Алмаз 1991 онд Lac de Gras бүс нутгийн ойролцоо Point нуурын орчимд нээгдсэнээс хойш Экати, Диавик уурхайнууд, мөн Jericho-3, Snap Lake-4 зэрэг алмазны уурхайнууд нээгджээ. Экати болон Диавик уурхайнууд хоорондоо 100 орчим км зайтай байдаг.  Дэлхийн уул уурхайн тэргүүлэгч Австралийн "BHP Billton” компани Экати уурхайн 80 хувийг эзэмшигч байсан юм. 1998-2002 онууд дахь Канадын алмаз олборлолтод хийсэн судалгаагаар нийт 13.8 сая карат 2.8 тэрбум ам.долларын өртөг бүхий үнэт чулуу цэвэр алмаз үйлдвэрлэсэн нь нэг өдөр тутамд 1.5кг үйлдвэрлэл явуулж байсан гэсэн үг юм. 2003 он гэхэд Канад дэлхийд Ботсван, Оросын дараагаар гурав дахь том алмаз үйлдвэрлэгч орон болсон бол Канадын Доминион Даймонд корпораци байгуулагдаад 20 хүрэхгүй жилийн хугацаанд дэлхийд тавд орох алмаз олборлогч болж чаджээ.

Доминион Даймонд Корпорейшн компани Торонто болон Нью-Йоркийн хөрөнгийн биржид бүртгэлтэй, Канадын Онтарио мужийн Торонто хотод байрладаг.

Тус корпораци 20 жилийн өмнө Абер даймонд корпораци нэртэйгээр Канадын Торонто хотод алмазны уурхай, жижиглэн худалдааны компани болон байгуулагджээ. Одоо тус компани Диавик Даймонд уурхайн төслийн 40 хувийг эзэмшдэг. Диавик Даймонд уурхай нь Канадын хоёр дахь том очир алмазны уурхай бөгөөд Доминион Даймонд корпораци нь Рио Тинто группын охин компани болох Диавик Даймонд Инк компанитай хамтран тус уурхайн төслийг хэрэгжүүлдэг. 2002 оны 11 дүгээр сард тус уурхайн олборлолт эхэлсэн байна.

2012 онд компани Би Эйч Би Биллитон компанийн алмазны уурхай Экати Даймонд /Диавик уурхайн зэргэлдээ оршдог/ уурхайг худалдан авчээ. Диавик, Экати уурхайнууд нь дэлхийд очир алмаз олборлолтоор ес болон 19 дүгээрт орох томоохон уурхайнууд бөгөөд 2014 онд тэдгээрээс долоон сая карат очир алмаз олборлохоор төлөвлөсөн байна.

Тус компанийн алмазны жижиглэн худалдаа эрхэлдэг түүний эзэмшлийн нэг хэсэг Харри Уинстон Инк компанийг 2013 оны нэгдүгээр сарын 14-нд Швейцарийн The Swatch Group Ltd–д борлуулах гэрээ хийжээ. Дэлхий даяар 535 ажилтан, Женев дахь тансаг зэрэглэлийн брэнд очир алмаз болон цагны үйлдвэрлэлийн компанийг 750 сая ам.доллараар заржээ.

Компанийн түүх

Компани 1994 онд Диавик Даймонд уурхайг нээгдэхэд байгуулагдсан. 2013 онд өөрийн тансаг зэрэглэлийн брэнд бүтээгдэхүүний бизнесийн хэсэг Харри Уинстон-ыг татан буулгаж, Экати алмазны уурхайн эзэмшигч болж Доминион Даймонд Корпорейшн гэсэн шинэ нэртэйгээр үйл ажиллагаа явуулах болсон.

1994 онд Абер Даймонд Корпорейшн (дараа нь Харри Уинстон Даймонд болон Доминион Даймонд Корпорейшн) байгуулагдсан.

1994 онд  Диавик Даймонд уурхай нээгдсэн.

2003 онд Диавик уурхайн олборлолт нэгдүгээр сард эхэлжээ. Гуравдугаар сараас алмазны эхний борлуулалт хийсэн.

2004 онд Абер очир алмаз болон цагны тансаг зэрэглэлийн брэнд худалдааны Харри Уинстон инк компанийн 51 хувийг худалдан авсан.

2006 онд Абер, Харри Уинстон инк-ийг 100 хувь эзэмшилдээ авсан.

2007 онд Абер Даймонд Корпораци нэрээ өөрчилж Харри Уинстон Даймонд Корпорейшн нэрээр Нью-Йоркийн Хөрөнгийн биржид бүртгэлтэй болжээ.

2012 онд компани Экати Даймонд уурхайг худалдан авснаа зарлажээ.

Алмазны өнгөний төрөл

2013 онд компани Харри Уинстон инк-ийг татан буулгаж, Экати уурхайн эзэмшигч болж Доминион Даймонд Корпорейшн нэртэйгээр өөрчлөгджээ.

Диавик алмазны уурхай

Лондонд төвтэй Рио Тинто компани, Канадын Доминион Даймонд корпораци тус уурхайд 1.3 тэрбум ам,доллар зарцуулсан бөгөөд туйлын тойргоос 220км зайд хасах 50 хэмийн хүйтэнд мөсөн доороос тэрбум жилийн настай карбоны талст бүхий кимберлит өдөрт 5000тн гаргаж баяжуулах үйлдвэр рүү туузан дамжуулагчаар тээвэрлэдэг байна.

Диавик Даймонд уурхай Канадын хамгийн том алмазны уурхай. Диавик уурхай 1994, 1995 онд кимберлитийн хоолой гэж нэрлэгдэх алмаазны тархалттай дөрвөн орд газар нээгдсэнээр байгуулагджээ. Уг уурхай хойд туйлын бүсээс 220км , Канадын хойд нутаг дэвсгэрийн нийслэл Yellowknife хотоос 300км зайд орших алслагдмал 20 км2 Lac de Gras арал дээр байрладаг.

Диавик уурхай 2003 оны нэгдүгээр сард алмаз үйлдвэрлэж эхэлсэн ба тухайн жилийн гуравдугаар сард анхны алмаз борлуулсан. Диавик уурхайн алмаз  олон улсын очир алмазны арилжааны зах зээлд өндөр үнэлгээтэйд тооцогддог. Ихэнхдээ нэг карат түүнээс том хэмжээтэй цагаан өнгөтэй, тунгалаг алмаз байдаг байна. Диавик–ийн алмазны онцгой агуулга тус уурхайг дэлхийн хамгийн үнэ цэнэтэй, үр ашигтай алмазны уурхайн нэг болгодог аж.

Доминион Даймонд корпораци, Диавик Даймонд уурхайн үйл ажиллагаанд дэлхийн хоёр дахь том уул уурхайн компани Рио Тинто-гийн охин компани болох Диавик Даймонд Майнз Инк компаниар олборлолтыг явуулдаг бөгөөд Доминион Даймонд корпораци-ийн хийсэн гэрээний дагуу хөрөнгийн зардлын 40 хувийг гаргах ба олборлосон алмаз бүтээгдэхүүний 40 хувийг мөн авдаг аж.  Одоогоор олборлож байгаа гурван кимберлитийн хоолой A154 Өмнөд, A154 Хойд болон A418 хоолойнууд дэлхийн бусад алмазны ордуудтай харьцуулахад бага диаметртэй боловч маш өндөр агуулгатай юм байна. 2012 оны 12 дугаар сарын 31-ний байдлаар Диавик Уурхайн нөөц батлагдсан болон боломжит 52.5 сая карат бөгөөд 2022 он хүртэл олборлохоор тооцоолжээ.

Экати алмазны уурхай

Экати алмазны уурхай

Экати алмазны уурхай нь Канадын анхны гадаргын болон гүний алмазан уурхай юм. 1981 оноос хайгуул, бүтээн байгуулалтын ажил эхэлж 1998 онд албан ёсоор олборлолт явуулж эхэлсэн байна. Диавик уурхайтай адил Экати уурхайн талбай нь хойд нутаг дэвсгэрийн нь Lac де Gras бүс нутагт оршдог.

Экати уурхайн үйлдвэрлэдэг алмааз сайн чанараараа алдартай. Уурхайгаас олборлосон хамгийн том очир алмааз нь 2010 онд олж илрүүлсэн бөгөөд 2011 онд дуудлага худалдаагаар худалдсан 78 каратын Ekati Spirit юм. 2011 онд нийт олборлолт 50 сая карат болсон байна.

Уурхайн эхний жилүүдэд зургаан ил уурхайд олборлолт явуулж байжээ. Экати Даймонд уурхай одооогоор Хойд кимберлитийн хоолой Koala далд уурхайн болон Фокс ил уурхай /бага агуулгатай боловч өндөр караттай/-д үйлдвэрлэл явагддаг.2012 онд Доминион Даймонд корпораци дэлхийн уул уурхайн тэргүүлэгч Австралийн BHP Billton компанийн эзэмшдэг байсан Экати уурхайн 80 хувийн эзэмшлийг худалдан авснаа зарлажээ.

Диавик алмазны уурхай

Бэлтгэсэн: Ч.Баттулга

Эх сурвалж: http://www.ddcorp.ca/

http://www.therichest.com/expensive-lifestyle/entertainment/top-5-diamond-companies-in-the-world/