Ord.mn | Mongolian Mining
| English |  Mobile |  Rss

Энэ зун тохиох одон орны сонирхолтой үзэгдлүүд

 

Энэ зун тохиох одон орны сонирхолтой үзэгдлүүдЭнэ сарын 21-ний 18.33 цагт зуны туйл буюу нар буцна. Нар буцна гэдэг нь зуны дунд улирал дундаа орох буюу өдрийн урт арван зургаан цаг, шөнийн урт найман цаг болж хамгийн урт өдөр болохыг хэлдэг. Энэ өдөр тэнгэрт нар хамгийн хойд байрлалдаа очиж хамгийн богино шөнө тохиох юм. Үүнээс хойш халууны ес эхлэх ёстой. Хамгийн сүүлд нэгдүгээр сарын 3-нд дэлхий наранд хамгийн ойр буюу 91.401.983 бээр зайд ойртож очжээ. Харин долдугаар сарын 6-нд хамгийн хол цэг буюу 94.507.803 бээр зайд нарнаас холдох юм. 

Мөн энэ зун болох сонирхолтой үзэгдлүүдийг дурдвал, зургадугаар сарын 27-нд Санчир гариг дэлхийд хамгийн их ойртож ирнэ. Долдугаар сарын 13-нд нар хагас хиртэнэ. Гэвч энэ нь зөвхөн Австрали болон Антарктидад үзэгдэх юм. Долдугаар сарын 27-нд сар бүтэн хиртэнэ. Энэ үзэгдэл дэлхийн ихэнх улсад харагдах юм байна. Мөн энэ өдөр Ангараг гариг дэлхийд хамгийн их ойртож ирэх юм. Наймдугаар сарын 11-нд нар хагас хиртэх үзэгдэл дэлхийн ихэнх оронд ажиглагдах бол "Perseids" солирын бороо наймдугаар сарын 12, 13-нд дэлхийн хойд өргөрөгт үзэгдэх аж. Харин одоо та бүхэнд одон орны сонирхолтой мэдээллүүдийг орчуулан  хүргэе. 

Нарны аналема (Solar analema)

Нарны аналема (Solar analema)

Нарны аналема

 

Хэрвээ та бүтэн жилийн турш өдөр бүр яг нэг цагт тэнгэрт харагдах нарны байршлыг тэмдэглэн нийлүүлээд харвал наймын тоо шиг дүрс үүснэ. Үүнийг нарны аналема (Solar analema) гэж нэрлэдэг. Дэлхий тэнхлэгээрээ 365 удаа эргэх бүрдээ нарыг нэг бүтэн тойрдог. Гэвч дэлхийн эргэлтийн тэнхлэг нь тойрог замынх нь хавтгайтай тэгш өнцөг үүсгэдэггүй учир өдрүүд урт богино, нарны тусах өнцөг өөр өөр байдаг байна. Үүний ачаар л дэлхий дээр улирал солигдож цаг агаарын олон янзын үзэгдлүүд явагддаг аж. 

 

Шөнө гэрэлтдэг үүл- Noctilucent clouds

Шөнө гэрэлтдэг үүл- Noctilucent clouds

 

Агаар мандлын ховор үзэгдэл болох гэрэлтдэг үүлийг харуй бүрий болсон цагаар харах боломжтой. Дэлхийн агаар мандлын хамгийн өндөрт орших энэ үүл 85 км-ийн өндөрт байх мезосферт бүрэлддэг. Шингэж буй нар туссанаар гэрэлтэж харагддаг ч маш бага нягтралтай тул үдшийн тэнгэр дэх одод нэвт үзэгддэг. Дэлхийн хойд өргөрөгт зургаа болон долдугаар сард уг үүлнүүдийг харж болно.

 

Зуны гурвалжин- Summer Triangle

Зуны гурвалжин- Summer Triangle

 

Вега (Vega),  Денеб (Deneb), Алтайр (Altair) гэсэн гурван од нийлж гурвалжин хэлбэр үүсгэхийг зуны гурвалжин гэдэг. Вега од нь дэлхийгээс 25 гэрлийн жилийн зайд оршдог бөгөөд Лира одны ордны альфа од юм. Вега нь зуны цагт дэлхийн хойд хагаст харагддаг. Алтайр од нь Акиулын ордын альфа од төдийгүй дэлхийгээс 17 гэрлийн жилийн зайтай оршдог. Энэ орд зун Тэнгэрийн заадастай харалдаа хамгийн тод ажиглагддаг. Денеб од нь Сигнүс ордын альфа од юм. Денеб нь шөнийн тэнгэр дэх 19 дэх тод од юм. 

 

Шөнийн тэнгэрийн зураг

Шөнийн тэнгэрийн зураг

 

Дээрх зурагт зургадугаар сарын 1, 15, 30-нд шөнийн тэнгэр хэрхэн харагдахыг, од эрхсийн байрлал ямар байхыг үзүүлсэн байна. 


Энэ зун тохиох одон орны сонирхолтой үзэгдлүүд
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Нэр:*
Сэтгэгдэл: