- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Салхитын орд тойрсон шүүгчдийн авлигал
1.САЛХИТЫН ОРДЫГ БУЛААЛДСАН ХЯТАДУУД ШҮҮХЭД ХАНДСАН ШАЛТГААН
Дундговь аймгийн Гурвансайхан сумын Салхитын ордын 3 лицензийг "Их Монгол Майнинг” компаниас худалдаж авсан уяач Ш.Мөнгөншагай "Жи Пи Эф” компанийг 2010 онд байгуулж, компанийхаа 60 хувийг өөрөө, 40 хувийг хүргэн Г.Жаргаландаа эзэмшүүлжээ. Лицензээ зарах хүн хайж явсаар 2 жилийн дараа 2012 онд 3 лиценз бүхий компаниа БНХАУ-ын иргэдийн Монголд байгуулсан "Си Си Эм Икс” компанид 800,000 ам доллар буюу тэрбум гаруй төгрөгөөр заржээ.
Зуучилсан хүн нь Н. Өнөрцэцэг хэмээх хятад хэлтэй эмэгтэй байжээ. Салхитын ордыг Хятад иргэд олборлож эхэлсэн ч 2015 онд хөрөнгө оруулагч болон гүйцэтгэх захирал 2 хятад иргэн муудалцжээ. Ажлаасаа халагдсан Гүйцэтгэх захирал Чэн Вангфа орд газрыг анх түүнд зарсан Ш.Мөнгөншагайгаар шүүхэд нэхэмжлэл гаргуулсан.
Нэхэмжлэлийн гол агуулга нь " Жи Пи Эф " компаний 60 хувийг эзэмшигч Ш.Мөнгөншагай би 2012 онд компаниа зарагдсныг мэдээгүй. Миний гарын үсгийг хуурамчаар үйлдэж зарсан тул компаний 60 хувийн эзэмшигчээр тогтоож өгнө үү ” гэсэн утгатай. Захиргааны хэргийн шүүх нэхэмжлэгчийн талд шийдвэр гаргаагүй учраас Иргэний хэргийн шүүхэд ханджээ.
Шүүхэд ялалт байгуулахын тулд гагцхүү их мөнгө, танилын сүлжээ л хэрэгтэй гэж өмгөөлөгч нь зөвлөсний дагуу танил өмгөөлөгч, танил шүүгчдээр нь дамжуулан шүүгчдэд 10-160 сая төгрөгийг авлигал өгч шүүхийн шийдвэрийг өөрсдийнхөө талд гаргуулсан байна.
2. ДАВЖ ЗААЛДАХ ШАТНЫ ШҮҮХЭЭС БУСАД АНХАН БОЛОН ДЭЭД ШҮҮХИЙН ШИЙДВЭР ХАХУУЛЬДАГЧ КОМПАНИЙ ТАЛД ГАРЧЭЭ
Авлигын мөнгийг шүүгчдэд өгөх ажилд "Жи Пи Эф” компаний зүгээс Салхитын ордыг Хятадуудад зуучлагч Ц.Өнөрцэцэгийн хүү Т.Гансүх, Ш.Мөнгөншагай,Г.Жаргалан нар, шүүхээс СХД-ийн Иргэний хэргийн анхан шатны шүүхийн Ерөнхий шүүгч Д.Цолмонбаатар, Захиргааны хэргийн давж заалдах шатны шүүхийн шүүгч Э.Халиунбаяр нар оролцож,зохион байгуулжээ.
Шүүгчдэд өгөх авлигыг анхан шатны шүүхээс эхлүүлжээ. Хэрэг БЗД-ийн шүүхэд хувиарлагдангуут Шүүгч Б.Цолмонбаатар БЗД-ийн Иргэний хэргийн анхан шатны шүүхийн шүүгч С.Амардэлгэрт нөлөөлөн, Ш.Мөнгөншагайн талд шийдвэр гаргуулна гэж амлаж 2016 оны 10 сард 10 сая төгрөгийг хахууль болгон авчээ.
2016.11.28-нд БЗД-ийн Иргэний хэргийн анхан шатны шүүхэд хурал болж Ш.Мөнгөншагайг "Жи Пи Эф” компаний 60 хувийн хувьцаа эзэмшигчээр тогтоолоо.
Хэрэг Давж заалдах шатны шүүхэд шилжингүүт шүүгч Б.Цолмонбаатар хэргийг өөрийн танил шүүгчид хувиарлуулахаар амлаж, 2017.01.03-ны өдөр 50 сая төгрөг авчээ. Тэр өдрийнхөө орой Б.Цолмонбаатар 5 сая төгрөгийг Нийслэлийн Захиргааны хэргийн шүүхийн мэдээлэл, лавлагааны мэргэжилтэнд өгч, хэргийг танил шүүгч дээр хувиарлуулахаар хөөцөлдүүлжээ.
Мөнгө авсан мэргэжилтэн Нийслэлийн Иргэний хэргийн Давж заалдах шатны ерөнхий шүүгчийн туслахад 3 сая төгрөг өгч, танил шүүгчид хувиарлуулахыг гуйсан ч туслах боломжгүй гэдгийг хэлээд мөнгийг нь аваагүй байна.
Хахуулын мөнгийг шүүгчдэд зуучлах ажилд Шүүгч Б. Цолмонбаатар, Э.Халиунбаяр хоёр дээр нэмж Дээд шүүхийн шүүгч асан, гавьяат хуульч Л.Бямбааг татан оролцуулжээ. Шүүгч асан Л.Бямбаа давж заалдах шатны шүүх хурлын өмнө Нийслэлийн Иргэний хэргийн давж заалдах шатны шүүхийн шүүгч Д.Байгалмаа, Д.Дэлгэрцэцэг нарт хахууль болгож өгнө гэж 50 сая төгрөг авчээ.
2017 оны 02.01-д болсон Давж заалдах шатны шүүх хурлын бүрэлдэхүүнд Ерөнхий шүүгч Ж.Оюунтунгалаг дээр нэмж, нэр дурдагдсан шүүгч Д.Байгалмаа, Д.Дэлгэрцэцэг нар нь оролцсон ч шүүхийн шийдвэр хахууль өгөгч "Жи Пи Эф” компаний талд гарсангүй.
2017.02.01-д Нийслэлийн Иргэний хэргийн давж заалдах шатны шүүх хурлаар Анхан шатны шүүхийн шийдвэрийг хүчингүй болгож, хэргийг дахин шийдвэрлүүлэхээр анхан шатны шүүхэд буцаажээ.
Давж заалдах шатны шүүхийн шийдвэрийг хариуцагч , нэхэмжлэгч хоёр тал хоёулаа зөвшөөрөхгүй улсын дээд шүүхэд хандлаа. "Жи Пи Эф” компаний авлигал дээд шүүхийн Иргэний хэргийн танхимын шүүгчдийг ониллоо. Тэд 2017.02.25-д Дээд шүүхийн шүүгчдэд хахуул болгож өгөхөөөр 360,000 юань буюу 129 сая төгрөг, 2017.04.10-д 125 сая төгрөг нийт 260 орчим сая төгрөгийг шүүгч асан талийгаач Л.Бямбаад өгчээ.
Шүүгч асан Л.Бямбаа нь 2019.02.23-ны өдөр энэ хэрэгт сэжиглэгдэн Ганц худгийн урьдчилан хорих төвд хоригдож байхдаа амиа хорлон нас барсан билээ. Түүний хүү Шүүгч С.Төмөрбатыг бүрэн эрхийг нь түдгэлзүүлэн шалгах зарлиг гарсан өдөр зугтааж, Монгол улсын хилээр гарч , Москвагаар дамжин АНУ-д гарсан билээ.
"Жи Пи Эф” компанийхан шүүгч асан Л. Бямбаагаас гадна дээд шүүхийн иргэний хэргийн танхимын шүүгчдийг танил өмгөөлөгч, танил шүүгчээр нь дамжуулан давхар давхар хахуульджээ. Монголын өмгөөлөгчдийн холбооны Ерөнхийлөгч асан, өмгөөлөгч Б.Пүрэвням болон өөр дүүргийн шүүгч нар ч хахууль зуучлах ажилд оролцжээ.
Тухайлбал: Дээд шүүхийн хурал зарлагдахаас сар орчмын өмнө буюу 2017.04.01-д Дээд шүүхийн Иргэний хэргийн танхимын шүүгч Ц.Амарсайханд хахууль өгөхөөр тохирч эхлээд 13 сая төгрөг дараа нь 150,000,000 төгрөгийг өмгөөлөгч Б.Пүрэвнямд өгчээ.
3. ДЭЭД ШҮҮХ ХЭРГИЙГ ЭЦЭСЛЭН ШИЙДЖЭЭ
Зарлагдснаасаа хойш хоёр удаа хойшилсон шүүх хурал 3 дахь удаагаа 2017.05.16-ны өдөр болсон байна . Дээд шүүхийн хурлын бүрэлдэхүүнд
Даргалагч шүүгчээр Г.Алтанчимэг
Илтгэгч шүүгчээр Ц.Амарсайхан
Бүрэлдэхүүнд нь шүүгч П.Золзаяа,Г.Цагаанцоож, Д.Цолмон нар багтжээ.
Дээд шүүх авлигал өгсөн тал буюу "Жи Пи Эф” компаний талд шийвэрлэсэн анхан шатны шүүхийн шийдвэрийг хэвээр үлдээж , Давж заалдах шатны шүүхийн шийдвэрийг хүчингүй болголоо.
2017.05.16-д Улсын дээд шүүхээс Давж заалдах шатны шүүхийн магадлалыг хүчингүй болгож,Ш.Мөнганшагайг "Жи Пи Эф” компаний 60 хувийн эзэмшигч мөн гэж үзсэн анхан шатны шүүхийн шийдвэрийг хэвээр үлдээжээ.
Дээд шүүхийн хурал болсны маргааш нь бүрэлдэхүүнд орсон шүүгч Г.Цагаанцоож нь авлигын мөнгөний гол зуучлагч Л.Бямбаагаас өмгөөлөгч Ш.Энхтөрөөр дамжуулан 10,000,000 төгрөг авсан гэж үзээд яллагдагчаар татжээ.
Мөн тэр өдөр буюу шүүх хурлын маргааш "Жи Пи Эф” компанийхан хэргийг өөрийн талд шийдвэрлэсэн Улсын дээд шүүхийн шүүгчдэд шагнал болгож өгсөн 20 сая төгрөгийг ЧД-ийн Иргэний хэргийн анхан шатны шүүхийн ерөнхий шүүгч Б.Сайханцэцэг авсан гэж үзээд яллагдагчаар татжээ.
Дээд шүүхийн хурал болохын өмнө Улсын дээд шүүхийн шүүгч Ц.Цолмонд хахууль өгнө хэмээн амлаж, " Цогц эрх партнерс” товчооны өмгөөлөгч Ч.Амгаланбаяр 45,000,000 төгрөгийг хэргийн оролцогчдоос авсан байна. Уг мөнгийг ЧД-ийн нутаг дэвсгэрт Улсын дээд шүүхийн шүүгч Ц.Цолмонд Ч.Амгаланбаяр өгсөн гэж үзээд яллагдагчаар татсан ч шүүгч Ц.Цолмон уг мөнгийг аваагүй, өөрийг нь хэлмэгдүүлж байна гэж үзээд Үндэсний аюулгүй байдлын зөвлөл, АТГ прокурор зэрэг холбогдох газруудад хандаад байна.
Шүүгч Ц. Цолмон :”Би Ч. Амгаланбаяртай хамт ажиллаж байсан, танилууд. Намайг таньдаг гэдгээрээ миний нэр барьж мөнгө авсан. Ч.Амгаланбаяр уг мөнгөөрөө гэр бүлийн хамт 2 удаа гадаадад явсан гэдэг баримтаа ч өгсөн. Гэтэл мөнгө аваагүй намайг хилсээр энэ хэрэгт гүтгэж байна ” гэж мэдэгдээд байна.
4. Ш.МӨНГӨНШАГАЙ "ЖИ ПИ ЭФ” КОМПАНИА ШҮҮХИЙН ШИЙДВЭРЭЭР БУЦААЖ АВЧЭЭ
Ш.Мөнгөншагай нарт холбогдох хэрэг ийнхүү 3 шатны шүүхээр явсны эцэст дээд шүүх Ш.Мөнгөншагайг "Жи Пи Эф” компаний 60 хувийг эзэмшигч мөн гэж тогтоожээ. Гол нотлох баримт нь ШШҮХ-ийн Кримналистикийн хэлтсийн шинжээч Б. Эрдэнэ-Очирын гаргасан "Ш.Мөнгөншагайн гарын үсэг биш” гэсэн дүгнэлт байлаа.
Дээд шүүхийн шийдвэр гарангуут 2017.07.08-ны өдөр Ш.Мөнгөншагай Г.Жаргалан нар Дундговь аймгийн улсын бүртгэлийн хэлтэст компанийхаа тамга тэмдэгийг хаяж үрэгдүүлсэн хэмээн мэдүүлж, өөрсдийгөө "Жи Пи Эф” компаний хувьцаа эзэмшигчээр бүртгүүлж тамга тэмдэгээ шинээр гаргуулан авчээ. Дараа нь "Жи Пи Эф” компаний хувьцааг бүхэлд нь БНХАУ-ын хамтрагчдынхаа "Амин билэгт” компанид шилжүүлжээ
5. Салхитын ордоос авлигал авсан хэрэгт 6 шүүгчийг яллагдагчаар татаад байна
Бүрэн эрхийг нь түдгэлзүүлэн шалгасан 17 шүүгчээс 6 шүүгчийг Салхитын ордын хэргийг шүүхээр шийдвэрлэхдээ авлигал авсан гэж үзээд яллах дүгнэлт үйлдэн Хан уул дүүргийн шүүхэд шилжүүлээд байна. Тэд бол Улсын дээд шүүхийн шүүгч Ц.Амарсайхан, УДШ-ийн шүүгч Д.Цолмон, УДШ-ийн шүүгч Г.Цагаанцоож , СХД-ийн Иргэний хэргийн анхан шатны шүүхийн Ерөнхий шүүгч Б.Цолмонбаатар, Захиргааны хэргийн давж заалдах шатны шүүхийн шүүгч Э.Халиунбаяр, ЧД-ийн Иргэний хэргийн анхан шатны шүүхийн Ерөнхий шүүгч Б.Сайханцэцэг нар юм.
6. Салхитын ордын авлигалын хэрэгт Цагдаа, Шүүх шинжилгээний төвийн шинжээчид холбогджээ
Салхитын мөнгөний ордын хэрэг 3 шатны шүүхээр шийдэгдсний дараа Цагдаагийн байгууллагаас уг хэргийг шинээр үүссэн нөхцөл байдал гэсэн шалтгаанаар Эрүүгийн цагдаагийн албаны Эдийн засгийн гэмт хэрэгтэй тэмцэх газраас Эрүүгийн хэрэг үүсгэн мөрдөн шалгаж эхэллээ. Авлигалын мөнгө цагдаа руу урсч эхэллээ.
Шинжээчийн дүгнэлтийг Ш.Мөнгөншагайд ашигтайгаар гаргуулахыг амлаж ХУД-ийн Цагдаагийн 1-р хэлтсийн Мөрдөн байцаах тасгийн дарга Г.Алтан-Очирт 2018.04.20-д 50,000,000 төгрөг авчээ. Ш.Мөнгөншагайн гарын үсгийг дахин шинжлүүлэхээр Шүүх шинжилгээний үндэсний хүрээлэн руу явуулахад Криминалистикийн шинжилгээний газрын дарга Д.Адилбаяр нарын шинжээчид "Ш.Мөнгөншагайн гарын үсэг биш” гэсэн дүгнэлт гаргажээ.
Түүнийг ийм дүгнэлт гаргасны дараа Гадаадын иргэн харьяатын газрын дэд дарга асан Б.Цолмонгоор дамжуулан Д.Адилбаярт 35,000 сая төгрөгийг хахууль өгчээ. Энэ талаар ШШҮХ-ийн Криминалистикийн шинжилгээний газрын дарга Д.Адилбаяр мэдүүлэхдээ:” Ш.Мөнгөншагайн гарын үсгийн шинжилгээ манай кримналистикийн шинжилгээний газарт ирсний дараа дүгнэлттэй холбоотой асуудлаар Б.Цолмонтой 3-4 удаа уулзаж хэд хэдэн удаа утсаар ярьсан. 2018 оны 06 сарын сүүлээр. Б.Цолмон надтай Маршалын гүүрэн дээр уулзаад "Наад мөнгөө авчих. 35,000,000 төгрөг байгаа ” гэж хэлэхээр нь тухайн үед мөнгө хэрэгтэй байсан учраас авчихсан” гэж мэдүүлжээ.
7. Хэргийн гол оролцогчид хилийн дээс давж, гадаад гарчээ.
Орд газар булаалдсан Хятад иргэд болох Чэн Вангфа, Жан Жиминь, Ён Хонши нар Монголд байхгүй. Салхитын мөнгөний ордоос олборлож боловсруулсан хүдрийг хятадад борлуулж 24,000,000 юань буюу 9 тэрбум гаруй төгрөгийг өөрийн дансаараа шилжүүлэн авч, шүүгчдэд хахууль өгөх мөнгийг гаргаж байсан Т.Гансүх БНХАУ- руу гараад 2 жил гаруйн хугацаа өнгөрч байна.
Дээд шүүхийн шүүгчдээс хамгийн өндөр буюу 160 гаруй сая төгрөгийн авлигын хэрэгт холбогдож, уг хэргийн илтгэгч шүүгчээр ажилласан Улсын дээд шүүхийн шүүгч Ц.Амарсайхан хагалгаанд орох нэрээр БНСУ-ыг зориод 5 сар болж байгаа ч өнөөдрийг болтол монгол ирсэнгүй. Гадаад гарсан хүмүүсийн хэргийг тусгаарлаж , үлдсэн хүмүүсийг нь шүүх рүү шилжүүлжээ.
8. ХУУЛИЙН НЭР БАРЬСАН БҮЛЭГЛЭЛ ХЭНИЙГ Ч НУХЧИН ДАРАХАД БЭЛЭН БАЙНА.
Уг нь хуульчийн эрх зүйн байдлын тухай хуульд "хуульчид бусдын хууль бус шаардлагыг биелүүлэхээс татгалзна" гэсэн заалт бий. Гэвч шүүгчдэд авлигал өгч , шүүхийн шийдвэр захиалгаар гаргуулахыг үйлчилүүлэгчиддээ өмгөөлөгч нь зааж байна. Өмгөөлөгч, шүүгч, цагдаа нар авлигын мөнгө бие биедээ дамжуулдаг, зөөдөг, мөнгө өгсөн талын захиалгаар шүүхийн шийдвэр гаргадаг болсны ердөө ганцхан жишээ Салхитын ордын энэ хэрэг юм.
Ийм бусармаг үйлдлийн золиос болж хичнээн хүний эрх зөрчигдөж, улс орны эрх ашигт урван тэрсэлсэн ямар үйл явдал болж байгааг бид таашгүй. Өнөөдөр ийм зүйл танд тохиолдоогүй ч маргааш хэнд ч тохиолдож болох ийм л нийгэм, тогтолцоог бид бүтээжээ. Хуулийн нэр барьж, бүрэн эрхээр хамгаалагдсан,зохион байгуулалттай бүлэглэл өнөөдөр хэний ч үг хэлэх, өмч хөрөнгөтэй байх,амьд явах, шударга шүүхээр шийдвэрлүүлэх эрхийг булааж, нухчин дарахад бэлэн байна.
Сэтгүүлч Б.Отгон 2020.01.24
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
