- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Эдийн засаг энэ жил 9.5 хувиар өсч, инфляци 11 хувь байна. Гэхдээ...
Монгол улсын эдийн засаг өнгөрсөн жил
11.7 хувиар өссөн бол энэ жил 9.5 хувийн өсөлттэй байна хэмээн Азийн
хөгжлийн банк 2014 оны Монголын эдийн засгийн тайландаа дурджээ. Тэд Монгол улсын хувьд "Оюу толгой”
төслийн зэсийн баяжмалын үйлдвэрлэл 2013 онд эхэлсэнтэй холбоотойгоор
эдийн засгийн өсөлт энэ онд 9.5 хувьд хүрч, харин 2015 онд 10 хувь болно
гэж үзжээ. АХБ-ны ахлах эдийн засагч Ян Хансен " Эдийн засгийн өсөлт
хадгалагдах суурь нөхцөл нь Оюутолгойн үйлдвэрлэл гэж харж байна. Харин
уул уурхайн бус салбарын нөлөөлөл харьцангуй бага байхаар байна” гэж
хэлсэн юм.
Гадаадын шууд хөрөнгө оруулалт
хурдацтай буурч, нүүрсний экспорт унаж байгаагийн зэрэгцээ төсөв,
мөнгөний тэлэх бодлого хүчтэй явуулсан нь төлбөрийн тэнцлийн дарамт бий
болгоод байгаа билээ. Төгрөгийн сулралын нөлөөгөөр урсгал дансны
алдагдал тогтворжоод байгаад бол төлбөрийн тэнцлийн дарамтыг бууруулаад
байгаа Гэвч Азийн хөгжлийн банкны эдийн засагчид төгрөгийн ханшийг
тогтворжуулах, инфляцыг хазаарлахын тулд эдийн засгийн бодлогыг
чангатгаж, дотоод эрэлтийн өсөлтийг бууруулах шаардлага бий болж байгааг
сануулж байгаа юм.
Харин Монголчуудын худалдан авах
чадварыг илтгэдэг инфляци 11 орчим хувьтай байх таамаг байгааг Азийн
хөгжлийн банкны эдийн засагч Л.Амар хэлж байна. Монгол улсын хувьд 2013
оны эцсийн байдлаар инфляци 10,4 хувьтай гарсан билээ. Харин 2015 оноос
Монголбанкны төлөвлөж байгаа түвшин рүү буух магадлал бий хэмээн үзэж
байна. Гэхдээ эдийн засгийн чанга бодлогыг энэ жил хэрэгжүүлж чадваас
зорилтот найман хувьд дөхнө гэж тэд сануулж буй.
Монголын эдийн засгийн хөдөлгүүр нүүрс
экспорт 2011 оноос хойш үнийн дүнгээрээ ихээхэн хэмжээгээр буурсан
атлаа хэмжээ нь төдийлөн буураагүй байгаа. Эдийн засаг ч Л.Амар үүнийг
тайлбарлахдаа "БНХАУ-ын эдийн засагт нийлүүлэгдэж буй нүүрсний зах зээл
дээрх өрсөлдөөн нэмэгдэж байна гэж харж болно. Тус улсын экспортын
хэмжээ өссөн атлаа, Монголоос нийлүүлсэн нь буурсан байдаг. Үүнээс
үүдээд төсвийн орлого, уул уурхайн салбарт орж буй гадаадын хөрөнгө
оруулалт удаашралтай буурсан үзүүлэлтүүд харагдана” гэлээ.
Монгол улсын эдийн засгийн цаашдын
төлөв БНХАУ-ын болон дэлхийн эдийн засгийн төлөв байдлаас ихээхэн
хамааралтай хэвээр бөгөөд болзошгүй гадаад цочролоос хамгаалах
"зөөлөвч”-ийг одоо баримталж буй бодлогууд бүрдүүлж чадахааргүй байгааг
мөн тэд хэлж байна. Тиймээс нэн тэргүүнд төлбөрийн тэнцэл болон гадаад
валютын нөөцөөс үүдэлтэй үүсч болох дарамтыг бууруулахад чиглэхийг тэд
зөвлөлөө. Эзийн засагч "Эдийн засгийн дотоод бодлогын чиглэл зөв
байхаас гадна Хятад улсын байдал хэрхэхээс Монголын эдийн засаг ихээхэн
шалтгаалахаар байна” гэв.
Дэлхийн эдийн засаг ба Хятад
Хөгжингүй орнуудын эдийн засаг сэргэж
байгаа нь нийт эрэлт өсөхөд нөлөөлж байгаа ч БНХАУ-ын эдийн засгийн
өсөлтийн хурдац буурах төлөв нь энэхүү эрэлтийг нөгөө талаас доош
чангааж байна. Ингэснээр Азийн хөгжиж буй орнуудын өсөлт 2014 онд
тогтвортой байхаар байгаа аж.
АХБ-ны жил тутмын голлох хэвлэл болох
"Азийн хөгжлийн төлөв 2014” тайланд Азийн хөгжиж буй орнуудын ДНБ-ний
өсөлт 2014 онд 6.2 хувь, 2015 онд 6.4 хувь байна гэж төсөөлжээ.
Голлох аж үйлдвэржсэн орнуудын эдийн
засгийн сэргэлт улам бүр эрчимжиж байна. АНУ, Евро бүс хийгээд Японы
ДНБ-ний өсөлт дунджаар 2013 онд нэг хувь байсан бол 2014 онд 1.9 хувьд
хүрч улмаар ирэх онд 2.2 хувьд хүрнэ гэжээ.
БНХАУ-ын хувьд эдийн засгийн өсөлтийн
хурдац харин саарах төлөвтэй байгаа аж. Тус улс зээлийн өсөлтөө
сааруулж, аж үйлдвэрийн илүүдэл хүчин чадлыг хумиж эхэлсэн. Мөн орон
нутгийн засаг захиргааны өр ихсэж буй асуудал, цалингийн зардал өссөн,
юанийн ханш чангарсан, улсын хөгжлийн бодлогыг тооноос чанар руу
хандуулах болсон зэрэг шалтгаанаар эдийн засгийн өсөлт нь өнгөрөгч онд
7.7 хувь болж буурсан. Дээрх хүчин зүйлсийн нөлөө үргэлжилсээр байх тул
БНХАУ-ын ДНБ-ний өсөлт энэ онд 7.5 хувь, ирэх жил 7.4 хувь болж тус тус
буурах төлөвтэй байна.
Анхаар монголчуудаа!
Олон улсын эдийн засгийн эрсдэл
харьцангуй намжаад байгаа ч дараах гурван нөхцөл байдлыг анхааралдаа
байлгах нь чухал гэж Азийн хөгжлийн банк үзжээ.
Нэгдүгээрт, БНХАУ-д зээл олголтыг
хязгаарлах зорилготой арга хэмжээг огцом бөгөөд эдийн засгийн өсөлтийг
сааруулахуйц хэмжээнд авсан тохиолдолд, эдийн засгийн илэрхий удаашрал
нь Монгол зэрэг худалдааны түнш орнуудад хүчтэй нөлөөлөх магадлалтай.
Хоѐрдугаарт, голлох аж үйлдвэржсэн
орнуудын эдийн засгийн сэргэлтийн талаарх мэдээлэл алаг цоог байгаагаас
үүдэн Азийн бараа бүтээгдэхүүний эрэлт тэдгээр улсуудад хүлээсэн
хэмжээнд хүрэхгүй байх магадлалтай.
Гуравдугаарт, АНУ-ын мөнгөний бодлогод
орох өөрчлөлтөөс үүдэн дэлхийн санхүүгийн зах зээлд дахин цочрол үүсч
болзошгүйг анхаарах хэрэгтэй.
Б.Энхцэцэг
http://mongolianeconomy.mn/mn/i/5452
Эдийн засаг энэ жил 9.5 хувиар өсч, инфляци 11 хувь байна. Гэхдээ...
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
