Тэрбээр, Энэ онд Монгол Улсын хэмжээнд 6.6 сая буюу 900 мянган газрын тос олборлох төлөвлөгөөтэй байлаа. Шинэ төрлийн коронавируст халдвар гарсантай холбогдуулан 1 дүгээр сарын 30-наас эхлэн тээвэрлэлтийг бүрэн зогсоосон. Онцгой нөхцөл байдалд экспортын тээвэрлэлтийг халдвар хамгаалалтын дэглэмийг баримтлан, ариутгал халдваргүйжүүлэлтийг зохих ёсны дагуу хийж гүйцэтгэсэн. Дөрөвдүгээр сарын 26-аас өдрөөс Тамсаг 21 дүгээр талбай, 6 дугаар сарын 16-ны өдрөөс Тосон-Уул-19 дүгээр талбайгаас эхлүүлээд байна. Өнөөдрийн байдлаар хоногт 44 машин буюу 1500-1600 орчим тонн газрын тосыг Монгол Улс экспортолж байна. Хэвийн үйл ажиллагаа явуулж байсан үетэй харьцуулбал, 50 гаруй болоод байгаа. Оны эхний хагас жилд нийт 1 сая 100 мянган барриаль буюу 150 мянган тонн газрын тос олборлон, экспортолсон нь нийт төлөвлөгөөний гүйцэтгэлийн 16 орчим хувь байлаа. Оны үлдэж буй сүүлийн хагаст олборлолтын хэмжээ болон экспортын үйл ажиллагааг дахиж 27 автомашинаар буюу 800-900 тонноор нэмэгдүүлээд үлдэх хугацаандаа 3 сая барриаль буюу 400 мянган тонн газрын тос экспортолох тээврийн үйл ажиллагааг зохицуулж байна” гэлээ.

Энэ үеэр Уул уурхай хүнд үйлдвэрийн яамны Уул уурхайн хэлтэсийн дарга Н.Дэлгэржаргал хэлэхдээ "Гуравдугаар сарын 23-нд экспортын үйл ажилллагааг Гашуун-Сухайт боомтоор эхлүүлсэн. Өнөөдрийн байдлаар нүүрсний экспортыг Замын-Үүд, Гашуун- Сухайт, Шивээ хүрэн, Бичигт боомтоор хийж байна. Тухайлбал 6 дугаар сарын байдлаар нийт нүүрсний экспорт 8.7 сая байна. Үүнийг өмнөх онтой харьцуулбал 9.4 сая тонн буюу 52 хувиар бага байгаа юм. Мөн 6 дугаар сарын гүйцэтгэлээр бол уул уурхайн салбар улсын төсөвт татвар хураамж хэлбэрээр 779 тэрбум төгрөг төвлөрүүлсэн. Үүнийг өмнөх оны мөн үетэй харьцуулбал 535.2 тэрбум төгрөг буюу 40.7 хувиар буурсан үзүүлэлт. Иймд манай улсад үүсээд байгаа нөхцөл байдлыг хохирол багатай даван туулахын тулд уул уурхайн салбарын бүтээн байгуулалт, үйлдвэрийн хэмжээг нэмэгдүүлэх чиглэлээр тодорхой бэлэн 51 ААН-ийн 1243 гадаад инженер техникийн ажилтныг улсын хилээр хилээр нэвтрүүлж гаргах, оруулж ирвэл эдийн засгаа сэргээх, энэ талаар дэмжлэг үзүүлэх боломжтой гэж яамны зүгээс үзэж байна.

Уул уурхайн хүнд үйлдвэрийн сайд 5 дугаар сарын 15-нд БНХАУ-ын Монгол Улсад суугаа Онц бөгөөд Бүрэн эрхт Элчин сайдтай албан ёсны уулзалтыг хийсэн. Үүний дараа УИХ-ын дарга Уул уурхай хүнд үйлдвэрийн сайдад Гашуун-Сухайт боомтыг үйл ажилллагааг газар дээр нь энэ сарын 21-нд танилцуулсан. Хилийн боомтын чадлыг нэмэгдүүлэх, нүүрс тээвэрлэлтийг нэмэгдүүлэх хүрээнд яамны зүгээс тодорхой байр суурийг Элчин сайдад танилцуулсан. Цаашид дээд шатны байгууллагуудад дипломат шугамаар хүргүүлэхээр ажиллаж байна. Хүргүүлэхдээ гол 3 асуудал байна. Өнөөдрийн байдлааргол нүүрсний экспорт Гашуун-Сухайт боомтоор тээвэрлэж байна. Үүнд хилийн боомтын нэвтрэх гарцын тоог нэмэгдүүлэх шаардлагатай. Хэвийн үед 16 гарцаар нүүрс тээвэрлэдэг бол одоо 2 гарцаар тээвэрлэж байна. Үүнийг 5 гарц болгох боломжтой юм. Өдөрт тус боомтоор 500 машин гарч байна. Нэмээд 3 гарц нэмэгдвэл 1000-аас дээш машин нүүрс тээвэрлэх боломжтой байгаа юм.

БНХАУ-ын талд хилийн боомтын цагийг 24 цагаар уртасгаж өгөх саналыг тавьж байгаа. Өнөөдөр жолооч нар хонохгүйгээр буцаж ирж байгаа.

Гуравдугаарт жолооч нарыг халдваргүйжүүлэлтийн дэглэмийг сахисан тусгаарлах байр байгуулж, хонон тээвэрлэх боломжийг судлаж үзэх саналыг тавьсан байгаа. энэ асуудал шийдэгдвэл нүүрсний экспорт буцаад хэвийн нөхцөлд орох боломжтой юм” хэмээв.