МАХН-ын дарга Н.Энхбаярын дүү Энхтуяа нь одоо ч гадаадад байгаа бөгөөд Монголд ирээгүй. Ирэхгүй байгаа нь олон нийтийн дургүйцлийг төрүүлж байгаа бол энэ явдлыг овжиноор ашиглах хүн ч гарч иржээ. Бүр МАХН-ын даргын хүргэн гэж ярьж явсаар алтны уурхайд эзэн суугаад авсан байна. Цагтаа Германаас хүнсний бүтээгдэхүүн оруулж ирдэг бизнесмэнүүдийн дунд "баян Ганбаа”, "ёншгоот” гэж алдаршсан А.Г нь Булган аймгийн Дашинчилэн сум дахь Бүдүүн-Ухаагийн алтны уурхайн эзэн Б.М гэдэг эмэгтэйд өөрийгөө МАХН-ын дарга Н.Энхбаярын  дүү Энхтуяагийх нь нөхөр хэмээн бүрэн итгүүлж чаджээ.   Намын даргын хэрэгтэйгээр холбогдон хамаг эд хөрөнгийг нь битүүмжлсэн, "эхнэр” нь гадагшаа зугтаагаад явчихсан гэх зэргээр ярьжээ. Захирал хатагтай ч эхнэр хүүхдээсээ хол байгаа эр хүн хэмээн эвийлж өрөвдсөн нь алдаа болсоныг хожим нь ойлгосон гэнэ. МАХН-ын даргын "хүргэн” захирал эмэгтэйгээс хөөрөг барьцаалж 35 сая, нэмж 20 сая, лицензийн төлбөр нэрээр 34 сая, гэртээ мөнгө хадгалж болохгүй хэмээн итгүүлэн 200 сая, Ховд аймгийн Цэцэг суманд ашиглалтын А лиценз авч өгнө гэж итгүүүлэн 350 сая, Булган аймгийн Дашинчилэн суманы Бүдүүн-Ухаагийн алтны ордтой "Бэрхийн нурамт” компанийг худалдан авч өгнө хэмээн 300 сая гэх мэтээр залилсан байна. Захирал хатагтай ч итгээд өгөөд байсан нь гайхалтай.  Тухайн үед захирал нь эмэгтэй хүний хувьд бизнес дээрээ ганцаардаж байсан бололтой. Мөн компаний хөрөнгөний талаар ч шүүх цагдаад маргаан үүссэн байжээ. Энэ үед МАХН-ын даргын "хүргэн” өмнө удирдлагын талаар элдэв зүйл ярьж мөн хуулийн байгууллагад танил тал ихтэйгээ гайхуулжээ. Ингээд итгэлийг нь олж захирал хатагтайн бариулсан 12 давхар орон сууцны нэг байранд түрээсгүй шахам суух болжээ. Хамтдаа зүүн өмнөд ази, Макаогоор аялжээ. 200 сая төгрөгний тухайд "гэртээ мөнгө хадгалах аюултай, нэгжлэг хийгээд гарч ирвэл шууд хураадаг” хэмээн итгүүлж чемодан дүүрэн мөнгийг нь аван өөрийн эгчийнхээ гэрт аваачиж тавьжээ. Маргааш нь тэр мөнгөөрөө өрөө дарж мөн "Вагнер Ази” компаниас "Форд раптор” машин 120 сая төгрөгөөр худалдаж авчээ. Дараа нь Ховд аймгийн Цэцэг суманд алтны А лицензийг дүүгийх нь "Дорнод монгол полемит” компаний нэр дээр гаргаж өгнө хэмээн 350 сая төгрөг аваад таг болжээ. МАХН-ын даргын "хүргэн” Булган аймгийн Дашинчлэн суманд алтны уурхайтай "Бэрхийн нурамт” компанийг 500  сая төгрөгөөр худалдан авах ажлыг биечлэн гүйцэтгэхдээ захирал хатагтайн дүүгийх нь нэр дээр авах ёстой байсан ч компаний гэрчилгээг өөрийн нэр дээр гаргуулсан гэнэ. Захирал хатагтайг "бид хамт ажиллаж байна, тэртэй тэргүй чинийх юм чинь санаа зоволтгүй” гэж тайвшруулжээ. Ингээд энэ уурхай эрэгтэй эмэгтэй хоёр захиарлтай болжээ. Бүх санхүүжилтийг эмэгтэй захирал гаргаж эрэгтэй нь тоног төхөөрөмж, хангамжийн асуудлыг хариуцдаг болжээ. Хэн хэн нь өөрийн талын хүмүүсээ ажилд авчээ. 70 гаруй ажилтантай, дунджаар 1,2 сая төгрөгний цалин өгдөг байсан гэнэ. Гэтэл нэг өдөр эрэгтэй захирлын эхнэр гэх Өлзий гэдэг эмэгтэй уурхай дээр бөөн ууртай бууснаар бөөн хэрэг манджээ. МАХН-ын даргын хүргэн "энэ эмэгтэй Н.Энхбаярын төрсөн дүү Энхтуяа мөн,  урьд шөнө хилээр нууцаар орж ирэхдээ нэрээ өөрчилсөн, бид салсан, намайг алтны уурхай ажиллуулж байгаа болохоор атаархаж хэл ам хийж явна” гэх зэргээр захирал хатагтайг тайвшруулжээ. Гэсэн ч өдгөө үүнд нь итгэсэнгүй. Гадаадад аялалаар явахдаа нэг ч удаа хамт зураг авахуулахгүй байсан зэрэг нь санаанд оржээ. Гадаад дахь дансанд 400 мянган доллар байгаа гэж ярьдагт нь эргэлзэж эхэлжээ.  Ингээд уурхайгаа булаацалдсан маргаан үүсэхэд МАХН-ын даргын  "хүргэн"  өөдөөс нь сейфнээс алга болсон долоон кг алт, татварын байцаагчийг аргалсан хэрэг, Макаод казино тоглоод алдсан мөнгө, өмнө нь дэгдсэн компаний хөрөнгийн маргаан зэрэг олон "данс тооцоог” сөхөж тавьжээ /үргэлжлэл бий/

НУУЦ.мн