Уул уурхайн салбарт өнгөрсөн долоо хоногт Хэн, Юу хэлсэн талаар танд хүргэж байна. /2014.11.12-.2014.11.18/

Сангийн яамны төрийн нарийн бичгийн дарга Х.Ганцогт: Оюутолгойн асуудал шийдэгдэж, хөрөнгө оруулалт нэмэгдэнэ гэсэн төсөөллөөр төсвөө хийсэн  

Оюутолгой төслийн хоёрдугаар шатны санхүүжилт 2015 онд эхэлнэ гэсэн төсөөллөөр төсвөө хийсэн. Гэхдээ санхүүжилт шийдэгдлээ гээд шууд экспортын орлого нэмэгдэхгүй. Нийт дүнгээрээ хөрөнгө оруулалт ихэснэ гэж эерэг байдлаар авч үзсэн гэсэн үг. /Үндэсний шуудан 2014.11.18 221/

Монгол банкны мөнгөн тэмдэгт, үнэт зүйлсийн газрын захирал П.Сүхбаатар: Алт тушаалт өмнөх жилээс 2.1 дахин нэмэгдсэн 

 2014 оны 11 дүгээр сарын 11-ний байдлаар Монгол банк 11.045.5 гк алт худалдан авсан нь 2013 оны мөн үетэй харьцуулахад 2.1 дахин нэмэгдсэн байна. 2013 онд давхардсан тоогоор 1449 аж ахуйн нэгж байгууллага, 3 иргэнээс 6,041.9 кг алт худалдан авсан бол 2014 оны 11 дүгээр сарын 11-ний өдрийн байдлаар давхардсан тоогоор 1778 аж ахуйн нэгж байгууллага, 896 иргэнээс 11,046.5 кг алт худалдан аваад байна. Үүнээс харахад Ашигт малтмалын тухай хуульд нэмэлт өөрчлөлт орсноор иргэд алтаа Монголбанкинд тушаадаг болсон байгаа юм. Тухайлбал энэ онд худалдан авсан алтны 25 хувийг буюу 2,775.6 кг алтыг иргэдээс худалдан авсан байгаа юм.  /Өглөөний сонин 2014.11.13 199/

Монголын алт үйлдвэрлэгчдийн холбоо, "Алтан Дорнод Монгол" компанийн ТУЗ дарга Т.Ганболд: Байгаль гэдэг орчныг сүйтгэдэг гэсэн нэрнээс алтны компаниуд бүрэн салж байна 

Мэргэжлийн биш, алт үйлдвэрлэлийн талаар мэдлэггүй популист улс төрчдөд энэ салбарын талаар тодорхой ойлголт өгч, төөрөгдлийг нь залруулан, хамтарч ажиллах зорилгоор 2013 оны нэгдүгээр сард 10-аад компани Монгол улсын анхны ерөнхийлөгч П.Очирбат, Уул уурхайн ассоциаци хамтран энэ холбоог байгуулсан. Манай компани муу нэртэй луу данстай байсан. Зах зээл хумигдаад уул уурхай хүндрэхээр хүмүүсийн нүд нь унаад байдаг юм байлгүй. /Өнөөдөр 2014.11.13 263/

"Эрдэнэс Тавантолгой" ХХК-ийн Нягтлан бодох бүртгэлийн газрын дарга Д.Чулуунбат  "Эрдэнэс Тавантолгой"-ХК-д бүртгэлтэй тоног төхөөрөмжийг өмнөх удирдлагуудын үед шилжүүлсэн  

"Эрдэнэс Тавантолгой"-ХК-д бүртгэлтэй тоног төхөөрөмжийг өмнөх удирдлагуудын шийдвэрээр гэрээт олборлогч компанид шилжүүлсэн байдаг. Жишээлбэл: Гүйцэтгэх захирал Б.Энэбишийн үед тэдгээр хөрөнгийг Цанхийн зүүн уурхайн гэрээт олборлогч болох "Макхомон Монгол" ХХК-д шилжүүлсэн. Түүнчлэн уг компанитай байгуулсан Уул уурхайн хамтын ажиллагааны гэрээ дуусгавар болох үед блансынх нь үнээр буцаан худалдан авах нөхцөлтэйгөөр тохиролцосн байна. Энэ шийдвэрийг Төрийн өмчийн хорооны дарга байсан Б.Заяабал даргатай тус компанийн төлөөлөн удирдах зөвлөл 2012 оны 9-р сарын 13-ны өдрийн 23 тоот тогтоолоор баталгаажуулсан.  /Үндэсний шуудан 2014.11.17 220/

"Мандал ассет менежмент" даатгал компанийн ерөнхийлөгч, Эдийн засагч Ө.Ганзориг: Оюутолгойн 34 хувиа буцаагаад, татвараа аваад явах нь хамгийн зөв арга  

Оюутолгойн хувийг авна гэдэг анхнаасаа улс төрийн хийрхэл байсан. Ард түмэнд таалагдах гэсэн нэг арга. Оюутолгойн 34 хувиа буцаагаад, татвараа аваад явах нь хамгийн зөв арга.Үүнийг дагаад тогтвортой байдлын гэрээгээ шинэчлэх хэрэгтэй болно. Энэ гэрээнд хөнгөлж болон хасч оруулсан бүх татвараа хүчинтэй болгож болон хасч оруулсан бүх татвараа хүчинтэй болгож, бүгдийг нь хуулийн дагуу авах ёстой.  /Үндэсний шуудан 2014.11.13 218/

Иргэн Б.Баттөмөр  Хөрштэйгөө нийлээд хөхөө өвлийг давна даа