- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Хоймор нутаг ХӨВСГӨЛИЙГ ухаж эхлэх нь
"Балдорж" шагналт сэтгүүлч
"...Монгол Улс орших уу, эс орших уу гэдэг Хөвсгөлийн сав газар, экосистемийн тэнцвэрт байдалтай шууд холбоотой гэдгийг дэлхийн олон орны эрдэмтэд хэдийнэ хүлээн зөвшөөрсөн. Хөвсгөл нуур шиг цэнгэг усны асар том нөөц, Хөвсгөлийн тайга шиг тийм том хүчилтөрөгчийн үйлдвэр Монголд өөр байгаа гэж үү. Томоохон голуудын эх ундарга, биологийн олон төрөл зүйлийн диваажингийн орон болсон энэ нутгаас Монгол угсаатны буурал түүхийг салган ойлгох аргагүй.
Бид хоймор нутгаа хамгаалах тэмцлээ яг одооноос эхлүүлж байгаагаа үүгээр дуулгаж байна. Бидний тэмцлийг Хөвсгөл нутгийнхан, хоймор нутгаа хайрладаг монгол хүн бүр уухайлан дэмжинэ гэдэгт итгэж байна...” хэмээн МСНЭ-ийн Ерөнхийлөгч Х.Мандахбаяр пэйж хуудсаараа дамжуулан мессеж нисгэлээ, өчигдөр. Тэгвэл хоймор нутаг Хөвсгөлд яг ямар аюул нүүрлээд байгааг уншигч танд хүргэе.
БАРЬЦАА-1
2019 оны арванхоёдугаар сарын 10. Завхан аймгийн харъяат, Улсын гарьд Ц.Цэрэнпунцаг БНХАУ-ын ”Sinosteel” групптэй энэ өдөр Хөвсгөлийн Овоотын ордыг ухах 100 сая ам.долларын зээлийн гэрээнд гарын үсэг зурсан гэх мэдээлэл хэд хэдэн сайт, сонинд гарсан. Энэ бол монголчуудын буюу ард түмний баялгийг гаднын компанийн дансанд "байршуулж, барьцаалсан” үйлдэл байсан юм. Одоогоор ”Sinosteel” групптэй яг ямар нөхцөлөөр зээлийн гэрээ байгуулсан, хэдэн хувийн хүү төлсний эцэст хэчнээн жилийн дараа ашиг хүртэх вэ гээд олон мэдээлэл нууц байна.
"Аспайр майнинг” компанийн эзэмшлийн лицензүүдийн хуулийн этгээдийн тодорхойлолттой танилцана уу. Хуримт-1 XV-014510, Овоот MV-017098 дугаартай тусгай зөвшөөрөл нь Сингапур улсын 100 хувийн хөрөнгө оруулалттай "Хургатай хайрхан” ХХК-ийн захирал Д.Ачит-Эрдэнэ гэх хүний нэр дээр байдаг юм байна. XV-014510 Хуримт-1 тусгай зөвшөөрлийн талбайн хэмжээ нь 569.23 га бөгөөд 2008 онд анх 20 жилийн хугацаатайгаар авчээ. Харин MV-017098 дугаартай Овоотын нүүрсний ордын тусгай зөвшөөрлийн талбайн хэмжээ нь 5144.04 га талбай бөгөөд 2042 он хүртэл 30 жилийн хугацаатай эзэмшиж байна.
Монгол Улсын валютын нөөц, алтны сан хөмрөг арвижиж үржихээс илүү газар шороо, гол ус, ой хөвчөө хамгаалах асуудал чухал гэдгийг өдгөө хүн бүр ойлгохтойгоо болчихлоо. ХХI зуунд экосистемийн ядуурал улам бүр нэмэгдэж, ган цөлжилт бүх дэлхийг нөмөрнө гэсэн судлаачдын анхааруулга хоосон таамаг биш нь нотлогдсоор байна. Байгалийн гамшиг, цэвэр усны хомсдол хүн төрөлхтнийг сөхрүүлж эхэллээ. Цөлжсөн, ширгэсэн, шатсан, бохирдсон талаарх хар мэдээний архив асар богино хугацаанд зузаарсаар. Дэлхийд Монгол Улс цөлжилтийн дунд болон хүчтэй зэрэглэлд хамаарах болов. Одоогийн байдлаар газар нутгийн минь 80-аад хувь цөлжилтөд өртөөд байна. Энэ гамшиг биш гэж үү.
Чухам ийм гамшиг нүүрлэхийн цагт монголчуудын сүүлчийн хоргодох газар нь Хөвсгөлийн бүс нутаг байна хэмээн дэлхийн эрдэмтэд тооцоолж тодорхойлсон нь ч учиртай. Тэртээ 30 гаруй жилийн өмнө Нэрт сэтгүүлч Ц.Балдорж агсны "Далай ээж цаазын тавцанд” нийтлэлийн ачаар Хөвсгөл уул уурхайн олборлолтын нөлөөллөөс хамгаалагдаж байсан түүхтэй.
.jpg)
БАРЬЦАА-2:
Газар нутгаа уул уурхайгүй бүс болгоно гэж өнгөрсөн хавар зарласан Хөвсгөл аймгийн Засаг дарга Л.Ганболд ч барьцаанд оржээ. Тэрбээр "Бид төрийн өндөр түвшинд шийдвэрлэсэн ажлыг үгүйсгэж чадахгүй. Могойн гол руу төмөр зам тавьж, тэндээс нүүрс экспортлохыг дэмжинэ” хэмээн зарлаадахав. Тэрчлэн хэдхэн хоногийн өмнө "Хөвсгөл аймаг Монгол Улсын аялал жуулчлалын тулгуур төв болж хөгжих зорилготой. Гэхдээ төмөр зам ганцхан Хөвсгөл аймгийн асуудал биш. Монгол Улсын хөгжлийн асуудал. Би аймгийн удирдлагын хувьд төмөр замыг эсэргүүцэж байна, дэмжиж байна гэдэгтээ гол нь биш. Монгол Улсын хөгжлийн бодлогыг Хөвсгөл аймаг засаг захиргааны нэгжийн хувьд биелүүлж, ажиллах үүрэгтэй” хэмээн хэвлэлд өгсөн ярилцлагадаа уул уурхайг дэмжих болсон шалтгаанаа төмөр замд нялзааж орхилоо.
Харамсалтай нь, Овоотын ордыг ухахаар зэхсэн санаархлын гол түгжээ болоод байгаа төмөр зам мөрөөдлийн мөнгөн гүүр болоход ойрхон байна. Түүх сөхье. "Жем интернэшнл” компанийн эзэн Ц.Цэрэнпунцаг, "Алтай констракшн”-ы захирал Х.Бат-Эрдэнэ нарын монголчууд хувьцааных нь 30 гаруй хувийг эзэмшдэг, Австралийн хөрөнгийн биржид бүртгэлтэй "Аспайр майнинг лимитед” компани Хөвсгөл аймгийн Цэцэрлэг сумын нутаг, Могойн голын хөндийд 240 гаруй сая тонн хагас коксжих нүүрс олборлох боломжтой орд нээж, нөөцийг нь Эрдэс баялгийн мэргэжлийн зөвлөлөөр 2012 онд батлуулжээ.
2015 оны наймдугаар сар. Засгийн газартай "Эрдэнэт-Овоот” чиглэлд төмөр зам тавих "барих-ашиглах-шилжүүлэх” нөхцөлтэй, 30 жилийн хугацаатай гэрээ байгуулсан. Өөрөөр хэлбэл, "Аспайр майнинг лимитед” компани тавьсан төмөр замаа 30 жил ашиглаад, Монголын төрд үнэ төлбөргүй шилжүүлэх юм. Тус компани төлөвлөсөн ёсоор энэ онд 547 км төмөр зам тавих техник, эдийн засгийн үндэслэлээ боловсруулж дууссанаа мэдэгдлээ.
2015 оны зургаадугаар сарын 4. "...Монгол Улсын Засгийн газартай хийх концессийн гэрээнд заасан хугацаа, нөхцөлөөр төмөр замыг хэзээ нэгэн цагт төрд хүлээлгэн өгнө. Энэ зам бол Хөвсгөл-Улаанбаатар хот хоорондын тээврийн зардлыг 70 хүртэл хувиар бууруулах том төсөл. Төр эгүүлэн авсныхаа дараа зориулалтын дагуу ашиглаж, төслийн өмнө ба ашиглах үе, хүлээлгэн өгсний дараа ч хоймор нутгийн хөгжилд тус дэмээ өгсөөр байх болно...” хэмээн "Аспайр Майнинг” компанийн удирдлагууд албан ёсоор мэдэгдэж байв.
2019 оны долоодугаар сарын 10. Харин одоо тус компанийн байр суурь эргэчихээд сууж байна. "Аспайр Майнинг” компанийн гүйцэтгэх захирал З.Ган-Очирын өөрийн сайтдаа байршуулсан ярилцлагаас эшлэе. "...Дэд бүтцийн асуудлыг хэрхэн шийдэх талаар яригдаж байна. Урьд нь бид төмөр зам барих хувилбарыг тавьж байсан бол одоо авто зам барих хувилбарыг судалж байна. Авто зам нь богино болон дунд хугацаандаа үр өгөөжтэйболомжийн хувилбар байж болох юм. Судалгаа нь эцэслэгдэхээр шийдвэрээ гаргана.
Мэдээж энэ бүх технологийн шийдлүүдийг сонгохдоо орон нутгийн иргэд, хөгжлийн асуудлыг авч үзэж байгаа. Энэ бол хариуцлагатай уул уурхайн компанийн хувьд, мөн монгол хүнийхээ хувьд ч байх ёстой асуудал. Орон нутгийн иргэдэд авто замыг хөгжүүлэх, хэрэглэх сонирхол байгаа. Тийм бол төв суурин газраар дайрч явах уу, өөр чиглэлээр явах уу гэх мэтээр маршрут ямар байх тал дээр хэд хэдэн хувилбараар судалж байна...” хэмээн өгүүлсэн байх юм.
.jpg)
Үргэлжлэл бий...
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
