Манай улсын эдийн засаг элгээрээ мөлхөөд сэхэхээ байсан. Хаашаа л харна мөнгөний асуудалд орсон хүмүүс. Өвчин, зовлонтой, хоногийн хоолоо арайхийж залгуулж яваа иргэд ч олон бий. таагүй мэдээ сонсголоо.
Тавдугаар сарын гүйцэтгэлийг Сангийн яамнаас гаргасан бөгөөд төсвийн нийт тэнцэл 860.3 тэрбум төгрөгийн алдагдалтай гарчээ. 2016 оны төсөвлөсөн дүнтэй харьцуулахад, төсвийн орлого 739 тэрбум төгрөгөөр дутав.
Төсвийн орлого дутуу биелэхэд импортын барааны НӨАТ-ын орлого 60.9, импортын гаалийн албан татварын орлого 40.2, өмч хувьчлалын орлого 37.8, гадаад хандив тусламжийн орлого 157.7 тэрбум төгрөгөөр тус, тус төлөвлөгөөнөөс тасарсан аж.
Хүний хөгжлийн санд 51.3 тэрбум төгрөгийн орлого төвлөрсөн нь төлөвлөгөөнөөс 11.3 тэрбум төгрөгөөр дутсан байна. Иргэдийнхээ амьжиргааг дээшлүүлэх гэсэн үү сонгуулийн шоу гэдгийн аль нь болох нь эргэлзээтэй шийдвэрийг энэ сарын эхээр гаргаж өдгөө хэрэгжиж эхэлсэн. Тодруулбал, тэтгэвэр, халамжийн мөнгийг нэмсэн билээ. Харин үүнийг сонссон ахмадууд "тэтгэвэр нэмэхээр бидний авдаг зүйлс дагаад үнэ нь өсчихдөг. Тэгэхээр тэтгэвэр нэмсэн ч амьдралд минь тус нэмэр болохгүй. Ялгаагүй л байна" хэмээсэн. Харин өнөөдөр энэ үнэн болж таарав. Юу гэхээр үнэхээр л . Хонины мах, ястай (7130), Хонины мах, цул (7957), Үхрийн мах, ястай (8620), Үхрийн мах, цул (11000), Монгол лууван (2300), Байцаа (1900) тус тус төгрөгөөр худалдаалагдаж байна. Үүнийг өмнөх долоо хоногийн ханштай харьцуулахад Үхрийн мах 25-30 төгрөгөөр, хонины мах 35- 185 төгрөгөөр тус тус өсчээ.
Түүнчлэн . Монгол Улсын нийт гадаад өрийн үлдэгдэл тайлант улирлын эцэст 22,599 сая ам.долларт хүрч, өмнөх оны мөн үеэс найман хувиар буюу 1,614 сая ам.доллараар нэмэгдсэн байна. Үүнд:
-
Засгийн газрын гадаад өр 14 хувиар буюу 480 сая ам.доллараар өсч 4,036 сая ам.долларт,
-
Төв банкны гадаад өр 11 хувиар 208 сая ам.доллараар өсч 2,084 сая ам.долларт,
-
Банкуудын гадаад өр 30 хувиар буюу 481 сая ам.доллараар өсч 2,061 сая ам.долларт,
-
Бусад сектор ын гадаад өр дөрвөн хувиар 122 сая ам.доллараар өсч 3,568 сая ам.долларт,
-
Гадаадын хөрөнгө оруулагчаас авсан зээлийн эх үүсвэр гурван хувиар 322 сая ам.доллараар өсч 10,850 сая ам.долларт тус тус хүрчээ.
Х.Даваа
