- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Орхон гол УЛААНААР урссан хэвээр байна, Д.Оюунхорол сайд аа
Зураг: Орхон голын урсаж буй байдал 2016.09.18 ны өдөр
БОАЖ-ын сайд Д.Оюунхорол тэргүүтэй Архангай, Өвөрхангай аймгаас сонгогдсон УИХ-ын гишүүд, УУЯ, МХЕГ-ын хамтарсан баг энэ сарын эхээр Орхон асуудлаар Архангай аймагт ажилласан. Сүүлийн жилүүдэд улаанаараа урсаж буй Орхон голын асуудлыг дээрх хамтарсан баг нэг мөр болгон шийдвэрлэхийн тулд алтны компаниудын үйл ажиллагааг зогсоосон талаараа хэвлэл мэдээлэлд онцолж байв.
Тодруулж хэлбэл, Орхон голын эхэнд "Монгол газар”, "Батбродерс”, "Алтайголд”, "БМНС”, "Голден хаммер”, "Алтан дорнод Монгол” компаниуд лиценз эзэмшдэг. Эдгээр компаниуд 16 гэрээлэгч компаниар олборлолт хийлгэдэг бөгөөд тэдний 14 нь хууль ёсны дагуу ТЭЗҮ-гээ хийлгээгүй, уулын ажлын төлөвлөгөө, байгаль орчны үнэлгээ зэрэг заавал бүрдүүлэх ёстой бичиг баримтуудаа бүрдүүлээгүй өдий хүрсэн байдаг. Тиймээс БОАЖ-ын сайд Д.Оюунхорол алтны компаниудын үйл ажиллагааг зогсоохын зэрэгцээ гурван үндсэн шаардлага тавьсан хэмээн мэдээлсэн билээ.Үүнд,
Нэгдүгээрт, Нөхөн сэргээлтийг хуулийн дагуу хийх. Нөхөн сэргээлт хийхийн тулд нөхөн сэргээлтийн барьцаа төлбөр улсын төсөвт байршуулахыг шаардсан.
Хоёрдугаарт, Лиценз эзэмшигчдийг талбайдаа олон компани гэрээгээр оруулахыг хориглоно. Хамгийн ихдээ таван аж ахуйн нэгж байхаар заах асуудлыг ажил хэрэг болгох.
Гуравдугаарт, Уул уурхайн компаниуд гадаргын усыг ашигладаг байдлаа зогсоох.
Хамтарсан багийнхан энэ сарын 3,4-ний өдрүүдэд ийм шийдвэр гаргасан. Мөн энэ үеэрээ уул уурхайн үйл ажиллагаа явуулж буй компаниудын талбайн ойролцоо пост гаргаж, хяналт тавина гэдгээ хүртэл сүр дуулиантайгаар мэдэгдсэн. Энэ мэдээллээс үүдэж, олон нийт Орхон голын ус цэвэршиж, тунгалагшиж эхлэх нь гэсэн ойлголттой болж, Д.Оюунхорол сайдад ОК үнэлгээ тавиад байсан юм.
Үүнээс хойш даруй 16 хоночихоод байна. Гэвч Орхон гол улаанаараа урссаар байна. Орхон гол дагуу нутагладаг иргэд "Уул уурхайн компаниудын үйл ажиллагааг үнэхээр зогсоосон бол тус гол долоо хоног хүрэхгүй хугацаанд өөрийгөө цэвэршүүлчихнэ. Ус тунгалагшаад эхлэх цаг хэдийнэ өнгөрчихөөд байхад улаанаараа урссан хэвээр байна” гэсэн мэдээлэл өгч буй юм. Малчдын ярьж буйгаар, Орхон гол сүүлийн жилүүдэд загасгүй болж, салбар голуудаас загас барих болсон байна.
Орхон гол баруун таван аймгийн 63 сумыг хамарч,1100 гаруй км үргэлжлэн урт урсдаг. Бохирдлын гол шалтгаан нь Архангай аймгийн Цэнхэр суманд алт олборлолтын чиглэлээр үйл ажиллагаа явуулж буй уул уурхайн компаниудын буруутай үйл ажиллагаанаас хамаардаг гэж мэргэжлийнхэн тайлбарладаг. Тус байршлын бохирдлоос үүдэж, Орхон гол улаанаараа урсахад хүрдэг байна.
Уг асуудлаар бид Архангай аймгийн Цэнхэр сумын засаг даргын орлогч Ж.Эрдэнэцогтоос тодрууллаа. Тэрээр "Аймгийн мэргэжлийн хяналтын газар, сумын цагдаа, ойн хамгаалагчийн бүрэлдэхүүнтэй баг Орхон гол дагуу ажиллаж байгаа. Бидэнд хамгийн сүүлд шар усыг нь боож байгаа тухай мэдээллэсэн. Хяналтын цэг гараад, 10 гаруй хонож байна. БОАЖ-ын сайд Д.Оюунхоролоор ахлуулсан хамтарсан баг Орхон гол дээр ажиллаад буцахдаа "Монгол газар” компанийн талбайг гэрээлэгч 14 компанийн үйл ажиллагааг л зогсоосон. Бусад компаниуд нь бичиг баримт зөрчилгүй гэсэн шалтгаанаар үйл ажиллагаагаа явуулж байгаа” гэсэн мэдээлэл өгсөн юм.
Эндээс харахад, Д.Оюунхорол сайдын сүр дуулиантайгаар мэдэгдсэн Орхон голын асуудлыг нэг мөр цэгцчихээгүй юм байна. Хамтарсан багийнхан зөвхөн "Монгол газар” компанийн талбайг гэрээлэгч 14 компанийн үйл ажиллагааг л зогсоосон аж. Тодруулбал, Архангай аймгийн Цэнхэр сумын нутаг дахь "Батбродерс”, "Алтайголд”, "БМНС”, "Голден хаммер”, "Алтан дорнод Монгол” компаниудын талбайг гэрээлэгчид нь албан ёсны зөвшөөрөлтэй гэсэн тодотголтойгоор голын эрэг дагуу үйл ажиллагаа явуулсаар байгаа юм. Тиймээс ч Орхон голын ус улаанаараа урсаж байгаа нь энэ аж.
Г.ИТГЭЛ
medee.mn
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
