- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
“Хотгор шанага”-д 52 тэрбум төгрөг төлсөн солонгосчууд “амаа барьж” байна
"Korea Coal” корпораци Монголд "лааз өшиглөж” байна
Ерөнхийлөгч
асан И Мёг Пак хилийн чанад дахь байгалийн баялагийн ашиглалтыг
сайжруулах ажлыг эрчимжүүлснээр өндөр ашигтай ажиллаж байсан "Korea
Coal” корпораци ч энэ ажилд ханцуй шамлан орсон. "Korea Coal” корпораци
нь 2010 онд Монголд орд газар худалдан авсан. Гэвч түүнээс хойш гурван
жил өнгөрсөн ч үр ашиг хүртэлгүй "лааз өшиглөх” дээрээ тулжээ. Энэ нь
тухайн үеийн Ерөнхийлөгч И Мёг Пакийн арийн хаалганы дарга нарын
хариуцлагагүй хөрөнгө оруулалтын үр дүн юм.
Монгол
Улсын нийслэл Улаанбаатар хотоос баруун хойш 1000 гаруй километр,
онгоцоор хоёр цаг, цааш машинаар гурван цаг гаруй явж "Хотгор шанага”
уурхайд хүрнэ. Өнгөрөгч 2010 онд "Korea Coal” корпораци 26 тэрбум вон
(одоогийн ханшаар ойролцоогоор 52 тэрбум төгрөг)-оор тус ордыг худалдаж
авсан юм. Гэвч тус орд одоогоор хов хоосон байна. Нүүрс ухаж, зөөж байх
ёстой техник хэрэгслүүд "өвлийн ичээ”-ндээ орж, олборлолт нь зогссон
уурхайн дундуур ямаан сүрэг тайван бэлчих аж. Хаалга нь хаалттай байгааг
та бүхэн харж байна. Ордыг худалдан аваад гурван жил өнгөрсөн ч,
олборлосон нүүрсийг нь авах худалдан авагч олдохгүйгээр тэд хаалгаа
барихад хүрсэн хэрэг. И Мён Пакийн Засгийн газрын үед гадаад дахь
байгалийн баялгийн олборлолтыг сайжруулах нэрийдлээр нарийн судалгаа ч
хийлгүй хэдэн арван тэрбумаар худалдан авсан орд газар нь одоо
"толгойны өвчин” болж хувирчээ.
Тухайн үед "Korea Coal” корпорацийн гүйцэтгэх захирлаар ажиллаж байсан И Ган Ү нь эхний жилээсээ эхлэн жил бүр дунджаар 300 мянган тонн нүүрс олборлох боломжтой гэдгийг баталж байсан юм. Гэвч олборлолтын хэмжээ нь 2011 онд дөнгөж 86, өнгөрсөн жил 15 мянган тонн болж буурсан аж. Харин энэ онд бүр 1100 тонн болтлоо буурчээ. Олборлосон нүүрсээ борлуулах газар байхгүйгээс олборлолтоо зогсоосон нь энэ.
Нутгийн иргэд нь ч таашаадаггүй
Ойр хавьд амьдардаг нутгийн иргэн энд нүүрс шуудайлж байна. Сайтар ажиглавал харьцангуй том хэмжээтэйг нь ялган шуудайлж байлаа. Иймэрхүү том хэмжээтэй нүүрс нь илчлэг муутай боловч удаан шатдаг учир нутгийн иргэд илүүд үздэг. Зах дээр ч гэсэн энэ нүүрсийг зардаг аж. Харин "Korea Coal” корпорацийн олборлодог нүүрсний ихэнх хувь нь нунтаг нүүрс. Тиймээс нутгийн иргэд хүртэл энэ нүүрсийг таашаадаггүй. Нунтаг нүүрс нь дулааны цахилгаан станцад илүү тохиромжтой байдаг аж. Гэвч ойр орчмын хэдэн зуун километрт дулааны цахилгаан станц байдаггүй юм байна. Гэсэн ч "Korea Coal” корпорацийнхан ордыг ирээдүйтэйд тооцсон хэвээр. "Хотгор шанага” уурхайн ТУЗ-ийн гишүүн Ким Тэ Үг "Хотгор шанага уурхай нь Орос болон Хятадын хилд хамгийн ойр оршдог. Нөөцийн хэмжээ нь 500 сая тонн бөгөөд үнэлгээ өндөртэй коксжих нүүрс болох нь тогтоогдсон. Дэд бүтцийг нь сайжруулчихвал "Korea Coal” корпораци төдийгүй БНСУ-д ч ихээхэн ашигтай уурхай юм. "Korea Coal” корпораци өнгөрөгч аравдугаар сард энэ уурхайгаас нүүрс импортлох гэрээ байгуулснаа мэдэгдсэн боловч хилээр нэвтрүүлэхтэй холбоотой асуудлуудыг шийдвэрлэж чадаагүйгээс хэрэгжүүлж эхлээгүй л байна” гэлээ.
"Сүнжин” зочид буудлыг ажиллуулдаг NRD 800 сая воны хөрөнгө оруулсан”
Хатаж хуурайшсан газар, шороон зам… Худалдан авагч олдсон ч тээвэрлэлтэд нь асуудал үүсчээ. Нэгэн ачааны машин бидний сууж яваа машиныг гүйцэж түрүүлэхэд л нарийн шар шороонд өмнөх зам үзэгдэхээ байх нь тэр. Зориулалтын зам байхгүй учраас машинуудын дуртай газраараа явсаар хоёр, гурван ч салаа зам үүсчээ.
Энэхүү орд газарт хийсэн хөрөнгө оруулалт нь И Мён Пак Ерөнхийлөгчийн үеийн "арын хаалганы” гэх дарга нарын бүтээл билээ. Түүгээр ч үл барам орон нутгийн (Монгол дахь) хамтран ажилладаг компани нь хүртэл "арын хаалга”-ны дарга нартай ямар нэг байдлаар холбоотой компаниуд байв. NRD бол Солонгос-Монголын хамтарсан Монголд төлөөлөгчийн газартай, эрүүл мэндийн бүтээгдэхүүн борлуулдаг компани аж. Захирлаар нь томилогдсон Жу Гуан Илтэй танилын холбоотой байсан учраас энэ уурхайн олборлолтыг санал болгосон. Тэрбээр таньдаг байгууллагаараа дамжуулан Монгол дахь уурхайд хөрөнгө оруулах асуудлыг шийдсэн болж таарч байгаа юм. Мөн "Korea Coal” Corporation-ны олборлолттой холбоотойгоор хамтран ажилладаг байгууллагууд нь байгалийн баялаг ашиглах, олборлох салбартай холбоогүй, ямар ч туршлагагүй байлаа. NRD нь эрүүл мэндийн бүтээгдэхүүнээс гадна Монголд "Сүнжин” зочид буудлын үйлчилгээ эрхэлдэг аж. Энэхүү хөрөнгө оруулагчид нь тус бүр 800 сая воны хөрөнгө оруулалт хийсэн байна. Харин "Korea Coal” корпораци хоёр тэрбум 400 сая воны хөрөнгө оруулалт хийж үйл ажиллагааны зардал болох 23 тэрбум 500 сая воныг ч хариуцахаар болжээ. Нийт хувьцаанаас NFD болон Sunjin тус бүр 20 хувь нийт 40 хувь эзэмших бөгөөд захиран зарцуулах эрх ч тэдний гарт байдаг байна. Үр ашигтай ажиллавал эдгээр газрууд ашиг олж, хохирол амсвал "Korea Coal” корпораци хариуцахаар зохицуулсан тогтолцоо юм. Одоогоор "Korea Coal” корпораци нь 26 тэрбум воны хөрөнгө оруулсан ч, 100 сая воны л ашиг олоод байна. Хөрөнгө оруулалтын ихэнх хувийг авч хэрэглэсэн бөгөөд дараа жилээс ажилчдынхаа цалинг тавих ч боломжгүй болоод байгаа юм. Урьд нь хуримтлагдсан нэг их наяд 400 тэрбум вонын өртэй, түүний хүүнд өдөрт 150 сая вон төлдөг "Korea Coal” корпорацийн хувьд энэ нь бас нэгэн том ачаа болоод байна. Алдагдал хүлээхгүй, бидэнд итгэж болно гэж амласан эдгээр компани "Korea Coal”-ыг орхисны дараа ямар нэг байдлаар хариуцлага хүлээсэн хүн нэг ч байхгүй.
И Ган Ү: Асуудал яаж шийдэгдсэнийг би мэдэхгүй байна
"Korea Coal” корпорацийн гүйцэтгэх захирлаар ажиллаж байсан И Ган Ү "Алдагдалтай гэж үзэхгүй байна. Энэ жилдээ 300 мянган тонныг олборлож чадна. ТУЗ-ын даргын хувьд би хариуцах болно” хэмээн амалж байсан. Гэтэл тэрбээр өнгөрсөн жил сонгуульд өрсөлдөхөөр үүрэгт ажлын хугацаагаа дуусгалгүй албан тушаалаа хүлээлгэн өгчээ. Одоогоор эрх баригч намыг төлөөлөн Кангвонду Вонжугаас сонгогдсон парламентын гишүүнээр ажиллаж байна. Үүнээс "Би хариуцах болно” гэсэн амлалтынх нь талаар асуулаа.
-Монгол дахь уурхайн асуудалд хариуцлага хүлээх болно гэж байсан. Яг ямар байдлаар хариуцлага хүлээж байгааг тань асуух гэсэн юм?
-Тэр асуудал яаж шийдэгдэж байгааг одооогоор би сайн мэдэхгүй байна. Борлуулах арга байхгүйгээс түр зогссон байгаа. Тэрийг "Korea Coal” Corporation-аас гарснаасаа хойш сайн мэдэхгүй байна.
"Би хариуцна” хэмээж байсан хүн ийн хариулж байна. Үр ашиггүй хөрөнгө оруулалтаар "Korea Coal” Corporation-ын өрийн хэмжээг нэмэгдүүлсэн Монгол дахь ордны асуудал хариуцах эзэнгүйгээр гурав дахь өвөлтэйгөө золголоо.
http://dardas.mn/?p=3622
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
