Шанхайн Хөрөнгийн Бирж дээр анхдагч бүртгэлтэй бөгөөд тус биржийн SSE 50 индекст багтдаг. Хонконгийн болон Нью-Йоркийн бирж дээр мөн бүртгэлтэй. Чалько компанийн нийт бүртгэгдсэн хөрөнгө 11.049 тэрбум юань, 10 салбар, нэг судалгааны институт, 12 охин компани эзэмшдэг.  Standard & Poor’s банкны ВВВ+ үнэлгээтэй. Хятадын хөнгөнцагааны корпораци лимитед Чалько нь үндсэндээ хөнгөнцагааны исэл, анхдагч хөнгөнцагааны электролизи, түүнчлэн үйлдвэрлэл, боловсруулсан хөнгөнцагаан бүтээгдэхүүний үйлдвэрлэл, нийлүүлэлт эрхэлдэг.

Компанийн бүтэц, зохион байгуулалт 

Тус корпораци нь хөнгөн цагааныг цэвэршүүлэх, анхдагч хөнгөнцагааныг хайлуулах болон эрчим хүч зэрэг үндсэн бүтээгдэхүүн хариуцсан бизнесийн бүлгүүдтэй. Хөнгөнцагааныг цэвэршүүлэх бүлэгт хөнгөнцагааны хүдрийн уурхай болон хүдрийн худалдан авалт, бокситын баяжмал бүтээгдэхүүний худалдаа, үйлдвэрлэлийн үйл ажиллагаа эрхэлдэг. Хөнгөнцагаан хайлуулах бүлэгт анхдагч хөнгөнцагааны үйлдвэрлэл, карбон бүтээгдэхүүн, хөнгөнцагааны хайлш болон бусад бүтээгдэхүүн үйлдвэрлэдэг. Харин эрчим хүчний бүлэгт нүүрс олборлолт, нүүрсний эрчим хүч, нар салхины эрчим хүчний үйлдвэрлэл, эрчим хүчний шинэ тоног төхөөрөмжийн үйлдвэрлэл явуулдаг байна. Чалькогийн хайлуулах үйлдвэрийн хүчин чадал 4 сая тонн.

Компанийн түүх

2001 онд БНХАУ-д байгуулагдсан төрийн өмчит компани Хятадын хөнгөнцагааны корпораци (Chinalco) Чайналко нь Чалько буюу Хятадын хөнгөнцагааны корпораци Лимитед /Чалько/ (Aluminum Corporation of China Limited (Chalco)) компанийн толгой компани юм.  Чайналько копораци Чалькогийн 58.73 хувийг эзэмшдэг.

Хятадын хөнгөнцагааны корпораци Чалько Лимитед 2001 оны 9 дүгээр сарын 10-нд Хятадын хөнгөнцагааны корпораци Чайналько, Гуанжи Инвестмент Групп, Гуйжоу Мужийн Хөгжил, Хөрөнгө оруулалтын Корпорацийн дэмжлэгтэйгээр үүсгэн байгуулагдсан. Чалько Лимитед 2001 оны 12 дугаар сард Нью-Йорк, Хонконгийн Хөрөнгийн биржид бүртгэгджээ.  Хонконгийн Хан Сенг бүрдүүлэгч индекс, Лондонгийн  FTSE Index бүртгэлтэй.

2008 оны 6 дугаар сарын 10-нд Чалько корпораци Hang Seng Index Constituent Stock индекст бүртгэгджээ.

Чайналько корпораци Перу улсын Морокоча дүүрэгт 3-4 жилийн дотор ил уурхайн үйл ажиллагааг эхлүүлэхээр 3 тэрбум ам.долларын хөрөнгө оруулсан. Тус компани Торомочу уулаас зэсийн хүдэр олборлох төлөвлөгөөтэй.

Чайналько нь  Англи-Австралийн хамтарсан уул уурхайн компани Рио Тинтогийн есөн хувийг эзэмшдэг.

2010 онд Чайналько өмнөх жилийн 4.62 тэрбум юанийн алдагдалтай харьцуулахад өсөлт гарч 778.01 сая юанийн ашигтай ажиллажээ.

2011 оны долдугаар сард Чайналько Монголын Тавантолгойн ордоос жилд 15 саяас багагүй коксжих нүүрс импортлохоор урт хугацааны гэрээнд гарын үсэг зурсан юм.

Чалько Гвиней улсын төмрийн хүдрийн Симандоу төсөлд Рио Тинто компанитай хамтран төмрийн хүдрийн төсөл хэрэгжүүлж байна.

Компанийн тухай

Чалькогийн охин компани болох China Aluminium International Engineering Corporation Ltd (CHALIECO) Олон улсын инженерийн корпораци нь тус компанийн дотоодын болон олон улсын зах зээлд чиглэсэн металл, уул уурхай, металлург, хөнгөн цагаан, магнийн төслүүдэд инженер, зөвлөгөө, гэрээ байгуулах үйл ажиллагааг эрхэлдэг. Чалько нийтдээ 30 гаруй металлын уурхай, хөнгөнцагаан цэвэршүүлэх зургаан үйлдвэр, хөнгөнцагаан хайлуулах 133, магни, титан хайлуулах 43 үйлдвэр, нүүрстөрөгчийн бүтээгдэхүүний 77 үйлдвэртэй аж. БНХАУ-ын хөнгөнцагааны хэрэгцээний 60 хувийг нийлүүлдэг.

Аварга том төрийн өмчит хөнгөн цагааны бүлэг Чалько БНХАУ-д байгаль орчин бохирдуулдаг талаар илт шүүмжлэгддэг боловч Перу улс дахь зэсийн уурхайн хөрөнгө оруулалт нь байгаль орчинд ээлтэй гадаад хөрөнгө оруулалтын загвар хэмээн үнэлэгддэг байна. Чалько корпораци Перу улсын Торомочу зэсийн уурхайг 2007 оноос эзэмших болсон. Шиньхуа агентлагийн мэдээлснээр тус уурхай нь 12 сая тонн гаруй зэсийн нөөцтэй бөгөөд энэ нь БНХАУ-ын зэсийн дотоод нөөцийн 19 хувьтай тэнцэх аж.

Одоогийн байдлаар Чалько, бүтээгдэхүүний борлуулалт, үйлчилгээ үзүүлэх маркетинг хариуцсан 18 охин компани, салбар, борлуулалтын хэлтэс, борлуулалтын гурван компани болох Шанхай хотын Чалко Кайлин Хөнгөн цагаан ХХК, Чалко Фошан Трейдинг ХХК, Чалко Чунцин ХХК зэрэг компанитай юм. Импорт, экспортын хувьд  Хятадын хөнгөн цагааны олон улсын худалдаа ХХК, түүний харьяа Чалко Шаньдун олон улсын худалдаа ХХК, Чалко Хэнань олон улсын худалдаа ХХК, Чалко Цинхай олон улсын худалдаа ХХК хамтран импортын болон экспортын үйл ажиллагааг явуулдаг.

хөнгөнцагааны исэл

Хөнгөнцагааны исэл

Хөнгөн цагааны исэл нь хөнгөн цагаан гулдмай үйлдвэрлэлийн үндсэн түүхий эд юм. Корунд, керамик, галд тэсвэртэй материал үйлдвэрлэлийн чухал түүхий болдог аж. Чалко Шаньдун салбар, Хэнань дахь салбар, Гүйжоү салбар, Шаньси салбар Гуанши салбар, Zhongzhou салбарууд  жилд есөн сая тонн хөнгөнцагааны исэл гаргадаг байна.

Дахин хайлуулсан хөнгөнцагаан гулдмай

Дахин хайлуулсан хөнгөнцагаан гулдмай

Дахин  хайлуулсан хөнгөн цагаан гулдмай хөнгөн цагаан бүтээгдэхүүн үйлдвэрлэх гол түүхий эд болдог. Барилга, цахилгаан, сав баглаа боодол, тээвэрлэлт, өдөр тутмын хэрэглээний бүтээгдэхүүн гэх мэт олон салбарт өргөн ашиглах боломжтой дулаан, цахилгаан дамжуулах, гэрэл, зэврэлтэнд тэсвэртэй, уян, дахин боловсруулах онцлог бүхий байгаль орчинд ээлтэй, металл материал юм. Дахин хайлуулсан хөнгөнцагаан гулдмай үйлдвэрлэдэг компаниуд нь: Шаньдун салбар, Хэнань дахь салбар, Гүйжоү салбар, Гуанши салбар, Цинхай салбар, Фушун, Жөнжоү эрдэм шинжилгээний хүрээлэн, Ланжоу , Шаньси Хөнгөн цагаан, Эрчим хүчний ХХК зэрэгт жилд гурван сая тонн үйлдвэрлэх хүчин чадалтай.

Гали, галийн исэл

Хөнгөнцагаан химийн бодис

Хөнгөнцагааны химийн бодис үйлдвэрлэлд хөнгөн цагаан, хөнгөн цагааны гидроксид, хөнгөнцагааны исэл, хөнгөн цагааны бусад нэгдэл хамаарна. Хөнгөнцагааны химийн бодисыг хиймэл хавтан, утас, кабель, керамик, галд тэсвэртэй материал, угаалгын бодис үйлдвэрлэл, нефть-химийн салбарт өргөн ашиглаж байна. Чалько Шаньдун салбар, Хэнань салбар, Чонжоу дахь салбар, Гүйжоү салбар, Жөнжоү судалгааны хүрээлэн  хөнгөн цагаан химийн бодис гаргадаг.

Карбон материал

Хөнгөнцагаан гулдмай үйлдвэрлэхэд гол туслах материал болдог. Жилд 12 сая тонн гаруй бүтээгдэхүүн үйлдвэрлэдэг бөгөөд Хятад төдийгүй Европ, Америк, Зүүн өмнөд Азийн орнуудад уг бүтээгдэхүүнээ нийлүүлдэг.

Цэвэр хөнгөнцагаан, хөнгөнцагааны хайлш

Өндөр цэвэршүүлэлттэй хөнгөнцагаан, хөнгөнцагааны хайлш бүтээгдэхүүнийг агаарын тээвэр, сансар судлал, электроник, цахилгаан эрчим хүч, тээвэр, хөнгөн үйлдвэрийн барилгын материал зэрэг салбарт хэрэглэгддэг дэвшилтэт боловсруулсан бүтээгдэхүүн юм. Гол үйлдвэрлэгч нь Чалько Шаньдун салбар, Гуйжоу салбар, Бугат хөнгөнцагаан салбар зэрэг болно.

Гали, галийн исэл

Галийн арсенит, галийн фосфит, галийн антимонит зэрэг хагас дамжуулагч материал үйлдвэрлэх гол түүхий эд болдог.

Цэвэр хөнгөнцагаан, түүний хайлш
Өндөр цэвэршүүлэлттэй хөнгөнцагаан, хөнгөнцагааны хайлш бүтээгдэхүүнийг агаарын тээвэр, сансар судлал, электроник, цахилгаан эрчим хүч, тээвэр, хөнгөн үйлдвэрийн барилгын материал зэрэг салбарт хэрэглэгддэг дэвшилтэт боловсруулсан бүтээгдэхүүн юм. Гол үйлдвэрлэгч нь Чалько Шаньдун салбар, Гуйжоу салбар, Бугат хөнгөнцагаан салбар зэрэг болно.

Бэлтгэсэн: Ч.Баттулга

http://investor.mn/2017/01/02/