Даваа. Өмнөд Африкийн Кейптаун хотод болж буй уул уурхайн бага хуралд 45 улс оролцож байна.

Тус салбарын нийлүүлэлтийн хязгаарлалт болон дэлхийн өсөлт 2010 оноос хойш хамгийн сайн мөчлөгтөө орлоо. Таваарын үнэ гурван жилийн дээд цэгтээ хүрч, дэлхийн томоохон олборлогчдын ашиг, орлого нэмэгдэж буй. Зимбабвейн шинэ Засгийн газар бага хурлын үеэр хөрөнгө оруулалт татах сонирхлоо танилцуулахаар төлөвлөжээ. Тус улсын Ерөнхийлөгч Эммерсон Мнангагва "бизнест нээлттэй” гэдгээ харуулахыг эрмэлзэж байна. Уул уурхайнхан таваарын өсөлтийн мөчлөгийг ашиглахаар яарч буйн нэг жишээ нь пүрэв гараг хүртэл үргэлжлэх энэ бага хурал юм.

Мягмар. Страсбург хотноо Европын парламентын чуулган эхэлж, Баруун Балканы зургаан улсыг 2025 он гэхэд ЕХ-нд элсүүлэх асуудлыг хэлэлцэнэ. Тус холбоо эгнээгээ өргөжүүлснээр цагаачлалыг хянах ба эмзэг бүс нутагт Оросын нөлөөг хязгаарлахыг эрмэлзэж байна. Хорватын Ерөнхий сайд Андрей Пленкович Европын ирээдүйн талаар үг хэлэх ба ЕХ-г Баруун Балканы улсуудаар өргөтгөх стратегийн тухай Европын комиссын мэдэгдлийг сонсож, хэлэлцэх юм.

Мөн өдөр British Petroleum компани дөрөвдүгээр улирлын тайлангаа танилцуулна. АНУ- ын корпорацын татвар 35 21 хувь болж буурсан нь тус компанийн ирээдүйн орлогыг өсгөх боловч уг шинэчлэл дөрөвдүгээр улирлын үр дүнд сөрөг нөлөө үзүүлснийг мэдээлж байсан. Түүнчлэн General Motors-ын оны эцсийн тайлан сайн дүнтэй гарах төлөвтэй байна. Компанийн ерөнхий эдийн засагч Чак Стивенс өнгөрсөн сард хэлэхдээ, АНУ- ын авто үйлдвэрлэгчийн "нэгж хувьцааны ногдол ашиг дээд хэмжээ 6-6.5 ам.доллар хүрэх төлөвтэй байгаа нь өмнөх таамгаас дээгүүр үзүүлэлт” хэмээн онцолсон. Гэвч АНУ- ын зах зээл энэ онд тааруухан байгаа учир орлого огцом өсөхгүй гэж үзэж байна. 

Лхагва. Rio Tinto уул уурхайн компани жилийн тайлангаа танилцуулна. Таваарын үнэ дээшилсний дээр бүтээмжээ сайжруулж чадсан Англи, Австралийн компани нэгж хувьцаандаа 2.75 ам.доллар буюу дээд хэмжээний ногдол ашиг олгож, хувьцаа буцаан худалдан авах хөтөлбөрөө өргөжүүлнэ гэж шинжээчид таамагласан. 12 дугаар сар хүртэл жилийн хугацаанд Rio Tinto 8.58 тэрбум ам.долларын ашигтай ажилласнаа зарлаж магадгүй байгаа нь 2015 оноос 5.1 тэрбумаар өссөн үзүүлэлт юм. Vuma фирмийн судалгаанаас харахад өнгөрсөн онд 41.5 тэрбум ам.долларын борлуулалт хийжээ. Түүнчлэн тус компанийн дэлхийн хоёр дахь том зэс олборлогч Grasberg- ын 40 хувийг худалдан авах төлөвлөгөө анхаарлын төвд байгаа. Rio Индонезийн Засгийн газраас хувийг нь худалдан авах талаар хэлэлцээ хийж байна.

Tesla-ийн захирал Элон Маск дөрөвдүгээр улирлын дүнгээ танилцуулахаар бэлтгэж байна. Тус компанийн Model S, Model X, Model 3 цахилгаан машинуудын борлуулалт сайжирсан тул орлого нь эрс өсөх таамаг бий. Гэвч Model 3- ыг нийтэд зориулан үйлдвэрлэх хүчин чармайлт үр дүнд хүрээгүй учир нэлээд алдагдал хүлээсэн. Хөрөнгө оруулагчид энэ гурван загвар эхний улирал болон түүнээс цааш хэрхэн борлогдохыг байгаа. Ноён Маск компанийнхаа үнэлгээг 650 тэрбум ам.долларт хүргэх зорилт тавьсан юм.

Пүрэв. Английн төв банк бодлогын хүүгийн талаар шийдвэрээ зарлана. Цалингийн өсөлт ба дэлхийн болон түүхэн стандартаар идэвх сул байгаа тул тус банкны Мөнгөний бодлогын хороо бодлогын хүүгээ 0.5 хувьд хэвээр үлдээх санал өгөх төлөвтэй. Reuters-ийн санал асуулгаас үзэхэд тавдугаар сард хүүгийн асуудлаар дахин шийдвэр гарах байх гэсэн хүлээлт үүсжээ. Түүнчлэн HSBC Global Research-ийн судалгаанд дурдсанаар паунд чангарч, нефтийн фючерсийн үнэ доошлох хандлагатай байгаа учир 2019 болон 2020 оны өсөлтийн төлөвийг 1.6-гаас хувиас 1.7 хувь болгож дээшлүүлсэн байна.

Twitter компани байгуулагдсанаасаа хойш ашгийн тайлангаа танилцуулж байгаагүй. Гэвч өртгөө танах хүчин чармайлтын үр дүнд дөрөвдүгээр улиралд олсон ашгаа анх удаа тайлагнах гэж байна.

Орлого багассан нь тодорхой боловч хэрэглэгчдийн суурь нэмэгдсэнийг хөрөнгө оруулагчид харгалзан үзэх байх. Үйл ажиллагааны захирал Энтони Ното нэгдүгээр сард ажлаа өгсөн боловч оронд нь хүн томилогдоогүй байна. Хэрэглэгчид онлайн нэвтрүүлэг рүү хандах нь нэмэгдсэн тул хөрөнгө оруулагчид болон шинжээчид тус компанийн төлөвлөгөөг нарийн ажиглаж байгаа юм.

Баасан. Өмнөд Солонгосын Пенчан хотод өвлийн XXIII олимп эхэлнэ. Энэ тоглолтын үеэр сэргээшийн асуудал дэлхий нийтийн анхаарлыг татаж байна. 2014 оын Сочигийн олимпийн үеэр улсын дэмжлэгтэй допинг ашигласан гэж үзсэн тул Олон улсын олимпийн хороо ОХУ- ыг энэ удаагийн тоглолтоос албан ёсоор хассан. Гэвч Оросын 169 тамирчинд бие даан ОУОХ-ны далбаан дор оролцох урилга өгсөн билээ. Пёнчаны тоглолтод биатлон, бобслей, керлинг, хоккей, цана, тэшүүр, чарга зэрэг 15 төрлөөр 102 медалийн төлөө өрсөлдөнө. Нигерийн эмэгтэйчүүдийн баг бобслейнд тэмцээнд оролцох гэж буй нь Африкийн спортын түүхэнд анхных болох юм.

Өмнөд ба Хойд Солонгос улс эмэгтэйчүүдийн хоккейн нэгдсэн баг гаргахаар хэлэлцэж буй. Үүнээс гадна Оросын нэр бүхий тамирчдыг насан туршид нь хасах шийдвэрийг Швейцарын спортын шүүх саяхан цуцалсан байна.

Засгийн газрын мэдээ