Энэ дагуу бид Эрдэнэс  тавантолгой ХК-ийн ТУЗ-ийн гишүүдийг танилцуулж байна. Эрдэнэс тавантолгой ХК-ийн ТУЗ 11 гишүүнтэй. 

1. ЗГХЭГ-ын тэргүүн дэд дарга Б.Ганбат

2019 оноос онд ЗГХЭГ-ын тэргүүн дэд даргаар ажиллаж байгаа бөгөөд 2022 оноос Эрдэнэс тавантолгой ХК-ийн ТУЗ-ийн гишүүнээр ажиллаж эхэлсэн. Тэрээр Дорноговь аймаг болон Баянгол дүүргийн Цагдаагийн хэлтэс, төлөөлөгч, мөрдөн байцаагчаас эхлээд Сангийн яам, Монгол банк, Дэлхийн банкуудад ажиллаж байжээ. 

2. ЭЗХЯ-ны ТНБД Х.Батжаргал:

Ханджавын Батжаргал нь 2020-2021 он хүртэл Үндэсний хөгжлийн газрын даргаар ажиллаж байсан. Түүнийг Засгийн газрын шийдвэрээр 2022 оны нэгдүгээр сараас /2022.01.06/ шинэ яамны Төрийн нарийн бичгийн даргын үүрэг гүйцэтгэгчээр томилсон. Товч намтарыг нь танилцуулбал, төрийн албанд зургаан жил ажилласан, төрийн нарийн бичгийн даргын шаардлага хангахгүй нэгэн гэж үздэг.

3. Сангийн яамны ТНБД Ж.Ганбат:

Тэрээр Монгол Улсын Ерөнхийлөгч, Ерөнхий сайд нартай нэг нутаг буюу Хэнтий аймгийн гаралтай. Тиймдээ ч гурван давхар дээлтэй болсон нэгэн. Сангийн яамны ТНБД-аас гадна, Эрдэнэс тавантолгой компанийн ТУЗ-ийн гишүүн, нэмээд Эрдэнэс тавантолгой компанийн Бүрэн эрхт төлөөлөгчийн албан тушаалд оны өмнө томилогдсон билээ. Тэрээр 2022 оны 1 сард Эрдэнэс тавантолгой ХК-ийн ТУЗ-д томилогдох шийдвэр нь гараад 4-р сарын 22-нд томилогдсон байна. 

4. ШӨХТГ-ын дарга асан С.Мөнхчулуун:

ШӨХТГ-ын дарга асан С.Мөнхчулуун Дорноговь аймгаас гаралтай. НИТХ-ын даргаар ажиллаж байсан. Нийслэлийн засаг даргад өрсөлдөж ялж байсан түүхтэй нэгэн. Өдгөө ямар нэгэн сонгуульт ажилгүй.

5. ”Эрдэнэс Монгол” ХХК-ийн Худалдан авалтын хэлтсийн дарга Ч.Энх-Амгалан:

Тэрээр "Эрдэнэс Монгол” ХХК-ийн Худалдан авалтын хэлтсийн дарга хэлтсийн даргаар ажилладаг бөгөөд өмнө нь "Эрдэнэс Оюутолгой” ХХК-ийн дэд захирал, Монгол даатгал компанийн захирлаар мөн ажиллаж байжээ. Увс аймгийн харьяат нэгэн. 

6. ”Эрдэнэс монгол” ХХК санхүү, хөрөнгө оруулалтын газрын захирал Д.Баярбат:

Төрийн өмчийн хорооноос эхлээд, "Монголросцветмет” ХХК Санхүүгийн албаны дарга, хэлтсийн даргаар ажиллаж байгаад өдгөө "Эрдэнэс Монгол” ХХК Санхүү, эдийн засаг хариуцсан дэд захирлаар ажиллаж байгаа нэгэн аж. 2022 оны 4-р сараас Эрдэнэс тавантолгой ХК-ийн ТУЗ-ээр ажиллаж эхэлжээ. 

7. УУХҮЯ-ны ТНБД Б.Бямбадагва:

Тэрээр АМГТГ-т мэргэжилтэн, тасгийн дарга, Эрдэнэт үйлдвэрт хэлтсийн даргаар ажиллаж байгаад 2022 оны 10-р сараас Эрдэнэс тавантолгой ХК-ийн ТУЗ, 11-р сараас УУХҮЯ-ны ТНБД-аар ажиллаж эхэлжээ. 

8. Хараат бус Ж.Чимэдцэрэн:

Баянхонгор аймгийн гаралтай. "Бодь даатгал” ХК Хууль эрх зүй, нөхөн төлбөрийн газарт ахлах хуульч, өмгөөллийн "Голомт консалтинг" ХХН гишүүн, өмгөөлөгчөөр ажиллаж байжээ. 

9. Хараат бус Б.Мөнхзаяа:

Дархан-Уул аймгийн харьяат. "Отгонтэнгэр” их сургуульд багш, эрхлэгчээр ажиллаж байсан. "Үндэсний цэцэрлэгт хүрээлэн” ОНӨТҮГ шинжилгээ үнэлгээ хариуцсан ахлахаар мөн ажиллаж байжээ. "Отгонтэнгэр” их сургууль нь УИХ-ын гишүүн асан Д.Оюунхоролын үүсгэн байгуулсан сургууль билээ. 

10. Хараат бус Э.Тэмүүлэн:

"Wintech” ХХК-ийн гүйцэтгэх захирлаар ажилладаг. "Оюу Толгой” ХХК хүний нөөцийн мэргэжилтэн, 2014 онд "Монголиан Девелопмент Корпорайшн” ХХК бизнес хөгжлийн менжер, 2015-2016 онд "Ньюком Групп” ХХК Төслийн мэргэжилтэн зэрэг албан тушаалд ажиллаж байжээ. 

11. Хараат бус Х.Болор-Эрдэнэ:

УИХ-ын гишүүн, ХХААХҮ-ийн сайд Х.Болорчулууны дүү. 2012-2015 онд "Монгол Росцветмет” ТӨХК-т Ерөнхий захирлара ажиллаж байсан. Тэрээр "Дорнод газар” ХХК-ийн захирал, үүсгэн байгуулагч бөгөөд 2015 оноос одоо хүртэл "Дорнод газар” ХХК-ийн гүйцэтгэх захирлаар ажиллаж байгаа аж.

"Дорнод газар" ХХК нь УИХ-ын гишүүн Ц.Давасүрэнг Эрчим хүчний сайдаар ажиллаж байх хугацаанд буюу 2017-2020 онд Эрчим хүчний салбараас 3,8 тэрбумын тендерт ялсан байдаг. Гэвч тус компани нь газар тариалан, гадаад харилцааны чиглэлээр үйл ажиллагаа явуулдаг бөгөөд эрчим хүчний салбарын бус компани юм. 

Засгийн газраас хэрэгжүүлж буй "Шилэн" ажиллагааны хүрээнд төрийн байгууллагууд мэдээллээ ил болгосоор байна. Энэ долоо хоногт Хөдөө аж ахуйг дэмжих сан болон зарим Төрийн өмчит компаниудын Төлөөлөн удирдах зөвлөл/ТУЗ/-ийн мэдээлэл ил боллоо.