүлээж авсан байна. Зөрүү 55 тэрбум төгрөгийн хөрөнгө гэж ер нь байна уу? Байгаа бол яагаад хүлээлгэж өгөхгүй байна? гэдэг асуудал анхаарал татсан.
Тэгвэл энэ компаниуд зөрүү 55 тэрбум төгрөгийн ажлыг өнөөдрийг хүртэл төрд хүлээлгэж өгөөгүй байгаа юу?
Тийм. Би энэ асуудлыг шалгуулах хүсэлтээ өгөхөөс өмнө мөн тодруулсан. "Энержи Ресурс Рэйл” компани нь энэ 55 тэрбум төгрөгийн хөрөнгө оруулалтын зардалтай холбоотой санхүүгийн анхан шатны эх баримтыг гаргаж өгөхгүй элдэв шалтаг заасаар өнөөг хүртэл Төрийн өмчийн хороо болон "МТЗ” компанид өгөөгүй байна.
Тэгэхээр төмөр замын төслөөс дутсан гээд байгаа 55 тэрбум төгрөгийг Энержи Ресурс Рэйл компани хариуцах ёстой гэж та хэлж байна уу ? Энержи Ресурс компани үгүйсгэж мэдэгдэл хийснийг Өнөөдөр сониноос та харав уу?
Харсан. Мэдэгдэл хийх яах вэ… Энержи Ресурс компани яг энэ асуудлаа шалгуулчих. Би үүнийг шалгаач ээ л гэж байгаа юм. Ямар ч байсан энэ компанитай холбоотой их мөнгөний зөрүү гараад ирлээ.
Танд батлах баримт байна уу?
Хэдэн баримт байна. Эдгээр баримтууд хоорондоо зөрчилдөөд байгаа юм. Нэгдүгээрт, Сангийн яам, Эдийн засгийн хөгжлийн яам, Зам тээврийн яамны хамтарсан ажлын хэсгийн "Төслийн хэрэгжилтийн хугацаанд хийгдсэн 93.6 тэрбум төгрөгийн өртөг бүхий нийт ажлаас ерөнхий гүйцэтгэгч Samsung C&T компани нь 2012 онд хийгдсэн 29,9 тэрбум төгрөгийн үнийн дүн бүхий төмөр замын суурь бүтцийн газар шороо, гүүрний дизайн, ус хангамж, балластын бэлтгэл ажлын гүйцэтгэлийг хүлээн авсан байх бөгөөд ажлын гүйцэтгэл чанарт хяналт шалгалт хийсний үндсэн дээр ажлын гүйцэтгэлийн үнийн дүнг баталгаажуулан захиалагч болон ерөнхий гүйцэтгэгч гарын үсэг зурж акт үйлджээ”гэсэн тайлбар байдаг.
Үүнээс харахад "Энержи Ресурс Рэйл” болон "Samsung C&T” компанийн хооронд акт үйлдэж баталгаажсан төлбөрийн үнийн дүн нь 29,9 тэрбум төгрөг байхаар харагдаж байна. Гэтэл Энержи Ресурс Рэйл компани 93.6 тэрбум гэдэг тоо Ажлын хэсэгт өгсөн байна.
Сангийн яам, Эдийн засгийн хөгжлийн яам, Зам, тээврийн яамны хамтарсан ажлын хэсэг шалгасан юм биш үү? Энержи Ресурс компанийн мэдэгдэлд тэгсэн байна?
Харин Төрийн өмчийн хороо 38 тэрбум төгрөгийн хөрөнгө хүлээж авсан гэдэг. Иймээс "Энержи Ресурс Рэйл” компаниас гаргаж өгсөн 93.6 тэрбум төгрөг гэдэг тоог баталгаажуулсан санхүүгийн анхан шатны баримтыг заавал шалгаж үзэх хэрэгтэй юм. Хэрэв энэ батлагдахгүй бол "Энержи Ресурс Рэйл” компани нь "Samsung C&T” компанид төлсөн мэтээр хуурамч баримт бүрдүүлж гурван яамны хамтарсан Ажлын хэсгийг хуурсан байх магадлалтай байна.
Тэгээд АТГ-аас "Энержи Ресурс Рэйл” компанийн гүйцэтгэх захирал Л. Оюунбатыг баривчилсан байх уу?
Тийм байх магадлалтай. Харин түүнийг нэг хонуулаад сулласан байдаг. Үүнд цагдаагийн байгууллага нөлөөлсөн байх магадлалтай байна гэж би хардаж байна.
Яагаад ?
Хөхүүл хүүхэдтэй эмэгтэйчүүдийг барьж хориод байгаа атлаа хэрэгт шууд хамааралтай буюу гэрээнд гарын үсэг зурсан баримттай эрэгтэй хүнийг нэг хонуулаад гаргачихлаа. Цагдаагийн байгууллага хэтэрхий нэг талыг бариад байна уу гэдэг утгаар нь би цагдаагийн байгууллагыг удирдаж байгаа даргын нэр дээр шүүмжлэл хэлсэн юм. Тэгээд ч энэ эмэгтэйчүүд төмөр замын хэрэгт ямар ч хамаагүй хүмүүс. Нэг нь Түмэн хишигтэн компанийн захирал, нөгөөх нь Х. Баттулга сайдыг Үйлдвэр, хөдөө аж ахуйн сайд байхад нь туслах нь байсан эмэгтэй шүү дээ.
Өөр хэргийн улмаас саатуулсан байж болох уу?
Төмөр замын гэдэг нэрээр эхэлсэн хэрэг бүр өөр зүйл рүү ороод явчихлаа. Нөгөө "Зоригийн хэргээр” гэж бариад хуурамч дипломын хэргээр шийтгэсэн гэдэг шиг л байдал ажиглагдаж байна. Үүнээс харахад асуудал УИХ-ын гишүүн Х. Баттулга гэдэг улс төрчтэй холбоотой улс төрийн өнгө аястай болоод өрнөж байна.
Яагаад тэгж бодох болов?
УИХ-ын гишүүн Х.Баттулгыг гэмт хэрэг хийсэн болгож олон нийтэд нэр хүндийг нь унагаах, цаашилбал УИХ-ын сонгуульд нэр дэвшүүлэхгүй байх сонирхолтой улс төр, эдийн засгийн бүлэглэлийн зохион байгуулалтай ажил гэж хардлага төрөөд байна. Ер нь товчхондоо Х.Баттулга гишүүний "Би та нартай хуйвалдаж, эх орноосоо урвахгүй, газар, нутгаа худалдахгүй” гэсэн байр суурь нь хэн нэгэнд таалагдахгүй байгаа юм байна даа гэж бодож байна. Х. Баттулга гишүүн саяхан өөрөө "Өнөөдөр” сонинд тодорхой ярьсан байсан. Түүнийг уншаад ийм бодол төрсөн юм.
Ярилцлага хийсэнд баярлалаа
Б.ШИРНЭН
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
