<!-- MBegin:http://dursamj.mn/uploads/posts/2017-08/1503646817_11141.jpg| --><!-- MEnd -->

Тэрбээр анх 39-н насандаа "Win Win Tint” гэр бүлийн хүнсний дэлгүүрийг эрхэлж, супермаркет, дэлгүүр, эмийн сан, номын дэлгүүр гэх мэт жижиглэн худалдааны нэгдлийг анх удаа бий болгож байсан гэдэг.

Өдгөө түүний үүсгэн байгуулсан "Монполимет" группМонголын уул уурхайн салбарт томоохон байр суурийг эзэлдэг тэргүүлэгч компаниудын нэг болж чадсан. Тус компанийн жилийн орлого нь 60 сая доллар бөгөөд Тосон алтны орд, Сэнжит худгийн шохойн чулууны орд зэргийг эзэмшдэг гэсэн.

Тэр 500 гаруй хүнийг ажлын байраар хангаж дэлхийн хамгийн сүүлийн үеийн байгальд ээлтэй эко технологийг үе шаттайгаар нэвтрүүлж байна. Өнөөдөр тус группынхэн цементийн үйлдвэрийнхаягдал дулааныг дахин боловсруулж эрчим хүч үйлдвэрлэх шинэ үйлдвэрээ барьж энэ жилдээ ашиглалтанд оруулахаар ажиллаж байгаа аж. Энэ технологи бүхий цахилгаан станц Монголдоо анх удаа гэхээр бахархмаар.

Тэгвэл зах зээлийн нийгмээс өдийг хүртэл бизнесийн талбарт цуцалтгүй зүтгэсэн Ц.Гарамжав хатагтай 2016 оны УИХ-ын сонгуульд МАН-аас Сонгинохайрхан дүүргийн 71-р тойрогт нэр дэвшиж ялснаар УИХ-ын гишүүн болсон.

УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Ц.Гарамжав улстөрд ороод хэд хэдэн хуулиудыг санаачилсан байдаг. Түүнчлэн УИХ дахь эмэгтэй гишүүдийн дуу хоолой болж, сонгогдсон тойрогтоо ч чамгүй хөрөнгө зарж, бүтээн байгууллалт хийж байгаа гэх юм билээ.

Түүний талаар сайнтай, саартай олон мэдээлэл хөвөрдөг. Тэгвэл саараас илүүтэй сайныг дуулгах нь зүйтэй.

Сонгогдсон тойргийнх нь 31-р хороо цэцэрлэгийн хүртээмж муу учир сургуулийн өмнөх насны хүүхдүүд, тэдний эцэг эхчүүд өвлийн хальтиргаа, хаврын хавсарганаар урт замыг туулж 1-р хорооллын бусад хороодын цэцэрлэгт хамрагдсаар ирсэн аж. Тэгвэл Ц.Гарамжав гишүүнтус хороонд Хапитат төслийн хөрөнгө оруулалтаар баригдсан боловч ашиглагддаггүй халуун усны барилгын зориулалтыг өөрчлөх иргэдийн хүсэлтийн дагуу Улсын болон Нийслэлийн Мэргэжлийн хяналтын газрын дүгнэлтийг үндэслэн 120 хүүхэд хүлээн авах хүчин чадалтай шинэ цэцэрлэгийн ажлыг эхлүүлжээ. Энэ түүний тойрогтоо хийж буй ажлуудын нэгээхэн хэсэг.

Тэрбээр уг цэцэрлэгийг зүгээрч нэг даалгаад орхисонгүй, ихээхэн сэтгэл гаргаж байгаа нь харагдсан хэмээн тойргийнх нь иргэд ярьж байсан. Хүүхдийн цэцэрлэг учир тэдний эрүүл мэндэд хор нөлөөгүй барилгын материал түлхүү ашиглах, халаагуур гэхэд хурц ирмэггүй, сангийн холболтууд нь халуун ус алдах эрсдэлтэй байдаг тул гагнах зэрэгт анхаарч сэтгэл гарган ажиллаж байгааг дурьдах нь зүйтэй.

<!-- MBegin:http://dursamj.mn/uploads/posts/2017-08/1503646749_11137.jpg| --><!-- MEnd -->

<!-- MBegin:http://dursamj.mn/uploads/posts/2017-08/1503646776_11138.jpg| --><!-- MEnd -->

<!-- MBegin:http://dursamj.mn/uploads/posts/2017-08/1503646826_11139.jpg| --><!-- MEnd -->

<!-- MBegin:http://dursamj.mn/uploads/posts/2017-08/1503646743_11140.jpg| --><!-- MEnd -->

Мөн 1980-аад оноос хойш манай улсад нэг маягийн зураг төслөөр баригдсан нэлээдгүй олон сургууль эцэрлэгүүдэд зөвхөн дулааны улиралд ашиглагдах зориулалт бүхий хана тааз нимгэнтэй, дулаалга муутай байдгийг шинэчлэн засварлаж хүүхэд суралцах анги болгон тохижуулах санаачлага гаргажээ. Тэрбээр Мөнх тогтвортой хөгжил сангийн дэмжлэгээр өнгөрсөн онд СХД-ийн 110-р цэцэрлэгийн сэрүүн 2 өрөөг MNS 6558:2015 орчны стандартын дагуу засварлан тохижуулж 50-60 хүүхэд шинээр элсэн орсон аж. Ц.Гарамжав гишүүн энэ ажлаа үргэлжлүүлэн Өнөр хорооллын 104, 112-р цэцэрлэгүүдэд дээрх туршлагыг хэрэгжүүлж мөн тооны хүүхдүүдийг энэ онд хүлээн авахад бэлэн болжээ.

Мөнгөтэй, бэлтэй бүхэн алт руу хошуурч эхэлсэн үеэс "Эрэл”-ийн Б.Эрдэнэбат, "Монгол газар”-ын Ц.Мянганбаяр нарын эрчүүттэй мөр зэрэгцэн явж ирсэн Ц.Гарамжав хатагтайг улс төрд хөл тавиад ашиг сонирхол харсангүй, тойрогтоо чамгүй олон ажлуудыг ээлж дараатай хийж байгаа хэмээн сонгогчид нь ам сайтай байгаа аж.

Ц.Гарамжав гишүүн тойрогтоо хийхээр төлөвлөсөн ажлуудаа иргэдийн санал санаачлагад илүүтэй тулгуурласан, эхлүүлсэн ажлууд нь ямар шатандаа яваа талаар мэдээлэл өгч, санал солилцдог гэнэ. Тэр УИХ-ын гишүүний бүрэн эрхээ хэрэгжүүлээд удаагүй байхдаа нэлээд олон ажлыг эхлүүлж заримыг нь бүр дуусгасан байдаг. Тухайлбал 30, 31 дүгээр хорооны зам засварын ажил, цахилгаан хангамжийг сайжруулах, усан хангамжийн цэгийг нэмэгдүүлэх, 113, 118 дугаар цэцэрлэгийн өргөтгөл, засвар гээд олон ажлыг санаачлан хэрэгжүүлж байна. Мөн ахмадын баярын өдрөөр ахмадын төлөөлөлтэй уулзаж баярын мэнд хүргэн "Ахмадын чийрэгжүүлэх төв”-ийг тохижуулахад хандив өргөж байнгын асаргаанд байдаг хэвтрийн 280 өндөр настанд гарын билгээ хүргүүлсэн байна.

<!-- MBegin:http://dursamj.mn/uploads/posts/2017-08/1503646783_11142.jpg| --><!-- MEnd -->

Эх сурвалж: Bolod.mn