- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Оюутолгойгоос оффшор хүртэл…
Нэр бүхий хүмүүсийн оффшор дансанд байршуулсан мөнгөн дүнгийн хэмжээ 87.1 сая ам.доллар байжээ. Үүнээс одоогийн байдлаар 74.9 сая ам.доллар Монгол Улсад орж ирсэн нь мөрдөн шалгах ажиллагаагаар тогтоогдсон байна. Энэ талаар өнгөрсөн долоо хоногт АТГ-аас мэдээлсэн. Хуулийн байгууллагын үйл ажиллагаа оффшорын асуудал дээр нэлээд ахицтай байгааг үүнээс харж болно. Түүнчлэн оффшор гэх олон улс дамнасан орооцолдоонт хэргийн учир начир нь эхнээсээ олдож эхэлсэн бололтой юм билээ. Оюутолгойн гэрээ оффшорын асуудал хоёр ч нэлээд гүнзгий уялдаа холбоотой байх нөхцөл байдал ажиглагдаж эхэллээ.
Тухайлбал, Сангийн сайд асан С.Баярцогтыг Оюутолгойн гэрээтэй холбогдуулан дахин хорих шийдвэрийг Сүхбаатар дүүргийн Эрүүгийн хэргийн анхан шатны шүүхээс гаргалаа. Ингэхдээ Оюутолгойн гэрээтэй холбоотой хэрэгт шинэ нөхцөл байдал үүссэн гэж тайлбарласан. Тэгвэл Оюутолгойн хөрөнгө оруулалтын гэрээг 2009 оны аравдугаар сарын 6-ны өдөр зурахдаа Сангийн сайд С.Баярцогт аль хэдийнэ Хөрөнгө оруулагч тал болох “Айвенхоу Майнз” компанийн хувьцаа эзэмшигч болсон байжээ. С.Баярцогт Оюутолгойн гэрээ байгуулагдахаас өмнө Оюутолгойн гадаад хөрөнгө оруулалт буюу тухайн компанийн хувьцааг тодорхой хэмжээний мөнгөн дүнгээр худалдаж авсан. Гэрээ байгуулагдсан, гэрээ хэрэгжсэний дараагаар хувьцаа үнэд орсон энэ үед хувьцаагаа бусдад арилжаалаад өөртөө давуу байдал олж авч, их хэмжээний ашиг олсон үйлдэл нь тогтоогдсон байна.
Оюутолгойн гэрээ зурагдсанаас хойш дөрвөн жил өнгөрч байхад 2013 оны хавар С.Баярцогттой холбоотой нэгэн дуулиан дэгдэж байв. С.Баярцогтын оффшор дансанд 9.2 сая ам.доллар байгаа нь нотлогдсон талаарх мэдээлэл олон улсад задарсан. Энэ асуудлаас болж тэрээр хоёр сарын дараа УИХ-ын дэд даргын суудлаа өгсөн. Мөн тухайн үед тайлбар өгөхдөө “Манай найз интернэтээр бизнес эрхлэх санал надад тавьсан юм. Тэгээд 2008 онд Хонконгод явж байхдаа оффшор бүсэд данс бүртгүүлсэн. Харин би Оюутолгойн гэрээг байгуулснаар нэг ч төгрөг аваагүй. Засгийн газраас Оюунтолгойн гэрээг амжилттай хийлээ гэсэн модон сертификиад авснаараа бахархаж явдаг. Энэ гэрээг амжилттай хийсэн гэдэгтээ итгэлтэй байна” гэж байлаа. Гэхдээ Сангийн сайд асан С.Баярцогтыг Оюутолгойн гэрээнээс их хэмжээний ашиг хүртсэн гэдгийг хуулийн байгууллага тогтоогоод байна. Харин Оюутолгойгоос олсон ашиг нь оффшор данстай нь хэрхэн ороолцолдсон болохыг хуулийн байгууллага шалгаж буй.
Түүнчлэн оффшорын хэрэгтэй холбогдуулан “Петровис”-ийн Ч.Давааням, н.Сэцэнзориг нарыг 48 цаг саатуулсан. Монголын томоохон компанийн дансаар 20 орчим сая ам.доллар хэд хэдэн удаа орж ирсэн нь тогтоогдсон учраас саатуулсан гэдгийг хэлж байв. АТГ-аас Ч.Даваанямын оффшор дансан дахь 4.3 сая ам.долларыг илрүүлсний дараахан тэрээр энэ мөнгөө Монгол руу татлаа гэж бөөн сүр дуулиан тарьсан. Яг энэ үед “Петровис” группийн ТУЗ-ийн дарга Ж.Оюунгэрэл “Ерөнхий сайд асан С.Баяртай холбохоор нь мөнгөө оруулж ирсэн юм шиг байна лээ. Түүнээс биш оффшорын эсрэг хуультай холбогдох ч хүн биш” гэсэн нь С.Баярын ойрын хүн гэдгийг баталсан мэдэгдэл байлаа. Ерөнхий сайд асан С.Баярыг одоогоор Оюутолгойн гэрээтэй холбоотой асуудлаар хуулийн байгууллага шалгаж буй билээ.
Т.БАТСАЙХАН
Эх сурвалж: “Зууны мэдээ” сонин
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
