- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Алтны ханш өндөр байх шалтгаан
Манай улсын орлогын гол эх сурвалжийн нэг болсон алтны үнэ 2012 онд унци тутамдаа 1700 ам доллараас давж байсан үе бий. Арабын хавар гэж нэрлэгдсэн улс төрийн их хямрал, үймэн самуун, иргэний дайн нэг бус улсыг самарсан нь ингэж өсөх шалтгаан болсон. Түүнээс хойш бага зэрэг буурсан ч 1100-1300 ам.долларт хэлбэлзэж байна. Өндөр ханш дээр тогтвортой байгаагийн шалтгааныг эдийн засагчид евро бүсийн орнуудын тогтворгүй байдал, Иран, БНХАУ, АНУ-ын сөргөлдөөн, Энэтхэг, БНХАУ тэргүүтэй Азийн улс орнуудын амбийц гэж тодорхойлж байгаа юм. Ханшийг өсгөж, буулгах өөр хүчин зүйлүүд бий ч цагийн байдал л гол үүрэг гүйцэтгэдэгийг ханшийн муруйг цаг хугацаа, нөхцөл байдалтай тулгаад харчихад л тодорхой харагдана.
Хамгийн хүнд, хамгийн уян, хамгийн сунамтгай зэрэг онцлог чанартай энэхүү ховор металлын түүхэнд гүйцэтгэсэн үүрэг их. Сан-Франциско, Мельбурн зэрэг томоохон хотын анхны оршин суугчид нь алтны орд нээж баяжих хүсэлтэй "адал явдалд дурлагчид” байлаа. Өөр олон, олон хотууд "Алтны эргүүлэг” гэгдсэн тэр цаг хугацаанд шинэ тивүүдэд бий болсон түүхтэй. Харин дараа нь алт эдийн засагт илүү олон үүрэгтэйгээр оролцож эхэлсэн юм. Европчууд 19 дүгээр зууны үед "Алтан стандарт” гэгчийг бодож олсон бөгөөд мөнгөн тэмдэгтийн ханш нь Төв банкинд хадгалагддаг алтныхаа хэмжээгээр үнэлэгддэг журмыг нэвтрүүлжээ. Учир нь алт бол хэзээ ч үнэ цэнээ алдахгүй байх онцгой чанартай түүхий эд. "Алт хэзээ ч алга болдоггүй юм. Дэлхий дээр эрт үеэс эдүгээ хүртэл олборлогдсон бүх алт одоо ч гэсэн хаа нэг газар хадгалагдаж л байгаа” гэж нэгэн нэртэй банкир хэлсэн гэдэг. Үнэхээр ч техник, технологид хэрэглэгдэж байгаагаас бусад алт хаа нэгтээ байгаа л байж таарна.
Онцгой гэхэд онцгой чанартай энэ металл үнэ ханшийн хувьд харин цаг цөвүүн болоход өгсөж, тайван цагт унадаг сонин зүй тогтолтой аж. Эрэлт нийлүүлэлт, хөрөнгө оруулагчдын хандлага гэд алтны ханшийг тодорхойлоход оролцдог хүчин зүйлүүд олон ч ерөнхийдөө үнээ барьдаг ЗХУ Афганистанд цэрэг оруулж, АНУ капиталист орнууд Москвагийн олимпийг бойкотлосон 1980 онд алтны ханш хамгийн анх 850 ам,долларт хүрсэн. Энэ бол тухай цаг үедээ ухаан санаанд багтамгүй өндөр ханш байлаа. Гэвч энэ байдал удаан үргэлжлээгүй. ЗХУ-д өөрчлөн байгуулалт эхэлж цагийн байдал зөөлрөх шинж илэрсний дараа ханш нь тогтмол уруудсаар ирсэн.
Алтны ханш унци тутамдаа 53 ам,доллар болтлоо уруудаж явсан үе бий. Харин 2001 онд 9/11-ний халдлагын дараа бага, багаар өссөөр 2006 онд 715 ам,долларт хүрсэн. 2008 оны гуравдугаар сарын 17-нд анх удаа 1000-ын босгыг давсан түүхтэй. 2009 онд дэлхий хамгийн хүчирхэг АНУ-ын эдийн засаг ганхаж, төрөөс хувийн компаниудад их хэмжээний мөнгөн тусламж үзүүлсний дараа хөрөнгө оруулагчдын хувьд алт бол хамгийн чухал хэрэгцээтэй эд болж хувирсан билээ. Цагийн байдлыг мэдэрсэн л бол мөнгөө шууд л алт болгоод цүнхэлчих нь хамгийн эрсдэл багатай арга гэдгийг хөрөнгө оруулагчид ойлгож эхэлсэн билээ.
Египетэд өрнөсөн хувьсгал алтны ханшийг үргэлжлүүлэн хөөрөгдчихөв. АНУ-ын далдаас удирдсан Facebook хувьсгал гэгч нь египет, ливи, сирийн мөнгөн тэмдэгтүүдийг богино хугацаанд ам.доллар, евро, фунт, алт болгосон түүх бий. Удахгүй цаас болж мэдэх нөхцөл үүсвэл хэн ч цаасан мөнгөө хатуу валют, хэзээ ч үнээ алдахгүй хөрөнгө болгохоор уралдана шүү дээ.
Яг одоо тогтож байгаа ханшийн өсөлт ч энэ хүчин зүйлсээс л болж байгаа билээ. Лондоны бирж дээр өдгөө унци алт 1285 ам.доллараар зарагдаж байгаа бөгөөд Фэйсбүүк хувьсгал эхлэхэд 1700 ам.доллараас давж, Ливийн дайн ид үргэлжилж, "Лалын улс” мэндэлж байх 2014 онд 1370 ам.доллар байлаа. Түүнээс хойш бага зэрэг өгсөж уруудсан ч 1300 орчим ам.долларт хэлбэлзэж буй.
БНХАУ алт их хэмжээгээр худалдан авч эхэлсний дараа ОХУ, АНУ, Энэтхэг зэрэг орнууд дагалдсан нь ханшийг дээш "чангааж” байгаа. Том гүрнүүд ч гэлтгүй дэлхийн бүх л улсын төв банкууд их бага хэмжээгээр алтны нөөцөө нэмэгдүүлэх бодлого барьж буй нь ханшийг цаашид өндөр буюу 1100 ам.доллараас дээш хэмжээнд тогтмол байна гэж үзэх үндэслэл болж байгаа юм.
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
